नेपाल ट्रेड युनियन महासंघ (जिफन्ट)ले छठ पर्व, २०८१ को अवसरमा देश विदेशमा रहनुभएका सम्पूर्ण नेपाली दिदीबहिनी तथा दाजुभाइहरूमा सुख, शान्ति र समृद्धिको लागि शुभकामना व्यक्त गरेको छ ।

सूर्य र छठी माताको पूजा अर्चना गरी तराई तथा मधेश क्षेत्रमा मनाइने छठ पर्व पछिल्लो समय काठमाडौं उपत्यकालगायत पहाडी तथा हिमाली जिल्लाहरूमा समेत मनाउने चलन बढ्दै गएको छ ।

यसबाट धर्म संस्कृति, रीतिरिवाज तथा चाडपर्वले समस्त नेपालीबिच आपसी सद्‌भाव र एकतालाई अभिवृद्धि गर्दै लगेको प्रष्ट हुन्छ ।

यस पर्वले समाजमा विद्यमान वर्गीय, जातीय, लैङ्गिक लगायत सबै प्रकारका विभेद एवम् विसङ्गतिको अन्त्य गरी सम्पूर्ण नेपालीहरूमा राष्ट्रिय एकता अभिवृद्धि गर्न, मौलिक संस्कृतिको संरक्षण तथा सम्वर्द्धन गर्न र आपसी सद्‌भाव थप सुदृढ पार्न प्रेरणा प्रदान गर्ने विश्वास सहित जिफन्टले छठ पर्व, २०८१ को शुभकामना व्यक्त गरेको छ ।
 

योगदानमा आधारित सामाजिक सुरक्षा योजना अन्तर्गत विभिन्न क्षेत्रका १७ लाख ३२ हजार श्रमिकको ६७ अर्ब ६४ करोड रुपैयाँ संकलन भएको छ । 

योजनामा सूचीकृत भएकामध्ये ११ लाख ९१ हजार ४६६ वैदेशिक रोजगारीमा रहेका श्रमिक रहेका छन् भने सामाजिक सुरक्षा कोषले योगदानकर्ता श्रमिकबाट संकलन गरेको ६७ अर्ब ६४ करोड मध्ये विभिन्न ४ योजना अन्तर्गत ११ अर्ब ३७ करोड रुपैयाँ बराबरको योगदान रकम भुक्तानी गरेको कोषका प्रवक्ता बिबेक पन्थीले बताउनु भएको छ ।

कोषले हाल सबैभन्दा बढी वृद्धा अवस्था सुरक्षा दाबी भुक्तानी अन्तर्गत ९ अर्ब ६२ करोड रुपैयाँ, औषधी उपचार, स्वास्थ्य तथा मातृत्व योजना अन्तर्गत १ अर्ब ४१ करोड रुपैयाँ भुक्तानी लिएका छन् ।

त्यसैगरी आश्रित परिवार सुरक्षा योजना र दुर्घटना तथा अशक्तता सुरक्षा योजना अन्तर्गत क्रमशः १८ करोड १ लाख र १५ करोड १ लाख रुपैयाँ भुक्तानी भएको छ ।

कोषमा हालसम्म १९ हजार ७१० रोजगारदाता र १७ लाख ३२ हजार ३५४ योगदानकर्ता सूचिकृत भएका छन् । 

नेपाल बिजुली, पेन्टर, प्लम्बर तथा  निर्माण मजदुर युनियन (क्युपेक नेपाल) मनहरी गाउँ कमिटीले तिहार, नेपाल सम्वत ११४५, छठ पर्व लगायतका राष्ट्रिय पर्वहरूको अवसरमा कार्तिक ११ गते शुभकामना आदान प्रदान कार्यक्रम सम्पन्न गरेको छ । 

कार्यक्रमका प्रमुख अतिथि उद्योग, वाणिज्य, भूमि तथा प्रशासन मन्त्री माननिय शुक माया तामाङले निर्माण क्षेत्रमा काम गर्ने श्रमिकहरूलाई सम्मान गर्नु पर्ने भन्नु हुँदै  ती क्षेत्रमा काम गर्ने श्रमिकहरूको जिवन सुरक्षा योजनाकालागी प्रदेश सरकारमा छलफल गर्ने बताउनु भयो ।
 

डेडिकेटेड तथा ट्रंकलाइन विद्युतको महसुल नतिरेको भन्दै विद्युत प्राधिकरणले लाइन काटेपछि वीरगञ्ज–पथलैया औद्योगिक करिडोरमा कार्यरत सयौं मजदुर प्रभावित भएका छन् । 

विद्युत आपूर्ति बन्द भएपछि औद्योगिक करिडोरमा सञ्चालित केही उद्योग बन्द हुँदा तिहारको मुखमा कामविहीन भएपछि मजदुर बिचल्लीमा परेका हुन् ।

औद्योगिक करिडोरमा सञ्चालित बहुराष्ट्रिय कम्पनी र स्वदेशी लगानीका उद्योगमा विद्युत आपूर्ति बन्द भएपछि त्यस क्षेत्रका मजदुरको रोजगारी जोखिममा परेको समग्र उद्योग ट्रेड युनियनका अध्यक्ष आनन्द थामीले बताउनु भएको छ । 
 

जिफन्ट आबद्ध समग्र उद्योग ट्रेड युनियन नेपाल (व्हिन) द्वारा विजया दशमी, तिहार, नेपाल सम्वत ११४५, ईद, छठ पर्व तथा तमु ल्होसारकों अवसरमा कार्तिक १३  गते चियापान तथा शुभकामना आदान प्रदान कार्यक्रम जिफन्ट मदेश प्रदेश कार्यालय सिमरामा सम्पन्न भएको छ ।

कार्यक्रमका प्रमुख अतिथि नेकपा (एमाले) पोलिटब्युरो सदस्य तथा पूर्व मन्त्री पुरूषोतम पौडेलले वैचारिक अवसरवाद हाबी भएकोले नेपालको राजनीतिमा स्टण्डवाज मौलाएको भन्नु हुँदै राजनीतिलाई सहि दिशामा ल्याउन वर्गीय आन्दोलनले मात्र सम्भव हुने बताउनु भएको छ । 

कार्यक्रममा जिफन्ट उपाध्यक्ष तथा मधेस प्रदेश सभा सदस्य मन्जु थापामगर, देवनारायण चौधरी, जिफन्ट मदेश प्रदेश अध्यक्ष कमलेश झा, व्हिन अध्यक्ष आनन्द थामी लगायतले सांस्कृतिक पर्वहरूको अवसरमा आ आफ्नो बिचार सहित शुभकामना ब्यक्त गर्नु भएको थियो ।

व्हिन मदेश प्रदेशका अध्यक्ष हेमराज न्यौपानेको अध्यक्षतामा प्रेम चौधरीले संचालन गर्नु भएको शुभकामना आदान प्रदान कार्यक्रममा मनोज चौधरीले स्वागत गर्नु भएको थियो । 
 

नेपाली ट्रेड युनियन रुले जलवायु परिवर्तन र न्यायिक रुपान्तरणको लागि रणनीतिक योजना सहित अघि बढ्न  ढिलो भइसको नेपाल ट्रेड युनियन महासंघ जिफण्टका महासचिव लक्ष्मण शर्माले बताउनु भएको छ ।

जलवायु परिवर्तन र न्यायिक रुपान्तरण विषयमा कार्तिक १३ गते जेटियुसिसिद्वारा सरोकारवालाहरु सङ्गको परामर्श बैठक कार्यपत्र पेश गर्नु हुँदै सो कुरा बताउनु भएको हो । 

महासचिव शर्माले आगामी कोप २९ मा नेपालको तर्फबाट लिनुपर्ने पहलकदमीका क्षेत्रहरुको बारेमा विषय प्रस्तुत गर्नुभएकोथियो। 

राष्ट्रिय सभाका सचिव विषय विज्ञ डा. रोजनाथ पाण्डे, एफएनसिसिआई र क्लास नेपालका प्रतिनिधिहरुले प्रस्तुत कार्यपत्र माथि टिप्पणी गर्नुभएको थियो। 

जेटियुसिसले आयोजना गरेको सो परामर्श बैठकमा जेटियुसिसि सम्बद्ध नेताहरुको उपस्थिति रहेको उक्त  बैठकको अध्यक्षता योगेन्द्र कुंवरले गर्नु भएको थियो ।