नेपाल ट्रेड युनियन महासंघ (जिफन्ट) आवद्ध स्पोर्टस युनियन नेपाल (सन)को छैटौं स्थापना दिवसको सन्दर्भमा चैत्र १६ गते जिफन्ट सभाहलमा शुभकामना आदान प्रदान कार्यक्रम सम्पन्न भएको छ । 

शुभकामना आदान प्रदान कार्यक्रमका प्रमुख अतिथी नेपाल ट्रेड युनियन महासंघ जिफन्ट अध्यक्ष बिनोद श्रेष्ठले स्थापना दिवसको सन्दर्भमा शुभकामना दिनु हुंदै नेपालको खेल क्षेत्रमा स्पोर्टस युनियनको महत्वको बारेमा प्रकाश पार्नु भएको थियो । 

सन अध्यक्ष सीता लामाको अध्यक्षतामा भएको शुभकामना कार्यक्रमको संचालन उपाध्यक्ष युवराज जिरेलले गर्नु भएको थियो भने स्वागत बिराज राणाले गर्नु भएको थियो ।
 

आइएलओ गभर्निङ बडीको ३५६ औं सत्रको पहिलो हप्तामा, आइएलओ एक्ट्राभका निर्देशक ओलिभर रोप्केले सत्रमा भाग लिने ट्रेड युनियन नेताहरूसँग द्विपक्षीय छलफल गरेको छ ।

छलफलहरूमा ओलिभरले अन्तर्राष्ट्रिय श्रम मापदण्ड, सामाजिक संवाद र सबैका लागि सामाजिक न्याय प्रवर्द्धन गर्न ट्रेड युनियनहरूलाई आइएलओको सहयोग निरन्तर रहेने बताउनु भएको छ ।

एसिया-प्रशान्त र अरब राज्यहरूका श्रमिक समूहका सदस्यहरू र दुवै क्षेत्रका निर्देशकहरू सहभागि छलफलमा विश्व ट्रेड युनियन महासंघ, अफ्रिकी ट्रेड युनियन एकताको संगठन, दक्षिण अफ्रिकी ट्रेड युनियनहरूको कांग्रेस, सोमाली ट्रेड युनियनहरूको महासंघ र इजिप्टियन ट्रेड युनियन महासंघको सहभागिता रहेको थियो । 

श्रम, रोजगार तथा सामाजिक सुरक्षा मन्त्रालयले विभिन्न प्रकृतिका कामहरूकालागि तापक्रमको अधिकतम सीमा निर्धारण गरेको छ । 

मापदण्ड अनुसार बसेर वा उभिएर गरिने मेसिन नियन्त्रण वा हातको हल्का कामको लागि अधिकतम तापक्रम ३२.२ डिग्री सेल्सियस, सामान सार्ने वा निरन्तर हात र पाखुराले गर्ने कामका लागि ३०.६ डिग्री सेल्सियस तोकिएको छ । 

त्यसैगर खन्ने, भारी बोक्ने वा धकेल्नेजस्ता शारीरिक परिश्रम बढी हुने कामका लागि २८.९ डिग्री र तीव्र गतिमा गरिने धेरै कडा शारीरिक गतिविधिका लागि अधिकतम तापक्रम २६.९ डिग्री सेल्सियस मात्र हुनुपर्ने व्यवस्था गरिएको छ ।
यदि कार्यस्थलको तापक्रम तोकिएको सीमाभन्दा बढी भएमा रोजगारदाताले नियन्त्रणात्मक उपाय लगायतका व्यवस्था अपनाउनुपर्नेछ ।

बालेन्द्र शाह नेतृत्वको सरकारको चैत्र १४ गते बसेको मन्त्रिपरिषद् बैठकले पारित गरेका शासकीय सुधार सम्बन्धी एक सय कार्यसूचीको १२ औँ नम्बरमा सार्वजनिक प्रशासनमा दलीय ट्रेड युनियन खारेज गर्ने विषयमा निजामती कर्मचारीका संगठनहरूले असहमति जनाएका छन् ।

नेपाल निजामती कर्मचारी संगठनकी अध्यक्ष भवानी न्यौपाने, नेपाल निजामती कर्मचारी युनियनका कार्यवाहक अध्यक्ष उत्तम कटवाल र राष्ट्रिय निजामती कर्मचारी संगठनका अध्यक्ष अम्बादत्त भट्टले आफूहरू राजनीतिक दलको विधानमा उल्लेख भएर दलको सिफारिसमा बनेको संगठन नभएकाले दलगत भन्न नमिल्ने र अन्तराष्ट्रिय मूल्य मान्यता तथा ट्रेड युनियन अधिकार संविधानले ग्यारेन्टी गरेको विषय भएको पनि बताउनु भएको छ ।
 

लोकतान्त्रिक मूल्य मान्यता र सामाजिक न्यायका लागि गरिने आन्दोलनको पक्षमा एकतावध्द भई दृढतापूर्वक उत्रनका लागि तयार रहन नेपाल ट्रेड युनियन महासंघ (जिफन्ट)ले १४ गते  प्रेश बिज्ञप्ती जारी गरी श्रमजिवी वर्गलाइ आव्हान गरेको छ । 

बिज्ञप्तीमा गत फागुन २१ गते सम्पन्न निर्वाचनबाट गठित सरकारले कथित कार्की आयोगको प्रतिवेदन कार्यान्वयनको नाममा नेकपा (एमाले) का अध्यक्ष पूर्व प्रधानमन्त्री केपी शर्मा ओलीलाई पक्राउ गरेर प्रतिशोधपुर्ण कदम मार्फत मुलुकलाई द्वन्द र मुठभेड तर्फ धकेल्ने काम गरेको उल्लेख गरेकोछ । 

भाद्र २३ गतेको जेनजी नवयुवाहरुको शान्तिपुर्ण आन्दोलको निहुँ पारेर योजनाबद्व रुपमा जननिर्वाचित सरकार र संसद बिघटन गर्दै गैरसंवैधानिक बाटोबाट बनेको सरकारले गठन गरेको असंवैधानिक, पुर्वाग्रही र प्रतिशोधपूर्ण आयोगको प्रतिवेदनलाई कार्यन्वयन गर्ने नाममा नव गठित सरकारले मुलुकको लोकतान्त्रिक शक्तिहरुमाथि आक्रमण शुरु गर्नु, नेकपा (एमाले) का अध्यक्ष लगायतलाई पक्राउ गर्नुलाई जिफन्टले नेपालको लोकतान्त्रिक तथा सामाजिक न्यायको आन्दोलन माथिको नाङ्गो प्रहार र दमन सुरु भएको ठहर गर्दै यसको घोर निन्दा र भत्सर्ना गर्दै पूर्वप्रधानमन्त्री लगायत गिरफ्तार गरिएका नेताहरुलाई तत्काल रिहाई गर्न र प्रतिशोधपुर्ण कार्य बन्द गर्न बिज्ञप्ती मार्फत माग गरेको छ

नेपाल ट्रेड युनियन महासंघ (जिफन्ट)र बेल्जियमको ट्रेड युनियन ACV-csc बिच राष्ट्रिय योजना बैठक चैत्र १२ गते देखी काठमाण्डौमा सुरू भएको छ ।

३ दिन सम्म संचालन हुने योजना बैठकमा सहभागी ACV-cscका प्रतिनिधीहरू तथा जिफन्ट नेतृत्वलाइ स्वागत गर्नु हुंदै जिफन्ट अध्यक्ष बिनोद श्रेष्ठले जिफन्ट र  बेल्जियमको ट्रेड युनियन बिचको लामो समय देखीको सहकार्यले नेपालको ट्रेड युनियन आन्दोलनलाइ अगाडी बढाउन मद्धत मिलेको भन्नु हुदै नेपालमा जेन्जी आन्दोलन पछी भएको राजनैतीक परिवर्नत पछी देखा परेको ट्रेड युनियन आन्दोलन माथीको प्रहारलाइ सामना गर्न आगामी दिनमा दुइ देश बिचको ट्रेड युनियनको सहकार्य महत्वपुर्ण रहने बताउनु भएको छ । 

अध्यक्ष श्रेष्ठले मौनता साध्नु भनेको आत्मसमर्ण हैन भन्नुहुंदै बदिलयको परीवेशमा नया तरीकाबाट नेपालको ट्रेड युनियन आन्दोलनलाइ अगाडी बढाउन आवश्यक रहेको बताउनु हुंदै जिफन्टले स्थानिय तहको युनियनलाइ बलियो बनाउन आवश्यक कामहरू गरी रहेको बताउनु भयो ।

कार्यक्रममा जिफन्ट महासचिब लक्ष्मण शर्माले जिफन्टले गर्दै आइरहेको काम र जिफन्टको संरचनाका बारेमा र WSM का एसिया प्रसान्तका संयोजक ब्रोनो कुलियरले WSM र जिफन्टको सहकार्यमा भएका कामहरूको बारेमा प्रकास पार्नु भएको थियो ।

ACV-csc का एसिया प्रसान्त अन्तरर्राष्ट्रिय बिभागका प्रमुख जेरोन रेक्सेनले ३ दिने कार्यक्रमको उद्धेश्य र जिफन्ट र ACV-cscको सहकार्यको बारेमा प्रकाश पार्नु भएको योजना बैठकमा ACV-csc का एसिया प्रशान्तका संयोजक मारिया इमिरेन्टाले सहकार्यकालागी आवश्यक कामहरूको बारेमा प्रकाश पार्नु भएको थियो ।