नेपाल ट्रेड युनियन महासंघ (जिफन्ट) द्वारा अर्न्तराष्ट्रिय श्रमीक महिला दिवस २०२६को सन्दर्भमा फागुण २४ गते एक बिज्ञप्ती प्रकाशीत गरी स्वदेश तथा विदेशमा रहनुभएका समस्त श्रमजिवी वर्गमा शुभकामना व्यक्त गरेको छ ।

बिज्ञप्तीमा नेपालमा श्रमिक महिलाहरुको हक अधिकार र शसक्तिकरणका लागी जिफन्टले विभिन्न कामहरु गर्दै आइरहेको भन्दै बनेका ऐन कानुनलाइ कार्यान्वयन गर्न गराउन हामी सामु ठुलो चुनौती रहेकोले चुनौतिको डटेर सामना गर्नका लागी आ–आफ्नो कार्यथलोमा श्रमिकहरुलाई संगठीत गरौं, बलियो संगठन निर्माण गरौं र अधिकारको सुनिश्चितता गर्ने महत्वपुर्ण कार्यमा सवै श्रमजिवीहरु उच्च मनोवलका साथ परिचालित हुन अब्हान समेत गरेको छ ।

नेपाल ट्रेड युनियन महासंघ (जिफन्ट) आवद्ध नेपाल स्वतन्त्र होटल,क्यासिनो तथा रेष्टुरेण्ट मजदुर युनियन (नेस्वहोमयु) होटल द सोल्टी प्रतिष्ठानले माघ १ गते अग्रज ट्रेड युनियनकर्मि सम्मान तथा बिदाई कार्यक्रम आयोजना गरेको छ । 

जिफन्ट अध्यक्ष बिनोद श्रेष्ठको प्रमुख अतिथ्यतामा भएको कार्यक्रममा नेस्वहोमयु होटल द सोल्टी प्रतिष्ठानको बिभिन्न पदमा रही काम गर्नु भएका अग्रज ट्रेड युनियनकर्मीहरू शिव तिमल्सिना र रमिला श्रेष्ठलाइ सम्मान गरेको छ । 

प्रतिष्ठान अध्यक्ष केशब बहादुर गोलेको अध्यक्षतामा भएको कार्यक्रममा प्रमुख अतिथी श्रेष्ठले सम्मानीत ट्रेड युनियनकर्मीहरूलाइ बधाइ तथा शुभकामना दिनु हुदै अग्रज नेताहरूको मार्ग निर्देशन र युवाहरूको क्षमतालाइ समन्वय गरी ट्रेड युनियन आन्दोलनलाइ अगाडी बढाउनु आजको युनियन आन्दोलनको आवश्यकता  रहेको बताउनु भयो ।

प्रतिष्ठान सचिब राजेन्द्र खुलालले संचालन गर्नु भएको  सम्मान कार्यक्रममा नेस्वहोमयु केनद्रीय अध्यक्ष लक्ष्मण तिवारी, उपाध्यक्ष बद्री कुमार भण्डारी र सम्मानित ब्यक्तीत्व शिव तिमल्सिनाले मन्तब्य राख्नु भएको थियो ।

मकवानपुर जिल्लाको भीमफेदी गाँउपालिका अन्तर्गत क्रियाशील सामुदायिक महिला स्वास्थ्य स्वयंसेविकाहरुलाई योगदानमा आधारित सामाजिक सुरक्षा कोषमा आबद्ध गराउन पुस ३० गते अनुशिक्षण कार्यक्रम सम्पन्न भएको छ ।

गाँउपालिका अध्यक्ष हिदम लामाको प्रमुख अथित्यतामा भएको अनुशिक्षण कार्यक्रममा पालिका भित्र आधारभुत स्वास्थ्य सेवा पुर्‍याईरहनु भएका ४८ जना महिला स्वयंसेविकाहरूको सहभागिता रहेको थियो । 

भीमफेदी गाउँपालिका अनौपचारिक क्षेत्रका श्रमिकलाई सामाजिक सुरक्षा योजनामा आबद्ध गराउने देशकै पहिलो स्थानीय तह हो । 

पालिकाले ०८० र ८१ सालमा एकसय ९७ जना श्रमिकलाई सामाजिक सुरक्षा कोषमा आबद्ध गराइएको थियो । 

नेपाल कम्युनिष्ट पार्टी (एमाले)द्वारा मजदुर आन्दोलनका अग्रज व्यक्तित्व तथा नेपाल कम्युनिष्ट पार्टी (एमाले) का जेष्ठ, समर्पित र निष्ठावान नेता हरिप्रसाद शर्मा काफ्लेप्रति श्रद्धाञ्जली र शोक सन्तप्त परीवारजनमा समवेदना ब्यक्त गरेको छ । 

गत  पुस २६ गते निधन हुनु भएका काफ्लेको निवासमा पुस ३० गते नेकपा एमाले महासचिब शंकर पोखरेलको नेतृत्वमा पार्टी र जिफन्टका नेताहरूको सहभागीतामा एमाले अध्यक्ष केपी शर्मा अलीले पठाउनु भएको शोक बक्तब्य शोकाकुल परीवारलाइ महासचिब पोखरेलले हस्तान्तरण गर्नु भएको थियो । 

स्वर्गीय हरिप्रसाद शर्मा काफ्लेको निधनले नेकपा (एमाले) ले एक अनुभवी, कर्मठ र निष्ठावान नेता तथा नेपाली मजदुर आन्दोलनका एक सच्च्चा अग्रज गुमाएको उल्लेख गर्दै पार्टी उहाँका अमूल्य योगदानहरूलाई उच्च सम्मानका साथ सदैव स्मरण गर्ने शोक बक्तब्यमा उल्लेख छ ।
 

नेपाल ट्रेड युनियन महासंघ (जिफन्ट) ले फागुण २१ गते हुन गइरहेको प्रतिनिधी सभाको निर्वाचनमा नेकपा एमालेका उम्मेदवारलाइ बिजय गराउन पुस २९ गते बसेको जिफन्ट पदाधिकारी तथा सचिवालय बैठकले जिफन्ट अध्यक्ष बिनोद श्रेष्ठको संयोजकत्वमा १ हजार १०१ सदस्य केन्द्रीय निर्वाचन परीचालन कमिटी  गठन गरेको छ ।

परीचालन कमिटीमा जिफन्ट राष्ट्रिय महाधिवेशन प्रतिनिधी परीषद सदस्य, जिफन्ट केन्द्रीय बिभाग तथा संरचना, जिफन्ट युवा तथा महिला कमिटी, आवद्ध युनियनका केन्द्रीय सदस्यहरू र प्रदेश कमिटी तथा प्रदेश महिला तथा युवा कमिटीका सदस्यहरू रहेको छ ।
 

काठमाण्डो जिल्लाको बुढानिलकण्ठ नगरपालिकाको श्रम समन्वय समितिको सदस्यमा जिफन्ट आवद्ध क्युपेक-नेपाल आर्थिक सचिव कृतिनिधि बिष्ट र नेस्वहोमयु केन्द्रीय महिला सचिव निशा बराल लाइ पालिकाले पुस २८ गते नियुत्ति गरेको छ । 

जिफन्ट बिष्ट र बरालको कार्काल सफलताको शुभकानमना ब्यक्त गर्दछ ।