नेपाल ट्रेड युनियन महासंघ (जिफन्ट) आवद्ध नेपाल बिजुली, पेन्टर, प्लम्बर तथा निर्माण मजदुर युनियन (क्युपेक नेपाल) चितवन जिल्ला कमिटीद्वारा निर्माण श्रमिकहरूको सामाजिक सुरक्षामा पंहुच र सुधार बिषयमा बैसाख २६ गते चितवनमा कार्यक्रम सम्पन्न गरेको छ।

कार्यक्रममा क्युपवेक अध्यक्ष शान्ता बस्नेत, जिफनट बागमती प्रदेश सदस्य अन्जु गुरूङ लगायतका नेताहरूले श्रमिक अधिकार, सामाजिक सुरक्षा र मर्यादित रोजगारका विषयमा धारणा राख्नु भएको थियो ।

नेपाल ट्रेड युनियन महासंघ (जिफन्ट) आवद्ध जुट,गार्मेन्ट,कार्पेट तथा टेक्सटायाल मजदुर युनियन जिसिएम कार्पेटका अध्यक्ष, नेकपा एमाले गोकर्णेश्वर पालीका कमिटी सदस्य कमरेड जय प्रकाश ताजपुरियाको बैसाख २७ गते भएको असामयिक निधनले जिफन्ट परीवारलाइ मर्माहत बनाएको छ । 

जिफन्ट कमरेड जय प्रकाश प्रती भावपुर्ण श्रद्धाञ्ली अर्पण गर्दछ । यस दुःखद घडीमा सम्पूर्ण शोकाकुल परिवारजनप्रति गहिरो समवेदना व्यक्त गर्दछ। 

नेपाल ट्रेड युनियन महासंघ (जिफन्ट) अध्यक्ष विनोद श्रेष्ठले ट्रेड युनियनहरुलाई जिस्काउने काम नगर्न बालेन सरकारलाई चेतावनी दिनु भएको छ । 

अध्यक्ष श्रेष्ठले बैसाख २६ गते पोखरामा जिफन्टका अगुवा नेतृत्वसंग कुराकानी गर्नुहुँदै निजामती सेवा ऐन र नेपाल स्वास्थ्य सेवा ऐन अन्तर्गत दर्ता रहेका १२ वटा ट्रेड युनियनहरु अध्यादेश मार्फत खारेज गरिनु संविधानमाथिको आक्रमण रहेको बताउनु भएको हो ।

सरकार निरंकुश बन्दै गइरहेको र श्रमिकहरुलाई तर्साउन खोजिरहेको भन्नु हुंदै अध्यक्ष श्रेष्ठले यही दिशामा सरकार उन्मुख रहे श्रमिकहरुले यो सरकारलाई आफ्नो शक्ति देखाउनु पर्ने दिन धेरै टाढा नभएको बताउनुभयो ।

अध्यक्ष श्रेष्ठले जिफन्टले संचालन गरेको “कामको अधिकार, श्रमको सम्मान, सीपको अभिवृद्धि; प्रविधिसँग प्रगति, श्रमिकसँग समृद्धि!” को अभियान सफल बनाउन युवा श्रमिकहरूलाइ परीचालीत मात्र हैन युवा नेतृत्व बिकासमा समेत जिफन्टले महत्वकासाथ काम गरीरहेको बताउनु भएको छ ।

नेपाल ट्रेड युनियन महासंघ (जिफन्ट) आबद्ध क्युपेक नेपालद्वारा बैसाख २५ गते काठमाडौंमा निर्माण श्रमिकहरूको सामाजिक सुरक्षा तथा कार्यस्थल सुधार बिषयमा  सरोकारवालाबीच अन्तरक्रिया कार्यक्रम सम्पन्न गरेको छ।

जिफन्ट उपमहासचिब नरनाथ लुइटेलले अनौपचारिक तथा निर्माण क्षेत्रमा कार्यरत श्रमिकलाई सामाजिक सुरक्षा प्रणालीमा आबद्ध गराउनु आजको मुख्य आवश्यकता भएको बताउनु भएको कार्यक्रममा एफक्यान केन्द्रीय सदस्य राजेस गौतमले निर्माण क्षेत्रका श्रमिक र रोजगारदाताबीच सहकार्य आवश्यक रहेको धारणा राख्नु भएको थियो ।

योगदानमा अधारीत सामाजिक सुरक्षा कोषका प्रतिनिधी श्रृषिराम पाण्डेले कार्यक्रममा सहभागिहरूले राख्नु भएको जिज्ञासालाइ स्पष्ट पार्नु हुंदै सामाजिक सुरक्षा कोषमा आबद्धता, सुविधा र कार्यान्वयन प्रक्रियाबारे प्रकाश पार्नु भएको थियो ।

जिफन्ट वागमती प्रदेस अध्यक्ष रामहरि नेपालले कार्यस्थलमा भोग्नुपरेका समस्या, सुरक्षा चुनौती तथा कार्यविधि सुधारका विषयमा धारणा राख्नुभएको कार्यक्रममा सहधागीहरूलाइ क्युपेक अध्यक्ष शान्ता बस्नेतले धनयवाद ज्ञापन  गर्नु भएको थियो भने कार्यक्रमको अध्यक्षता योगेन्द्र शर्माले र सञ्चालन कृतिनिधि बिष्टले गर्नुभएको थियो। 

श्रम तथा रोजगार कार्यालय काठमाण्डौले एभिसिआइ–केडिएन चाइना सिभिल इन्जिनियरिङ कन्सट्रक्सन करपरेशन लिमिटेड जेभी (AVCI-KDN China Civil Engineering Construction Corporation Limited JV) मा चालक पदमा कार्यरत असोक अधिकारीलाइ १० लाख पच्चीस हजार सातसय तेह् रूपया सोह् पैसा भुक्तानी गर्नु पर्ने ठहर गरेको छ ।

अन्तर्राष्ट्रिय बिमान स्थलको पूर्वी क्षेत्रको हेङगर एरीया डेभलोमेन्ट परियोजना (Hangar Area Development Project) तथा सम्बन्धित कार्यहरूका लागि एभिसिआइ–केडिएन चाइना सिभिल इन्जिनियरिङ कन्सट्रक्सन करपरेशन लिमिटेड मार्फत बिगत २०७९ साल जेठ २६ गते देखि चालक पदमा रहेर अविछिन्न सेवा गर्दै आएका असोक अधिकारीलाइ गत २०८२ असार ७ गतेदेखी  बिना कारण २ महिनाका लागी जगेडामा राखेको थियो ।

जगेडामा राखेको अबधि व्यतीत भैसक्दा पनि काममा नवोलाए पछी प्रचलित श्रम ऐन २०७४ बमोजिम हुने गरि शेवा सुविधा उपलब्ध गरि पूर्ववत काम लगाई पाउ भनि श्रम ऐन २०७४ बमोजिम नेपाल ट्रेड युनियन महासंघ (जिफन्ट)को सहयोगमा २०८२ साल मंसिर २६ गते ब्यवस्थापक र श्रम कार्यालयमा निवेदन पेश गरेको थियो ।

यस सम्बन्धमा श्रम कार्यालयले पटक पटक दुबै पक्ष राखि वार्ता मार्फत छलफल गराउदा समेत सहमति हुन नसके पछि प्राप्त प्रमाणहरुका आधारमा श्रम ऐन २०७४ को दफा १६३ (२) अनुसार बैसाख २१ गते निर्णय गरेको हो । 
 

रोजगारीको प्रलोभनमा कम्बोडिया पुर्‍याइएका २३३ जना नेपाली युवाहरू एकै कोठामा बन्धक बनाइएको छ। 

बन्धक बनाइएका नेपालीहरूले आफूहरूलाई जनावरलाई जस्तै खाँदेर राखिएको र तत्काल उद्धार नगरिए ज्यान जोखिममा रहेको भन्दै आवश्यक सहयोगकोलागी नेपाल सरकारसँग गुहार मागेका छन्।

त्यहाँ रहेका नेपालीहरूका अनुसार उनीहरूका साथमा रहेका मोबाइल फोन, नगद पैसा र राहदानी (पासपोर्ट) समेत जफत गरिएको छ।