नेपाल ट्रेड यूनियन महासंघ (जिफन्ट)ले तारकेश्वर नगर पालिकामा कार्यरत सरसफाइ क्षेत्रका श्रमिकहरूलाइ १ दिने "श्रम अधिकार र योगदानमा आधारित सामाजिक सुरक्षा बिषयमा क्षमता अभिवृद्धि " प्रशिक्षण सम्पन्न गरेको छ । 

कार्तिक १० गते तारकेश्वरमा सम्पन्न प्रशिक्षण कार्यक्रममा जिफन्ट उपाध्यक्ष जितेन्द्र श्रेष्ठले ट्रेड युनियनका आधारभूत ज्ञान, श्रमिक अधिकार र विद्यमान ट्रेड युनियन कानुनका बारेमा प्रशिक्षण दिनु भएको थियो । 

कार्यक्रममा जिफन्ट राष्ट्रिय कमिटी सदस्य ठाकुर कुमार श्रेष्ठ, नेपाल सफाई कर्मचारी युनियनका केन्द्रीय अध्यक्ष मोहन नेपालीले योगदानमा आधारित सामाजिक सुरक्षा र प्रशिक्षण कार्यक्रम‌को उद्देश्य बारेमा प्रष्ट पार्नु भएको प्रशिक्षण कार्यक्रम‌को सहजीकरण जिफन्ट परियोजना संयोजक शंकर धिमिरेले गर्नु भएको थियो । 
 

नेपाल ट्रेड यूनियन महासंघ (जिफन्ट) र नेकपा एमाले मजदुर बिशेष जिल्ला कमिटी बिच कार्तिक १० गते जिफन्ट सभाहलमा अन्तरक्रिया कार्यक्रम सम्पन्न भएको छ । 

नेकपा एमाले केन्द्रिय सदस्य तथा मजदुर बिशेष जिल्ला कमिटी इन्चार्ज सीता लामाले श्रमिक आन्दोलन र राजनैतिक आन्दोलनको बारेमा धारणा राख्नु भएको अन्तरक्रिया कार्यक्रममा जिफन्ट महासचिव लक्ष्मण शर्माले जिफन्ट र नेकपा एमालेको कामको समन्वयका बारेमा प्रकाश पार्नु भएको थियो ।

नेकपा एमाले मजदुर बिशेष जिल्ला कमिटी अध्यक्ष तुलसी सिवाकोटीको अध्यक्षतामा भएको सो अन्तरक्रिया कार्यक्रममा जिफन्ट बागमती प्रदेश कमिटी पदाधिकारी, उपत्यका भित्रका पालिका कमिटी अध्यक्षहरू र नेकपा एमाले मजदुर बिशेष जिल्ला कमिटी सचिवालय र बिशेष पालिका कमिटीमा अध्यक्षहरूको सहभागिता रहेको थियो । 
 

नेपाल स्वस्थ स्वयंसेवी संघ (नेभा)को आयोजनामा संगठन क्षमता विकास कार्यशाला कार्तिक १० र ११ गते नुवाकोटको  बटारमा सम्पन्न गरेको छ ।

नेपाल ट्रेड युनियन महासंघ जिफन्ट उपमहासचिव नरनाथ लुइँटेल र जिफन्ट बागमती प्रदेश अध्यक्ष रामहरी नेपालले सहजीकरण गर्नु भएको कार्यशालामा नुवाकोट जिल्लाका १० वटा पालिकाका स्वस्थ स्वयंसेवीहरूको सहभागीता रहेका थियो ।

त्यसैगरी सोही कार्यक्रममा गंगा बोगटीको अध्यक्षतामा ११ सदस्यीय नेपाल स्वस्थ स्वयंसेवी संघ नेभा नुवाकोट जिल्ला समन्वय कमिटी गठन गरिएको छ। 

नव गठित कमिटीलाई  नेभा केन्द्रिय अध्यक्ष गिता थिङ ले पद तथा गोपनीयताको शपथ ग्रहण गराउनु भएको थियो ।
 

राष्ट्रिय सौन्दर्यकर्मी युनियन नेपाल (नाबुन) कोशी प्रदेशले तिहार, नेपाल सम्बत् तथा छठ पर्वको उपलक्ष्यमा कार्तिक ९ गते विराटनगरमा शुभकामना आदन–प्रदान कार्यक्रम सम्पन्न गरेको छ । 

कार्यक्रमको प्रमुख अतिथि विराटनगर महानगरपालिकाकी उपप्रमुख शिल्पा निराला कार्कीले नेपालीहरुको चाडपर्वले सामाजिक सद्भभाव कायम गरेको भन्नु हुँदै महिलाहरुको स्तर उन्नति र क्षमता अभिवृद्धि गर्दै स्वरोजगार बनाउन महानगरपालिका लागि परेको बताइन् ।

कार्यक्रममा जिफन्ट कोशी प्रदेश अध्यक्ष किशोर धमलाले नेपालीहरूको राष्ट्रिय चाडपर्वले भाइचार कायम गरेको भन्नु हुँदै तिहार, नेपाल सम्बत् तथा छठ पर्वको शुभकामना ब्यक्त गर्नु भयो ।

अध्यक्ष धमलाले योगदानमा आधारित सामाजिक सुरक्षा कोष तीन तहको सरकारले कार्यान्वयन गरेर अगाडी लैजानुपर्नेमा उनले जोड दिनु भयो ।

कार्यक्रमका सभाध्यक्ष नाबुन कोशी प्रदेशकी अध्यक्ष कला डाँगीले चाडपर्वहरुले नेपाली समाजलाई समुन्नत बनाउन, सामाजिक सहिष्णुता र सद्भभाव कायम गर्न ठुलो सहयोग मिल्ने बताउनु भएको कार्यक्रममा राष्ट्रिय सौन्दर्यकर्मी युनियन नेपालकी उपमहासचिब ममता प्रधान, जिफन्ट कोशी प्रदेश उपाध्यक्ष मनोज मगर, नाबुन विराटनगर महानगरकी अध्यक्ष भली सुब्बा लगायतले शुभकामना मन्तब्य राख्नु भएको थियो ।

कार्यक्रमको थप फोटोकालागी लिंकमा क्लिक गर्नु होस् ।

https://www.facebook.com/media/set/?set=a.122125273034435116&type=3
 

नेपाल ट्रेड यूनियन महासंघ (जिफन्ट) को आयोजनामा टोखा नगर पालिकामा कार्यरत सरसफाइ क्षेत्रका श्रमिकहरूलाइ "श्रम अधिकार र योगदानमा आधारित सामाजिक सुरक्षा सम्बन्धमा क्षमता अभिवृद्धि " प्रशिक्षण कार्तिक ९ गते टोखामा सम्पन्न भयो ।

प्रशिक्षण कार्यक्रममा जिफन्ट उपाध्यक्ष जितेन्द्र श्रेष्ठले ट्रेड युनियनका आधारभुत ज्ञान, नेपालको श्रम आन्दोलनका बारेमा प्रशिक्षण दिनु भएको सो कार्यक्रममा जिफन्ट राष्ट्रिय कमिटी सदस्य ठाकुर कुमार श्रेष्ठ, टोखा नगरपालिका ४ नं वडाका कार्यबाहाक अध्यक्ष तारा बहादुर थापा, हिमालय वातावरण संरक्षण मञ्चका कार्यकारी निर्देशक गणेश दाहालले कार्यक्रम सफलताको शुभकामना राख्नु भएको थियो ।

नेपाल सफाई कर्मचारी युनियनका केन्द्रीय अध्यक्ष मोहन नेपालीले प्रशिक्षण कार्यक्रम‌को उद्देश्य बारेमा प्रष्ट पार्नु भएको सो कार्यक्रमको सहजीकरण जिफन्ट परियोजना संयोजक शंकर धिमिरेले गर्नु भएको थियो ।

त्यसैगरी सोहि दिन नारायण घिमिरेको अध्यक्षतामा ९ सदस्य नेपाल सफाई कर्मचारी युनियन हिमालय वातावरण संरक्षण मन्च र्इकाइ कमिटी गठन गरेको छ । 
 

अन्तर्राष्ट्रिय ट्रेड यूनियन महासंघ (ITUC) एसिया प्रशान्त क्षेत्रको  आयोजनामा न्यायिक रूपान्तरणमा श्रमिक सशक्तीकरण प्रशिक्षक प्रशिक्षण कार्यक्रम कार्तिक १० गते देखी चितवनमा सुरू भएको छ ।

एनटियुसी अध्यक्ष योगेन्द्र कुवरको अध्यक्षतामा सम्पन्न प्रशिक्षक प्रशिक्षण कार्यक्रमको उद्‌घाटन सत्रमा नेपाल ट्रेड युनियन महसंघ (जिफन्ट) उपाध्यक्ष तथा ITUC-NAC का सल्लाहकार संयोजक विदुर कार्कीले प्रशिक्षण कार्यक्रमको महत्वको बारेमा जानकारी गराउनु भएको थियो ।

ITUC एसिया प्रशान्त क्षेत्रीय अर्गनाइजिङ, कम्यूनिकेशन अफिसर" जोय हर्डिन्यान प्रमुख प्रशिक्षक  रहनु भएको कार्यक्रममा योगेन्द्र कुंवर र बिदुर कार्कीले सहजीकरण गर्नु हुनेछ ।

अन्तर्राष्ट्रिय ट्रेड यूनियन महासंघ नेपाल आबद्ध परिषदको समन्वयमा ३ दिन सम्म संचालन हुने प्रशिक्षण कार्यक्रममा जिफन्ट, अन्टुफ र एनटियुसीबाट २४ जना सहभागी रहेको छ ।