नेपाल ट्रेड युनियन महासङ्घ जिफन्टको संस्थापक घटक युनियन युनिट्राभको ४२ औँ स्थापना दिवस बैशाख ३ गते जिफन्ट सभाहलमा एक कार्यक्रमको आयोजना गरी मनाएको छ ।

कार्यक्रम प्रमुख अतिथि जिफन्ट अध्यक्ष बिनोद श्रेष्ठले तत्कालीन निरंकुश पञ्चायती तानाशाही कालको कठिन भूमिगत अवस्थामा २०४० साल वैशाख १ गते नेपाल ट्रेकिङ मजदुर सङ्घको नामबाट हालको युनिट्राभ स्थापना भएको बताउनु हुँदै २०४६ सालमा नेपालको पर्यटन क्षेत्रका मजदुरहरूको हक अधिकारको लागि ८४ सूत्रीय मागपत्र नेपाल सरकारलाई पेश गरेको यस संगठनले २०४७ सालको प्रजातन्त्र पुन स्थापनापछि ट्रेकिङ मजदुरहरूको मर्यादित काम र उचित ज्यालाका लागि कार्य सुरु गरेको बताउनु भयो ।

अध्यक्ष श्रेष्ठले युनियनको प्रभाव र सक्रियताको फलस्वरूप कल्याणकारी कोष, ज्याला वृद्धि, बिमा रकमको वृद्धि,  लगायत विभिन्न हिमालको बेस क्याम्प नदी ताल तलैया सिमसार क्षेत्र सरसफाई अभियान सञ्चालन निरन्तर गरीरहने पहिलो संस्थाको रुपमा यो युनियन स्थापित भएको भन्नु हुँदै यस क्षेत्रमा काम गर्ने श्रमिकहरूकोलागि गर्नु पर्ने काम घेरै बाँकी छ, ती कामहरूलाई सम्पन्न गर्न संगठीत शक्ति बिना पुरा नहुने जिकिर गर्नु हुँदै प्राप्त उपलब्धिको रक्षा र थप प्राप्तिकालागि र यस क्षेत्रमा रहेका चुनौतीहरूलाई सामना गर्न स्थापना दिवसले थप प्रेरणा मिल्ने विश्वास सहित मर्यादित कामको आन्दोलनमा जिफन्ट सधैँ अग्रभागमा रहेर साथ सहयोग रहने प्रतिबद्धता जनाउनु भयो ।

युनिट्राभ अध्यक्ष सुमन पराजुलीको अध्यक्षतामा महासचिब राम बहादुर श्रेष्ठले संचालन गर्नु भएको सो कार्यक्रममा जिफन्ट बागमती प्रदेश अध्यक्ष रामहरी नेपाल र जिफन्ट आवद्ध युनियनहरूको तर्फबाट नेस्वहोमयू अध्यक्ष लक्ष्मण तिवारीले शुभकामना मन्तब्य राख्नु  भएको थियो ।
थप् फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122148798488435116&type=3

नेपाल सरकारको कुनै पनि निकायमा करार, अस्थायी रूपमा कार्यरत कर्मचारीहरूलाई अनिवार्य योगदानमा आधारीत सामाजिक सुरक्षा कोषमा सुचीकृत हुनुपर्ने ब्यवस्था गरेकोमा संयुक्त ट्रेड युनियन समन्वय केन्द्र (JTUCC) ले बैशाख ३ गते श्रम रोजगार तथा सामाजिक सुरक्षा मन्त्री शरद सिंह भण्डारी मार्फत नेपाल सरकारलाइ धन्यवाद दिएको छ ।

JTUCC नेतृत्वले बैशाख १ गते नेपाल राजपत्र प्रकाशित सरकारी कोषबाट पारिश्रमिक पाउने तर निवृत्तिभरण नपाउने श्रमिक योगदानमा अधारीत सामाजिक सुरक्षा कोषमा अनिवार्य आबद्ध हुनुपर्ने ब्यवस्था गरेको हो । 
 

नेपाल ट्रेड युनियन महासंघ (जिफण्ट) ले नेपाल सरकारको कुनै पनि निकायमा करार, अस्थायी रूपमा कार्यरत कर्मचारीहरूलाइ अनिवार्य योगदानमा आधारित सामाजिक सुरक्षा कोषमा सुचीकृत हुनुपर्ने ब्यवस्था गरेकोमा नेपाल सरकारलाई धन्यवाद दिएको छ ।

जिफन्टले वषौ‌देखी सबै श्रम क्षेत्रमा रहेका कामदार कर्मचारीहरूलाइ योगदानमा आधारीत सामाजिक सुरक्षा लागु हुनु पर्ने माग उठाउँदै आएकोमा नेपाल सरकारले बैशाख १ गते नेपाल राजपत्रमा प्रकाशित गरी सरकारी कोषबाट पारिश्रमिक पाउने तर निवृत्तिभरण नपाउने श्रमिक योगदानमा अधारीत सामाजिक सुरक्षा कोषमा अनिवार्य आबद्ध हुनुपर्ने ब्यवस्था गरेको हो । 

नेपाल राजपत्रमा वैशाख १ गते प्रकाशित सूचना अनुसार प्रदेश सरकार वा स्थानीय सरकारको सञ्चित कोष, नेपाल सरकार, प्रदेश सरकार वा स्थानीय तहको पूर्ण वा आंशिक स्वामित्व भएका संस्थान, निगम, बोर्ड, प्राधिकरण, प्रतिष्ठान वा यस्तै निकायमा करार, अस्थायी कर्मचारीले खाइपाई आएको तलबको कम्तीमा ६० प्रतिशत रकमलाई आधार मानेर त्यसको २० प्रतिशत रोजगारदाताबाट र ११ प्रतिशत योगदानकर्ताको तर्फबाट जम्मा गर्नुपर्ने श्रम रोजगार तथा सामाजिक सुरक्षा मन्त्रालयले जनाएको छ ।

मन्त्रालयले योगदानमा आधारित सामाजिक सुरक्षा ऐन २०७४ को दफा २ को खण्ड ‘ज’ले दिएको अधिकार प्रयोग गरी यो सूचना जारी गरेको हो ।
 

कोरियन सरकारले प्रवासी श्रमिकलाई अमानवीय तरिकाले गरिने धरपकडको कारण हुने घाईते तथा ज्यान समेत जाने घटनाको बिरूद्धमा कोरीयाको माइग्रेन्ट ट्रेड युनियन (MTU) ले अप्रिल १४ र १५  अर्थात बैशाख १ र २ गते सउल प्रशासनिक कार्यालय अगाडि पत्रकार सम्मेलन गरि माग पत्र बुझाइएको छ ।

पत्रकार सम्मेलनमा प्रवासी श्रमिकले भिषा कसरी गुमाउँछ यस्को कारण के हो सहि पहिचान गर्न र भिषा गुमाउन बाध्य गराउने कानुनको परिबर्तन गर्नु पर्ने MTU ले माग गरेको छ ।

पत्रकार सम्मेलनमा सम्पुर्ण प्रवाशी श्रमिकलाई आफ्नो अधिकारकालागी MTU मा आवद्ध हुन समेत अनुरोध गरेको छ ।

नेपाल ट्रेड युनियन महासघ (जिफन्ट) कर्णाली प्रदेशले नव वर्ष २०८२ सालको अवसरमा बैशाख १ गते जिफन्ट प्रदेश कार्यालय सुर्खेतमा शुभकामना आदान प्रदान कार्यक्रम सम्पन्न गरेको छ ।

जिफन्ट राष्ट्रिय कमिटी सदस्य चन्द्रा कुमारी धामीको प्रमुख आतिथ्यतामा सम्पन्न शुभकामना आदान प्रदान कार्यक्रमको अध्यक्षता प्रदेश उपाध्यक्ष राधा श्रेष्ठले गर्नु भएको थियो भने कार्यक्रमको संचालन सचिव श्रीपाल सारु मगरले गर्नु भएको थियो ।
 

नेपाल ट्रेड युनियन महासंघ (जिफण्ट) आबद्ध समग्र उद्योग ट्रेड युनियन नेपाल (ह्वीन) हिमाल पावर कम्पनी खिम्तिद्वारा श्रमिकहरुले खाईपाई आएको सेवा सुविधा र रोजगारीको निरन्तरताको सम्बन्धमा नेपाल बिधुत प्राधिकरणमा चैत्र ३१ गते ध्यानाकर्षण पत्र पेश गरेको छ । 

जिफन्ट बागमती प्रदेश अध्यक्ष रामहरी नेपालको नेतृत्वमा ह्वीन हिमाल पावर कम्पनी खिम्तिका अध्यक्ष केशब  केसी लगायतका प्रतिनिधिले नेपाल बिधुत प्राधिकरणका म्यानेजिङ डाइरेक्टर हितेन्द्र देव शाक्य समक्ष ध्यानाकर्षण पत्र बुझाएको हो ।