नेपाल ट्रेड युनियन महासंघ (जिफन्ट) अध्यक्ष बिनोद श्रेष्ठले अन्तरर्राष्टिय श्रम संगठन (आइएलओ) महासन्धि नं. ९८ (सङ्गठन गर्ने र सामूहिक सौदाबाजी गर्ने अधिकार) र नेपालको संविधानको धारा ३४ र ३५ ट्रेड युनियन गठन गर्ने र सामूहिक सौदाबाजीमा संलग्न हुने अधिकारको ग्यारेन्टी गरेकोले निजामती सेवा तथा सार्वजनिक क्षेत्रमा ट्रेड युनियनहरूलाई खारेज वा प्रतिबन्ध गर्ने नेपाल सरकारको घोषणा अन्तर्राष्ट्रिय कानून र नेपालको आफ्नै संविधानको उल्लङ्घन भएको बताउनु भएको छ ।

नेपालमा ट्रेड युनियन आन्दोलन सम्बन्धी राष्ट्रिय परामर्श: चुनौतीहरू र आगामी बाटो बिषयमा चैत्र २९ गते पब्लिक सर्भिस इन्टरनेशनल (पिएसआइ) नेपाल कोडिनेशन कमिटिद्वारा आयोजित कार्यक्रममा संयुक्त ट्रेड युनियन समन्वय केन्द्र जेटियुसीसीका अध्यक्ष समेत रहनु भएका श्रेष्ठले बताउनु भएको हो ।

अध्यक्ष श्रेष्ठले ट्रेड युनियन गठन गर्ने, सामेल हुने वा आबद्ध हुने विशेष रूपमा श्रमिकहरूको लोकतान्त्रिक अधिकार भएको र ट्रेड युनियनहरू राज्यका विरोधी नभइ तिनीहरू लोकतान्त्रिक शासनका एक अपरिहार्य स्तम्भ भएको हुनाले श्रम सम्बन्ध सुधारकालागि ट्रेड युनियनहरूसँग सामाजिक संवाद गर्नुपर्नेमा जोड दिनु हुंदै नेपाल सरकारले सार्वजनिक सेवाका श्रमिकहरूको प्रतिनिधित्व गर्ने ट्रेड युनियनहरूलाई प्रतिबन्ध लगाउने घोषणा तुरुन्त बिना शर्त फिर्ता लिन माग गरेको छ ।

अध्यक्ष श्रेष्ठले नेपाली श्रमिकहरूको मौलिक अधिकारको रक्षाकोलागि नेपालको ट्रेड युनियनहरू सधै अग्रस्थानमा रही आन्दोलन गर्दै आइरहेको भन्नु हुदै आगामी दिनमा पनि अधिकारको रक्षाकालागि आवश्यक कदम चाल्न पछि नपर्ने बताउनु भएको छ ।    
सरकारी नीति तथा श्रम आन्दोलनमा यसको प्रभाव बारेमा कानुनी विज्ञ देब बहादुर महतले प्रकाश पार्नु भएको कार्यक्रममा राजेन्द्र प्रशाद दाहालले ग्लोबल युनियन फेडरेशनहरूले जारी गरेको संयुक्त ऐक्यबद्धता सन्देशको प्रस्तुति गर्नु भएको थियो । 

त्यसैगरी पेशागत महसंघ, नेपाल (कोनेप) का अध्यक्ष पुण्य प्रशाद ढकाल, अन्टुफ वरिष्ठ उपाध्यक्ष धन बहादुर बिक र एनटियुसी उपाध्यक्ष तेजेन्द्र प्रशाद कार्कीले सरकारको ट्रेड युनियन विरोधी निर्णय  त्यसका सम्भावित प्रभावहरु र निर्णयको बिरूद्ध ट्रेड युनियनहरूको सामूहिक अभियानबारेमा प्रकाश पार्नु भएको थियो ।

पिएसआइ नेपाल कोडिनेशन कमिटि अध्यक्ष उत्तम प्रसाद कटुवालको अध्यक्षतामा भएको कार्यक्रमममा स्वागत मन्तब्य कोडिनेशन कमिटिका सचिब बसन्ती महर्जनले र कार्यक्रमको उद्धेश्यकाबारे राम प्रसाद पौडेलले प्रकाश पार्नु भएको थियो । 
 

अन्तरराष्ट्रिय ट्रेड युनियन केन्द्र (आइटियुसी)द्वारा ११४औं अन्तरर्राष्ट्रिय श्रम सम्मेलनको एजेण्डा तयारी गर्नको लागि चैत्र २६ र २७ गते बैंककमा एसिया प्रशान्त क्षेत्रका श्रमिक युनियनहरुको क्षेत्रीय सम्मेलन आयोजना गरेकोछ।

श्रमिकहरुको न्यूनतम मापदण्डहरुको कार्यान्वयनको व्यवस्था मूल्याङ्कन सम्बन्धमा छलफल भएको पहिलो दिनको सम्मेलनमा  नेपालमा पछिल्लो अवस्थामा भएका राजनीतिक परिवर्तनहरु र त्यसले श्रमिकका अधिकार र अवस्थाहरुमा पार्ने प्रभावको बारेमा छलफल भएको थियो।  

त्यसैगरी सम्मेलनको दोस्रो दिनमा प्लाटफर्म आधारित श्रमिकहरुको संरक्षणको बारेमा आगामी ILO सम्मेलनबाट तयार हुने सिफारिस सहितको अभिसन्धीको मस्यौदाका बारेमा छलफल भएको थियो ।

छलफलमा नेपाल ट्रेड युनियन महासंघ (जिफन्ट) महासचिव लक्ष्मण शर्माले,प्लाटफर्म श्रमिकहरुको पेशागत सुरक्षा र स्वास्थ्य (OSH)का सरोकारहरुको समूहकार्यको समन्वय गर्दै पुराना उद्योग तथा कल कारखानामा आधारित बुझाईबाट मात्र पुग्दैन बिकसित प्रबिधीमा आधारीत कामहरूलाइ पनि अत्मासाथ गर्नु पर्ने बताउनु भएको छ ।

महासचिव शर्माले खुल्ला सडकमा काम गर्ने प्लाटफर्मका सामान र यात्रु बोक्ने राइडर वा ड्राइभरहरुको स्वास्थ्यमा मौसम,वातारण,प्रदुषण,दुर्घटना,सडकको अवस्था,एलगोरिदमले पारेको दवाबहरुबाट श्रमिकहरू संरक्षण हुनुका साथै क्षतिपूर्ती दिनुपर्नेमा जोड दिनु हुंदै संरक्षणको लागि प्लाटफर्मद्वारा तयारी,उपकरणहरु,उध्दार र उपचार,परामर्श र सामाजिक सुरक्षामा योगदान गर्नुपर्ने बताउनुभएको छ ।

नेपाल ट्रेड युनियन महासंघ (जिफन्ट)आवद्ध राष्ट्रिय सौन्दर्यकर्मी युनियन नेपाल (नाबुन) कागेश्वरी मनहरा पालिकाको आयोजनामा चैत्र २६ गते स्किन केयर र मोल रिमुभ बिषयमा दक्षता अभिवृद्धि तालिम संचालन गरेको छ ।

तालिम कार्यक्रमको शुभारम्भ गर्नु हुंदै नाबुन केन्द्रीय अध्यक्ष सुजना जोशीले नाबुन सदस्यहरूको दक्षता अभिबृद्धिकालागी संगठनले शिप बिकास तालिमहरू संचालन गर्दै आइरहेको बताउनु भएको छ ।

नाबुन कागेश्वरी मनहरा पालिका अध्यक्ष सुनिता खड्का लम्सालको अध्यक्षतामा भएको लालिम कार्यक्रममा नाबुन बागमती प्रदेश कमिटी अध्यक्ष करूणा पुरी, सचिव सरिता शिवाकोटी लगायतले तालिमको उद्धेश्य र महत्वको बारेमा प्रकाश पार्नु भएको थियो भने स्किन कायर र मोल रिमुभ बिषयमा
रिना ओझाले तालिम दिनु भएको थियो ।

नेपाल सरकारले सार्वजनिक सेवाका श्रमिकहरूको प्रतिनिधित्व गर्ने ट्रेड युनियनहरूलाई प्रतिबन्ध लगाउने घोषणा चिन्ताको बिषय रहेको भन्दै सरकारलाई यो प्रस्ताव तुरुन्त बिना शर्त फिर्ता लिन एशिया प्रशान्त क्षेत्रका श्रमिकहरूको प्रतिनिधित्व गर्ने ग्लोबल युनियन फेडरेशनहरू (GUFs),ले आह्वान गरेको छ । 

एसिया प्रशान्त क्षेत्रका ग्लोबल युनियन फेडरेशनहरू आइटियुसी, बिडब्लुआइ, आइटिएफ, आइडिडब्लुएफ, इण्डष्ट्रिअल र पिएसआइले नेपालमा श्रमिक अधिकारहरु हनन् नहोउन् , शीर्षकमा चैत्र २४ गते एक वक्तव्य जारी गर्दै सो कुरा बताउनु भएको हो ।

नेपालले ILO महासन्धि नं. ९८ (सङ्गठन गर्ने र सामूहिक सौदाबाजी गर्ने अधिकार)लाई अनुमोदन गरेको र नेपालको संविधानको धारा ३४ र ३५ ले स्पष्ट रूपमा ट्रेड युनियन गठन गर्ने र सामूहिक सौदाबाजीमा संलग्न हुने अधिकारको ग्यारेन्टी गरेकोले अन्तर्राष्ट्रिय कानून र नेपालको आफ्नै संविधानको उल्लङ्घन भएको बक्तब्यमा उल्लेख गरेको छ ।

त्यसैगरी ट्रेड युनियन गठन गर्ने, सामेल हुने वा आबद्ध हुने विशेष रूपमा श्रमिकहरूको लोकतान्त्रिक अधिकार भएको र ट्रेड युनियनहरू राज्यका विरोधी नभइ तिनीहरू लोकतान्त्रिक शासनका एक अपरिहार्य स्तम्भ भएको बक्तब्यमा जोड दिएको छ ।

बक्तब्यमा GUFs ले ट्रेड युनियनहरूलाई प्रतिबन्ध लगाउने प्रस्ताव तुरुन्त र बिना शर्त फिर्ता लिइ नेपालको संविधानको धारा ३४ र ३५ अनुसार सबै श्रमिकहरूका लागि सङ्गठन गर्ने अधिकारको ग्यारेन्टी गरी ILO मूल महासन्धिहरू र १९९८ को ILO घोषणापत्र अन्तर्गत आफ्ना दायित्वहरूलाई पुनः पुष्टि गरी ILO मापदण्डहरूको प्रयोग समिति २०२५ का सिफारिसहरू तुरुन्त कार्यान्वयन गरी श्रम सम्बन्धमा कुनै पनि प्रस्तावित सुधारहरूमा ट्रेड युनियनहरूसँग सामाजिक संवाद गर्न आब्हान गर्दै ग्लोबल युनियन फेडरेशनहरू नेपालका श्रमिकहरू र ट्रेड युनियनहरूसँग पूर्ण ऐक्यबद्धतामा उभिएका छौं र उनीहरूको मौलिक अधिकारको रक्षामा अन्तर्राष्ट्रिय स्तरमा सबै आवश्यक कदम चाल्ने समेत बक्तब्यमा उल्लेख गरेको छ ।    
 

नेपाल ट्रेड युनियन महासंघ जिफन्ट आवद्ध नेपाल चिया कफि श्रमिक युनियनको चैत्र २१ गते केन्द्रिय कमिटीको दोस्रो पुर्ण बैठक सम्पन्न भएको छ ।

बैठक युनियनका अध्यक्ष सन्तकुमार राईको अध्यक्षतामा जिफन्ट कोशी प्रदेश कमिटी उपसचिव हरी अधिकारीको उपस्थितीमा सम्पन्न भएको हो ।
 

नेपाल ट्रेड युनियन महासंघ जिफन्ट आवद्ध नेपाल यातायात स्वतन्त्र मजदुर संगठन बागमती प्रदेशको चैत्र २१ गते सम्पन्न तेस्रो अधिवेशनले वेदप्रसाद घिमिरेको अध्यक्षतामा २२ सदस्य प्रदेश कमिटी र शंकर थापा प्रमुख रहनु भएको ६ सदस्य सल्लाहकार कमिटी निर्वाचित गरेको छ । 

नेपाल यातायात स्वतन्त्र मजदुर संगठन केन्द्रीय अध्यक्ष भिम ज्वाला राइको प्रमुख अतिथ्यतामा सम्पन्न भएको अधिवेशनमा जिफन्ट बागमती प्रदेश अध्यक्ष रामहरी नेपाल,  संगठनका उपाध्यक्ष ठाकुर प्रशाद गैरे, सुदुरपच्मि प्रदेश अध्यक्ष ललित चन्द, गण्डकी प्रदेश अध्यक्ष वेनिराज थिङ मधेश प्रदेश सचिव मनोज झा र डेकनाथ गौतम लगायतका अतिथीहरूले अधिवेशन सफलताको शुभकामना दिनु भएको थियो ।

२१७ जना प्रतिनिधी सहभागी रहेको अधिवेशनमा मुटु रोगबाट पिडित संगठनका सदस्य रमेश तामाङलाइ नगद ३९ हजार ५ सय बिस रूपया सहयोग समेत हस्तान्तरण गरेको थियो ।

त्यसैगरी सोहिदिन सम्पन्न लुम्बिनी प्रदेश कमिटी अन्तगर्त भैरहवा काठमाडौं रुट इकाई कमिटीको १२ औं अधिबेसनले शंकर न्यौपानेको अध्यक्षतामा ११ सदस्य इकाई कमिटी निर्वाचित गरेको छ ।