नेपाल गृह श्रमिक ट्रेड युनियन (हुन) केन्द्रीय कमिटीको  पुस २४ गते सम्पन्न ४६ ओैं बैठकले चौथो राष्ट्रीय अधिवेशन आगामी चैत्र २१ गते काठमाण्डोमा आयोजना गर्ने निर्णय गरेको छ ।

जिफन्ट अध्यक्ष विनोद श्रेष्ठ, महाकसचिब लक्ष्मण शर्माको उपस्थीतीमा हुन अध्यक्ष चन्द्रसागर लामाको अध्यक्षतामा सम्पन्न बैठकले राष्ट्रीय अधिवेशनकालागी महासचिब ज्ञानुमाया क्षेत्रीको संयोजकत्वमा अनिता तुलाधर, सुवास खाती, लक्ष्मी खड्का रहनु भएको  प्रतिवेदन लेखन समिती, दिलमाया श्रेष्ठको संयोजकत्वमा ज्ञानु केसी, हीरा केसी रहनु भएको बिधान संशोधन समिती र अनिता तुलाधरको संयोजकत्वमा आर्थिक प्रतिवेदन समिती गठन गरेको छ ।
 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) नागार्जुन पालिका कमिटीको पुस २२ गते सम्पन्न भेलाले बिनिशा राजबाहकको अध्यक्षतामा ११ सदस्यीय कमिटी गठन गरेको छ।

भेलाका प्रमुख अतिथी नाबुन केन्द्रीय अध्यक्ष सुजना जोशीले सौन्दर्यकर्मीहरूको पेशागत सुरक्षा तथा हक हितकालागी सौन्दर्यकर्मीहरू संगठीत हुनु पर्नेमा जोड दिनु हुंदै सौन्दर्यकर्मी हरूको भविष्य सुनिस्चीत गर्न योगदानमा आधरित सामाजिक सुरक्षामा सुचिकृत हुनु पर्ने बताउनु भएको थियो । 

नावुन बागमती प्रदेश अध्यक्ष करूणा पुरी,  आर्थिक सचिव सोलिना लामा लागयतका अतिथीहरूले नवगठीत कमिटीलाइ बधाइ तथा शुभकामना दिनु भएको थियो । 
 

नेपाल ट्रेड युनियन महासंघ (जिफन्ट) आवद्ध नेपाल बिजुली, पेण्टर,प्लम्बर तथा निर्माण मजदुर यूनियन (क्युपेक–नेपाल) द्वारा पुस २० गते एक बिज्ञप्ती प्रकाशन गरी सागरनाथ वन परियोजनामा कार्यरत क्युपेक नेपालका सदस्य रामेश्वर महतो कोइरीको पुस १९ गते अज्ञात अपराधीहरुद्वारा गरिएको हत्या प्रती खेड ब्यक्त गरेको छ । 

बिज्ञप्तीमा आफ्नो कामको सिलसिलामा अपराधीहरुको निशानामा परी निधन हुनुभएका कोइरी प्रति भावपूर्ण श्रध्दान्जली र शोक संतप्त परिवारजनमा हार्दिक समवेदनमा ब्यक्त गर्दै घटनाको गम्भीर अनुसन्धान गरी अपराधीलाई कानुनी कार्वाही गर्न सरकारसंग माग गरेको छ ।

बिज्ञप्तीमा मृतकको परीवारलाइ क्षेतिपुर्ती प्रवन्ध गर्न सागरनाथ वन परियोजना समक्ष माग समेत गरेको छ । 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) टोखा पालिका कमिटीको पुस २१ गते सम्पन्न भेलाले रूपा बस्नेतको अध्यक्षतामा ९ सदस्यीय कमिटी पुनरगठन गरेको छ।

भेलाका प्रमुख अतिथी नाबुन केन्द्रीय अध्यक्ष सुजना जोशीले सौन्दर्यकर्मीहरूको पेशागत सुरक्षा तथा हक हितकालागी सौन्दर्यकर्मीहरू संगठीत हुनु पर्नेमा जोड दिनु भएको थियो । 

नावुन केन्द्रीय उपाध्यक्ष मिना गुरुङ डङ्गोल, जिफण्ट टोखा नगर कमिटी अध्यक्ष लिला बहादुर बस्नेत, लागयतका अतिथीहरूले पुनरगठीत कमिटीलाइ बधाइ तथा शुभकामना दिनु भएको थियो । 
 

स्वतन्त्र र सार्वभौम राष्ट्रमा गरिएको सैन्य हस्तक्षेपको घटनालाई नेपाल ट्रेड युनियन महासंघ (जिफन्ट) ले अन्तर्राष्ट्रिय कानुनहरुको गम्भीर उल्लंघनको रुपमा लिँदै निन्दा एवम् भत्त्र्सना गरेको छ। 

जिफन्टले पुस २० गते एक बिज्ञप्ती प्रकाशन गरी अमेरिकी प्रशासनले २०२६ जनवरी ३ मा भेनेजुयलाको राजधानी काराकास र अन्य शहरहरुमा गरेको बमबारी र राष्ट्रपति निकोलस मादुरो र उनकी पत्नीलाई कब्जा र अपहरण गरिएको बारेमा अमेरिकी राष्ट्रपति स्वयमले पुष्टि गरेका घटनाहरूको बारेमा नेपाल ट्रेड युनियन महासंघ (जिफन्ट) को गम्भीर ध्यानाकर्षण भएको उल्लेख गरेको छ । 

बिज्ञप्तीमा संबन्धित सबैलाई भेनेजुयला लगायत क्यारेबियन क्षेत्रको सार्वभौमसत्ता, दीगो शान्ति र लोकतन्त्रका प्रयत्नहरुको समर्थन जनाउँदै र  संवादको माध्यमबाट निकाश खोज्नको लागि जिफन्टले आव्हान समेत गरेको छ ।

सर्लाही जिल्लामा रहेको सागरनाथ वन विकास परियोजनामा वन रक्षकको रुपमा कार्यरत जिफन्ट आवद्ध क्युपेक नेपालका सदस्य रामेश्वर महतो कोइरीको पुस १९ गते अज्ञात अपराधीहरुद्वारा धारिलो हतियार प्रयोग गरी हत्या गरिएको खवरले जिफन्ट परिवार स्तव्ध भएको पुस २० गते बिज्ञप्ती मार्फत जनाएको छ । 

आफ्नो कामको सिलसिलामा अपराधीहरुको निशानामा परी निधन हुनुभएका कोइरी प्रति भावपूर्ण श्रध्दान्जली र शोक संतप्त परिवारजन तथा क्युपेक नेपाल कमिटिका कमरेडहरुप्रति हार्दिक समवेदनमा ब्यक्त गर्दै हत्या घटनाको गम्भीर अनुसन्धान गरी, अपराधीलाई कानुनी कार्वाही गर्न सरकारसंग जिफन्टले जोडदार माग गरेको छ ।