General Federation of Nepalese Trade Unions (GEFONT)

जिफन्टले बदलिएको राजनैतिक परिवेशमा श्रमिकसँग संवाद कार्यक्रम गर्ने

नेपाल ट्रेड युनियन महासंघ (जिफन्ट) द्वारा फेरिएको राजनीतिक परिस्थितिलाई ध्यानमा राखेर बदलिएको राजनैतिक परिवेशमा श्रमिकसँग संवाद कार्यक्रम देशभर आयोजना गर्ने भएको छ ।

लोकतान्त्रिक अधिकार खोसिएसँगै संघर्षद्वारा स्थापित श्रमिक अधिकार क्रमशः खोसिने सम्भावना रहेकोले जिफन्टले लोकतन्त्रको “प्रतिरक्षा गरौँ – मौनता होइन, प्रतिवाद गरौँ” नाराका साथ अभियान संचालन गर्न लागेको हो ।

अभियान संचालनका लागि कोशी प्रदेशमा उपाध्यक्ष बिदुर कार्की र सचिव बेलीमैया घले, मधेश प्रदेशमा उपाध्यक्ष मन्जु थापा र सचिव हरि कार्की, बागमती प्रदेशमा उपाध्यक्ष जितेन्द्र श्रेष्ठ र सचिव महेन्द्रलाल श्रेष्ठ र स्मृति लामालाई जिम्मेवारी तोकिएको छ ।

त्यसैगरी गण्डकी प्रदेशमा उपाध्यक्ष सीता लामा र सचिव कृष्ण केसी, लुम्बिनी प्रदेशमा उपाध्यक्ष कमल गौतम र सचिव तारानिधी पन्त, कर्णाली प्रदेशमा महासचिव लक्ष्मण शर्मा र सचिव बिजया खड्का, सुदूरपश्चिम प्रदेशमा उपाध्यक्ष जनक चौधरी र सचिव तारानिधी पन्तलाई जिम्मेवारी तोकिएको छ ।