नेपाल ट्रेड युनियन महासंघ (जिफन्ट) आवद्ध यूनियन नेपाल स्वरोजगार ब्यापार श्रमिक संघको ४० औँ केन्द्रिय कमिटीको बैठक भाद्र २८ गते जिफन्ट नियमित ट्रेड युनियन स्कुलमा सम्पन्न भयो ।

केन्द्रिय अध्यक्ष माया गुरूङको अध्यक्षतामा सम्पन्न सो बैठकमा जिफन्ट अध्यक्ष बिनोद श्रेष्ठले  बैठकलार्इ सम्बोधन गर्नु हुंदै जिफन्टको संरचना र यूनियन बिच समन्वय, संगठन परिचालनमा देखा परेका समस्याहरू र नेतृत्वले के के गर्नु पर्थो के गर्न सकेन भन्ने बारेमा मसिनो ढंगबाट बैठकमा समीक्षा गर्नु पर्ने बताउनु हुँदै त्यसका आधारमा आगामी कार्यक्रम तय गर्नु पर्नेमा जोड दिनु भयो ।

अध्यक्ष श्रेष्ठले  यस क्षेत्रमा बजार व्यवस्थापन, युनियनका कार्यकर्ताहरूको समस्या सामाधान र यूवा र महिलाहरूको नेतृत्व बिकास तथा सदस्यता बिस्तारकालागी युनियन आफैले र जिफन्टले के के गर्नु पर्छ भन्ने बारेमा बैठकमा छलफल गर्नु पर्ने बताउनु हुँदै बैठक सफलताको शुभकामना दिनु भएको बैठकमा जिफन्ट उपाध्यक्ष बिदुर कार्की, महासचिब लक्ष्मण शर्माको उपस्थिती रहेको थियो ।
कार्यक्रमको फोटो हेर्न लिंकमा क्लिक गर्नुहोला https://www.facebook.com/media/set/?set=a.122117877932435116&type=3

समग्र उद्योग ट्रेड युनियन व्हिन सिजि फुड्सको नवौँ अधिवेशनले दामोदर पाण्डेको अध्यक्षतामा १५ सदस्य कार्यसमिति निर्वाचित गरेको छ ।

व्हिन अध्यक्ष आनन्द थामीको प्रमुख आतिथ्यमा भाद्र २९ गते गण्डकी प्रदेशको नवलपुरमा सम्पन्न सो अधिवेशनमा व्हिन उप महासचिव अर्जुन चौलागाईं, सचिव गीता भण्डारी सदस्य निराजन सिङ ठकुरी, नेकपा एमाले नगर कमिटी अध्यक्ष लगायतका अतिथिहरूले अधिवेशन सफलताको शुभकामना मन्तब्य राख्नु भएको थियो !

नव निर्वाचित कमिटीलाई व्हिन उपमहासचिव अर्जुन चौलागाईंले सपथ ग्रहण गराउनु भएको अधिवेशनको अध्यक्षता व्हिन सिजि फुड्सका अध्यक्ष दामोदर पाण्डेले गर्नु भएको थियो भने कार्यक्रम संचालन  कुलचन्द्र सापकोटाले गर्नु भएको थियो ।
 

नेपाल ट्रेड युनियन महासंघ (जिफन्ट) सुदूरपश्चिम प्रदेश कमिटीले कञ्चनपुर जिल्लाको बेदकोट नगर पालीकामा भाद्र २७ गते सम्पन्न श्रमिक भेलाले जय बहादुर बोहराको अध्यक्षतामा ७ सदस्य बेदकोट नगर कमिटी गठन गरेको छ ।

नेकपा एमाले केन्द्रिय सदस्य नर बहादुर धामीको प्रमुख आतिथ्यमा सम्पन्न सो भेलामा, जिफन्ट सुदूरपश्चिम प्रदेश कमिटी अध्यक्ष जित मल्ल, नेपाल यातायात स्वतन्त्र मजदुर संगठन केन्द्रिय सदस्य शंकर जोशी, लगायतका नेताहरूले सम्बोधन गर्नु भएको भेलाको संचालन सुदूरपश्चिम प्रदेश कमिटी सहसचिव दान बहादुर विष्टले गर्नु भएको थियो ।

त्यसैगरी कञ्चनपुर जिल्लाको बेलौरी नगर पालिकामा भाद्र २८ गते जिफन्ट सुदूरपश्चिम प्रदेश कमिटी अध्यक्ष जित मल्लको प्रमुख आतिथ्यमा सम्पन्न श्रमिक भेलाले सहबिर महरा संयोजकत्वमा ९ सदस्य पालिका कमिटी गठन गरेको छ । 

भेलामा जिफन्ट श्रमिक सहकारी प्रवर्धन कमिटी सदस्य चन्द्रराम बिक, जिफन्ट प्रदेश सदस्य कृती बहादुर शाही, कञ्चनपुर जिल्ला समन्वय कमिटी संयोजक भोज बहादुर एर र नाटु केन्द्रीय सदस्य विश्व लुहार लगायतका नेताहरूको उपस्थिति रहेको थियो ।

नेपाल बिजुली, पेण्टर, प्लम्बर तथा निर्माण मजदुर यूनियन (क्युपेक नेपाल) मकवानपुर जिल्ला शिक्षा विभागको आयोजनामा मकवानपुर गढी गांउपालिकामा भाद्र २७ गते १ दिने नेतृत्व बिकास प्रशिक्षण कार्यक्रम सम्पन्न गरेको  ।

प्रशिक्षण कार्यक्रमका जिल्ला अध्यक्ष प्रल्हाद राईले जिफन्टको संरचना र सदस्यहरूको भुमिकाका बारेमा, जिल्ला सचिव बुद्ध बहादुर बि.कले कयूपेक नेपालको र्इतिहास र कार्यक्रमको बारेमा प्रशिक्षण दिनु भएको सो कार्यक्रमको संचालन पालिका सचिव अर्जुण प्रसाद घिमिरेले गर्नु भएको थियो ।

कार्यक्रममा नेकपा एमाले गढी पालिका कमिटि अध्यक्ष  जित बहादुर घिमिरे लगाएतका अतिथीहरूको सहभागिता रहेको थियो ।
 

बजार व्यवस्थापन तथा बिक्री कर्मचारी संघ ओम्स नेपालको दोस्रो स्थापना दिवस भाद्र २६ गते देशैभरी विभिन्न कार्यक्रमको आयोजना गरी  मनाएको छ । 

मदेश प्रदेशको बिरगंजमा बिरगंज ईकाई कमिटीको आयोजनामा  मानबसेवा आश्रममा फलफूल एवम् बिस्कुट वितरण तथा भोजन सेवा साथै आश्रमको प्राङ्गणमा वृक्षारोपण कार्यक्रम गरी स्थापना दिवस मनाएको छ भने जनकपुर ईकाई कमिटीले मानबसेवा आश्रममा भोजन सेवा गरी दोस्रो स्थापना दिवस मनाएको हो । 

त्यसैगरी बागमती प्रदेशको नारायणी ईकाई कमिटीद्वारा मन्जु श्री असहाय संरक्षण केन्द्र भरतपुरमा खाजा तथा कपडा वितरण गरी स्थापना दिवस मनाएको छ भने, लुम्बिनी प्रदेशमा लुम्बिनी प्रदेश कमिटीको आयोजनामा मानव सेवा आश्रम बुटवलमा भोजन सेवा प्रदान गरेको छ । 

स्थापना दिवसको सन्दर्भमा सुदुर पश्चिम प्रदेश कमिटीको अयोजनामा जिफन्ट सुदुर पश्चिम प्रदेश कार्यालयमा वृक्षारोपण कार्यक्रम तथा मानव आश्रम धनगढीमा भोजन सेवा सम्पन्न गरेको छ त्यसैगरी गण्डकी प्रदेशको अयोजनामा पोखरास्थित हरिहर सन्यास आश्रम खाद्यान्न वितरण गरी स्थापना दिवस मनाएको ओम्स नेपालका जनक ढकालले जानकारी दिनु भएको थियो ।
 

इन्सपायर एसियाको आयोजनामा भाद्र २५ गते देखी काठमाडौँमा दोस्रो विश्व पथप्रदर्शक राष्ट्रहरूको एसियन बैठकमा सहभागी कम्बोडिया, बंगलादेश, इण्डोनेसिया, फिलिपिन्स लगायतका मुलुकका प्रतिनिधि मण्डलले भाद्र २७ गते अनामनगर स्थित नेपाल ट्रेड युनियन महासंघ (जिफन्ट) ट्रेड युनियन पोलिसी इन्स्टीच्युटको अवलोकन भ्रमण गर्नु भएको छ । 

प्रतिनिधि मण्डललाई स्वागत गर्नुहुँदै जिफन्ट अध्यक्ष बिनोद श्रेष्ठले जिफन्टले बिश्व ट्रेड युनियन आन्दोलनबाट सिक्दै र सिकाउँदै नेपालको ट्रेड युनियन आन्दोलनलाइ अगाडी बढाइरहेको भन्नु हुँदै जिफन्टले नेपालको ट्रेड युनियन आन्दोलनमा गरेका योगदान र अगामी दिनमा गर्ने कामहरूको बारेमा र तपाइहरू समक्ष अनुभव आदान प्रदान गर्ने प्रयास गरेको बताउनु भयो ।

अध्यक्ष श्रेष्ठले श्रम आन्दोलनमा तपाइहरूको अनुभवबाट पनि नेपालको ट्रेड युनियन आन्दोलनलार्इले केही सिक्न पाउ जसको कारण नेपालको मात्र नभई सिङ्गो श्रम संसारको श्रम आन्दोलनलाइ मद्दत पुग्ने विश्वास व्यक्त गर्नु भयो । 

कार्यक्रममा जिफन्ट उपाध्यक्ष बिदुर कार्कीले जिफन्टको नीति तथा कार्यक्रम, ट्रेड युनियन पोलिसी इन्स्टिच्युट,  जिफन्ट ट्रेड युनियन स्कुल र जिफन्ट रिसर्च सेन्टरको बारेमा बताउनु भएको थियो ।

जिफन्ट महासचिब लक्ष्मण शर्माले सञ्चालन गर्नु भएको उक्त कार्यक्रममा डब्लुएसएम इन्सपायर एसियाका कोडिनेटर बिस्मो सान्योटोले जिफन्ट र जिफन्टको कामहरूको बारेमा जानकारी दिनु भएकोमा धन्यवाद व्यक्त गर्नु भएको थियो । 

थप फोटोकोलागी https://www.facebook.com/media/set/?set=a.122117472554435116&type=3