बागमती प्रदेश श्रम, रोजगार तथा यातायात मन्त्रालयले अनौपचारिक क्षेत्रमा कार्यरत श्रमिकहरूलाई योगदानमा आधारित सामाजिक सुरक्षा कोषमा आबद्ध गर्ने सम्बन्धी सुचना असार ३ प्रकाशित गरेको छ । 

मन्त्रालयले सुचना प्रकाशित मितीले ७ दिन भित्र स्थानिय तहको सरकारले प्रारम्भिक योगदानमा सह–योगदान गर्ने सम्बन्धि कार्यबिधी २०८२ को दफा ६ बमोजिम अनौपचारिक क्षेत्रमा कार्यरत श्रमिकहरूलाई योगदानमा आधारित सामाजिक सुरक्षा कोषको दायरमा ल्याउन सह योगदान कार्यक्रममा सहभागी हुन प्रस्ताब पेश गर्न अनुरोध गरेको छ ।

हेटौंडा उपमहानगरपालिकाले असार २ गते अनौपचारी क्षेत्रमा काम गर्ने ६० जना श्रमिकहरुलाई योगदानमा आधारित सामाजिक सुरक्षा कोषमा आवद्ध गराउँदै परिचयपत्र वितरण गरेको छ ।

श्रमको सम्मान राष्ट्रको अभियान कार्यक्रम अन्तर्गत उपमहानगरपालिका भित्र रहेर बिभिन्न क्षेत्रमा काम गरीरहेका अनौपचारीक श्रमिकहरुलाई उपमहानगरपालिका प्रमुख मीनाकुमारी लामाले परिचयपत्र वितरण गरेको हो ।

कोषमा आवद्ध गराउँनका लागि उपमहानगरले प्रतिश्रमिक १ हजार १४० र योगदान कार्ताले १ हजार ३४० रुपियाँ प्रतिमहिना जम्मा गर्नुपर्ने छ । 
 

विश्वकप फुटबलसँगै अत्यधिक गर्मी र श्रमिक सुरक्षाको विषय पनि गम्भीर बहसको केन्द्र बनेको छ। पछिल्ला अनुसन्धानले उच्च तापक्रमबाट हुने आघात (Heat Stress) रोक्न प्रत्येक घण्टा पर्याप्त पानी पिउने र कम्तीमा १० मिनेट छायाँमा आराम गर्ने व्यवस्था प्रभावकारी हुने देखाएको छ।  

मानवअधिकार पक्षधरहरूले अघिल्लो विश्वकपयता नै FIFA लाई श्रमिकको स्वास्थ्य र सुरक्षासहित मानवअधिकारको सम्मान सुनिश्चित गर्न आग्रह गर्दै आएका छन्। 

यसैबीच, जुन २३ मा अनुसन्धान संस्था Equidem ले विश्वकप स्टेडियमहरूको ताप जोखिम देखाउने ‘Heat Risk Observatory’ सार्वजनिक गर्दै खेलाडी मात्र होइन, प्रतियोगिता सफल बनाउने श्रमिकहरूको ज्यान जोगाउन कडा सुरक्षा मापदण्ड लागू गर्न आह्वान गरेको छ ।