श्रेणी : सूचना सञ्चार
सूचित रहनुहोस्, प्रेरित रहनुहोस्। हाम्रो समाचार पृष्ठमा स्वागत छ।
पेण्टर र बिजुली श्रमिकहरूको लिड परीक्षण
नेपाल ट्रेड युनियन म महासंघ (जिफन्ट) आवद्ध नेपाल बिजुली, पेन्टर, प्लम्बर तथा निर्माण मजदूर युनियन (क्यूपेक नेपाल) केन्द्रीय कमिटीको आयोजनामा कार्तिक २७ गते काठमाण्डौं को अनामनगर स्थित, जिफन्ट स्कुलमा पेन्टिङ पेशामा कार्यरत पेण्टर र बिजुली श्रमिकहरूको लिड चेक गरेको छ ।
क्यूपेक नेपाल केन्द्रीय अध्यक्ष शान्ता बस्नेतको अध्यक्षतामा सम्पन्न कार्यक्रममा : Samyak Diagnostic का डाक्टर विवेक पन्तले पेन्टिङ, तथा इलेक्ट्रिक पेशामा लामो समयदेखि काम गर्न श्रमिकहरूमा सुगर, प्रेसर जस्तै साइलेन्स डिजिज देखा पर्ने र यसले स्नायु प्रणालीमा ठुलो असर पार्ने हुनाले यसको उपचार समयमा नै रोकथाम गर्न सकिने भएको ले यसका लागि लिड परीक्षण आवश्यक भएको जानकारी गराउनु भयो ।
क्यूपेक नेपाल केन्द्रीय महासचिव राजेन्द्र बस्नेतले संचालन गर्नु भएको लिड परीक्षण कार्यक्रममा २३ जना श्रमिकहरूले परीक्षण " गर्नु भएको थियो ।
जलवायु परिवर्तनसङ्ग जुध्ने नीति निर्माण श्रम क्षेत्र र श्रमिकहरुको प्रतिनिधित्व हुनु पर्छ
कात्तिक २६ देखि मंसिर ७ सम्म अजरबैजानको बाकु सहरमा हुने संयुक्त राष्ट्रसंघीय जलवायु सम्मेलनमा नेपालबाट तीन जना सहभागी हुनुपर्नेमा कुनै पनि भूमिका नभएका कर्मचारी र असम्बन्धित व्यक्तिलाई विज्ञका रूपमा मनोनयन गरेर ३० जनालाई ‘युनाइटेड नेसन्स क्लाइमेट चेन्ज फ्रेमवर्क कन्भेन्सन (युएनएफसिसिसी)’ मा सहभागी हुने नेपाली समाचार पत्र पत्रीकाहरूमा प्रकाशित समाचारले नेपाल ट्रेड युनियन महासंघ (जिफन्ट) को गम्भीर ध्यानाकर्षण भएको भन्दै प्रेश विज्ञप्ति जारी गरेको छ ।
कार्तिक २५ गते जारी प्रेश बिज्ञप्तीमा नेपालका ट्रेड युनियनहरुले जलवायु परिवर्तनसङ्ग जुध्ने नीति निर्माण गर्दा देखि सम्पूर्ण गतिविधिहरुमा श्रम क्षेत्र र श्रमिकहरुको प्रतिनिधित्वको मुद्दा उठाई आएको उल्लेख गरेको छ।
जलवायु परिवर्तनले पारेका असरहरु कम गर्न हरित गृह ग्यास उत्सर्जनलाई कमी गर्न वा अनुकूलन कार्यको लागि अपनाइने रणनीतिहरु बनाउँदा “न्यायिक रुपान्तरण” को अवधारणा अनुरुप गरिनुपर्दछ भन्ने ट्रेड युनियनहरुको माग रहिआएकोछ भन्दै सो रुपान्तरणमा श्रमिकहरुको चासो मर्यादित काम र समावेशिकरण रहेको भन्दै २९औ सम्मेलनमा श्रमिकहरुको प्रतिनिधित्वको लागि गरिएको अनुरोधलाई मन्त्रालयले बेवास्ता गरेको बिज्ञप्तीमा जनाएको छ ।
नेपाल सरकारले २०२० मा संयुक्त राष्ट्र सङ्घमा पेश गरेको रणनीतिक दस्ताबेज ( NDC) मा यी मुद्दाहरू छुटाइएकोमा जिफन्टले आपत्ति जनाउँदै आएको छ ।
E7 भिसा प्रणालीअन्तर्गत श्रमिक पठाउने प्रवाशी मजदुर युनियनद्वारा बिरोघ
श्रम, रोजगार तथा सामाजिक सुरक्षा मन्त्रालयले म्यानपावर कम्पनीमार्फत कोरियामा E7 भिसा प्रणालीअन्तर्गत श्रमिक पठाउने तयारी गरेकोमा दक्षिण कोरीयाको प्रवाशी मजदुर युनियन MTU ले बिरोघ जनाउँदै आएको छ ।
प्रवाशी मजदुर युनियन (MTU ) का अध्यक्ष उदय राईले म्यानपावर कम्पनी मार्फत श्रमिक पठाउँदा नेपाली श्रमिकले एजेन्टलाई धेरै रकम बुझाउनु पर्ने ,छनोट प्रक्रिया पारदर्शी नहुने ठगिन सक्ने भन्दै आफूखुसी कार्यस्थल परिवर्तन गर्न पाउने कार्य अनुमति प्रणाली (WPS) लागु गर्नुपर्ने माग समेत गरेको छ ।
जिफन्ट सहयोग समुह कतार स्थित बरुवा अल्लबरामा एरिया कमिटी गठन
नेपाल ट्रेड युनियन महासंघ जिफन्ट सहयोग समुह नेपाली प्रवासी श्रमिक संघ कतार स्थित दोहाको बरुवा अल्लबरामा कार्तिक २३ गते एरिया कमिटी गठन भएको छ।
नेपाली प्रवासी श्रमिक संघ जिफन्ट सहयोग समुह कतारका अध्यक्ष समुन्द्र खड्काको प्रमुख आतिथ्यमा सम्पन्न सो कार्यक्रमले घनश्याम रिजालको अध्यक्षतामा १६ सदस्य एरिया कमिटी गठन गरेको हो ।
जिफन्ट सहयोग समुह कतारका सचिब गिरि प्रसाद दर्लामीको पहलमा भएको सो कार्यक्रमका प्रमुख अतिथि जिफन्ट सहयोग समुह कतारका अध्यक्ष समुन्द्र खड्काले जिफन्टको नीति तथा कार्यक्रमहरूको बारेमा प्रकाश पार्नु भएको थियो ।
त्यसैगरी संगठनका उपाध्यक्ष नवराज शाहिले नव गठित कमिटीलाई बधाई तथा शुभकामना दिनु भएको सो कार्यक्रमको संचालन संगठनका कार्यवाहक महासचिव लोकबहादुर जोगिले र सहभागीहरूलाई आर्थिक सचिव सलबहादुर श्रेष्ठले स्वागत गर्नु भएको थियो ।
अलबिदा कमरेड धन बहादुर श्रेष्ठ
नेपाल ट्रेड युनियन महासंघ जिफन्ट आबद्ध युनियन जुट, गार्मेन्ट, कार्पेट, टेक्सटायल मजदुर युनियन, नेपाल (जुगकाटेमयु) का सदस्य तथा नेकपा एमाले मजदुर बिशेष जिल्ला कमिटी पुर्वसदस्य कमरेड धन बहादुर श्रेष्ठको गत कार्तिक २२ गते भएको असामयिक निधनले जिफन्ट परीवार स्तब्ध भएको छ ।
यस दुखद घडीमा जिफन्टले स्वर्गीय श्रेष्ठप्रति भावपूर्ण श्रद्धाञ्जली व्यक्त गर्दै शोक सन्तप्त परिवारजनमा समवेदना व्यक्त गरेको छ ।
स्वर्गीय श्रेष्ठको पार्थिव शरीरको अन्तेष्टी पूर्व कार्तिक २६ गते पशुपतिस्थित संक्षिप्त श्रद्धाञ्जली सभाको आयोजना गरीएको थियो ।
उक्त श्रद्धाञ्जली सभामा नेकपा एमाले पोलिटब्युरो सदस्य तथा जिफन्ट अध्यक्ष बिनोद श्रेष्ठले पार्टीको झण्डा ओढाउनु भएको थियो ।
त्यसैगरी, जिफन्ट उपाध्यक्ष जितेन्द्र श्रेष्ठ र सीता लामाले जिफन्टको झण्डा र जुगकाटेमयु अध्यक्ष अर्जुन अधिकारीले युनियनको झण्डा ओढाइ श्रद्धाञ्जली अर्पण गर्नु भएको थियो ।
दोलखा जिल्ला शैलुङ्ग गाबिस वडा नं ३ स्थाइ घर भएका स्वर्गीय धनबहादुर श्रेष्ठ २०४५ साल देखी रोजगारीको सिलसिलामा काठमाण्डौको बौद्ध बस्दै आउनु भएको थियो ।
स्वर्गीय श्रेष्ठ गत कार्तिक २२ गते परीवार सहित मुक्तिनाथको तीर्थयात्रा सम्पन्न गरी फर्कने क्रममा बाटैमा असामयिक निधन भएको थियो ।
श्रम बजारको सामाजिक न्याय र न्यायिक रुपान्तरण बिना जलवायु न्याय नहुनेः जिफन्ट महासचिब
जलवायु संकटसंग जुध्ने विश्व प्रयत्नमा न्यायिक रुपान्तरणको एजेण्डा र श्रमिकको सार्थक प्रतिनिधित्व र सम्वाद नभएसम्म परिवर्तन नहुने नेपाल ट्रेड युनियन महासंघ जिफण्टका महासचिव लक्ष्मण शर्माले ठोकुवा गर्नुभएको छ।
जलवायु सम्मेलन २०२४ मा नागरिक समाज र परामर्शदाताहरूको कार्तिक २१ गते काठमाण्डौमा भएको राष्ट्रिय छलफल कार्यक्रममा महासचिव शर्माले सो कुरा बताउनु भएको हो ।
महासचिव शर्माले जलवायु परिवर्तनले श्रम क्षेत्रमा परेका असरहरूको बारेमा र न्यायिक रुपान्तरणको बिषय नागरिक समाजहरूले गर्ने छलफलमा छुटाउने गरेको भन्नु हुँदै हरित रोजगारी, सामाजिक सुरक्षाको बिषयमा ध्यान दिनु पर्नेमा जोड दिनु भयो ।
नेपालले पाउनु पर्ने जलवायु वित्त न्यायपूर्ण ढंगले प्राप्त गर्ने र त्यसको न्यायिक वितरण गर्न अपनाउनु पर्ने रणनीतिहरुको बारेमा स्पष्ट गर्नु हुँदै महासचिव शर्माले श्रमिकको विषयहरू मर्यादित श्रम र हरित रोजगारी, श्रम बजारको सामाजिक न्याय र न्यायिक रुपान्तरण हुँदैन भने जलवायु न्याय नहुने बताउनु भयो ।
कार्यक्रममा जिफन्ट उपाध्यक्ष सीता लामा र राष्ट्रिय कमिटी सदस्य सुमन पराजुलीले जलवायु परिवर्तनले श्रमिकको रोजगारीमा परेको असरका साथै अजरबैजान हुन लागेको कोप सम्मेलनमा श्रमिक प्रतिनिधिको सहभागिता लगायतका विषयहरू उठाउनु भएको थियो ।
