नेपाल ट्रेड युनियन महासंघ (जिफन्ट)ले भाद्र १० गते आएको बाढी प्रभावितहरुको उद्धार तथा मानवीय सहायताको अग्रपंक्तिमा खटिन जिफन्ट र आवद्ध युनियनसबैलाई अनुरोघ गरेको छ। 

भाद्र ११ गते जिफन्ट सभाहलमा जिफन्ट तथा आवद्ध युनियनका नेताहरू सहित बसेको आकस्मीक बैठकमा अध्यक्ष बिनोद श्रेष्ठले सम्पूर्ण नेता, कार्यकर्ता, तथा सदस्यहरूलाई स्थानीय प्रशासन र सुरक्षा निकायसँग समन्वय गरी उद्धार तथा मानवीय सहायताको अग्रपंक्तिमा खटिन निर्देशन दिनु भएको हो। 

बैठकले उद्धार, राहात, क्षेती बिवरणको तथ्थाङ्क संकलन र भैतिक संरचना पुनरनिर्माणकालागी अध्यक्ष बिनोद श्रेष्ठको संयोजकत्वमा ५०१ सदस्य कमिटी समेत निर्माण गरेको छ । 
 

भोटेकोशी र त्रिशूली नदीमा आएको बाढीबाट भएको क्षतिको स्थलगत निरीक्षण गर्न नेपाल ट्रेड युनियन महासंघ (जिफन्ट) का संरक्षक विष्णु रिमाल र अध्यक्ष विनोद श्रेष्ठ नुवाकोट पुग्नु भएको छ।

बाढीका कारण प्रभावित क्षेत्रको अवस्था, भौतिक तथा मानवीय क्षति र प्रभावित श्रमिक तथा स्थानीयवासीको अवस्थाबारे स्थलगत जानकारी लिन जिफन्ट नेतृत्व नुवाकोट पुग्नु भएको हो।
 

तिब्बत क्षेत्रबाट आएको बाढीका कारण रसुवाको टिमुरे, स्याफ्रुबेंसी, मैलुङ, पहिरेबेँसी, खाल्टे तथा नुवाकोटका विभिन्न बस्तीमा ठूलो क्षति भएको छ।

नेपाल यातायात स्वतन्त्र मजदुर संगठनले बाढी प्रभावित यातायात श्रमिकको तत्काल खोजी, उद्धार र अवस्था सार्वजनिक गर्न सरकारसँग माग गरेको छ।

संगठनका अध्यक्ष भीमज्वाला राई र महासचिव केशवबहादुर थापा ‘निरु’ले प्रभावित यातायात श्रमिकको जीवनरक्षा, उद्धार र राहतका लागि आवश्यक सहयोग तथा समन्वय गर्न संगठन तयार रहेको जनाइएको छ।

बाढीका कारण टिमुरे तथा आसपासका क्षेत्रमा जनजीवन प्रभावित हुनुका साथै ठूलो जनधनको क्षति भएकोप्रति संगठनले दुःख व्यक्त गरेको छ।

चीनको केरुङ नाकाबाट सामान ढुवानी गर्ने ट्रक तथा कन्टेनरका चालक, सहचालकसहित ठूलो संख्यामा यातायात श्रमिकले टिमुरे भन्सार आसपासका क्षेत्रलाई बसोबास तथा विश्रामस्थलका रूपमा प्रयोग गर्दै आएका छन्।

त्यसैले बाढीबाट स्थानीयसँगै सयौँ यातायात श्रमिकसमेत प्रभावित भएको संगठनको भनाइ छ। बाढीबाट भएको मानवीय तथा भौतिक क्षतिको यकिन विवरण आउन बाँकी रहे पनि टिमुरेमा रहेका संगठनको अरनिको रुट ट्रक इकाईका केही सदस्य सम्पर्कविहीन भएको संगठनले जनाएको छ।

सदस्यहरू सम्पर्कविहीन भएपछि संगठन थप गम्भीर र चिन्तित बनेको विज्ञप्तिमा उल्लेख छ। संगठनले सम्पर्कविहीन यातायात श्रमिकको तत्काल खोजी, उद्धार तथा सुरक्षित स्थानान्तरणका लागि सरकार, गृह प्रशासन, सुरक्षा निकाय, स्थानीय तह तथा सम्बन्धित सबै निकायसँग जोडदार माग गरेको छ।

त्यसैगरी, टिमुरे तथा अन्य प्रभावित क्षेत्रमा तत्काल खोज तथा उद्धार टोली परिचालन गर्न, सम्पर्कविहीन श्रमिकको पहिचान गरी उनीहरूको अवस्था सार्वजनिक गर्न र प्रभावित चालक, सहचालक तथा अन्य यातायात श्रमिकलाई सुरक्षित स्थानमा स्थानान्तरण गरी आवश्यक राहत उपलब्ध गराउन संगठनले आग्रह गरेको छ।

बाढीबाट भएको मानवीय तथा भौतिक क्षतिको यथाशीघ्र यकिन विवरण सार्वजनिक गर्न तथा प्रभावित क्षेत्रमा खाद्यान्न, खानेपानी, स्वास्थ्य सेवा र अस्थायी बसोबासको तत्काल व्यवस्था गर्न पनि संगठनले माग गरेको छ।

संगठनले सम्पर्कविहीन श्रमिकका परिवारलाई धैर्यधारण र संयमता अपनाउन आग्रह गर्दै विपद्को समयमा उनीहरूको साथमा रहने प्रतिबद्धता व्यक्त गरेको छ।

‘उद्धारमा ढिलाइ नगरौँ, सम्पर्कविहीन श्रमिकको अवस्था तत्काल सार्वजनिक गरौँ,’ संगठनले सरकारसँग अपिल गरेको छ।

बाढी प्रभावित क्षेत्रमा रहेका यातायात मजदुर, चालक, सहचालक तथा व्यवसायीको जीवनरक्षालाई उच्च प्राथमिकतामा राखी तत्काल उद्धार अभियान तीव्र बनाउनसमेत संगठनले सरकारसँग आग्रह गरेको छ।

तिब्बत क्षेत्रबाट आएको बाढीका कारण भोटेकोशी र त्रिशूली करिडोरअन्तर्गत रसुवा, नुवाकोट र धादिङ जिल्लाका विभिन्न बस्तीमा ठूलो क्षति भएको छ।

नेपाल ट्रेड युनियन महासंघ (जिफन्ट)ले भाद्र १० गते विज्ञप्ति जारी गर्दै अकस्मात् आएको अकल्पनीय बाढीबाट भएको धनजनको क्षतिप्रति जिफन्ट परिवार स्तब्ध भएको जनाएको छ।

प्राकृतिक विपत्तिको यस कठिन घडीमा समस्त नागरिक तथा श्रमिकहरूलाई एकआपसमा सहयोग, सहकार्य र स्वयंसेवी कार्यमा सहभागी हुन जिफन्टले विज्ञप्तिमार्फत अनुरोध गरेको छ।

यस कठिन परिस्थितिमा जिफन्ट पीडित श्रमिक तथा आमनागरिकको साथमा दृढतापूर्वक उभिएको जनाएको छ। साथै, बेपत्ता नागरिकहरूको सकुशल उद्धारको कामना गर्दै प्रभावित क्षेत्रका नागरिकलाई तत्काल उद्धार, राहत, उपचार तथा पुनःस्थापनाको व्यवस्था गर्न सरकारसँग जोडदार माग गरेको छ।

संयुक्त ट्रेड युनियन समन्वय केन्द्र JTUCC र नेपाल उद्योग वाणिज्य महासंघ (FNCCI) नेतृत्व बिच औद्योगिक सम्बन्धलाई थप सुदृढ बनाउने, लगानी तथा औद्योगिक वातावरण सुधार गर्ने र रोजगारीका अवसर विस्तार गर्ने विषयमा द्विपक्षीय बैठक भाद्र ९ गते सम्पन्न भएको छ । 

बैठकमा नेपाल ट्रेड युनियन महासंघ (जिफन्ट) तथा JTUCC अध्यक्ष बिनोद श्रेष्ठले महासंघ र JTUCC बीचको द्विपक्षीय बैठक सामान्य छलफलमा मात्र सीमित नरही व्यवसाय तथा श्रम क्षेत्रमा देखिएका समसामयिक समस्याहरूको पहिचान गर्दै तिनको समाधानका उपाय खोज्ने प्रभावकारी मञ्चका रूपमा विकास हुनुपर्ने बताउनु हुंदै रोजगारदाता र श्रमिकबीच सहकार्य तथा संवादमार्फत साझा समस्याको समाधान खोज्नुपर्नेमा जोड दिनु भएको थियो ।

अध्यक्ष श्रेष्ठले औद्योगिक शान्ति, श्रमिकको अधिकार, र देशको आर्थिक विकासका लागि उद्योग वाणिज्य महासंघ र संयुक्त ट्रेड युनियन समन्वय केन्द्रको सम्बन्ध अझ सुदृढ हुने विश्वास सहित  महासंघको नवनिर्वाचित नेतृत्वलाई हार्दिक बधाई तथा सफल कार्यकालको शुभकामना व्यक्त गरेको छ ।
 

नेपाल ट्रेड युनियन महासंघ (जिफन्ट) आवद्ध नेपाल बिजुली, पेण्टर, प्लम्बर तथा निर्माण मजदुर युनियन (क्यूपेक–नेपाल) को आठौँ राष्ट्रिय महाधिवेशनले राजेन्द्र बिष्टको अध्यक्षतामा ४१ सदस्यीय केन्द्रीय कमिटी निर्वाचित गरेको छ ।

जिफन्ट अध्यक्ष बिनोद श्रेष्ठले भाद्र ५ गते महाधिवेशनको उद्धघाटन गर्नु हुंदै महाधिबेशन सफलताको शुभकामना ब्यक्त गर्नु भयो ।

सामाजिक सुरक्षा श्रमिक आन्दोलनको महत्वपूर्ण उपलब्धि भए पनि अनौपचारिक क्षेत्रमा कार्यान्वयनको समस्या रहेको र श्रमिकको सीपलाई औपचारिक रूपमा प्रमाणीकरण गर्ने विषय अझै चुनौतीका रूपमा रहेको बताउनु भयो ।

बदलिँदो श्रम बजार र प्रविधिको युगअनुसार संगठनलाई नयाँ ढंगले परिमार्जन गर्दै निरन्तर सक्रिय बनाउनुपर्नेमा जोड दिंनुहुंदै श्रेष्ठले नयाँ पुस्तालाई ट्रेड युनियन आन्दोलनको नेतृत्व हस्तान्तरण गर्न लोकतान्त्रिक अभ्यासमा हुर्किएको र जिम्मेवारी बहन गर्न सक्षम नया पुस्ताको नेतृत्व तयार गर्नुपर्ने बताउनुभएको थियो । 

उद्धघाटन समारोहमा जिफन्ट उपाध्यक्ष सीता लामा, बिडब्लुअइ BWI एसिया प्रशान्त क्षेत्रीय संयोजक एपोलिनार टोलेनटीनो, काउन अध्यक्ष प्रदिप अचार्य, अंकु अध्यक्ष अमित लामा र जिफन्ट अवद्ध युनियनको तैफबाट नेष्ट अध्यक्ष माया गुरूङले महाधिवेशन सफलताको शुभकामना मन्तब्य राख्नु भएको थियो । 

महाधिवेशनको फोटोहेर्न तलको लिंकमा क्लिक गर्नुहोेस् ।

https://www.facebook.com/media/set/?set=a.122203404932435116&type=3

https://www.facebook.com/media/set/?set=a.122203420820435116&type=3