नेपाल ट्रेड युनियन महासंघ(जिफन्ट) आवद्ध क्युपेक नेपाल सागरनाथ बन बिकास परीयोजना प्रतिष्ठान स्तरको ट्रेड युनियनको पुस २६ गते सम्पन्न चौथो अधिबेशनले सन्तोष शाहको अध्यक्षतामा १३ सदस्य कमिटी निर्वाचित गरेको छ ।

अधिवेशनमा गत पुस १९ गते ड्युटीमा रहेको अवस्थामा अज्ञात समुहद्वारा हत्या गरेका यूनियनका सदस्य रामेश्वर महत्तो कोइरीको परीवारलाइ युनियन सदस्यहरूबाट ५९ हजार पांच सय, केन्द्रीय कमिटीबाट ५ हजार र परीयोजनाबाट ४ लाख गरी जम्मा ४ लाख ६४ हजार पांच सय रूपया नगद हस्तान्तरण गरेको छ ।

क्युपेक केन्द्रीय उपाध्यक्ष योगेन्द्र कुंवरको प्रमुख अतिथ्यतामा, महासचिब राजेन्द्र बिष्ट लगायतका अतिथिहरूको उपस्थीती रहेको अधिबेशनमा सागरनाथ बन बिकास परीयोजना निवर्तमान र बर्तमान अध्यक्ष र प्रमुखलाई सम्मान समेत गरेको थियो ।

नेपाल ट्रेड युनियन महासंघ (जिफन्ट) आवद्ध नेपाल यातायात स्वतन्त्र मजदुर संगठन गण्डकी प्रदेशको पुस २६ गते सम्पन्न तेश्रो अधिवेशनले बेनीराज  थिङको अध्यक्षतामा २१ सदस्य प्रदेश कमिटी निर्वाचित गरेको छ ।

संगठन गण्डकी प्रदेशको तेस्रो अधिवेशन उद्धघाटन गर्नु हुंदै जिफन्ट अध्यक्ष बिनोद श्रेष्ठले यातायात क्षेत्रमा कार्यरत श्रमिकहरूलाइ कुनै न कुनै बाहाना बनाएर योगदानमा आधारीत सामाजिक सुरक्षा कोषमा सुचिकृत नगर्ने प्रबृतीको निन्दा गर्नु हुंदै श्रमिक हक र अधिकारकालागी श्रमिकहरू एकजुट हुनुको बिकल्प नरहेको र यसकालागी जिफन्ट आवद्ध नेपाल यातायात स्वतन्त्र मजदुर संगठनले नेतृत्व गरीरहेको बताउनु भयो ।

प्रदेश संगठन अध्यक्ष बिष्णु बहादुर खत्रीको अध्यक्षतामा भएको उद्घघाटन समारोहमा संगठन केन्द्रीय अध्यक्ष भिमज्वाला राइले देशको सार्वजिक यातायात सेवा स्वरोजगार यातायात श्रमिकहरूले धानिरहेको बताउनु हुदै यातायात  श्रमिकहरूलाइ योगदानमा आधारीत सामाजिक सुरक्षामा सुचिकृती अनिवार्य  रहेको बताउनु भयो ।

नेकपा एमाले कास्की जिल्ला अध्यक्ष, नेपाल यातायात ब्यवसायी महासंघका बरिष्ठ उपाध्यक्ष लगायतका अतिथीहरूले शुभकामना मन्तब्य राख्नु भएको कार्यक्रममा श्रमिकहरूलाइ योगदानमा आधारीत सामाजिक सुरक्षा कोषमा सुचिकृत गर्ने पोखराको नाईस नेपाल सर्भिसिङ सेन्टरका प्रेम कार्की र पोखरेली ट्याक्सी सेवाका सोभाकान्त पौडेललाइ प्रमुख अतिथि श्रेष्ठले कदर–पत्र प्रदान गरी सम्मानित समेत गरेको थियो ।

नेकपा एमाले मजदुर बिशेष जिल्ला कमिटी द्वारा पुस २५ गते जिफन्ट स्कुल अनामनगरमा नेकपा एमालेको ११ औं राष्ट्रिय महाधिवेशनमा निर्वाचित श्रमिक नेताहरूलाइ बधाइ तथा सम्मान कार्यक्रम सम्पन्न गरेको छ ।

कार्यक्रमका प्रमुख अतिथी नेकपा एमाले सचिब तथा राजधानी प्रदेश कमिटी इन्चार्ज डा राजन भट्टराइले संविधानको सर्वोच्चता, शान्तिपूर्ण लोकतान्त्रिक प्रणालीमार्फत सरकार परिवर्तन गर्ने विधि नै नेकपा एमालेको मूल मान्यता रहेको भन्नुहुंदै शान्तिपूर्ण मागप्रति एमालेको पनि सहमति रहेको र सुशासनको पक्षमा एमाले दृढ रूपमा उभिएका बताउनु भयो ।

नेकपा एमाले केन्द्रीय सदस्य तथा जिफन्ट अध्यक्ष बिनोद श्रेष्ठले नेकपा एमाले र ट्रेड युनियनको सम्बन्धका बारेमा प्रकाश पार्नु हुंदै एमालेलाइ बर्गिय पार्टी बनाउन पार्टी भित्र श्रमिकहरूको सदस्यता र क्रियाशीलता जरूरी रहेकोमा जोड दिंदै श्रमिकहरू जहिले पनी पहलकदमी, प्रतिस्पर्धाबाट श्रेष्ठता हासिल गर्ने कुरामा बिस्वास राख्ने बताउनु भयो ।

कार्यक्रममा नेकपा एमाले केन्द्रीय सदस्य तथा जिफन्ट बरिष्ठ युनियनकर्मी संजाल प्रमुख बिना श्रेष्ठले ट्रेड युनियन अन्दोलनमा क्रियाशिल हुंदै पार्टीको केन्द्रीय स्तर सम्म अइपुग्नमा ट्रेड युनियन अन्दोलनको महत्वपुर्ण भुमिका रहेको भन्दै कठीन परीस्थीतीमा पनि काम गर्न यस्ता कार्यक्रमले प्रेरीत गर्ने बताउनु भयो ।

नेकपा एमाले मजदुर बिशेष जिल्ला कमिटी अध्यक्ष तुलसी सिवाकोटीको अध्यक्षतामा भएको बधाइ तथा सम्मान कार्यक्रमका अतिथी तथा सहभागीहरूलाइ उपाध्यक्ष किरण मालीले स्वागत र सचिब सुमन पराजुलीले कार्यक्रम संचालन गर्नु भएको थियो ।
 

नेपाल ट्रेड युनियन महासंघ (जिफन्ट) आबद्ध नेपाल स्वरोजगार व्यापार श्रमिक संघ (नेष्ट) को २४ ओैं स्थापना दिवस पुस २५ गते जिफन्ट सभाहलमा सम्पन्न भयो । 

२४ ओैं स्थापना दिवसको शुभकामना दिनु हुंदै कार्यक्रमका प्रमुख अतिथ् जिफन्ट अध्यक्ष बिनोद श्रेष्ठले स्वरोजगार  श्रमिकहरूको ब्यवसायलाइ मर्यादित र ब्यवस्थीत बनाउन नेष्टले योजना बनाएर अगाडी बढ्नु पर्ने बताउनु भयो ।

नेष्ट अध्यक्ष माया गुरूङको अध्यक्षतामा भएको कार्यक्रममा जिफन्ट अवद्ध युनियनको तर्फबाट जुगकाटेमयु अध्यक्ष फुलमाया लामा, जिफन्ट बागमती प्रदेश कमिटीबाट अध्यक्ष रामहरी नेपालले स्थापना दिवसको शुभकामना मन्तब्य राख्नु भएको थियो । 

नेष्ट महासचिब राजकुमार श्रेष्ठले संचालन गर्नु भएको कार्यक्रममा सदस्य नवराज पण्डितले स्वागत मन्तव्य राख्नु भएको थियो । 
 

नेपाल ट्रेड युनियन महासंघ (जिफन्ट) द्धारा पुस २४ गते जिफन्ट सभाहलमा आवद्ध युनियनका नेताहरू बिच फागुण २१ गते हुन गइरहेको प्रतिनिधिसभा निर्वाचनको सन्दर्भमा छलफल आयोजना गरेको छ । 

कार्यक्रममा जिफन्ट अध्यक्ष बिनोद श्रेष्ठले सुशासन, विकास र समृद्धिको यात्रा र जनता र लोकतन्त्रका लागि फागुण २१ गतेको प्रतिनिधिसभाको निर्वाचन परिणाम नेकपा एमालेको पक्षमा अपरिहार्य रहेको बताउनु भएको छ । 

अध्यक्ष श्रेष्ठले श्रमिक संगठन र राजनैती पार्टि बिचको सम्बन्धको बारेमा प्रकाश पार्नु हुदै राजनीतीमा ट्रेड युनियनको भुमिकालाइ प्रभावकारी बनाउन सके मात्र राजनैती पार्टिलाइ वर्गिय पार्टी बनाउन सकिने भन्नु हुदै आशन्न निर्वाचनमा नेकपा एमालेका उम्मेदवारलाइ बिजय बनाउने अभियानमा जिफन्टका सबै सरचना तथा सबै सदस्यहरू क्रियाशिल हुन पर्ने बताउनु भयो । 

प्रबिधीको बिस्तार र बिकास संगै निर्वाचन अभियानका स्वरूप पनि परीवर्तन गर्न आवश्यक रहेको भन्नु हुंदै अध्यक्ष श्रेष्ठले व्यवस्थित ढङ्गले प्रविधिको प्रयोग र फरक शैलीमा जिफन्टले निर्वाचन अभियान सञ्चालन गर्ने बताउनु भयो ।

जिफन्ट महासचिब लक्ष्मण शर्माले कार्यक्रमको उद्धेश्यमा माथी प्रकाश पार्दै फागुण २१ गतेको प्रतिनिधिसभाको निर्वाचनमा नेकपा एमालेको तर्फबाट काठमाण्डो निर्वाचन क्षेत्र नं १० को उम्मेदवार जिफन्ट अध्यक्ष बिनोद श्रेष्ठको नाम सिफारीस भएको भन्नु हुंदै प्रतिनिधिसभामा श्रमजीवीहरूको प्रतिनिधीत्व गर्ने अवसरलाइ सुनिस्चीत गर्न सबै श्रमिकहरू परीचालन हुनु पर्ने बताउनु भयो । 

जिफन्ट पदाधिकारी, सचिबवालय र आवद्ध युनियनका नेताहरूको उपस्थीत रहेको कार्यक्रममा २० जना सहभागीहरूले भनाइ राख्नु भएको थियो ।
 

अन्तरराष्ट्रिय श्रम संगठन (आइएलओ) नेपालका निर्देशक नुमान ओज्कानले काममा हुने दुर्घटना वा रोगले सबै कुरा परिवर्तन गर्न सक्छ।

कठिन समयमा स्वास्थ्य सेवा, पेन्सन र सुरक्षाको लागि सामाजिक सुरक्षा आवश्यक रहेको भिडियो मार्फत सन्देश दिनु भएको छ । 

निर्देशक ओज्कानले सबै क्षेत्रका श्रमिकहरू योगदानमा आधारीत सामाजिक सुरक्षामा आवद्ध हुन र रोजगारदाताहरूलाई आफ्ना श्रमिकहरूलाइ सामाजिक सुरक्षा कोषमा सुचिकृत गर्न आह्वान गर्नु हुंदै यस्ले ब्यवसायलाइ बलियो बनाउनुका साथै हरेक श्रमिक र तिनका परीवारलाइ सुरक्षित बनाउने बताउनु भएको छ । 

https://www.facebook.com/reel/777155815398274