नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) गोकर्णेश्वर पालिका कमिटीको पुस २८ गते सम्पन्न तेस्रो अधिवेशनले आष्मा धिसिङ्गको अध्यक्षतामा ९ सदस्यीय कमिटी गठन गरेको छ।

भेलाका प्रमुख अतिथी नाबुन केन्द्रीय अध्यक्ष सुजना जोशीले सौन्दर्यकर्मीहरूको पेशागत सुरक्षा तथा हक हितकालागी सौन्दर्यकर्मीहरू संगठीत हुनु पर्नेमा जोड दिनुहुंदै यस क्षेत्रमा भएको प्रबिधीको बिकास संगै सौन्दर्यकर्मीहरूको पनि दक्षता अभिबृद्धिकालागि युनियनले पहल गर्ने बताउनु भएको थियो । 

नावुन केन्द्रीय बागमती प्रदेश सचिब सरीता सिवाकोटीले नवगठीत कमिटिलाइ बधाइ तथा शुभकामना दिनुहुदै श्रमिकहरूको शक्ती भनेकै संगठन भएको हुनाले योजनावद्ध ढंगले संगठन परीचालन आवश्यक रहेको बताउनु भएको थियो ।

नेपाल ट्रेड युनियन महासंघ (जिफन्ट) बरिष्ठ युनियनकर्मी संजाल सदस्य कमरेड टि एन रावतको पुस २८ गते असामयिक निधनको खवरले जिफन्ट परीवार स्तब्ध भएको छ । 

जिफन्ट, दिगंवत रावतप्रति तथा शोकसन्तप्त परिवारजनमा हार्दिक समवेदना व्यक्त गर्दछ।

कमरेड रावत जिफन्ट बिपत ब्यबस्थापन कमिटी सदस्य, लुम्बीनी प्रदेश कमिटी सदस्य तथा बाके जिल्ला इन्चार्ज, जिफन्ट आवद्ध नेपाल स्वास्थ्यकर्मी तथा कर्मचारी युनियनका उपाध्यक्ष भएर काम गरी सक्नु भएको छ ।

त्यसैगरी नेपालगन्ज मेडिकल कलेज कर्मचारी सङ्गठनका सभापति, समाजिक सुरक्षा बिभाग प्रमुखको जिम्मेवारी कुशलता पुर्वक निर्वाहा गरी सुक्नु भएका कमरेड रावत हाल नेकपा एमाले बाँके जिल्ला कमिटी सदस्य, जिफन्ट बरिष्ठ युनियनकर्मी संजाल सदस्यको रूपमा क्रियाशिल हुनुन्थो ।

राष्ट्रिय परिचयपत्र तथा पञ्जीकरण विभाग र सामाजिक सुरक्षा कोषबिच राष्ट्रिय परिचय व्यवस्थापन सूचना प्रणालीका विद्युतीय सेवा प्रयोग गर्नेसम्बन्धी समझदारी भएको छ । 

त्यससम्बन्धी पत्रमा पुस २३ गते कोषको कार्यालयमा पञ्जीकरण विभागका तर्फबाट महानिर्देशक नमराज घिमिरे र कोषका तर्फबाट कार्यकारी निर्देशक कविराज अधिकारीले हस्ताक्षर गर्नुभएको हो ।

समझदारीपत्र अनुसार राष्ट्रिय परिचय नम्बर (एनआइएन) का आधारमा नागरिकको नाम, जन्ममिति, ठेगाना लगायत जनसाङ्ख्यिक विवरण प्रमाणीकरण गर्ने, नागरिकको तथ्याङ्क उपलब्ध गराउने तथा जैविक विवरणको प्रमाणीकरण गर्ने र अन्तर्राष्ट्रिय मापदण्ड अनुसार जैविक विवरणलाई प्रणालीमा रहेको तथ्याङ्कसँग भिडाएर नागरिकको पहिचान यकिन गरिने छ । 

विदेशमा रहेका नेपाली नागरिकलाई राष्ट्रिय परिचयपत्रका लागि आवेदन तथा विवरण सङ्कलनको प्रक्रियामा सामाजिक सुरक्षा कोषलाई समेत संलग्न गराई कोषमा सूचीकरण गर्न समन्वय गरिने व्यवस्था समझदारीपत्र उल्लेख गरेको कोषका सूचना अधिकारी रोशन कोजुले जानकारी दिनुभएको छ । 

यो सेवा समझदारीपत्र हस्ताक्षर भएको मितिदेखि लागु हुने र आपसी सहमतिमा परिमार्जन गर्न सकिने पनि सूचना अधिकारी कोजुले जानकारी दिनुभएको हो । 

नेपाल ट्रेड युनियन महासंघ (जिफन्ट) आवद्ध सुरक्षा श्रमिक ट्रेड युनियन–नेपाल (स्टुन) द्वारा नेपाल विद्युत प्राधिकर अन्तरगत आउटसोर्स कम्पनी मार्फत कार्यरत श्रमिकहरूको हक अधिकारकालागी गठीत संघर्ष समितिको बैठक पुस २७ गते जिफन्ट सभाहलमा सम्पन्न भएको छ ।

जिफन्ट उपमहासचिव नरनाथ लुइटेल, स्टुन केन्द्रीय अध्यक्ष आशिष खत्री र विश्व राज नेपालको उपस्थितीमा सम्पन्न बैठकले नेपाल विद्युत प्राधिकरण अन्तर्गत आउटसोर्स कम्पनी मार्फत कार्यरत श्रमिकहरू बिच सदस्यता विस्तार गर्ने, समस्या संकलन गरी मागपत्र तयार गरी सम्बन्धित निकाय समक्ष पेश गर्ने बैठकले निर्णय गरेको छ ।

नेपाल यातायात स्वतन्त्र मजदुर संगठन चितवन ट्याङ्करको सातौँ वार्षिक साधारण सभा तथा इकाई कमिटीको तेस्रो अधिवेशन पुस २६ गते चितवनको जुटपानीमा सम्पन्न भयो । 

संगठन बागमती प्रदेश अध्यक्ष शंकर थापाको प्रमुख अतिथ्थतामा भएको कार्यक्रमले हेम बहादुर बुढाथोकी (कुमार) को अध्यक्षतामा १३ सदस्यीय इकाई कमिटी चयन गरेको छ।

कार्यक्रममा लामो समयदेखि ट्याङ्कर चालक पेशामा रहनु भएका भक्त बहादुर थापा,ओम कुँवर र फगिन्द्र दुवाडीलाई विशेष सम्मान समेत गरेको थियो ।

संगठित हुँदै अगाडि बढन प्रेरित गर्दै सामाजिक सुरश्रा कोषमा अनिवार्य जोडिन् सबैले पहल गर्नुपर्ने धारणा ब्यक्त गर्नुभयो ।

नेपाल ट्रेड युनियन महासंघ (जिफन्ट)को पुर्व उपाध्यक्ष तथा जिफन्ट आवद्ध नेस्वहोमयुका संस्थापक अध्यक्ष हरिप्रसाद शर्माको पुस २६ गते भएको दुःखद निधनबाट जिफन्ट परिवार स्तब्ध भएको छ ।

जिफन्ट, दिवगंत शर्माप्रति भावपूर्ण श्रद्धाञ्जली तथा शोकसन्तप्त परिवारजनमा हार्दिक समवेदना व्यक्त गर्दछ।

कमरेड शर्माको पार्थिव शरिर दाहासस्कार गर्नु पुर्व पशुपति आर्यघाटमा आयोजना गरेको संक्षिप्त श्रद्धाजली सभामा नेकपा एमाले, नेपाल ट्रेड युनियन महासंघ जिफन्ट र नेस्वहोमयुको झण्डा आडाइ श्रद्धाञ्जली अर्पण गर्नु भएको थियो ।

२०१० माघ ७ गते दोलखा जिल्लाको तत्कालीन भिरकोट गाबिसमा निम्न बर्गिय परीवारमा जन्मीनु भएका हरी प्रसाद शर्माको श्रमिक जिवनको सुरूवाट सन् १९७०को दशकमा भारतको होटल मौर्यबाट सुरू भएको हो। 

भारतमा काम गर्दादेखी नै मजदुर संगठनबारे ज्ञान हासिल गरेका स्व. शर्माले २०३४ सालदेखि होटल सोल्टीमा काम गर्न थाल्नु भएको थियो। त्यस समयमा नेपालमा दिनभरी काम गर्नु पर्ने बाध्यतालाइ ८ घण्टा कार्य समय बनाउन व्वस्थापकलाई उहाले बाध्य पारेको थियो ।

नेस्वहोमयुका संस्थापक अध्यक्ष शर्मा २०३९ पछी पटक पटक जेल परेपछि भुमिगत रूपमा संगठनको काम गर्न थाल्नु भयो र सोल्टी होटलबाट निस्काशन पछी याक एण्ड यती होटलमा काम गर्न थाल्नु भएको थियो ।

२०४० सालमा ट्रेकिङ मजदुर संघको संगठक भएर काम गर्नु भएका शर्मा पिस्कर काण्डको बिरोधमा पनि पक्राउ पर्नुभयो । उहालाइ पार्टीले उपत्यकामा मजदुर क्षेत्रको जिम्मा पनि दिएको थियो । 

२०४७ सालमा कार्पेट युनियनको संगठकको रूपमा काम गर्नु हुदै २०५७ सालमा जिफन्ट महाधिवेशन प्रतिनिधी परीषद सदस्य समेत हुनु भयो ।

मनमोहन स्मृती प्रतिष्ठान र मनमोहन पोलिटेक्निकल इन्स्टिच्युतका संचालक समेत भै सक्नु भएका उहा आफ्नो सीपका सीपका लागि स्पेनका एक संस्थाबाट ३ पटकसम्म सम्मानित शर्मा काठमाण्डौको एभरेष्ट स्टिक हाउस र पोखराको न्यु एभरेष्ट स्टिक हाउसको संचालक समेत हुनुहुन्थ्यो।