नेपाल ट्रेड युनियन महासंघ (जिफन्ट) आवद्ध नेपाल बिजुली, पेण्टर,प्लम्बर तथा निर्माण मजदुर यूनियन (क्यूपेक–नेपाल)द्वारा पुस ११ गते भक्तपुर जिल्लाको सूर्यविनायक नगरपालिकामा श्रमिक पञ्जीकरण तथा श्रम डेस्क बिषयमा प्रशिक्षण कार्यक्रम संचालन गरेको छ ।

क्यूपेक नेपाल भक्तपुर जिल्लाका अगुवा कार्यकर्ताहरूका लागि संचालन गरेको प्रशिक्षण कार्यक्रमको औचित्यमाथि क्युपेक केन्द्रीय अध्यक्ष शान्ता बस्नेतले प्रकाश पार्नु भएको थियो । 
गर्नु भएको थियो । 

जिफन्ट बागमती प्रदेश अध्यक्ष रामहरी नेपालले श्रमिक पञ्जीकरण, श्रम डेस्कको आवश्यकता, यसको महत्व र सामाजिक सुरक्षाबारे प्रशिक्षण दिनुभएको कार्यक्रममा सूर्यविनायक नगरपालिका उप–मेयर सरिता भट्टराई, क्युपेक महासचिव राजेन्द्र बिष्टले मन्तब्य राख्नु भएको थियो ।
 

अन्तर्राष्ट्रिय श्रम संगठन (आइएलओ) नेपाल निर्देशक नुमान ओज्कानले अनौपचारिक काम गर्ने श्रमिक सामाजिक सुरक्षा योजनामा आवद्ध गर्दा गरिबी निवारणमा सहयोग पुग्ने बताउनु भएको छ ।

पुस ९ गते 'अनौपचारिक र स्वरोजगार क्षेत्रका श्रमिकहरूको सामाजिक सुरक्षा सम्बन्धी राष्ट्रिय अभियान' सञ्चालन सम्बन्धी कार्यक्रममा निर्देशक नुमान ओज्कानले साना व्यवसाय, साना उद्योग, अनौपचारिक सबै क्षेत्र सामाजिक सुरक्षा‌ कार्यक्रममा सहभागी हुंदा श्रमिक र आश्रित परिवारलाइ लाभ हुने बताउनु भएको हो । 

आइएलओको सहयोगमा सामाजिक सुरक्षा कोषद्वारा आयोजित कार्यक्रममा सामाजिक सुरक्षा कोषका कार्यकारी निर्देशक कविराज अधिकारीले औपचारिकसँगै अनौपचारिक क्षेत्र र स्वरोजगारहरू पनि सामाजिक सुरक्षा योजनामा सहभागी हुन आवश्‍यक रहेको बताउनु भएको थियो । 

कार्यक्रममा भिमफेदि गाउपालीका अध्यक्ष हिदम लामा, फेदिखेला गाउपालिका अध्यक्ष घनश्याम सुवेदी र बुढानिलकण्ठ नगरपालिका उपमेयर अनिता लामाले सामाजिक सुरक्षाका बारेमा बिचार ब्यक्त गर्नु भएको थियो ।

नेपाल ट्रेड युनियन महासंघ (जिफन्ट) अध्यक्ष बिनोद  श्रेष्ठले आन्तरिक स्रोतबाट शिक्षक तथा कर्मचारीलाई योगदानमा आधारीत सामाजिक सुरक्षा कोषमा आबद्ध गराउने देशकै पहिलो सामुदायिक विद्यालयका रूपमा भुटनदेवी मावि देशकै पहिलो सामुदायिक विद्यालय भएको बताउनु भएको छ । 

अध्यक्ष श्रेष्ठले पुस ९ गते मकवानपुर जिल्लाको हेटौंडा–४ स्थित भुटनदेवी माध्यमिक विद्यालय (प्राविधिक शिक्षालय) ले आफ्ना निजी स्रोतमा आबद्ध गराएका १३ जना शिक्षक तथा कर्मचारीलाई सामाजिक सुरक्षा कोषको परीचय पत्र बितरण गर्नु हुदै सामाजिक सुरक्षाले श्रमिकको भविष्य सुरक्षित बनाउने र सामुदायिक विद्यालयले देखाएको यो अभ्यास उदाहरणीय रहेको बताउनु भएको हो ।

विद्यालय संचालक समिती अध्यक्ष तथा हेटैडा उपमहानगर पालिका ४ न वडा अध्यक्ष नबिन सिग्देलको अध्यक्षतामा बिधालय प्रध्यानाध्यापक सुर्य प्रसाद घिमिरेले स्वागत गर्नु भएको कार्यक्रममा विद्यालय संचालक समिती पुर्व अध्यक्ष तथा १० नं वडा अध्यक्ष फुर्वा दोर्जे लामा, १५ नं वडा अध्यक्ष सुनिल मोक्तान, नेपाल राष्ट्रिय शिक्षक संगठन जिल्ला अध्यक्ष  मुकुन्द न्यौपाने लगायतले मन्तब्य राख्नु भएको थियो ।

थप फोटोको लागि तलको लिंकमा क्लिक गर्नुहोस् । 

https://www.facebook.com/media/set/?set=a.122180543162435116&type=3

बिराटनगर स्थीत बाग्मति प्लाष्टिकमा कार्यरत नेपाल ट्रेड युनियन महासंघ (जिफन्ट) आवद्ध समग्र उधोग ट्रेड युनियन नेपाल (ह्वीन) सदस्य लक्ष्मि पौडेलका परीवारलाइ जिफन्ट एक्यवद्धता कोषबाट आर्थिक सहयोग गरेको छ ।

बिगत १ बर्ष देखी पाठेघरको क्यान्सर रोगबाट पिडीत पौडेलको उपचारको क्रममा निधन भएको थियो । 

पुस ९ गते उधोगको प्रागाणमा एक कार्यक्रम बिच जिफन्ट कोशि प्रदेश अध्क्षय किशोर धमला, ह्वीन केन्द्रीय उपाध्क्षय मनोज मगर लगायतका नेताहरूको उपस्थीतीमा स्वर्गिय पौडेलको श्रीमान भुवन पौडेललाइ नगद १५ हजार हस्तान्तरण गरिएको हो।

यातायात र निर्माण क्षेत्रमा कार्यरत श्रमिकहरुलाई अनौपचारिक क्षेत्रबाट सामाजिक सुरक्षा योजनामा सहभागि हुन भीमफेदी गाउँपालिकाले पुस १४ गते  सूचना प्रकाशन गरेको छ । 

भीमफेदी गाउँपालिकाको आ.व. २०८२/०८३ को वार्षिक स्वीकृत कार्यक्रम अनुसार गाउँपालिका भित्र स्थायी बसोबास गर्ने यातायात र निर्माण,क्षेत्रका श्रमिकहरुलाइ योगदानमा आधारित सामाजिक सुरक्षा योजना कार्यक्रममा सहभागि हुन सम्बन्धित वडा कार्यालयमा आवश्यक कागजात सहित सूचना प्रकाशन भएको १५ दिन भित्र आवेदन दिन अनुरोध गरेको छ ।

भीमफेदी गाउँपालिकाले २०८० साल देखी १९७ जना अनौपचारिक क्षेत्रका श्रमिकहरूलाइ ९ दशमलव ३७%  सहयोगदान गरी  योगदानमा आधारित सामाजिक सुरक्षा योजनामा सुचिकृत गरी सकेको छ भने यस वर्ष देखी ४८ जना महिला स्वयमसेवी र ५२ जना यातायात र निर्माण क्षेत्रका श्रमिकहरुलाइ सुचिकृत गर्न लागेको हो ।

यस बर्ष देखी भीमफेदी गाउँपालिकाका २९७ जना श्रमिकहरूले योगदानमा आधारित सामाजिक सुरक्षा योजना अन्तरगत सुबिधा पाउने गांउ पालिका अध्यक्ष हिदम लामाले बताउनु भएको छ । 

२०७५ साल मंसिर ११ गते तत्कालिन सम्माननीय प्रधानमन्त्री तथा नेकपा एमालेका अध्यक्ष के पी शर्मा ओलीले नयाँ युगको सुभारम्भको रूपमा उद्घोष गरी प्रारम्भ गरिएको योगदानमा आधारीत सामाजिक सुरक्षा योजनामा स्थानिय सरकारबाट सहयोगदान गरी गांउपालिका भित्र स्थायी बसोबास गर्ने श्रमिकहरूलाइ सामाजिक सुरक्षा कोषमा सुचिकृत गर्ने पहिलो गाउपालीका रहेको छ ।
 

अन्तरराष्ट्रिय श्रम संगठन (आइएलओ) नेपालका निर्देशक नुमान ओज्कानले काममा हुने दुर्घटना वा रोगले सबै कुरा परिवर्तन गर्न सक्छ।

कठिन समयमा स्वास्थ्य सेवा, पेन्सन र सुरक्षाको लागि सामाजिक सुरक्षा आवश्यक रहेको भिडियो मार्फत सन्देश दिनु भएको छ । 

निर्देशक ओज्कानले सबै क्षेत्रका श्रमिकहरू योगदानमा आधारीत सामाजिक सुरक्षामा आवद्ध हुन र रोजगारदाताहरूलाई आफ्ना श्रमिकहरूलाइ सामाजिक सुरक्षा कोषमा सुचिकृत गर्न आह्वान गर्नु हुंदै यस्ले ब्यवसायलाइ बलियो बनाउनुका साथै हरेक श्रमिक र तिनका परीवारलाइ सुरक्षित बनाउने बताउनु भएको छ । 

https://www.facebook.com/reel/777155815398274