व्यापारिक विद्युत विवादको कारण धमाधम विभिन्न उद्योग कारखानाहरु अनिश्चितकाल बन्द हुंदा प्रत्यक्ष रुपमा २० हजारभन्दा बढी श्रमिकहरुको रोजगारी संकटमा परेको सन्दर्भमा नेपाल ट्रेड युनियन महासंघ(जिफन्ट) को गम्भीर ध्यानाकर्षण भएकोले कार्तिक ११ गते जिफन्टले प्रेश बिज्ञप्ती जारी गरेको छ ।

विविध परिस्थितिमा उद्योग कारखानाहरुमा विद्युत आपूर्ती र महसुलको बारेमा वर्षौदेखि भएका विवाद र सरकारले सम्बन्धित पक्षहरुसङ्ग बसेर निर्णय गरिसकेको वर्तमान अवस्थामा उर्जा, जलस्रोत र सिंचाई मन्त्रालयले एकतर्फी ढङ्गले उत्पादन तथा श्रमिकको रोजगारीमा समेत असर पर्ने गरी लिएको निर्णय र प्रतिकृया स्वरुप प्रतिष्ठानहरुले कम्पनी नै बन्द गर्ने अवस्था आउनुलाई सहज ढङ्गले लिन नसकिने बिज्ञप्तिमा उल्लेख गरेको छ ।

बिज्ञप्तीमा यी सबै परिस्थिति निर्माण हुनु प्रति श्रमिकहरुको कुनै आग्रह र भूमिका छैन तर, बिना कारण यसरी रोजगारी संकटमा पर्नु सहन सक्ने विषय नभएकोले तत्काल सहमतिपूर्ण निकास निकालेर परिस्थिति सामान्यिकरण गर्न सम्बन्धित सबैलाई अनुरोध गर्दै अन्यथा श्रमिक र सम्बन्धित युनियनहरुले आ-आफ्ना कार्यथलो, रोजगारी तथा अधिकार संरक्षणको लागि सशक्त कदम चाल्न वाध्य हुने समेत जिफन्टले जनाएको छ ।

नेपाल ट्रेड युनियन महासंघ (जिफन्ट) लुम्बीनी प्रदेशस्तरिय भेला कार्तिक १० गते जिफन्ट सभाहल बुटवलमा जिफन्ट अध्यक्ष बिनोद श्रेष्ठको प्रमुख अतिथ्यतामा सम्पन्न भएको छ ।

अध्यक्ष श्रेष्ठले बदलियको राजनीतिक परिबेशमा ट्रेड युनियन आन्दोलनको भुमिका बारेमा मन्तब्य राख्नु भएको भेलामा जिफन्ट उपाध्यक्ष कमल गोतम, सचिब तारानिधी पन्त, हरी कार्की प्रदेश अध्यक्ष हुमाकान्त काफ्ले  लगायतका अतिथीहरूले सम्बोधन गर्नु भएको थियो ।
 

नेपाल ट्रेड युनियन महासंघ (जिफन्ट) अध्यक्ष बिनोद श्रेष्ठले गत भाद्र २३ गते शुशासन, भ्रष्टाचार नियन्त्रण, र सामाजिक सञ्जालमा स्वतन्त्र पहुँचको माग राखी जेन्जी पुस्ताले गरेको आन्दोलन अन्तत लोकतन्त्रलाइ समाप्त पार्ने निसानामा उन्मुख भएको बताउनु भएको छ । 

कार्तिक १० गते देखी ललिपुरमा सुरू भएको विश्व श्रमिक शिक्षा सम्मेलन २०२५ सम्बोधन गर्नु हुंदै अध्यक्ष श्रेष्ठले लोकतन्त्र संकटमा पर्यो भने श्रमिक अधिकार र मानव अधिकार पनि जोखिममा पर्ने भएकोले नेपालको ट्रेड युनिनय अन्दोलन सजगताका अगाडी बढ्नु पर्ने र अनदोलनको नाममा भएको बिध्वशंलाइ हामी सबै मिलेर, विवेकका साथ पुनःनिर्माणमा लाग्ने पनि बताउनु भएको छ।

अफ्रिका, एसिया प्रशान्त क्षेत्र र दक्षिण अमेरिकाबाट १०० जना प्रतिनिधीहरू सहभागी रहेको विश्व श्रमिक शिक्षा सम्मेलनमा अनौपचारिक क्षेत्र, लैंगिक विभेद, सामाजिक सुरक्षा, अन्तर्राष्ट्रिय ऋण र आर्थिक विभेद, शान्ति तथा जलवायु परिवर्तन लगायतका विषयहरुमा छलफल हुने छ ।

सम्मेलन कार्तिक १३ गते सम्म ललितपुरको गोदावरीमा संचालन हुने छ ।
 

रोमानियाको प्रहोभास्थित तातरानी सहरमा रहेको होटल डालेमा गत २९ सेप्टेम्बरमा भएको आगलागीमा मृत्यु भएकी सोनी लिम्बू र सुस्मिता तामाङको शव जिफन्टको पहलमा नेपाल ल्यायको छ ।

काठमाण्डौ स्थित सिनामंगलको ‘ओमेगा पावर माईन्ड प्रा.लि.’बाट २०२५ फेब्रुअरी १८ मा   रोमानिया पुगेका काठमाण्डौ दक्षिणकाली नगरपालिका वडा नं ९ घर भएकी बर्ष २४ की सुस्मिता तामाङ र ईलाम जिल्ला खैरेनी माई पालिका वडा नम्बर –७ घर भएकी  बर्ष २१, सोनी लिम्बूको रहेको छ ।
 

नेपाल ट्रेड युनियन महासंघ (जिफन्ट) आवद्ध नेपाल सफाइ कर्मचारी युनियनद्वारा २ दिने महिला क्षमता बिकास तालिम सम्पन्न गरेको छ । 

कार्तिक ११ र १२ गते अनामनगर स्थीत जिफन्ट स्कुलमा संचालन भएको तालिम कार्यक्रममा काठमाण्डौ महानगर र किर्तिपुर नगर पालिकामा सफाइ क्षेत्रमा कार्यरत महिला श्रमिकहरू सहभागि रहनु भएको छ । 

नेपाल ट्रेड युनियन महासंघ (जिफन्ट)ले छठ पर्व २०८२ को अवसरमा देश विदेशमा रहनुभएका सम्पूर्ण नेपाली दिदीबहिनी तथा दाजुभाइहरूमा सुख, शान्ति र समृद्धिको लागि शुभकामना व्यक्त गरेको छ ।

सूर्य देवता र छठी माताको पूजा अर्चना गरी मनाउने यो पर्वले समाजमा विद्यमान वर्गीय, जातीय, लैङ्गिक लगायत सबै प्रकारका विभेद, कुरीति एवम् विसङ्गतिको अन्त्य गरी सम्पूर्ण नेपालीहरूमा राष्ट्रिय एकता अभिवृद्धि गर्न, मौलिक संस्कृतिको संरक्षण तथा सम्वर्द्धन गर्न र आपसी सद्‌भाव थप सुदृढ पार्न प्रेरणा प्रदान गर्ने जिफन्टले विश्वास लिएको छ ।