जिफन्ट आबद्ध नेपाल स्वास्थ्य स्वयंसेवी संघ (नेभा) द्वारा सुर्खेत जिल्लाको बिरेन्द्रनगर नगरपालिकामा कार्यरत स्वास्थ्य स्वयमसेविकाहरूलाई सामाजिक सुरक्षा कोषमा आबद्ध गर्ने लगायतका बिषयहरूमा ध्यानआकर्षण गराएको छ ।

नेभा केन्द्रीय सदस्य भिमु रिजालको टोलीले श्रावण २८ गते बिरेन्द्रनगर नगरपालिका मेयर मोहनमाया ढकाल र स्वास्थ्य महाशाखा प्रमुखलाई समक्ष ध्यानआकर्षण गराएको हो ।

जिफण्ट आबद्ध नेपाल स्वरोजगार व्यापार श्रमिक संघ (नेष्ट) पथरी शनिश्चरे नगर कमिटीको आयोजनामा साउन २८ गते तीज विशेष कार्यक्रम सम्पन्न गरेको छ । 

कार्यक्रम केन्द्रीय सदस्य एवं कोशी प्रदेश ईन्चार्ज सावित्रा खड्काको प्रमुख आतिथ्यतामा सम्पन्न गरिएको हो । 
 

जिफन्ट आबद्ध नेपाल यातायात स्वतन्त्र मजदुर संगठन धनकुटा जिल्ला कमिटीले साउन २७ गते हिलेमा योजना कार्यशाला सम्पन्न गरेको छ । 

संगठन केन्द्रीय अध्यक्ष भिम ज्वाला राई लगायतका नेताहरूको सहभागितामा सम्पन्न योजना कार्यशालाले धनकुटा जिल्लाको विभिन्न १५ वटा रुटहरूमा सदस्यता विस्तार गर्ने, पुराना सदस्यहरुको नविकरण गर्ने । 

विभिन्न रुटहरूमा सडक दुर्घटना न्युनिकरण कार्यक्रम प्रत्येक महिना संचालन गर्ने, सडक सुरक्षा सचेतना सम्बन्धी स्टिकर प्रकाशन गर्ने लगायतका योजनाहरू तय गरिएको संगठन धनकुटा जिल्ला अध्यक्ष कमल थिङले बताउनु भएको छ । 

धनकुटा जिल्लाका ४६ जना अगुवाहरूको सहभागिता भएको कार्यशालामा आगामी असोज १ गते शिलान्यास गरिने संगठनको कोशी प्रदेश कार्यालयको भवन निर्माण सहयोग बापत धनकुटा नगरपालिकाका मेयर चिन्तन तामाङले एक लाख सहयोग गर्ने घोषणा समेत गर्नु भएको छ ।

युएईको नेपाली राजदूतावासले आगामी भदौ २ गतेदेखि युएईमा कार्यरत नेपाली नागरिकहरूका लागि श्रम स्वीकृति वैधानिकीकरण सेवा नियमित गर्ने भएको छ। 

दूतावासले साउन २६ गते एक सूचना जारी गर्दै यो सेवा नियमित शुरु हुने जानकारी दिएको हो।

श्रम, रोजगार तथा सामाजिक सुरक्षा मन्त्रालयको निर्देशिका अनुसार, सेप्टेम्बर ३०, २०२४ भन्दा अगाडि रोजगारी भिसा प्राप्त गरी अबुधाबीमा कार्यरत नेपालीहरूले मात्र यो सेवा लिन पाउने जनाएको छ। 
 

जिफन्ट आबद्ध समग्र उद्योग ट्रेड युनियन, नेपाल (ह्वीन) मधेश प्रदेश कमिटीको साउन २३ गते सम्पन्न २१ औँ बैठकले अगामी १ वर्षको लागि कार्ययोजना तयार गरेको छ । 

प्रदेश अध्यक्ष रामतपसी साहको अध्यक्षतामा सम्पन्न बैठकले प्रदेश कमिटी सदस्यहरूको कार्य विभाजन गरेको छ । बैठकमा ह्वीन अध्यक्ष आनन्द थामी लगायतका नेताहरूको उपस्थिति रहेको थियो ।

सोही दिन जिफन्ट मधेश प्रदेश महिला कमिटीको बैठक अध्यक्ष सरिता नेपालको अध्यक्षता सम्पन्न भएको छ । जिफन्ट मधेश प्रदेश अध्यक्ष कमलेश झा र जिफन्ट प्रदेश महिला इन्चार्ज गीता भण्डारीको उपस्थितिमा सम्पन्न बैठकले अगामी साउन ३१ गते हरितालिका तीज मनाउने निर्णय गरेको छ ।

नेपाल ट्रेड युनियन महासघ (जिफन्ट) युवा कमिटीले २५ औं अन्तर्राष्ट्रिय युवा दिवस (अगस्ट -१२) को सन्दर्भमा युवा श्रमिकको अधिकार, अति दक्षिणपन्थी र लोकप्रियतावादी भडकाउ विषयक अन्तरक्रिया कार्यक्रम श्रावण २७ गते जिफन्ट हलमा सम्पन्न गरेको छ ।

प्रमुख अतिथि जिफन्ट अध्यक्ष बिनोद श्रेष्ठले संसारका हरेक परिवर्तनहरू युवाहरूको शक्तिबाट नै हुने गरेको भन्नु हुँदै नेपालको श्रम बजारमा देखिएका चुनौतीहरूलाई पनि सामना गर्न युवा श्रमिकहरू नै लाग्नु पर्नेमा जोड दिनु भएको छ । युवाहरू लोकप्रियतामा बढी रमाउने र सस्तो लोकप्रियताकोलागि जे गरेपनि हुन्छ भन्ने मानसिकता त्यागेर सत्यको पक्षमा समर्पित भएर न्यायको पक्षमा निरन्तर लागी रहदा सफलता हासिल हुन्छ भन्ने कुरालाई ध्यान दिन युवाहरूलाई आग्रह गर्नु भयो । 

युवा कमिटी अध्यक्ष बिकी श्रेष्ठले अन्तर्राष्ट्रिय युवा दिवसको बारेमा प्रकाश पार्नु भएको कार्यक्रमको संचालन सचिब बिकेश खड्का र स्वागत निरोज घिमिरेले गर्नु भएको थियो ।
 

कार्यक्रमको थप फोटोकोलागी लिंकमा क्लीक गर्नुहोस्

https://www.facebook.com/media/set/?set=a.122164436420435116&type=3