श्रेणी : सूचना सञ्चार
सूचित रहनुहोस्, प्रेरित रहनुहोस्। हाम्रो समाचार पृष्ठमा स्वागत छ।
नेपाल स्वास्थ्यकर्मी तथा कर्मचारी यूनियनले १७ औं स्थापना दिवस मनायो
नेपाल ट्रेड युनियन महासंघ (जिफन्ट) आवद्ध नेपाल स्वास्थ्यकर्मी तथा कर्मचारी यूनियनले जेठ ३० गते एक कार्यक्रमको आयोजना गरी १७ औं स्थापना दिवस मनाएको छ ।
स्थापना दिवसको उपलक्षयमा दिप प्रज्वलन गर्नु हुंदै जिफन्ट अध्यक्ष बिनोद श्रेष्ठले स्थापना दिवसको शुभकामना ब्यक्त गर्नु भयो ।
अध्यक्ष श्रेष्ठले बर्तमान अवस्थामा नेपालको ट्रेड युनियन आन्दोलनको अवस्थाको बारेमा प्रकाश पार्नु हुंदै आन्दोलनमा देखीएका चुनौतीहरूलाइ सामना गर्न जिफन्ट र आवद्ध युनियनले खेल्नु पर्ने भुमिकाको बारेमा चर्चा गर्नु भएको थियो ।
कार्यक्रममा जिफन्ट बागमती प्रदेश अध्यक्ष रामहरी नेपाल र जिफन्ट आवद्ध युनियनहरूको तर्फबाट नेभा अध्यक्ष गिता थिंङले शुभकामना मन्तब्य राख्नु भएको थियो ।
युनियनका कार्यबाहाक अध्यक्ष राजेन्द्र सिङ्ग ठकुरीको अध्यक्षतामा सम्पन्न् कार्यक्रममा महासचिब उमेश बर्तौलाले संचालन र सचिब रबिन्द्र खड्रकाले स्वागत मन्तब्य राख्नु भएको थियो ।
त्यसैगरी यूनियनको १७औ स्थापना दिवसको सन्दर्भमा जेष्ठ ३१ गते, हिमालय आँखा अस्पताल प्रतिष्ठान, पोखराले शुभकामना आदान प्रदान कार्यक्रम सम्पन्न गरेको छ ।
शुभकामना कार्यक्रममा अस्पतालका मेडिकल डाइरेक्टर डा. बबिता गुरुङ्, जिफन्ट गण्डकी प्रदेश अध्यक्ष रुद्र बहादुर खत्री, संगठन केन्द्रिय सदस्य शशिकमला लामिछाने, अस्पताल ब्यवस्तापक कुमार गर्बुजाले स्थापना दिवसको सन्दर्भमा शुभकामना मन्तब्य राख्नु भएको थियो ।
अस्पताल प्रतिष्ठान अध्यक्ष गोबिन्द नाथ योगीको अध्यक्षतामा भएको कार्यक्रमको संचालन सचिव अनिल कुमार सिंहले र स्वागत उपाध्यक्ष सकुन्तला श्रेष्ठले गर्नु भएको थियो ।
हुनले मनायो अन्तर्राष्ट्रिय घरेलु श्रमिक दिवस
नेपाल ट्रेड युनियन महासंघ (जिफन्ट) आवद्ध नेपाल गृहश्रमिक ट्रेड युनियन (हुन) ले अन्तर्राष्ट्रिय घरेलु श्रमिक दिवसको सन्दर्भमा जेठ ३० गते शुभकामना आदान प्रदान कार्यक्रम सम्पन्न गरेको छ ।
त्यसैगरि (हुन) ले असार १ गते युवा श्रम तथा रोजगार मन्त्रालय सचिव समक्ष अन्तर्राष्ट्रिय घरेलु श्रमिक दिवसको सन्दर्भमा माग पत्र पेश गरेको छ । हुन अध्यक्ष ज्ञानु केसीको नेतृत्वमा पेश गरेको माग पत्रमा घरेलु तथा केयर श्रमिकहरूको सूचीकरण, प्रस्थानपूर्व अभिमुखीकरण, सुरक्षित आप्रवासन र योगदानमा आधारीत सामाजिक सुरक्षामा सुचिकरण लगायतका विषय समेटिएको छ ।
क्युपेकद्वारा भक्तपुरमा सामाजिक सुरक्षा बिषयमा प्रशिक्षण सम्पन्न
जिफन्ट अवद्ध क्युपेक - नेपालको आयोजनामा जेठ २९ गते भक्तपुरमा अनौपचारिक र स्वरोजगार श्रमिकहरुकालागि योगदानमा आधारित सामाजिक सुरक्षा बिषयमा प्रशिक्षण र सरोकारवालाहरु संग अन्तर सम्बाद कार्यक्रम सम्पन्न गरेको छ ।
भक्तपुर क्षेत्र नं.१ का माननीय रुकेश रन्जित , चाँगुनारायण नगरपालिकाका उपमेयर रमेश बुढाथोकीको उपस्थीती रहेको कार्यक्रममा जिफन्ट बागमती प्रदेश अध्यक्ष रामहरी नेपाल, क्युपेक नेपाल केन्द्रीय अध्यक्ष शान्ता बस्नेत, उपाध्यक्ष योगेन्द्र शर्मा लगायतले योगदानमा आधारित सामाजिक सुरक्षा बिषयमा प्रशिक्षित गर्नु भएको थियो ।
ह्वीन बागमती मोल्डीङ्ग र हुलास मेटलको अधिवेशन सपन्न
जिफन्ट अवद्ध समग्र उधोग ट्रेड युनियन (ह्वीन) बागमती मोल्डीङ्गको पॅाचौ अधिवेशन जेठ ३० गते सम्पन्न भएको छ ।
ह्वीन केन्द्रीय उपाध्यक्ष मनोज मगर, प्रदेश अध्यक्ष नविन चौधरीको उपस्थीतीमा भएको अधिवेशनले अहमद मियाँको अध्यक्षतामा एघार ११ सदस्यीय कमिटी निर्वाचित गरेको छ।
त्यसैगरी सोही दिन सम्पन्न हुलास मेटल एण्ड क्राफ्टको दोस्रो इकाई अधिवेशनले रजिलाल राजवंशीको ११ सदस्यीय कमिटी निर्वाचित गरेको छ।
प्लाटफर्म श्रमिकहरुको हकको संरक्षण गर्न आइएलओ महासन्ध पारीत
जेनेभामा सम्पन्न ११४ अं अन्तर्राष्ट्रिय श्रम सम्मेलनले प्लाटफर्ममा काम गर्ने श्रमिकहरुको हकको संरक्षण गर्न प्रस्तावित आइएलओ महासन्धी, २०२६ पारित भएको छ ।
यसै सन्दर्भमा नेपाल ट्रेड युनियन महासंघ जिफन्टले संसारभरका गीग र प्लाटफर्म क्षेत्रका श्रमिकहरुलाई वधाई दिंदै नेपाल सरकारलाइ महासन्धी अनुमोदनकालागी अनुरोघ गरेको छ ।
यो महासंन्धीले प्लेटफर्म अर्थतन्त्रमा संगठित हुने स्वतन्त्रता र सामूहिक सौदाबाजीको अधिकारहरु सुरक्षित हुने, श्रमिक र रोजगारदाता नमान्ने विरुद्धको सुरक्षा, अनुचित अवकास विरुद्ध सुरक्षालाई बलियो बनाउने, एल्गोरिथमिक व्यवस्थापनलाई मान्यता दिन्छ र पारदर्शिता र जवाफदेहिता सुधार गर्नुका साथै न्यूनतम ज्याला भन्दा कम नहुने गरी पारिश्रमिकको समयमै भुक्तानी र सामाजिक सुरक्षामा पहुँच सुनिश्चित गर्न उपायहरूको लागि मार्ग प्रशस्त गर्दछ र श्रमिकहरूको व्यक्तिगत डेटा सुरक्षित गर्न सुरक्षा उपायहरू लागू गर्ने बारेमा प्रतिवध्दता व्यक्त गर्दछ।
जिफन्ट सहयोग समुह लेबनान सदस्य सरू गुरूङ प्रती श्रद्धाञ्जली
नेपाल ट्रेड युनियन महासंघ (जिफन्ट) सहयोग समुह (नारी) लेबनानको केन्द्रिय सदस्य सरू गुरूङको सव जेठ २९ गते पशुपतीमा अन्त्यष्टी गरेको छ ।
सन २०१४ देखी निरन्तर लेबनानमा जिफन्ट सहयोग समुह लेबनान रही काम गर्दै आउनु भएका गुरूङको गत जेठ १४ गते लेबनानमा निधन भएको थियो ।
जिफन्टले जेठ २९ गते निधन गुरूङको सव नेपाल ल्याइ पशुपतीमा दाहासंस्कार गर्नु पुर्ब आयोजित संक्षिप्त श्रद्धाञ्जली कार्यक्रममा जिफन्ट उपाध्यक्ष सिता लामाले जिफन्टको झण्डा अडाइ श्रद्धाञ्जली ब्यक्त गर्नु भएको थियो ।
बिगत १७ वर्षदेखी निरन्तर लेबनानमा काम गर्दै आउनु भएकी गुरूङ केहि समय देखी निमोनियाको बिरामी भइ लेबनान मै उपचार गराइ रहनु भएको थियो । गुरूङको १ छोरा र १ छोरी रहेको छ ।
