सिरहा जिल्लास्थित सौर्य सिमेन्ट उद्योगमा स्थापनाकालदेखि कार्यरत श्रमिकहरुमाथी चरम श्रम शोषण गरिएको विषयलाई लिएर श्रम आन्दोलनमा क्रियाशील  आर्इटियुसी न्याक आबद्ध नेपाल ट्रेड यूनियन महासंघ जिफन्ट लगायत अन्य कुनै पनि यूनियनका श्रमिक कर्मचारीलाई नियुक्ति तथा सुविधा नदिई रोजगारदाताले राज्यलाई समेत गुमराहमा राखेको जानकारी प्राप्त भएको छ । 

अधिकांश भारतीय कामदार प्रयोग गरी उद्योग सञ्चालन गर्दै श्रम ऐन र श्रमिक अधिकारको खिलाफमा रहेकोले ३ वटा ट्रेड युनियन महासंघले भदौ १५ गते कोणसभा गरेर बिरोध जनाएका छन् । उद्योग परिसरमा आयोजित कोणसभामा जिफन्ट अध्यक्ष विनोद श्रेष्ठले रोजगारदाता समस्या समाधानका लागि नआए कानुन बमोजिक कार्वाहीमा लाग्न पछि नपर्ने चेतावनी दिनुभएको छ । 

नेपाल ट्रेड युनियन महासंघ जिफन्ट सम्बद्ध युनियन  नेपाल बिजुली, पेण्टर, प्लम्बर तथा निर्माण मजदुर युनियन (क्युपेक-नेपाल) नमोबुद्ध नगर पालिका, ६ न वडाको चरङ्गे फेदीमा भाद्र १५ गते सम्पन्न भेलाले यदुकुमार श्रेष्ठको अध्यक्षतामा सात जनाको वडा कमिटी गठन गरेको छ ।

क्युपेक नेपाल केन्द्रिय सदस्य धर्ममाया घिमिरेको प्रमुख अथित्यमा सम्पन्न सो भेलामा जिफन्ट बागमति प्रदेश सदस्य तथा काभ्रे जिल्ला समन्वय कमिटी अध्यक्ष बल बहादुर लो, उपाध्यक्ष सोम बहादुर कार्कि कोषाध्यक्ष कमला तामाङ लगायतका नेताहरूको उपस्थिति रहेको थियो । 

त्यसैगरी क्युपेक नेपाल महासचिब राजेन्द्र बिष्टको प्रमुख आतिथ्यमा, हेटैडा नगर कमिटिले भाद्र १६ गते पिप्ले पोखरा सामुदायिक बनको सभा हलमा तिज विशेष कार्यक्रम आयोजना गरेको छ । 

नेपाल ट्रेड युनियन महासंघ सम्बद्ध युनियन नेपाल अटो मेकानिक्स ट्रेड युनियन नाटु जितपुरसिमरा उपमहानगर पालिका कमिटीको आयोजनाममा भाद्र १५ गते सम्पन्न रक्तदान कार्यक्रममा ३७ जना अटो क्षेत्रका श्रमिकहरूले रक्तदान गर्नु भएको थियो ।

जिफन्ट मदेश प्रदेश अध्यक्ष कमलेश झाको प्रमुख आतिथ्यमा सम्पन्न सो कार्यक्रममा जितपुरसिमरा उपमहानगर पालिकाका मेयर राजन पौडेल, जिफन्ट मदेश प्रदेश सचिव मुक्ति चौधरी सहभागी हुनु भएको थियो ।

त्यसैगरी नेपाल अटो मेकानिक्स ट्रेड युनियन नाटु तिलोत्तमा नगर कमिटीको भाद्र १५ गते सम्पन्न तेस्रो अधिवेशनले तुलसी राम न्यौपाने को अध्यक्षतामा ८ सदस्य नगर कमिटी निर्वाचित गरेको छ।

अन्तरर्राष्ट्रिय ट्रेड युनियन केन्द्र आवध्द समिति नेपाल (आइटियुसी न्याक) को आयोजनामा बारा र पर्सा जिल्लाको श्रम बजारमा, श्रम कानुन कार्यान्वयनमा देखा परेका समस्याहरूको सन्दर्भमा भाद्र १५ गते सिमरामा जिफन्ट, अन्टुफ र एनटियुसीका स्थानिय श्रमिक नेताहरू बिच अन्तरक्रिया सम्पन्न भएको छ । 

आइटियुसी न्याक अध्यक्ष जगत सींखडाको अध्यक्षतामा सम्पन्न सो अन्तरक्रिया कार्यक्रममा नेपाल ट्रेड युनियन महासंघ जिफन्ट अध्यक्ष बिनोद श्रेष्ठ, एनटीयुसी मदेश प्रदेश अध्यक्ष बिजय प्रसाद यादबले नेपाली ट्रेड युनियनको आगामी आन्दोलनको स्वरुप र एकीकृत ट्रेड युनियन आन्दोलनका बारेमा धारणा प्रस्तुत भएको गर्नु भएको थियो ।

नेपाल ट्रेड युनियन महासंघ जिफन्ट सम्बद्ध युनियन नेपाल कृषि तथा बगान क्षेत्र श्रमिक संघ (फापुन)को आयोजनामा भाद्र १५ गते सिराहा जिल्लाको लाहान नगरपालिकामा कृषि क्षेत्रका महिला श्रमिकहरूको क्षमता अभिवृद्धि तालिम फापुन जिल्ला अध्यक्ष कविता कुमारी चौधरी को अध्यक्षतामा सम्पन्न भयो । 

प्रदिप कुमार चौधरीले संचालन गर्नु भएको उक्त कार्यक्रममा जिफन्ट राष्ट्रिय कमिटी उपाध्यक्ष विदुर कार्कीले आधारभुत ट्रेड युनियन र  ज्याला मर्यादित बनाउन जिफन्टले गरिरहेको कामका बारे प्रशिक्षण दिनु भयो । 
 

नेपाल ट्रेड युनियन महासंघ (जिफन्ट) राप्ती नगर पालिकाको भाद्र १५ गते सम्पन्न भेलाले चन्द्र देवी तामाङको अध्यक्षतामा ९ सदस्यीय पालिका अधिवेशन आयोजक कमिटि गठन गरेको छ ।

जिफन्ट चितवन जिल्ला समन्वय कमिटी अध्यक्ष पुष्कर बाबु त्रिपाठीको अध्यक्षतामा सम्पन्न सो भेलामा, नेकपा एमाले राप्ती नगर कमिटी सचिव तारकेश्वर प्रसाद सिंह, जिफन्ट महानगर कमिटी अध्यक्ष दिपक कुमार सिलवाल लगाएतका अतिथिहरूको सहभागिता रहेको थियो ।