नेपाल ट्रेड युनियन महासंघ (जिफन्ट)ले मे दिवस २०२६ भब्य रूपमा मनाउन तयारी थालेको छ । 

जिफन्ट अध्यक्ष बिनोद श्रेष्ठको अध्यक्षतामा चैत्र ११ गते जिफन्ट सभाहलमा उपत्यकामा उपलब्ध जिफन्ट राष्ट्रिय कमिटीको बैठकमा मे दिवस २०२६ मनाउने बारेमा छलफल भएको हो ।

बैठकमा बदलिएको राजनैतीक परीवेशले ल्याएको निराशालाइ चिर्दै श्रमिक आन्दोलन बिना लोकतन्त्र जिवीत रहदैन र लोकतन्त्र बिना श्रमिक अधिकार नरहने भएको हुनाले मे दिवस २०२६ लाइ शसक्त र रचनात्मक ढंगबाट मनाउनु पर्ने बैठकमा सहभागीहरूले बिचार ब्यक्त गरेका थिए ।

त्यसैगरी जेन्जी आन्दोलनमा अराजक समुहले जिफन्ट कार्यालयमा गरेको तोडफोड र लुटपाट पछी हामी बनाउंछो हामो जिफन्ट अभियान अन्तरगत कार्यालयको पुनर निर्माण कार्य चैत्र महिना भित्र समाप्त गरी नया वर्ष २०८३ देखी ब्यवस्थीत र आधुनिक कार्यालय संचालनमा ल्याउने समेत अध्यक्ष श्रेष्ठले बैठकमा जानकारी गराउनु भएको थियो ।

नेपाल ट्रेड युनियन महासंघ (जिफन्ट) आवद्ध युनिट्राभद्वारा एयर इन्डियाबाट निस्काशित श्रमिकहरूको पुनरबहालीको माग राख्दै चैत्र ११ गते एयरपोर्टस्थित एयर इन्डिया लिमिटेडको कार्यालय प्राङ्गणमा युनिट्राभका अध्यक्ष सुमन पराजुली, जिफन्ट बागमती प्रदेशका अध्यक्ष रामहरी नेपाल लगायत नेताहरूको उपस्थीतमा धर्ना कार्यक्रम सम्पन्न भएको छ ।

निस्कासित श्रमिकहरूको तुरुन्त पुनर्वहाली,अनुचित श्रम अभ्यासको अन्त्य र श्रम ऐन अनुसार स्थायी रोजगारीको सुनिश्चितता माग गर्दै  निस्कासित श्रमिकहरूले व्यवस्थापन समक्ष माग–दाबी समेत पेश गरिएको 
 

एयर इन्डियामा कार्यरत १३ जना श्रमिकहरुलाई चैत्र ९ गते देखी नियमित कामबाट ब्यवस्थापकले बन्चीत गरे पछी जिफन्ट र युनिट्राभको सहयोगमा पिडित श्रमिकहरू आवश्यक कानुनी उपचारमा जाने भएको छ।

नेपाल ट्रेड युनियन महासंघ जिफन्ट आबद्ध युनिट्राभका सदस्यहरूलाई सादा कागजमा जबर्जस्ती हस्ताक्षर गराई चैत्र ९ गते देखी रोजगारी अन्त्य गरिएको पत्र इमेल मार्फत जानकारी गरेको थियो ।

एयर इन्डियामा व्यवस्थापन पक्षले गरेको अनुचित श्रम अभ्यासका सन्दर्भमा चैत्र ९ गते जिफन्ट बागमती प्रदेश कमिटी अध्यक्ष रामहरी नेपाल युनिट्राभ अध्यक्ष सुमन पराजुली लगायत निस्काशित श्रमिकहरू बिच जिफन्ट कार्यालयमा छलफल भएको छ । 
 

नेपाल ट्रेड युनियन महासंघ (जिफन्ट) आबद्ध नेपाल बिजुली,पेण्टर,प्लम्बर तथा निर्माण मजदुर युनियन (क्युपेक नेपाल) को आयोजनामा चैत्र ९ गते पोखरामा निर्माण श्रमिकहरूकालागि सामाजिक सुरक्षा पहुंचको प्रवर्द्धन र सुदृढिकरण बिषयमा कार्यक्रम सम्पन्न भएको छ । 

क्युपेक नेपाल केन्द्रिय अध्यक्ष सान्ता बस्नेतले  कार्यक्रमको बारेमा प्रकाश पार्नु भएको कार्यक्रममा सामाजिक सुरक्षाको प्रवर्द्धनकालागि राजनैतीक लबिङ तथा वकालतका उपायहरूका बारेमा छलफल भएको थियो ।

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) द्वारा चैत्र ७ गते १८ औँ स्थापना दिवस बिभिन्न कार्यक्रमको आयोजना गरी देशका बिभिन्न स्थानमा मनाएको छ । 

नाबुन केन्दीय कमिटीको आयोजनामा जिफन्ट सभाहलमा आयोजित शुभकामना आदान प्रदान कार्यक्रममा जिफन्ट अध्यक्ष बिनोद श्रेष्ठले स्थापना दिवसको शुभकामना ब्यक्त गर्नु हुंदै नेपालमा सौन्दर्यकर्मी क्षेत्रको बिकास र बिस्तारको बारेमा चर्चा गर्नुभएको थियो ।

अध्यक्ष श्रेष्ठले नेपालमा सौन्दर्यकर्मी क्षेत्र सामान्य सीपबाट क्रमशः ठुला उद्योगको रूपमा विकसित हुँदै गएको उल्लेख गर्नुहुंदै अबको मुख्य आवश्यकता गुणस्तर अभिवृद्धि ,पेशागत सम्मान ,स्पष्ट पहिचान ,मर्यादित जीवन र सामाजिक सुरक्षाको सुनिश्चितता रहेको बताउनु भयो । 

कार्यक्रममा जिफन्ट महासचिव लक्ष्मण शर्मा र जिफन्ट आवद्ध युनियनहरूको तर्फबाट क्युपेक केन्द्रीय अध्यक्ष शान्ता बस्नेतले शुभकामना मन्तब्य राख्नु भएको थियो । 

त्यसैगरी नाबुन केन्द्रीय र बागमती प्रदेश कमिटीको संयुक्त आयोजनामा तार्केश्वर नगरपालिका स्थित रहेको नबजिबन परोपकार समाजमा रहेका शारीरिक अशक्त र परिवार बिहिन २८ जना जेष्ठ नागरिकलाई दिवा भोजनको समेत ब्यवस्थापन गरेको थियो । 

स्थापना दिवस कै सन्दर्भमा चैत्र ७ गते नाबुन भरतपुर महानगरपालिका, हेटौंडा उपमहानगर पालिका, पोखरा महानगरपालिका र कुस्मा नगर कमिटीको आयोजनामा शुभकामना आदान प्रदान कार्यक्रम सम्पन्न गरेको छ । 

नाबुन विराटनगर महानगर कमिटि, ईटहरी उपमहानगर कमिटी, त्रियुगा नगर कमिटी, दुहबी नगर कमिटीले रक्तदान कार्यक्रम, ईनरुवा नगर कमिटीले मोरङ जिल्लामा निशुल्क स्टेशनरी बितरण तथा जनता माध्यमिक विद्यालयमा अध्ययनरत जेहेन्दार विद्यार्थीलाई छात्रवृत्ति प्रदान गरी स्थापना दिवस मनाईएको हो ।

नाबुन मधेश प्रदेश कमिटी र बिरगंज उपमहानगर कमिटीको संयुक्त आयोजनामा निशुल्क स्वास्थ्य शिविर, लुम्बीनी प्रदेशको सिद्धार्थनगर नगर कमिटीले बालगृहका बालबालिकाहरूलाई निशुल्क खाजा बितरण गरेर १८ औँ स्थापना दिवस मनाईएको नाबुन केन्द्रीय अध्यक्ष सुजना जोशीले जानकारी दिनु भएको हो ।

नेपाल ट्रेड युनियन महासंघ (जिफन्ट) राष्टिय महिला कमिटीद्वारा अन्तर्राट्रिय श्रमिक महिला दिवस (आठ मार्च) २०२६ को सन्दर्भमा फागुण २४ गते लोकतन्त्रको सफलताको लागि महिलालाई न्यायमा पहूँच नाराका साथ जिफन्ट सभाहलमा एक कार्यक्रम आयोजना गरेको  छ ।

कार्यक्रममा जिफन्ट अध्यक्ष बिनोद श्रेष्ठले अन्तर्राट्रिय श्रमिक महिला दिवसको शुभकामना दिनु हुंदै सम्पन्न निर्वाचनबाट आएको परीणामले हामीलाइ दुखीत बनाएको भएतामा पनि हामी लोकतन्त्रमा बिश्वास गर्नहरू हारले आत्तिने र जितले मात्तीने प्रबृती नरहेकोले आगामी दिनमा समिक्षा गर्दै अगाडी बढनु पर्ने बताउनु भयो । 

अध्यक्ष श्रेष्ठले काठमाण्डै निवाचन क्षेत्र नं १०मा नेकपा एमालेको तर्फबाट उम्मेदवार भएर चुनाब लडिरहदा आफुले धेरै कुरा सिकेको भन्नु हुंदै जनताका लागि जनताकै माझमा आइसकेपछि मतसंख्याले नजिक रहने वा टाढिने भन्ने नै हुँदैन । तसर्थ, चुनावी दौरानमा आदरणीय मतदाताहरू समक्ष अघि सारेका एजेण्डाहरू सदा उठाइरहन कटिवद्ध रहेको बताउदै  चुनावी अभियानका क्रममा गाउँ–गाउँ, टोल–टोल, बस्ती–बस्तीमा पुग्दा देखाउनु भएको माया, विश्वास र आत्मीयता र मलाई जिताउन दिनरात खटिनुहुने साथीहरू, कार्यकर्ताहरू, शुभेच्छुकहरू र सम्पूर्ण मतदाता आभार ब्यक्त गर्नु भएको थियो । 

जिफन्ट उपाध्यक्ष तथा राष्टिय महिला कमिटी  अध्यक्ष सीता लामाले कार्यक्रमको अध्यक्षता गर्नु हुंदै नेपालमा श्रमिक महिलाहरुको हक अधिकार र शसक्तिकरणका लागी जिफन्टले गरेका कामहरुको चर्चा गर्नु हुंदै हामी सामु ठुलो चुनौती रहेकोले चुनौतिको डटेर सामना गर्नका लागी आ–आफ्नो कार्यथलोमा बलियो संगठन निर्माणकालागी उच्च मनोवलका साथ परिचालित हुन अब्हान गर्नु भएको थियो।

जिफन्ट सचिब तथा राष्टिय महिला कमिटी सचिब बिजया खड्काले संचालन गर्नु भएको कार्यक्रममा जिफन्ट सचिब बेलीमाया घलेले अन्तर्राट्रिय श्रमिक महिला दिवस (आठ मार्च) २०२६ को सन्दर्भमा शुभकामना मन्तब्य राख्नु भएको थियो ।