नेपाल ट्रेड युनियन महासंघ (जिफन्ट) आबद्ध नेपाल स्वास्थ्य स्वयंसेविका संघ (नेभा) ले स्वास्थ्य स्वयंसेविहरूको उचित सुविधा र योगदानमा आधारित सामाजिक सुरक्षा लगायतका विषयमा चैत्र २९ गते नेपाल सरकारका स्वास्थ्य तथा जनसंख्या मन्त्री प्रदिप पौडेल समक्ष मागपत्र बुझाइएको छ ।

नेपाल ट्रेड युनियन महासंघ (जिफन्ट) उपाध्यक्ष सीता लामाको नेतृत्वमा नेभा अध्यक्ष गिता थिङ्ग लगायतका नेताहरूले बुझाएको सो माग पत्रमा स्वयंसेविकाहरूका मागलाई मन्त्रालयले आगामी बजेटमा समेट्न आग्रह समेत गरेको छ ।

त्यसैगरी चैत्र २७ गते भेरी गंगा नगर पालीका प्रमुख यज्ञ ढकाल समक्ष योगदानमा आधारित सामाजिक सुरक्षा लगायतका माग सहित नेभा केन्द्रीय सदस्य भुमु रिजालले ज्ञापन पत्र बुझाएको छ ।

नेभा सदस्य तथा भेरी गंगा नगर पालीकामा कार्यरत स्वास्थ्य स्वयमसवीका निर्मला सुनारको असामयिक निधन भएकोमा सोही दिन पालिकाद्भारा स्वर्गिय सुनारको परीवारलाइ नगद २१ हजार रूपंया सहयोग हस्तान्तरण गरेको छ ।
 

नेपाल स्वतन्त्र होटल, क्यासिनो तथा रेष्टुरेण्ट मजदुर युनियन (नेस्वहोमयु)द्वारा “पर्यटन क्षेत्रमा सामाजिक सुरक्षा उचित वेतन र रोजगारीको रक्षा, “शत प्रतिशत सेवा शुल्क पुनःप्राप्ती श्रमिकको अधिकार” भन्ने विषयमा चैत्र २८ गते जिफण्टको सभाहलमा अन्तरक्रिया कार्यक्रम सम्पन्न गरेको छ ।

कार्यक्रममा नेपाल ट्रेड युनियन महासंघ (जिफन्ट) अध्यक्ष विनोद श्रेष्ठले मजदुरहरूको अधिकारका रुपमा स्थापित सेवा शुल्क बापतको पारिश्रमिक पाउने व्यवस्था कानुन मै स्थापित गर्न नेतृत्व र सरकारसँग वार्ता, आन्दोलन, संवाद र दबाबका कार्यक्रमहरू अगाडि बढाउनु पर्ने भन्नु हुँदै श्रमिकबाट सर्वोच्चको आदेश मार्फत छिनिएको उक्त सुविधा प्राप्तिका लागि जिफन्टले पहल गर्ने प्रतिबद्धता व्यक्त गर्नु भएको छ ।

त्यसैगरी जिफन्टका महासचिव लक्ष्मण शर्माले हामीले कसरी अधिकार पायौँ र कसरी गुमायौँ समीक्षा गर्न आवश्यक छ भन्नु हुँदै अधिकार प्राप्तिका लागि मजबुत संगठन निर्माणमा ध्यान दिनु पर्नेमा जोड दिनु भयो ।

कार्यक्रममा जिफन्ट बागमती प्रदेश कमिटी अध्यक्ष रामहरि नेपाल, नेस्वहोमयू अध्यक्ष लक्ष्मण तिवारी, युनिट्राभ अध्यक्ष सुमन पराजुलीले होटल श्रमिकहरुको अधिकार र रोजीरोटी कोभिडपछि कटौती हुँदै गएकोमा चिन्ता व्यक्त गर्नुहुँदै कतिपय होटलहरुले नियमित प्रकृतिको काम भइरहँदा पनि करारमा धेरै कर्मचारी राख्ने र पुराना कर्मचारीलाई दिइएको काम घटाएर खुम्च्याउने काम गरेको बताउनु भएको थियो । 

 थप फोटोकोलागि तलको लिंकमा क्लिक गर्नहोस् ।

https://www.facebook.com/media/set/?set=a.122147987738435116&type=3

नेपाल ट्रेड युनियन महासंघ (जिफन्ट) अध्यक्ष बिनोद श्रेष्ठले श्रमिकहरूले प्रजातन्त्र, समानता र सामाजिक न्यायकालागि लामो संघर्षको इतिहास बोकेको र प्रारम्भिक दिनहरूमा, ट्रेड युनियनहरू श्रमिकहरूको आधारभूत अधिकारका लागि लड्यौ तथापि, विभिन्न राजनीतिक दलहरूका सम्बन्धनमा विभाजित आन्दोलनले उचित मार्ग प्रशस्त गर्न सकेन। तर, जब हामीले नेपालका छरिएर रहेका ट्रेड युनियनहरूलाई एकीकरण गरी संयुक्त ट्रेड युनियन समन्वय केन्द्र (जेटियुसिसि) सन् २००७ मा गठन गर्यो, तब श्रमिकहरूको आवाज सशक्त बनाउन सफल भयो।

"विविधतामा एकता" को सिद्धान्तलाई मार्गदर्शक मानेर, जेटियुसिसिले नेपालमा ट्रेड युनियन प्रयासहरू एकीकृत गर्दै श्रमिकहरूको साझा मुद्दालाई नीति सुधार, औद्योगिक शान्ति र विकासका लागि आवाज उठाउँदै आएको बताउनु भएको छ ।

पब्लिक सर्भिस इन्टरनेशनल (PSI) द्वारा चैत्र २७ गते काठमाण्डौमा आयोजित सरसफाइ क्षेत्र सम्बन्धी दक्षिण एसिया क्षेत्रीय बैठकमा अध्यक्ष श्रेष्ठले सो कुरा बताउनु भएको हो । 

अध्यक्ष श्रेष्ठले नेपालका श्रमिकहरू र ट्रेड युनियनहरू राजनीतिक आन्दोलन र जनताको लोकतन्त्र पुनर्स्थापनासँग प्रत्यक्ष रूपमा जोडिएको भन्नु हुँदै ट्रेड युनियन आन्दोलन श्रमिकहरूको अधिकार सुनिश्चित गर्ने र सामाजिक संवादमार्फत उपलब्धिहरू संस्थागत गर्ने दिशामा केन्द्रित भएको र हाम्रो सामाजिक संवादको मुख्य उद्देश्य औद्योगिक शान्ति स्थापना गर्नु र मर्यादित श्रमको लक्ष्य प्राप्त गर्ने मा जोड दिनु भएको थियो ।

नेपाल ट्रेड युनियन महासंघ (जिफन्ट) मकवानपुर गढी गाउँपालिका कमिटीको चैत्र २७ गते डुम्रेकुनामा सम्पन्न प्रथम अधिवेशनले धर्म तिमल्सिनाको अध्यक्षतामा ११ सदस्यीय पालिका कमिटी चयन गरेको छ । 

अधिवेशनको उद्घाटन गर्दै प्रमुख अतिथि जिफन्ट बागमती प्रदेश उपाध्यक्ष अर्जुन अर्यालले जिफन्ट श्रमिकको मर्यादित काम चाहान्छ र मर्यादित कामका निमित्त जिफन्टले प्रतिफल, दिगोपन र सुरक्षाको प्रत्याभूत हुनुपर्दछ भन्ने मान्यता राख्दछ भन्नुहुँदै जिफन्टको कामकाबारेमा र योगदानमा आधारित सामाजिक सुरक्षा योजनाका बारेमा प्रशिक्षण मुलक मन्तव्य व्यक्त गर्नुभयो । 

धर्म तिमल्सिनाको अध्यक्षतामा भएको सो अधिवेशनमा नेकपा एमाले मकवानपुर गढी गाउँपालिका अध्यक्ष जितबहादुर घिमिरे, जिफन्ट मकवानपुर उपाध्यक्ष प्रल्हाद राई, क्युपेक मकवानपुर सचिव पुर्णबहादुर बराल, लगायतका अतिथीहरूको सहभागिता रहेको थियो ।

कार्यक्रमको संचालन सचिव केदार पुडासैनीले र स्वागत सिताराम तिमल्सिनाले गर्नुभएको थियो । 

नेपाल यातायात स्वतन्त्र मजदुर संगठनले चैत्र २६ र २७ गते सुनसरी जिल्लाको धरान, भानुचोक बसपार्कमा सडक संवाद कार्यक्रम सम्पन्न गरेको छ । 

बिहान र साँझको समयमा आयोजित यो संवाद कार्यक्रममा मजदुरहरूको गुनासोप्रति सम्बोधन गर्दै संगठनका अध्यक्ष भीमज्वाला राईले सार्वजनिक यातायात क्षेत्रको दीर्घकालीन संकटको मुख्य कारण स्थायी संरचनाको अभाव रहेको बताउनुभयो। 

अध्यक्ष राईले योगदानमा आधारित सामाजिक सुरक्षा ऐनको प्रभावकारी कार्यान्वयन, लगानीकर्ताको लगानीको संरक्षण, मजदुरहरूको पेशागत जीवनको समृद्धि र यात्रुहरूको सेवाको सुनिश्चितता नभएसम्म सुधार सम्भव नरहने धारणा व्यक्त गर्नु हुँदै वर्तमान संरचना परिवर्तन र कानुन संशोधनका लागि देशभरका मजदुरहरुलाई संगठित हुन आह्वान गर्नु भयो ।

सडक संवाद कार्यक्रममा ८१ जना यातायात मजदुरहरुलाई संगठनको सदस्यता समेत प्रदान गरिएको छ ।
 

नेपाल ट्रेड युनियन महासंघ (जिफण्ट)द्वारा अन्तरराष्ट्रिय श्रमिक दिवस २०८२ (मे दिवस २०२५) मनाउने सन्दर्भमा चैत्र २६ गते जिफन्ट सभाहलमा छलफल भएको छ । 

छलफलमा जिफन्ट अध्यक्ष बिनोद श्रेष्ठले वर्तमान नेपालको राजनैतीक अवस्था र श्रम संसारमा देखिएका चुनौतीका बारेमा चर्चा गर्नु हुँदै गणतन्त्र बिना श्रमिकहरूको अधिकार सुरक्षित नहुने भएको हुनाले नेपालको संविधान र यसले संस्थागत गरेको सङ्घीय लोकतान्त्रिक गणतन्त्र, समावेशी प्रणाली र सामाजिक न्याय जस्ता उपलब्धिको रक्षा र सबल अर्थतन्त्र, सामाजिक न्याय र श्रमिक हितको पक्षमा रहेको श्रमशक्तीलाइ आगामी मे दिवसमा प्रदर्शन गर्न आवश्यक रहेको बताउनु भयो । 

जिफन्ट राष्ट्रिय कमिटी नेताहरूले आ–आफ्नो बिचार राख्नु भएको सो छलफलले २०८२ साल बैसाख १८ गते देशभर जिफन्टले मे दिवस मनाउने  निर्णय  समेत गरेको छ ।