नेपाल ट्रेड युनिनयन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) तारकेश्वर नगर कमिटीले असार ५ गते दक्षता अभिवृद्धि कार्यक्रम अन्तर्गत ड्रयाग प्रुफ मेकअपको तालिम आयोजना गरेको छ । 

नावुन तारकेश्वर नगरकमिटी अध्यक्ष ईन्दिरा रायमाझीको अध्यक्षतामा सम्पन्न तालिम कार्यक्रममा नावुन केन्द्रीय अध्यक्ष सुजना जोशीले सौन्दर्यकर्मी पेशामा संलग्न सबै पेशाकर्मीहरूलाइ एउटै छातामुनी संगठित गर्दै पेशागत हकहितका निमित्त नाबुनले आवाज बुलन्द गर्नुका साथै पेशागत क्षमता अभिवृद्धिका लागी संगठनले भुमिका खेल्दै अइरहेको बताउनु भएको छ ।

ड्रयाग प्रुफ मेकअपको तालिम संचालन नाबुन बाग्मती प्रदेश अध्यक्ष करूणा पुरी र करूणा ओलीले गर्नु भएको थियो । 
 

नेपाल ट्रेड युनियन महासघ जिफन्ट आवद्ध नेपाल कृषि श्रमिक संघ (फान) कैलाली जिल्ला कमिटिको आयोजनामा असार ३ गते गोदावरी नगरपालिका–३, चौकीडाँडामा जिल्ला स्तरीय भेला सम्पन्न गरेको छ । 

जिल्ला अध्यक्ष नेहा साउदको अध्यक्षतामा सम्पन्न भेलामा जिफन्ट सुदुर पश्चिम प्रदेश अध्यक्ष जित मल्ल, फान केन्द्रीय अध्यक्ष पुर्ण के सि, सचिव हिरा बिष्ट लगाएतको उपस्थिति रहेको थियो । 

रेखा रोकाय बिष्टले संचालन गर्नु भएको भेलामा संगठन सुदृढीकरण तथा सदस्यता विस्तार अभियान बारे छलफल भएको थियो ।
 

बागमती प्रदेश श्रम, रोजगार तथा यातायात मन्त्रालयले अनौपचारिक क्षेत्रमा कार्यरत श्रमिकहरूलाई योगदानमा आधारित सामाजिक सुरक्षा कोषमा आबद्ध गर्ने सम्बन्धी सुचना असार ३ प्रकाशित गरेको छ । 

मन्त्रालयले सुचना प्रकाशित मितीले ७ दिन भित्र स्थानिय तहको सरकारले प्रारम्भिक योगदानमा सह–योगदान गर्ने सम्बन्धि कार्यबिधी २०८२ को दफा ६ बमोजिम अनौपचारिक क्षेत्रमा कार्यरत श्रमिकहरूलाई योगदानमा आधारित सामाजिक सुरक्षा कोषको दायरमा ल्याउन सह योगदान कार्यक्रममा सहभागी हुन प्रस्ताब पेश गर्न अनुरोध गरेको छ ।

हेटौंडा उपमहानगरपालिकाले असार २ गते अनौपचारी क्षेत्रमा काम गर्ने ६० जना श्रमिकहरुलाई योगदानमा आधारित सामाजिक सुरक्षा कोषमा आवद्ध गराउँदै परिचयपत्र वितरण गरेको छ ।

श्रमको सम्मान राष्ट्रको अभियान कार्यक्रम अन्तर्गत उपमहानगरपालिका भित्र रहेर बिभिन्न क्षेत्रमा काम गरीरहेका अनौपचारीक श्रमिकहरुलाई उपमहानगरपालिका प्रमुख मीनाकुमारी लामाले परिचयपत्र वितरण गरेको हो ।

कोषमा आवद्ध गराउँनका लागि उपमहानगरले प्रतिश्रमिक १ हजार १४० र योगदान कार्ताले १ हजार ३४० रुपियाँ प्रतिमहिना जम्मा गर्नुपर्ने छ । 
 

नेपाल ट्रेड युनियन महासंघ जिफन्ट आवद्ध राष्ट्रिय सौन्दर्यकर्मी युनियन नेपाल (नाबुन) चन्द्रागिरी नगर कमिटीद्वारा असार १ गते दक्षता अभिवृद्धि कार्यक्रम सम्पन्न गरेको छ ।

कार्यक्रममा नाबुन केन्द्रीय अध्यक्ष सुजना जोशीले सौन्दर्यकर्मी क्षेत्रमा संगठनको महत्व र पेशागत क्षमता अभिवृद्धिकालागि नाबुनको भुमिका बारेमा प्रकाश पार्नु भएको थियो । 

नाबुन चन्द्रागिरी नगर अध्यक्ष पुनम खड्का क्षेत्रीको अध्यक्षतामा भएको कार्यक्रममा दक्षता अभिवृद्धि कार्यक्रम अन्तरगत स्किन सम्बन्धी कार्यक्रम संचालन उपाध्यक्ष उषा खड्काले गर्नु भएको थियो ।

नाबुन केन्द्रीय सदस्य ईश्वरी क्षेत्री लगायतका अतिथीहरूको उपस्थीती  रहेको कार्यक्रममा सहभागिहरूलाइ प्रमाणपत्र वितरण तथा सदस्यता नवीकरण र बितरण अभियान पनि संचालन गरेको थियो  ।
 

कैलाली जिल्लाको गोदावरी नगरपालिका–४ बासपानीकी ४४ वर्षीया स्वरोजगार श्रमिक धनादेवी धामीको टेम्पो वन कार्यालयका कर्मचारीहरुले भीरबाट धकेलेर खसालेको घटनाको सन्दर्भमा जिफन्ट सुदुरपस्चीम प्रदेश कमिटीले जेठ ३१ गते बक्तब्य जारी गरी धोर अपत्ति जनाएको छ ।

जिफन्ट सुदुरपस्चीम प्रदेश कमिटी अध्यक्ष जित मल्लले जारी गर्नु भएको बक्तब्यमा चाउचाउ बेचेर परवारको जिवीको चलाउदै अएकी धनादेवी धामीको टेम्पो भिर बाट खसाल्नु निन्दनिय भएको भन्दै संलग्न ब्यक्तीहरूलाइ तुरून्त कार्वाही गरी पिडितलाक्इ क्षेत्तीपुर्ती दिन माग गरेको छ ।