अन्तरराष्ट्रिय ट्रेड युनियन केन्द्र नेपाल आवद्भ समिती (ITUC–NAC) ले साउन २२ गते देखी संचार तथा रिपोट लेखन सम्बन्धी प्रशिक्षण सुरू गरेको छ । 

नेपाल आवद्भ समिती संयोजक योगेन्द्र कुंवरको अध्यक्षतामा शुभारम्भ भएको प्रशिक्षण कार्यक्रममा जिफन्ट अध्यक्ष बिनोद श्रेष्ठले ट्रेड युनियन आन्दोलनलाइ सफल बनाउन संचारको ठुलो महत्व हुने बताउनु भएको छ ।

अध्यक्ष श्रेष्ठले संचार प्रबिधीमा भइरहेको तिब्र बिकासलाइ सहि ढंगबाट प्रयोग गर्न सके संगठन परीचालन तथा ट्रेड युनियन आन्दोलनलाइ अगाडी बढाउन सहज हुने भएकोले सुचना प्रबिधीमा आएको परीवर्तन संगै ट्रेड युनियनकर्मीहरूको पनि त्यस सम्बन्धी दक्षता अभिबृद्धी गर्न यस्ता प्रशिक्षण महत्वपुर्ण हुने बताउनु भयो ।

२ दिन सम्म संचालन भएको प्रशिक्षण कार्यक्रमको पहिलो दिन संचार क्षेत्रको आधारभुत पक्षहरू, सामाजिक संजालको सदुपयोग, अनलाइन क्याम्पेन र कन्टेन क्रियशनको बारेमा अमरध्वज लामाले प्रशिक्षण दिनु भएको थियो भने दोस्रो दिन रिपोट लेखनबारे तिलक जंग खड्काले प्रशिक्षण दिनु हुने छ । 

तालिम कार्यक्रममा जिफन्ट, एनटीयुसी र अन्टुफका १८ जना प्रशिक्षार्थी सहभागी रहेको छ ।

नेपाल ट्रेड युनियन महासंघ (जिफन्ट) आवद्ध नेपाल ट्रेकिङ, ट्राभल, र्‍याफ्टिङ एण्ड एयरलाइन्स मजदुर युनियन (युनिट्राभ) ले साउन २२ गते पर्यटन श्रमिकहरूको सामाजिक सुरक्षा तथा नेपाल पर्वतारोहण संघ (NMA) को आगामी भदौमा हुने  निर्वाचनमा युनिट्राभको भूमिका तथा प्रतिनिधित्व विषयक अन्तरक्रिया सम्पन्न गरेको छ।

जिफ्न्ट अध्यक्ष बिनोद श्रेष्ठले युनिट्राभ र NMA बीच विगत दुई दशकदेखि कायम रहेको भाइचाराको सम्बन्ध र संयुक्त रूपमा श्रमिक तथा आरोहीहरूको हितमा गरिएका कामहरूको चर्चा गर्दै आगामी दिनहरूमा पनि सहकार्य र समन्वय जारी राख्नु पर्ने बताउनु भएको छ । 

युनिट्राभ अध्यक्ष सुमन पराजुलीको अध्यक्षतामा भएको कार्यक्रममा नेपाल पर्वतारोहण संघका पूर्व कोषाध्यक्ष तथा वर्तमान अध्यक्ष पदका उम्मेदवार टिकाराम गुरुङ, युनिट्राभ सल्लाहकार समिति अध्यक्ष तथा नेपाल पर्वतारोहण संघका पूर्व कार्यसमिति सदस्य सार्की तामाङ र बागमती प्रदेश पर्यटन क्षेत्रका प्रदेश सदस्य टिकाराम नेपाली लगायतले मन्तब्य राख्नु भएको थियो । 

कार्यक्रमको  संचालन युनियनका महासचिव राम बहादुर श्रेष्ठले गरेका थिए।

जिफन्ट राष्ट्रिय महिला कमिटी अध्यक्ष तथा जिफन्ट उपाध्यक्ष सीता लामाले स्याहार क्षेत्रको काम मर्यादित हुनु पर्ने भन्नु हुदै ती श्रमिहरूको ट्रेड युनियन अधिकार सहितको पहिचान आवश्यक रहेको बताउनु भएको छ । 

उपाध्यक्ष लामाले नेपाल उधोग बाणिज्य महासंघ सुदुरपस्चिम प्रदेशको आयोजनामा साउन २२ गते सम्पन्न स्याहार क्षेत्रको नीति निर्माणको आवश्यकता तथा अवसरहरूको बारेमा आयोजित परामर्श कार्यक्रममा सो कुरा बताउनु भएको हो ।

सुदुरपस्चिम प्रदेश नीति आयोग उपाध्यक्ष जिवन रानाको प्रमुख आतिथ्यतामा भएको परामर्श कार्यक्रममा नेपाल उधोग बाणिज्य महासंघ रोजगारदाता परिषद अध्यक्ष ज्योत्सना श्रेष्ठ लगायत बक्ताहरूले भनाइ राख्नु भएको थियो ।

चिया श्रमिकहरूले झापा जिल्लाको चारवटा चिया बगान,  गौरीशंकर , रिद्धिगणेश , सूर्य र नाज टी इस्टेटमा आन्दोलन गरेका छन् । 

श्रम ऐन अनुसार रोजगार सम्झौता गरेर मात्र काममा लगाउनु पर्ने, श्रम ऐन अनुसार उपदान, संचयकोष , चाडपर्व खर्च दिनु पर्ने, योगदानमा आधारित सामाजिक सुरक्षा कोषमा सबैलाई सूचीकृत गरिनु पर्ने लगायतका श्रमिक युनियनले राखेको मागको सुनवाइ नभए पछी आन्दोलनमा उत्रिन बाध्य भएको नेपाल चिया कफि श्रमिक युनियनका अध्यक्ष सन्त कुमार राइले बताउनु भएको छ । 

भद्रपुर–२ को गौरीशङ्कर, सूर्य र ऋषिगणेशमा साउन १८ गते देखी र मेचीनगर–३ को नाज स्टेटमा साउन २० गते देखी दुई सयभन्दा बढी श्रमिक काम छाडेर आन्दोलनमा छन् । 

गण्डकी प्रदेश, स्याङ्जा जिल्लाको फेदीखोला गाउँपालिकाले साउन २१ गते महिला सामुदायिक स्वास्थ्य स्वयंसेविकाहरुलाई योगदानमा आधारित सामाजिक सुरक्षा कोष सम्बन्धी अभिमुखीकरण कार्यक्रम सम्पन्न गरेको छ ।

कार्यक्रममा गाउँपालिका अन्तर्गतका सबै वडामा कार्यरत स्वास्थ्य स्वयंसेविकाहरुलाई योगदानमा आधारित सामाजिक सुरक्षा अन्तरगत पाउने सुविधाका बारेमा जानकारी दिइएको थियो । 

नेपाल ट्रेड युनियन महासंघ (जिफन्ट) आबद्ध राष्ट्रिय सौन्दर्यकर्मी युनियन नेपाल (नाबुन) बागमती प्रदेश कमिटीद्वारा माईक्रोसेडिङ र रसियन हेयरस्टाईल सम्बन्धी ३ दिने क्षमता अभिबृद्धी तालिम संचालन गरेको छ । 

जिफन्ट उपाध्यक्ष जितेन्द्र श्रेष्ठले साउन २१ गते  तालिमको शुभारम्भ गर्नु हुंदै समयको परीवर्तनसंगै आफुले जानेका शिपलाइ समय अनुकल निखारीदै जानु पर्ने भन्दै तिब्र रूपमा भै रहेको प्रबिधीको बिकाश संगै श्रमिकहरूले पनी बदलिंदो समय र परीस्थीती अनुकुल आफुलाइ पनी परीवर्तन गर्न सक्नु पर्ने बताउनु भएको छ ।

तालिमको शुभारम्भ कार्यक्रममा नाबुन सचिब सुजना जोशीले नाबुनले नियमित रूपमा यूनियनका सदस्यहरूको दक्षता अभिबृद्धी तालिम संचालन गर्दै आइरहेको बताउनु भएको कार्यक्रमको अध्यक्षता प्रदेश अध्यक्ष करूणा पुरीले गर्नु भएको थियो भने संचालन सचिब सरीता सिवाकोटीले गर्नु भएको थियो । 

चन्द्रकला छन्त्याल र सोनिया राईले माईक्रोसेडिङ र रसियन हेयरस्टाईल सम्बन्धि दिने तालिम ३ दिन सम्म संचालन हुने छ ।