नेपाल कम्युनिष्ट पार्टी (एमाले) मजदुर बिशेष जिल्ला कमिटीको बिस्तारित बैठक साउन ३० गते  अध्यक्ष तुलसी सिवाकोटीको अध्यक्षतामा जिफन्ट हलमा सम्पन्न भयो । 

बैठकमा पोलिटब्यरो सदस्य तथा जिफन्ट अध्यक्ष बिनोद श्रेष्ठले जिफन्टको लडाइँ बर्गीय अधिकारको लागी भएको बताउनु हुदै बिषेश जिल्ला कमिटीमा आवद्ध रहेका सबैले सकारात्मक सोचका साथ सक्रिय भएर लाग्नु पर्नेमा जोड दिनु भयो ।

बैठकमा उपत्यका विशेष प्रदेश कमिटी ईन्चार्ज सुजिता शाक्यले जनसङ्गठन भित्र पार्टी काम र पार्टी संगठन बिचको अन्तर सम्बन्धका बारेमा, ट्रेड युनियन अन्दोलनमा पार्टीको भुमिका र महत्वका बारेमा उपत्यका बिशेष प्रदेश अध्यक्ष प्रेम पराजुलीले र आसन्न बिधान महाधिवेशनको सन्दर्भमा मजदुर बिशेष जिल्ला कमिटी इन्चार्ज सीता लामाले प्रकाश पार्नु भएको थियो । 

कार्यक्रमको थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122164768184435116&type=3

जिफन्ट आबद्द राष्ट्रिय सौन्दर्यकर्मी युनियन, नेपाल (नाबुन) सिद्धार्थनगर नगर कमिटीद्वारा साउन २८ गते हरितालिका तीजको सन्दर्भमा तिज मिलन कार्यक्रमको आयोजना गरी एक आपसमा शुभकामना आदान-प्रदान गरेको छ । 

नाबुन नगर कमिटी अध्यक्ष झिल्ली बिसवालको अध्यक्षता र नाबुन लुम्बिनी प्रदेश सदस्य पबी खनालको प्रमुख अतिथ्यतामा तिज मिलन कार्यक्रम सम्पन्न गरिएको हो ।

नेपाल ट्रेड युनियन महासघ (जिफन्ट) आबद्ध युनियन युनिट्राभद्वारा साउन २९ गते सामाजिक सुरक्षा बियषमा सामाजिक सम्वाद कार्यक्रम आयोजना गरेको छ । 

कार्यक्रमका प्रमुख अतिथी जिफन्ट अध्यक्ष श्रेष्ठले पर्वतारोहण क्षेत्रमा योगदानमा आधारीत सामाजिक सुरक्षा अनिवार्य हुनु पर्ने भन्नु हुंदै नेपालको पर्वतारोहण क्षेत्रको विकास र बिस्तारकालागि नेपाल पर्वतारोहण संघ (NMA) र युनिट्राभ बीचको सहकार्य महत्वपुर्ण भएको बताउनु भएको छ । 

अध्यक्ष श्रेष्ठले यस क्षेत्रका श्रमिकहरूको मर्यादित कामका लागि युनिट्राभमा संगठित हुनुको बिकल्प नरहेको बताउँदै यस्कालागि आगामी भदौमा हुने पर्वतारोहण संघको निर्वाचनमा युनिट्राभको प्रतिनिधित्व आवश्यक रहेकोमा जोड दिनु भएको छ।

युनिट्राभ अध्यक्ष सुमन पराजुलीको अध्यक्षतामा महासचिब राम बाहादुर श्रेष्ठले संचालन गर्नु भएको कार्यक्रममा पर्वतारोहण संघका अध्यक्ष कुल गुरुङ, बरिष्ठ उपाध्यक्ष टीका गुरुङ, कोषाध्यक्ष सुमि लामा, युनिट्राभ सल्लाहकार कमिटि अध्यक्ष सार्की तामाङ लगाएतका अथितिहरूले मन्तब्य राख्नु भएको थियो ।

श्रम, रोजगार तथा सामाजिक सुरक्षा मन्त्रालयले श्रम नियमावली, २०७५ अनुसार कामको सिलसिलामा लाग्ने विभिन्न रोगहरूलाई साउन २६ गते राजपत्रमा प्रकाशित गरी ‘व्यवसायजन्य रोग’ को कानुनी मान्यता दिएको छ ।

कार्यस्थलको धुलो, रसायन, कोलाहल वा कामको प्रकृतिका कारण श्रमिकमा देखिने स्वास्थ्य समस्यालाई व्यक्तिगत समस्याको रूपमा नभई कानुनी रूपमा सम्बोधन गरेको छ । 

यसले लाखौं श्रमिकको स्वास्थ्य अधिकार सुरक्षित गर्न र रोजगारदातालाई आफ्नो कार्यस्थल सुरक्षित बनाउन थप जिम्मेवार बनाउनेछ । 

श्रम ऐन २०७४ को परिच्छेद १२ मा व्यवसायजन्य सुरक्षा र स्वास्थ्य सम्बन्धी व्यवस्था रहेको छ । जसमा कुनै व्यवसायजन्य रोग लागेमा प्रतिष्ठानले त्यस्तो रोगको उपचारका लागि तोकिए बमोजिमको उपचार खर्च तथा त्यस्तो रोगको उपचार हुन नसक्ने भएमा तोकिए बमोजिमको क्षतिपूर्ति रकम श्रमिकलाई दिनु पर्नेछ ।

सरकारले राजपत्रमा प्रकाशित गरेको रोगहरूको सूची :
https://drive.google.com/file/d/1fpXH0BZe5RwJWDZhoL_EzOxwEipnMhL3/view

जिफन्ट आवद्भ क्युपेक नेपालद्वारा झापा जिल्लाको बिर्तामोडमा र रूपन्देही जिल्लाको बुटवलमा सामाजिक सुरक्षा र जलवायु परिबर्तन र गुनासो सम्बोधन बिषयक प्रशिक्षण कार्यक्रम सम्पन्न गरेको छ ।

बुटवलमा साउन २७ गते देखी भएको कार्यक्रममा जिफ्न्ट शिक्षा बिभाग सचिब हरी बहादुर कार्कीले जलवायु परिवर्तन र यसबाट निर्माण क्षेत्रमा परेको प्रभावका बारेमा, सामाजिक सुरक्षा कोषका प्रतिनिधि खिम बहादुर कार्कीले समाजिक सुरक्षा कोषका बारेमा प्रशिक्षण दिनु भएको थियो भने सहभागिहरुले प्रशिक्षणका क्रममा राखेका विभिन्न गुनासो तथा समस्याको सम्वोधन क्युपेक केन्द्रिय अध्यक्ष सान्ता वस्नेतले गर्नुभएको थियो ।

नेपाल ट्रेड युनियन महासंघ (जिफन्ट) प्रचार तथा प्रकाशन विभागको आठौं बैठक साउन २८ गते उपाध्यक्ष जितेन्द्र श्रेष्ठको अध्यक्षतामा सम्पन्न भयो ।

बैठकले जिफन्टको १२ औँ महाधिवेशन प्रतिनिधि परिषद् बैठकले पारित गरेका कामहरूलाई सम्पादन गर्न योजना तयार गरेको छ ।

जिफन्ट अध्यक्ष बिनोद श्रेष्ठ, महासचिव लक्ष्मण शर्मा सहभागी बैठकमा विभागमा मनोनीत सदस्य अमर ध्वज लामालाई पद तथा गोपनीयताको शपथग्रहण पनि गराइएको थियो ।