आइटियुसी, एफएनभी र सार्टुकको संयुक्त आयोजनामा दक्षिण एसियामा श्रम कानून सुधार बिषयक कार्यशाला कार्तिक १९ गते श्रीलंकाको कोलोम्बोमा सम्पन्न भएको छ । 

कार्तिक १७ गते देखि सुरूभएको कार्यशालाको अध्यक्षता गर्नुहुंदै नेपाल ट्रेड युनियन महासंघ (जिफन्ट) अध्यक्ष तथा  सार्टुक उपाध्यक्ष  बिनोद  श्रेष्ठले नेपालमा बिधमान श्रम कानुन र त्यसमा गर्नु पर्ने सुधारका बारेमा प्रकाश पार्नु भएको थियो । 

नेपाल ट्रेड युनियन महासंघ (जिफन्ट) ले कार्तिक १९ गते बदलिएको राजनैतिक परिवेशमा श्रमिकसँग सम्वाद कार्यक्रम बागमती प्रदेश अन्तरगत नेपाल यातायात स्वतन्त्र मजदुर संगठनको ललितपुर जिल्लामा जिफन्ट उपाध्यक्ष जितेन्द्र श्रेष्ठ, सचिब स्मृती लामाको उपस्थीतीमा र क्यूपेक-नेपालको भक्तपुर जिल्लामा सचिब महेन्द्र लाल श्रेष्ठ, प्रचार विभाग सदस्य किरण माली र जिफन्ट बागमती प्रदेश सदस्य दिवाकर पोखरेलको उपस्थितीमा  सम्पन्न गरेको छ ।

त्यसैगरी नेपाल अटो मेकानिक्स ट्रेड युनियन बागमती प्रदेश र ललितपुर जिल्ला कमिटीको जिफन्ट बागमती प्रदेश अध्यक्ष रामहरी नेपाल, नेपाल गृह श्रमिक ट्रेड युनियन (हुन) बसुन्धरा इकाई कमिटी नाबुन अध्यक्ष सुजना जोशी, नेस्वहोमयू केन्द्रीय कमिटीमा रन अध्यक्ष माधब पाण्डे र गण्डकी प्रदेश अन्तरगत बेगनास ताल बस इकाई कमिटीमा प्रदेश अध्यक्ष बिष्णु बहादुर खत्रीको उपस्थीतीमा  सम्पन्न भएको छ ।

जिफन्ट लुम्बिनी प्रदेश कमिटीको आयोजनामा कार्तिक १७ गते स्वर्गीय कमल गौतमको ५ औं दिनको पुण्य तिथिमा उहाँकै निवासमा शोक सभा सम्पन्न भयो । 

जिफन्ट लुम्बिनी प्रदेशका अध्यक्ष हुमाकान्त काफ्लेले कमरेड कमल गौतमको पारिवारिक र साङ्गठनिक जीवन बारे प्रकाश पार्नु भयो भने जिफन्ट राष्ट्रिय कमिटी सचिव हरि कार्कीले शोक मन्तब्य राख्नु भयो ।

कार्यक्रमको सन्चालन प्रदेश सचिव सन्तोष के. सी. ले गर्नु भएको थियो ।

नेपाल ट्रेड युनियन महासंघ (जिफन्ट) केन्द्रीय कार्यालयमा कार्तिक १७ गते जिफन्ट नेतृत्व र जर्मन ट्रेड युनियन कन्फेडेरेसन (DGB) र बिडब्लुआई दक्षिण एसिया प्रतिनिधी बिच भेटवार्ता भएको छ । 

जिफन्ट महासचिब लक्ष्मण शर्मा र बिदेश बिभाग सचिब स्मृती लामाले नेपालको ट्रेड युनियन अन्दोलन र बर्तमान राजनैतिक परीवेशका बारेमा जानकारी गराउनु भएको भेटवार्तामा जिफन्ट आवद्ध क्युपेक नेपाल अध्यक्ष शान्ता बस्नेत पनि सहभागी रहेको थियो ।

नेपाल ट्रेड युनियन महासंघ जिफन्टद्वारा बदलियको राजनैतीक परिवेशमा श्रमिक सम्बाद कार्यक्रम गण्डकी प्रदेश अन्तरगत बिभिन्न कमिटीहरूमा जिफन्ट उपाध्यक्ष सीता लामाको नेतृत्वमा सम्बाद कार्यक्रम अयोजना गरेको छ ।
जिफन्ट आबद्ध नेस्वहोमयु अन्तर्गत होटल ल्याण्डमार्क, पोखरा ग्रान्ड बाराही, डल्फिन लगायतका होटेलहरूमा सम्पन्न भयो ।

त्यसैगरी ह्वीन अन्तर्गत सुर्य नेपाल, जानकी ग्यास, महेन्द्र ब्रिक उधोग, गोर्खा बुअरी, सिजि फुड्स, सिजी प्याकेजिङ्ग र सिजी सिमेन्ट प्रतिष्ठानहरूमा पनि सो कार्यक्रम भएको छ ।

कास्की, तनहु, म्याग्दी, स्याङजा, बागलुङ र पर्वत जिल्लामा क्युपेक-नेपाल, नेयास्वमसं, नेस्ट, नाबुन, ओम्स नेपाल र हुनको जिल्ला स्तरीय कार्यक्रम सम्पन्न भएको छ ।

जिफन्ट गण्डकी प्रदेश युवा तथा महिला कमिटी र नेपाल स्वास्थ्यकर्मी तथा कर्मचारी युनियन मणिपाल शिक्षण अस्पताल र  हिमालय आँखा अस्पतालमा पनि श्रमिक सम्बाद कार्यक्रम सम्पन्न भएको भएको छ ।
 

नेपाल ट्रेड युनियन महासंघ (जिफन्ट) वागमती प्रदेश अभियान तयारी बैठक कार्तिक १६ गते जिफन्ट सभाहलमा सम्पन्न भएको छ । 

प्रदेश भित्र ५ क्लस्टर र २३ घटक संगठनमा श्रमिक संवाद कार्यक्रम प्रभावकारी रूपमा अघि बढाउनका लागि उपलब्ध राष्ट्रिय र प्रदेश कमिटी पदाधिकारीहरू रहेको सचिवालय गठन गरिएको छ ।

बैठकले कार्तिक २१ गते अध्यक्ष बिनोद श्रेष्ठको प्रमुख अतिथ्यतामा मकवानपुर र चितवन जिल्लाको संयुक्तरूपमा हेटौंडामा अभिमुखीकरण कार्यक्रम गर्ने र जिफन्ट आवद्ध युनियनहरूको स्थानिय तहसम्म अभियान संचालन गर्न सचिवालय सदस्यहरूलाई सहजीकरणको जिम्मा दिईएको छ ।

बैठकमा अभियान संयोजक तथा जिफन्ट उपाध्यक्ष जितेन्द्र श्रेष्ठ, सचिव महेन्द्रलाल श्रेष्ठ र वागमती प्रदेश अध्यक्ष रामहरी नेपालले उद्देश्य, कार्ययोजना र आगामी गतिविधिबारे प्रकाश पार्नु भएको थियो।