नेपाल ट्रेड युनियन महासंघ (जिफन्ट) आबद्ध राष्ट्रिय सौन्दर्यकर्मी युनियन नेपाल (नाबुन) बागमती प्रदेश कमिटीद्वारा माइक्रोसेडिङ र रसियन हेयरस्टाईल सम्बन्धी ३ दिने क्षमता अभिवृद्धि तालिम सञ्चालन गरेको छ । 

जिफन्ट उपाध्यक्ष जितेन्द्र श्रेष्ठले साउन २१ गते  तालिमको शुभारम्भ गर्नु हुँदै समयको परिवर्तनसँगै आफूले जानेका सीपलाई समय अनुकूल निखारिँदै जानु पर्ने भन्दै तीव्र रूपमा भइरहेको प्रविधिको विकाससँगै श्रमिकहरूले पनि बदलिँदो समय र परिस्थिति अनुकूल आफूलाई पनि परिवर्तन गर्न सक्नु पर्ने बताउनु भएको छ ।

तालिमको शुभारम्भ कार्यक्रममा नाबुन सचिव सुजना जोशीले नाबुनले नियमित रूपमा युनियनका सदस्यहरूको दक्षता अभिवृद्धि तालिम सञ्चालन गर्दै आइरहेको बताउनु भएको कार्यक्रमको अध्यक्षता प्रदेश अध्यक्ष करुणा पुरीले गर्नु भएको थियो भने सञ्चालन सचिव सरिता सिवाकोटीले गर्नु भएको थियो । 

चन्द्रकला छन्त्याल र सोनिया राईले माइक्रोसेडिङ र रसियन हेयरस्टाइल सम्बन्धी दिने तालिम ३ दिनसम्म सञ्चालन हुने छ ।
 

कार्यक्रमको थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122163718532435116&type=3

मन्त्रिपरिषद् बैठकले श्रम, रोजगार तथा सामाजिक  सुरक्षा मन्त्रालयको प्रस्तावमा राष्ट्रिय श्रम आप्रवासन नीति–२०८२ पारित गरे पछी भारतीय श्रम बजारमा कार्यरत नेपाली श्रमिकलाई कल्याणकारी सेवा प्रदान गर्ने गरी अभिलेखीकरणमा ल्याउन बाटो खुलेको छ 

साउन १८ गते मन्त्रिपरिषद् बैठकले  पारीत गरेको नयाँ नीति अनुसार भारतमा रोजगारीमा जाने श्रमिकलाई सामाजिक सुरक्षा कोष मार्फत सामाजिक सुरक्षाका कार्यक्रम र सुविधामा आबद्ध गर्नेछ ।
 

नेपाल ट्रेड युनियन महासंघ (जिफन्ट) संसदीय तथा स्थानीय तह समन्वय परिषद् सदस्य तथा जिफन्ट आबद्ध यूनियन हुनका सस्थापक अध्यक्ष माननिय बिन्दु श्रेष्ठ बागमती प्रदेश सरकारको उद्योग, वाणिज्य, भूमि तथा प्रशासन मन्त्रीमा नियुक्ती हुनु भएकोमा जिफन्ट हार्दिक बधाई तथा सफल कार्यकालको शुभकामना ब्यक्त गर्दछ ।

नेपाल ट्रेड युनियन महासंघ (जिफन्ट) आबद्ध राष्ट्रिय सौन्दर्यकर्मी युनियन नेपाल (नाबुन)को साउन २० गते सम्पन्न बागमती प्रदेशको तेस्रो अधिवेशनले करूणा पुरीको अध्यक्षतामा ११ सदस्य कमिटी निर्वाचित गरेको छ । 

अधिवेशनको उद्धघाटन गर्नु हुंदै जिफन्ट उपाध्यक्ष जितेन्द्र श्रेष्ठले श्रम संसारमा आएको परिवर्तन संगै युनियन आन्दोलनलाई पनि सोही ढंगबाट परिस्कृत गर्दै लानु पर्ने बताउनु हुंदै जिफन्टको १२ औं राष्ट्रिय महाधिवेशन प्रतिनिधि परिषद् बैठकले गरेका निर्णयलाई कार्यान्वय गर्न यूनियनहरूको भुमिका महत्वपूर्ण हुने कुरामा जोड दिनु भयो ।

अधिवेशनमा नाबुन केन्द्रीय संयोजक पम्फा देवकोटा पहारी, सचिब सुजना जोशी , जिफन्ट बागमती प्रदेश महिला कमिटी सचिब सुनिता भन्डारी लगायतले अधिवेशन सफलताको शुभकामना मन्तब्य राख्नु भएको कार्यक्रमा जिफन्ट बागमती प्रदेश सदस्य शान्ती श्रेष्ठ, नाबुन कोशि प्रदेश अध्यक्ष प्रेमकला डागी  लगाएतको उपस्थिति रहेको थियो । 

कार्यक्रमको थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122163620072435116&type=3

नेपाल ट्रेड युनियन महासंघ (जिफन्ट) आबद्ध नेपाल यातायात स्वतन्त्र मजदुर संगठनले बैशाख ४ गते जिफन्ट सभाहलमा उपत्यका स्तरीय भेला सम्पन्न गरेको छ ।

जिफन्ट अध्यक्ष बिनोद श्रेष्ठको प्रमुख अतिथ्यतामा भएको सो भेलामा सवारी तथा यातायात एन, सामाजिक सुरक्षा, मे दिवस आदि बारेमा छलफल भएको थियो ।

 

नेपाल ट्रेड युनियन महासंघ (जिफन्ट) आबद्ध नेपाल स्वास्थ्य स्वयंसेविका संघ (नेभा) ले स्वास्थ्य स्वयंसेविहरूको उचित सुविधा र योगदानमा आधारित सामाजिक सुरक्षा लगायतका विषयमा बैशाख २ गते कर्णाली प्रदेश मुख्य मन्त्री यमलाल कडेल र बैशाख ३ गते कर्णाली प्रदेश सामाजिक विकास मन्त्री धनस्याम भण्डारी  समक्ष मागपत्र बुझाइएको छ ।

नेपाल स्वास्थ्य स्वयंसेविका संघ केन्द्रीय सदस्य   भिमु रिजालको नेतृत्वमा जिफन्ट नगर कमिटी  अध्यक्ष बिना कुमारी हमाल लगायतका नेताहरूले बुझाएको सो माग पत्रमा स्वयंसेविकाहरूका मागलाई मुख्य मन्त्रीले आगामी  दिनमा प्रदेश सरकारले सम्बोधन गर्ने बताउनु भयो ।