नेपाल स्वास्थ्यकर्मी तथा कर्मचारी युनियन लुम्बिनी नेत्र बिज्ञान अध्ययन संस्थान रण अम्बिका शाह अस्पतालको भाद्र २९ गते सम्पन्न १३ औ अधिवेशनले अरूण अधिकारीको अध्यक्षतामा ११ सदस्य कमिटी निर्वाचित गरेको छ ।

अधिवेशनको उद्घघाटन गर्नु हुँदै जिफन्ट उपाध्यक्ष कमल गौतमले श्रमिकहरूको हक र हितकालागी जिफन्टले गर्दै आइरहेको कामको बारेमा चर्चा गर्नु हुँदै योगदानमा आधारीत सामाजिक सुरक्षा सबै श्रमिकहरूको अधिकार भएको हुनाले यस बाट कुनै श्रमिकहरलाइ बन्चीत गर्न नुहने बताउनु भयो ।

नेपाल स्वास्थ्य कार्मी तथा कर्मचारी युनियनको केन्द्रिय आर्थिक सचिव तथा लुम्बिनी प्रदेश ईन्चार्ज रमेश घिमिरेको अध्यक्षतामा भएको अधिवेशन उद्धघाटन समारोहमा नेपाल स्वास्थ्यकर्मी तथा कर्मचारी युनियनका केन्द्रिय कमिटी अध्यक्ष उमेश गिरीले यूनियनको नीति तथा कार्यक्रम माथी प्रकाश पार्नु भएको थियो भने, जिफन्ट लम्बीनी प्रदेश अध्यक्ष हुमाकान्त काफ्लेले अधिवेशन सफलताको शुभकामना दिनु हुँदै श्रमिक अधिकार प्राप्तीकालागी संगठीत हुनुको बिकल्प नभएको बताउनु भयो ।

युनियनका केन्द्रिय अध्यक्ष उमेश गिरीको अध्यक्षतामा, जिफन्ट लम्बीनी प्रदेश अध्यक्ष हुमाकान्त काफ्लेले संचालन गर्नु भएको बन्दशत्रले निर्वाचित कमिटीलाई अध्यक्ष उमेश गिरीले पद तथा गोपनियताको पथ ग्रहण गराउनु भएको थियो ।
 

नेपाल यातायात स्वतन्त्र मजदुर संगठन बागमती प्रदेशको भाद्र २९ गते कोटेश्वरमामा सम्पन्न युवा भेलाले कमल पोखरेलको अध्यक्षतामा ७ सदस्यीय युवा कमिटी गठन गरेको छ । 

प्रदेश उपाध्यक्ष बेदप्रशाद घिमीरेको अध्यक्षता भएको भेलामा संगठनका अध्यक्ष भिम ज्वाला राईले सम्बोधन गर्नु हुँदै संगठनले संचालन गर्दै आइरहेको अभियानहरू, संगठनमा युवा मजदुरको भविष्य र संगठनको अगामी कामको बारेमा प्रस्ट पार्नु भएको थियो ।

संगठनका महासचिव केशब थापा निरूले संगठन को इतिहास र कामको व्यवस्थापनबारे मन्तब्य राख्नु भएको सो भेलामा, केन्द्रीय सचिव सरस्वती रिजाल, केन्द्रीय सदस्य कमल सापकोटा लगायतका अतिथिहरूको उपस्थित रहेको थियो ।
 

राष्ट्रिय सौन्दर्यकर्मी युनियन नेपाल (नाबुन)  बिराटनगर महानगर कमिटीले ६० औँ राष्ट्रिय बाल दिवसको सन्दर्भमा विराटनगर – ५ कोचाखालमा रहेको विराट बहिरा माध्यमिक विद्यालयका ‘बालबालिकामा लगानी, सुनिश्चित भविष्यको थालनी’ भन्ने नाराका साथ भाद्र २९ गते बाल दिवस मनाएको छ।

नाबुन केन्द्रिय सचिवालय सदस्य ममता प्रधानको प्रमुख आतिथ्यमा सम्पन्न सो कार्यक्रममा विराट बहिरा माध्यामिक विद्यालयमा अध्ययनरत विद्यार्थीहरूलाई स्वास्थ्य सामाग्री, बालबालिकाहरूको हेयर कटिङ, नेल कटिङ, खाद्य सामाग्री वितरण गरेको हो ।

अध्यक्ष सुब्बाले कार्यक्रममा बोल्दै यस विद्यालयमा अध्ययनरत विद्यार्थीहरूले सिप सिक्ने चाहेमा नाबुन महानगर कमिटीले ब्यूटिसियन सम्बन्धी तालिम निःशुल्क दिने प्रतिबद्धता जनाउनु भयो ।

नाबुन विराटनगर महानगर कमिटी सचिव बसन्ती गुरूङले संचालन गर्नु भएको कार्यक्रममा जिफन्ट महिला कमिटीकी सचिव सायदा तवसुम, नाबुनकोशी प्रदेश अध्यक्ष कला डाँगी, कोषाध्यक्ष अमिता पोखरेल, सदस्य चन्द्रा घिमिरे र गंगा तामाङ्ग लगायतका अतिथिहरूको सहभागिता रहेको थियो ।
 

नेपाल ट्रेड युनियन महासंघ (जिफन्ट) आबद्ध आइसिटी, मिडिया, प्रेस, प्रोफेसनल युनियन नेपाल (इम्प्रेसन नेपाल) को काठमाण्डो उपत्यका स्तरीय भेला भाद्र २५ गते पुतलीसडक स्थित जिफन्ट सभाहलमा इम्प्रेसन नेपाल बागमती प्रदेश इन्चार्ज राजु दाहालको अध्यक्षतामा सम्पन्न भयो ।

भेलाका प्रमुख अतिथि इम्प्रेसन नेपालका अध्यक्ष वालगोपाल थापाले भेलाको उद्देश्यबारे प्रस्ट पार्नु हुँदै श्रमिकहरूको अधिकार, "इम्प्रेसन नेपालको अवसर र चुनौतीका बारेमा आफ्ना धारणा राख्नु भयो । 

जिफन्ट बाग्मती प्रदेश सदस्य ईश्वरी थापा, इम्प्रेसन नेपालका उपाध्यक्ष किरण माली, अर्ची अफसेटका अध्यक्ष नारायण भक्त सुवाल, कान्तिपुर पब्लीकेशनका अध्यक्ष राम निरौला, एनसेल अध्यक्ष शुकान्त अधिकारी लगायतका नेताहरूले भेलामा सम्बोधन गर्नु भएको थियो ।

इम्प्रेसन नेपालका महासचिब सुरज अधिकारीले संचालन र उपमहासचिव सुमन गौतमले स्वागत गर्नु भएको भेलाले फन्नीराज गुरागाईँको अध्यक्षतामा ११ सदस्य काठमाण्डौं जिल्ला तदर्थ कमिटी गठन गरेको छ ।

त्यसैगरी रमेश कार्कीको अध्यक्षतामा ५ सदस्य ललितपुर जिल्ला तदर्थ कमिटी र मोहन श्रेष्ठको अध्यक्षतामा ६ सदस्य भक्तपुर जिल्ला तदर्थ कमिटी गठन गरेको छ ।

नेपाल ट्रेड युनियन महासंघ (जिफन्ट) आबद्ध युनियन नेपाल स्वरोजगार ब्यापार श्रमिक संघ नेष्ट बागमती प्रदेश कमिटीको आयोजनामा भाद्र २९ गते जिफन्ट ट्रेड युनियन स्कुल अनामनगरमा नेतृत्व विकास कार्यक्रम सम्पन्न भयो ।

प्रशिक्षण कार्यक्रमको शुभारम्भ गर्नु हुँदै जिफण्ट अध्यक्ष बिनोद श्रेष्ठले प्रशिक्षणमा सिकेका बिषयहरूलार्इ व्यवहारिक रूपमा लागु गर्न सके मात्र प्रशिक्षण सफल हुने भन्नु हुँदै सहभागीलार्इ सिकेका विषयहरू आ–आफ्नो कार्य क्षेत्रमा लागु गर्न अनुरोध गर्नु हुँदै कार्यक्रमको सफलताको कामना गर्नु भयो । 

जिफन्ट उपाध्यक्ष तथा शिक्षा विभाग प्रमुख बिदुर कार्कीले संगठन कला, स्वरोजगार क्षेत्रमा योगदानमा आधारित सामाजिक सुरक्षाको प्रबन्ध लगायतका विषयमा प्रशिक्षण दिनु भएको सो कार्यक्रममा जिफन्ट महासचिब लक्ष्मण शर्मा, श्रम सम्बन्ध विभाग प्रमुख कृष्ण केसी उपस्थित हुनु भएको थियो । 

कार्यक्रमको फोटोकोलागी लिंकमा क्लिक गर्नु ।

 https://www.facebook.com/media/set/?set=a.122117877932435116&type=3

नेपाल चिया कफी श्रमिक युनियनको संगठन सुदृढीकरण तथा सदस्य विस्तार अभियान अन्तरगत भाद्र ३० गते झापा जिल्लाको मेचीनगर -१५ मा अवस्थित  खेमका चिया बगानमा व्यवसायजन्य स्वास्थ्य र सुरक्षा बारेमा अभिमुखीकरण कार्यक्रम सम्पन्न भयो 

युनियनका केन्द्रिय अध्यक्ष सन्त कुमार राईले संगठन सुदृढीकरण तथा सदस्य विस्तार, श्रम कानुन र योगदानमा आधारित सामाजिक सुरक्षाको बारेमा प्रकाश पार्नु भएको कार्यक्रममा व्यवसायजन्य स्वास्थ्य र सुरक्षा विषयमा जिफन्ट कोशी प्रदेश उपसचिव हरी अधिकारीले प्रस्ट पार्नु भएको थियो ।