राष्ट्रिय सौन्दर्यकर्मी युनियन नेपाल (नाबुन) ले काठमाडौँ उपत्यकामा रहेका कमिटीहरूको संयुक्त आयोजनामा भदौ १२ गते हरितालिका तिजको शुभकामना आदानप्रदान कार्यक्रम आयोजना गरेको छ ।

प्रमुख अतिथी केन्द्रीय सचिव सुजना जोशीले शुभकामना मन्तव्य राख्नु भएको सो कार्यक्रमको संचालन ललितपुर महानगर कमिटी अध्यक्ष जयन्ती रानामगर र स्वागत काठमाडौँ महानगर अध्यक्ष करूणा पुरी गर्नु भएको थियो । 

कार्यक्रममा लोकदोहोरी गायिका अन्जु गौतमले तिज गीतहरू प्रस्तुत गर्नु भएको थियो । 
 

नेपाल चिया–कफि श्रमिक युनियन इलाम चिया कमानमा भदौ १२ गते सम्पन्न चिया श्रमिक भेलाले धनमाया बि.कको अध्यक्षतामा ७ सदस्य कमिटी गठन गरेको छ ।

भेलाका प्रमुख अतिथि जिफन्ट उपाध्यक्ष बिदुर कार्कीले नेपाल चिया बिकास निगम लि. अन्तरगतको इलाम चिया कमानले राज्यबाट निर्धारण गरेको पारिश्रमिक नदिएको बताउनु भयो ।

भेलाका अतिथि नेपाल चिया–कफि श्रमिक युनियन केन्द्रीय अध्यक्ष सन्त कुमार राईले रोजगार सम्झौता नगरी काममा लगाई रोजगारदाताले श्रमिकलाई ठग्ने गरेको र कार्यान्वयनकालागी सबै श्रमिकहरु युनियनमा आवद्ध हुन आह्वान गर्नु भएको सो भेलामा जिफन्ट कोशी प्रदेश अध्यक्ष किशोर धमला, सह सचिव हरि अधिकारी अतिथि  रहनु भएको थियो ।
 

नेपाल स्वरोजगार व्यापार श्रमिक संघ (नेष्ट) सुदूरपश्चिम प्रदेश कमिटीको आयोजनामा भदौ १२ गते भिमदत्त नगरमा एक दिने नेतृत्व बिकास तालिम सम्पन्न भयो । 

केन्द्रिय सचिव खडक बहादुर रोकामगरको अध्यक्षता र जिफण्ट अध्यक्ष बिनोद श्रेष्ठको प्रमुख अतिथ्यमा सम्पन्न सो कार्यक्रममा नेकपा एमाले सुदूरपश्चिम प्रदेश उपसचिव तथा जनसंगठन समन्वय संयोजक नरबहादुर विश्वकर्मा, जिफण्ट प्रदेश कमिटी अध्यक्ष जित बहादुर मल्ल, नेकपा एमाले सुदूरपश्चिम प्रदेश कमिटी सदस्य महेश पन्त लगायत नेताहरूको सहभागिता रहेको थियो  ।
 

नेपाल ट्रेड युनियन महासंघ जिफन्टले चिया तथा अलैँची क्षेत्रमा पेशागत स्वाथ्य सुरक्षा सम्बन्धी अन्तर्क्रिया कार्यक्रम भाद्र १२ गते इलाम जिल्लाको इलाम बजारमा सम्पन्न गरेको छ । 

इलामका श्रमिकहरु र उत्पादक व्यवसायी र ट्रेड युनियनका नेताको उपस्थिति रहेको अन्तर्क्रिया कार्यक्रममा जिफन्ट उपाध्यक्ष विदुर कार्कीले कार्यक्रमको विषय वस्तु तथा व्यवसायजन्य स्वास्थ्य सुरक्षा ,योगदानमा आधारित सामजिक सुरक्षाको बारेमा अवधारणा प्रस्तुत गर्नु भएको थियो । 

कार्यक्रममा उपस्थिति सहभागीहरूले अवधारणा पत्र ,स्वास्थ्य सुरक्षा र सामाजिक सुरक्षा विषयमा जिज्ञासा राख्नु हुदै राज्यले उचित सिचाइ बजार व्यवस्थापन ,अलैचि विरुवामा समस्या ,प्लास्टिक पोखरीको व्यवस्था आदि समस्या रहेको बताउनु भयो ।

२०७२ सालको भूकम्प पछि पानीको मुहान सुक्दै गएकोले अलैँचीमा पानी सिचाइको समस्या भएको र चिया क्षेत्रमा स्थाई र ज्यालादारी श्रमिक बिच ज्यालामा विभेद रहेको, योगदानमा आधारित सामाजिक सुरक्षा कोष अहिले सम्म पनि लागु नभएको र  स्थाइ श्रमिकलाई विभिन्न वहाना बनाएर निकालेर ज्यालादारी श्रमिक लगाउने क्रम बढेको बताएका थिए । 

अन्तर्क्रिया कार्यक्रममा जिफन्ट कोशी प्रदेश अध्यक्ष किशोर धमला ,चिया कफी श्रमिक युनियनका केन्द्रिय अध्यक्ष सन्तकुमार राई र जिफन्ट इलाम संयोजक जगत बहादुर नेम्वाङ्ग जिफन्ट पांचथर संयोजक हर्क खडकाको उपस्थिति रहेको कार्यक्रको संचालन जिफन्ट कोशी प्रदेश उपसचिव हरी अधिकारीले गर्नु भएको थियो ।

राष्ट्रिय सौन्दर्यकर्मी युनियन नेपाल (नाबुन)को संगठन सुदृढीकरण अभियान अन्तरगत ललितपुरको टंगालमा भदौ ११ गते सम्पन्न भएको भेलाले सरिता ताम्राकारको अध्यक्षतामा ७ सदस्यीय इकाइ कमिटि गठन गरेको छ । 

पुनम थापाको अध्यक्षता र महासचिव सुजना जोशीको प्रमुख आतिथ्यतामा सम्पन्न उक्त भेलामा प्रमुख अतिथी जोशीले पद तथा गोपनियताको शपथग्रहण गराउनु भएको थियो ।
 

दुई वर्ष अघिदेखिको श्रम विवादमा श्रम कार्यालयको फैसलालाई बदर गर्दै श्रम अदालतले राजधानी दैनिकका पत्रकार तथा कर्मचारीको पक्षमा फैसला गरेको छ । 

करमचारीहरूको सेवा सुविधा बारे श्रम कार्यालयको फैसला चित्त नबुझेपछि पुनरावेदनका लागि २०८० पुसमा श्रम अदालत पुगेका थिए ।

भदौ ६ गते श्रम अदालतले गरेको फैसलाले "नेपाल सरकारले तोकेको न्यूनतम पारिश्रमिकभन्दा कम हुने गरी गरेको निर्णय कानुन विपरितको देखिदा बदर हुने ठहर्छ", श्रम अदालतको फैसलामा भनिएको छ ।

पारिश्रमिक सम्बन्धी राजपत्रको सूचना बमोजिमको रकमलाई आधारभूत पारिश्रमिक मानी सोको आधारमा अन्य सेवा सुविधा पाउने फैसला गरेको छ । लामो समयसम्म पुनरावेदकहरूले पारिश्रमिक र चाडपर्व खर्च बापतको रकम भुक्तानी पाएको नदेखिएकोले १५ प्रतिशतका दरले ब्याज समेत भराई पाउने ठहर गरेको छ । साथै उक्त फैसलामा पुनरावेदकहरूको रोजगार अन्त्य भएको नदेखिएको फैसला पनि गरिएको छ ।

पत्रकारहरू महेश्वर गौतम, टेकबहादुर रोका, ईश्वर बहादुर विश्वकर्मा, भीम चन्द्र राई, द्वारिका प्रसाद काफ्ले, सविन शर्मा, विश्व सापकोटा, निराजन पौडेल, राजेन्द्र श्रेष्ठ, श्याम महर्जन, केशरमणी कटवाल, विनोद विश्वकर्मा र सुरेश चौधरी श्रम कार्यालयको फैसलाविरुद्ध पुनरावेदनमा गएका थिए । 

श्रम कार्यालयको फैसलालाई पत्रकारहरूले स्वागत गर्दै सम्पूर्ण श्रमजीवी पत्रकारको जित भएको प्रतिक्रिया दिएका छन् ।