नेपाल ट्रेड युनियन महसंघ (जिफन्ट)आवद्ध ने​पाल ट्रेकिङ–ट्राभल्स–रयाफ्टिङ, एयरलायन्स मजदुर युनियन (युनिट्राभ)को राष्ट्रिय अधिबेशन २०८३ सालको जेठ २४ गते आयोजना गर्ने भएको छ ।

युनिट्राभ अध्यक्ष सुमन पराजुलीको अध्यक्षतामा पुस १२ गते जिफन्ट सभाहलमा सम्पन्न बैठकले १४ औं राष्ट्रिय अधिबेशन काठमाण्डो गर्ने निर्णय गरेको हो । 

जिफन्ट अध्यक्ष बिनोद श्रेष्ठ, महासचिब लक्ष्मण शर्माको उपस्थीतीमा सम्पन्न बैठकमा १३ औं अधिवेशनले पारीत कामको समिक्षा तथा भावी कार्ययोजना बारेमा छलफल भएको थियो । 
 

नेपाल ट्रेड युनियन महसंघ (जिफन्ट)आवद्ध जिफन्ट चिया कफि श्रमिक युनियन नेपालद्वारा पुस १२ गते झापा जिल्लाको गौरीगंजमा रहेको लोकनाथ एण्ड सन्स चिया वगानमा कार्यरत श्रमिकहरूको भेला सम्पन्न गरेको छ । 

भेलाले सुकलाल राजवंशीको अध्यक्षतामा ७ सदस्य लोकनाथ एण्ड सन्स चिया वगानमा इकाइ कमिटी निर्वाचित गरेको छ । 

चिया कफि श्रमिक युनियन नेपालका केन्द्रिय अध्यक्ष सन्तकुमार राईले श्रम कानुन, चिया बगानका समस्या तथा समाधानका उपाए बारेम प्रकाश पार्नु भएको भेलामा जिफन्ट कोशी प्रदेश उपसचिव हरी अधिकारी लगायतका नेताहरूको उपस्थीती  रहेको थियो ।

रौतहट जिल्लाको कटहरिया नगरपालिका–९ स्थित ज्योति डिस्टिलरीमा पुस १२ गते बोइलर विस्फोट हुँदा ४५ वर्षीय लक्ष्मण यादवको घटनास्थलमै मृत्यु भएको छ भने ६ जना श्रमिक घाइते भएका छन्  ।

जिल्ला प्रहरी कार्यालयका अनुसार विस्फोटमा परि डिस्टलरीमा काम गर्ने रहमोद आलम, प्रमजित यादव, जगदिश यादव, बिगन यादव, मुकेश यादव, कैलाश माली घाइते भएका छन् । 
घाइतेमध्ये तिनजनाको अवस्था गम्भिर रहेको छ ।

इराकमा कार्यरत नेपाली श्रमिकलाई अभिलेखीकरणमा ल्याउनको लागि पुस ११ गते बसेको मन्त्रिपरिषद्को बैठकले श्रम स्वीकृति दिने निर्णय गरेको छ ।

बैठकले इराकको आवासीय कार्ड भएका नेपालीलाई नेपाल आएको बेला आवेदन दिएमा श्रम स्वीकृति दिने निर्णय गरेको हो ।

२०६१ साल भदौमा इराकमा १२ जना नेपालीको हत्या भएपछि सुरक्षाको कारण देखाएर सरकारले इराक जान प्रतिबन्ध लगाएको थियो । 

सरकारको यो निर्णयले इराकमा कार्यरत झन्डै ३० हजार नेपाली श्रमिकका लागि नेपाल आउजाऊ गर्न बाटो खुल्नेछ ।

अन्तर्राष्ट्रिय ट्रेड युनियन महासङ्घ नेपाल आवद्ध समिती (आईटीयुसी न्याक)द्वारा  पुस ११ गते ललितपुर स्थित "स्थानीय तहमा श्रमिकको पञ्जिकरण र योगदानमा आधारित सामाजिक सुरक्षा योजनामा अनौपचारिक क्षेत्रका श्रमिकको सहभागिता " विषयक अन्तरक्रिया सम्पन्न गरेको छ ।

अन्तरक्रिया कार्यक्रममा जिफन्ट अध्यक्ष बिनोद श्रेष्ठले अनौपचारिक श्रमिकका लागि सामाजिक सुरक्षाको महत्वको बारेमा प्रकाश पार्नु हुंदै स्थानीय तहको सरकारले अनौपचारिक श्रमिकहरूको तथ्यांक संकलन मार्फत श्रमिक पञ्जिकरण गरी सामाजिक सुरक्षामा जोड्न उपस्थित स्थानिय तहका जनप्रतिनिधिहरूलाइ आग्रह गर्नुभएको छ । 

सामाजिक सुरक्षा कोषका कार्यकारी निर्देशक कविराज अधिकारीले "औपचारिक क्षेत्रको अनिवार्यता, वैदेशिक रोजगारीको नियमितता, अनौपचारिक र स्वरोजगार श्रमिकको संख्या वृद्धि " नाराका साथ कोषले देशभर अभियान संचालन गरीरहेको बताउनु भएको थियो । 

आईटियुसी न्याकका अध्यक्ष योगेन्द्र कुंवरले कार्यक्रमको उदेश्य माथी प्रकाश पार्नुहुंदै सहभागीलाइ स्वागत गर्नु भएको कार्यक्रममा आईटियुसी न्याकका सल्लाहकार कमिटीका सदस्य गणेश केसीले स्थानीय तहमा श्रमिकको पञ्जिकरण र योगदानमा आधारित सामाजिक सुरक्षा योजनामा अनौपचारिक क्षेत्रका श्रमिकको सहभागिता बिषयमा अबधारणा प्रस्तुत गर्नु भएको थियो । 

जिफन्ट उपाध्यक्ष बिदुर कार्कीले सन्चालन गर्नु भएको कार्यक्रममा सामाजिक सुरक्षा कोषका प्रतिनिधि, ट्रेड युनियनका प्रतिनिधिहरु र जनप्रतिनिधीहरूले भनाइ राख्नु भएको थियो ।

नेपाल ट्रेड युनियन महासंघ (जिफन्ट) आवद्ध नेपाल बिजुली, पेण्टर,प्लम्बर तथा निर्माण मजदुर यूनियन (क्यूपेक–नेपाल)द्वारा पुस ११ गते भक्तपुर जिल्लाको सूर्यविनायक नगरपालिकामा श्रमिक पञ्जीकरण तथा श्रम डेस्क बिषयमा प्रशिक्षण कार्यक्रम संचालन गरेको छ ।

क्यूपेक नेपाल भक्तपुर जिल्लाका अगुवा कार्यकर्ताहरूका लागि संचालन गरेको प्रशिक्षण कार्यक्रमको औचित्यमाथि क्युपेक केन्द्रीय अध्यक्ष शान्ता बस्नेतले प्रकाश पार्नु भएको थियो । 
गर्नु भएको थियो । 

जिफन्ट बागमती प्रदेश अध्यक्ष रामहरी नेपालले श्रमिक पञ्जीकरण, श्रम डेस्कको आवश्यकता, यसको महत्व र सामाजिक सुरक्षाबारे प्रशिक्षण दिनुभएको कार्यक्रममा सूर्यविनायक नगरपालिका उप–मेयर सरिता भट्टराई, क्युपेक महासचिव राजेन्द्र बिष्टले मन्तब्य राख्नु भएको थियो ।