नेपाल ट्रेड युनियन महासंघ (जिफन्ट) ले गत पुस १७ गते नवपरासी बर्दघाट–१२ स्थित कजरिया टायल्समा कार्यरत श्रमिकहरु होमबहादुर थापा र उत्तरप्रदेश प्रतापगढ जिल्लाका विनोद कुमारको मृत्यु भएको समाचारले जिफन्ट परिवार स्तव्ध भएको भन्दै पुस २० गते बिज्ञप्ती जारी गरेको छ । 

बिज्ञप्तीमा मृतक श्रमिकहरुलाई भावपूर्ण श्रध्दाञ्जली साथै शोकसंतप्त परिवारजनमा हार्दिक समवेदना ब्यक्त गर्दै श्रमिकहरुले सुरक्षित कार्यथलोमा मर्यादित रोजगारी गर्न पाउनु मौलिक हक भएको र कार्यथलोमा भएका श्रमिकहरुको मृत्युको जिम्मेवारी रोजगारदाता र व्यवस्थापन हुनु पर्ने भन्दै पीडितहरुलाई श्रम कानुनहरुले व्यवस्था गरे बमोजिमको क्षतिपूर्ती प्रदान गर्न गराउन सम्बन्धित सबैमा जिफन्टले आव्हान समेत गरेको छ ।

अन्तर्राष्ट्रिय ट्रेड युनियन कन्फेडेरेसन (ITUC) र अमेरिकाको ट्रेड युनियन कन्फेडेरेसन (TUCA) ले बोलिभेरियन गणराज्य भेनेजुएलाको भूभागमा संयुक्त राज्य अमेरिकाको सरकारले जनवरी ३ मा गरेको सैन्य कारबाहीको पूर्ण र स्पष्ट रूपमा निन्दा एवम् भत्सना गरेको छ। ।

ITUC र TUCA ले स्वतन्त्र र सार्वभौम राष्ट्रमा गरिएको सैन्य हस्तक्षेपको घटना अन्तर्राष्ट्रिय कानुनहरुको आधारभूत सिद्धान्तहरूको गम्भीर उल्लंघनको भएको भन्दै भेनेजुएलाको भाग्यको निर्णय साम्राज्यवादी संरक्षण बिना भेनेजुएलाको जनताले लोकतान्त्रिक र शान्तिपूर्ण संयन्त्रहरू मार्फत गर्नुपर्छ भन्नेमा मान्यता कायमै रहेको बताएको छ ।

राष्ट्रपति निकोलस मादुरो र उनकी पत्नी सिलिया फ्लोरेसको सैन्य आक्रमण र अपहरणको निन्दा गर्दै भेनेजुएलाका जनता र श्रमिकहरूसँग अन्तर्राष्ट्रिय ऐक्यबद्धता ब्यक्त गर्दे ट्रेड युनियन आन्दोलन, सधैं जस्तै, सार्वभौमसत्ता र आत्मनिर्णय, लोकतन्त्र र मानव अधिकारको रक्षाको अग्रपंक्ति रहेको ITUC र TUCA ले जनाएको छ ।
 

नेपाल ट्रेड युनियन महासंघ (जिफन्ट) आवद्ध समग्र उधोग ट्रेड युनियन नेपाल (ह्ववीन) को १२ औं अधिवेशन आगामी चैत्र २८ गते देखी पोखरामा आयोजना गर्ने भएको छ ।

जिफन्ट अध्यक्ष बिनोद श्रेष्ठ र महासचिव लक्ष्मण शर्माको उपस्थीतीमा ह्ववीन अध्यक्ष आनन्द थामीको अध्यक्षतामा पुस १९ गते जिफन्ट सभाहलमा सम्पन्न २३ औॅ पदाधिकारी बैठकले १२ औं अधिवेशन गर्ने निर्णय गरेको हो ।
 

संयुक्त ट्रेड युनियन समन्वय केन्द्र (जेटियुसीसि) ले सन् २०२६ का लागि पुस १६ र १७ गते चितवनमा बसेको बोर्ड बैठकले नयाँ नेतृत्व चयन गरेको छ । 

१० वटा राष्ट्रिय ट्रेड युनियन महासंघहरूको साझा मञ्चका रूपमा स्थापित जेटियुसीसिको विधानले सबै महासंघहरूबीच समान सहभागिता, एकीकृत भावना र लोकतान्त्रिक अभ्यास सुनिश्चित गर्दै आपसी सहमतिका आधारमा सन्२०२६ का लागि जिफन्ट अध्यक्ष विनोद श्रेष्ठ अध्यक्षमा, एसआइटियुसी अध्यक्ष नवराज दाहाल महासचिवमा चयन भएको हो ।

त्यसैगरी महिला समिति संयोजकमा एनटियुसी महिला संयोजक प्रमिला ढुंगाना र सचिबमा एनडिफोन्टका महिला प्रमुख रीता पोखरेल चयन हुनुभएको  जेटियुसीसीले पुस २१ गते प्रेश बिज्ञप्ति मार्फत जानकारी दिनु भएको छ ।

नेपाल ट्रेड युनियन महासंघ जिफन्ट अध्यक्ष बिनोद श्रेष्ठ आगामी २०२६ सालको लागि संयुक्त ट्रेड युनियन समन्वय केन्द्र (जेटियुसिसी) को अध्यक्षमा चयन हुनु भएको छ । 

पुस १६ र १७ गते चितवनको सौराहामा सम्पन्न जेटियुसिसीको मुल समिती बैठकमा जेटियुसिसी अध्यक्ष जगत सिंखडाले पदभार हस्तान्तरण गर्नु भएको हो । 
 

नेपाल ट्रेड युनियन महासंघ (जिफन्ट)आवद्ध राष्ट्रिय सौन्दर्यकर्मी यूनियन नेपाल (नाबुन) तारकेश्वर नगर कमिटिको पुस १७ गते सम्पन्न तेश्रो अधिवेशनले ईन्दिरा रायमाझीको अध्यक्षतामा ११ सदस्यीय नगर कमिटी निर्वाचित गरेको छ ।

नावुन केन्द्रिय अध्यक्ष सुजना जोशीले अधिवेशन उद्धघाटन गर्नु हुंदै सौन्दर्यकर्मीहरू एकजुट भएर आफ्नो पेशागत सुरक्षा र हक हितका निमित्त लाग्नु पर्ने बताउनु हुंदै संगठनमा जती धेरै सदस्य बिस्तार गर्न सक्यो संगठन त्यती नै बलियो हुने भन्दै  सदस्यता बिस्तार अभियानमा लाग्न जोड दिनु भएको थियो ।

अधिवेशनमा नावुन केन्द्रिय उपाध्यक्ष मिना गुरुङ डङ्गोल, केन्द्रीय सदस्य ईश्वरी क्षेत्री, र जिफण्ट तारकेश्वर पालिका अध्यक्ष कृष्णलाल डङ्गोल लगायतका अतिथीहरूको उपस्थित रहेको थियो ।