नेपाल ट्रेड युनियन महासंघ जिफन्ट राष्ट्रिय महिला कमिटीको  ६३औं बैठक कार्तिक २९ गते जिफन्ट केन्द्रीय कार्यालयमा सम्पन्न भयो ।

महिला कमिटी अध्यक्ष सीता लामाको अध्यक्षतामा सम्पन्न सो बैठकमा जिफन्ट अध्यक्ष बिनोद श्रेष्ठले कार्तिक २८ गते सम्पन्न जिफन्टको राष्ट्रिय कमिटी बैठकको निर्णयहरूको बारेमा जानकारी गराउनु हुँदै जिफन्टले अगामी मंसिर देखी चैत सम्म संचालन गर्ने जिफन्ट कायाकल्पको लागी अभियान २०८१ मा राष्ट्रिय र प्रदेश महिला कमिटीलाई सक्रिय सहभागी गर्न गराउन निर्देशन दिनु भयो । 

बैठकले लैङ्गिक हिंसाका विरुद्ध १६ दिने अभियान, अन्तर्राष्ट्रिय श्रमिक महिला दिवस लगायतका दिवसहरू सातै प्रदेशमा विविध कार्यक्रमको आयोजना गरी मनाउने निर्णय गरेको छ ।
 

नेपाल ट्रेड युनियन महासंघ जिफन्टले संगठन सुदृढीकरणकालागी “जिफन्ट कायाकल्पको लागी अभियान २०८१ संचालन गर्ने भएको छ ।

जिफन्ट अध्यक्ष बिनोद श्रेष्ठको अध्यक्षतामा कार्तिक २८ गते जिफन्ट सभाहलमा सम्पन्न ११२ औं बैठकले आगामी मंसिर देखी चैत्र मसान्त सम्म अभियान संचालन गर्ने निर्णय गरेको हो । 

अभियान अन्तरगत सदस्यता नवीकरण र विस्तार, कमिटी गठन तथा पुनरगठन, आधारभूत तह सम्मको सदस्य तथा कमिटीगत अवस्थाको तथ्याङ्क अध्यावधी गर्ने, जिफन्टको आधारभूत तह सम्म सैद्धान्तिक, राजनैतिक प्रशिक्षण संचालन गर्ने निर्णय गरेको हो ।
बैठकले अभियान संचालनकालागी जिफन्ट प्रदेश अध्यक्षको नेतृत्वमा सचिवहरूले सहजीकरण गर्ने समेत निर्णय गरेको छ । 

बैठकमा जिफन्ट महासचिव लक्ष्मण शर्माले पेश गर्नु भएको संगठानिक प्रतिवेदन, आर्थिक प्रबन्धक बाबुराम कोइरालाले पेश गर्नु भएको आर्थिक प्रतिवेदन बैठकले पारित गरेको छ ।

बैठकमा नेकपा एमाले स्थायी कमिटी सदस्य तथा जनसंगठन समन्वयका इन्चार्ज भानुभक्त ढकालले जनसंगठन र पार्टीको समन्वय र वर्तमान राजनैतिक अवस्थाको बारेमा प्रकाश पार्नु भएको थियो ।

बैठकमा राष्ट्रिय कमिटी सदस्यहरू माया भण्डारी, रूद्र खत्री, माया गुरूङ्ग, आनन्द थामी, नारायण न्यौपाने, कमलेश झा, रामहरू नेपाल र चन्द्र सागर लामा, माधव पौडेल, शान्ता बस्नेत लगायतले बिचार ब्यक्त गर्नु भएको थियो ।
 

समग्र उद्योग ट्रेड युनियन नेपाल ब्हीन कोशी प्रदेश कमिटीले कार्तिक २८ गते विराटनगरमा योगदानमा आधारित सामाजिक सुरक्षा सम्बन्धी प्रशिक्षण तथा श्रमिक भेला आयोजना गरेको छ ।

प्रशिक्षण कार्यक्रमका प्रमुख आतिथ्य नेपाल ट्रेड युनियन महासंघ जिफन्ट कोशी प्रदेश अध्यक्ष किशोरले  धमलाले जिफन्टको नीति तथा कार्यक्रम र जिफन्टले योगदानमा आधारित सामाजिक सुरक्षाको सन्दर्भमा गरेका अभियानहरूको बारेमा चर्चा गर्नु भएको थियो ।

त्यसैगरी ब्हीन केन्द्रीय उपाध्यक्ष मनोज मगरले श्रम ऐन तथा कानुनकाबारेमा जानकारी दिनु भएको कार्यक्रममा योगदानमा आधारित सामाजिक सुरक्षा बिषयमा सामाजिक सुरक्षा कोष विराटनगर कार्यालयका शाखा प्रमुख दिपक राज भट्टले प्रकाश पार्नु भएको थियो ।

ब्हीन कोशी प्रदेश अध्यक्ष नवीन चौधरीको अध्यक्षतामा सम्पन्न सो कार्यक्रमको संचालन प्रदेश सचिव गणेश मगरले गर्नुभएको थियो ।
 

नेपाल अटो-मेकानिक्स ट्रेड युनियन (नाटु) बुटवलद्वारा मेकानिक्सहरूको क्षमता अभिवृद्धि गर्न कार्तिक २७ गते देउसी भैलो कार्यक्रम मार्फत आर्थिक संकलन गरेको छ । 

बुटवल स्थित रहेको केन्द्रीय प्रविधिक भवनमा EV भेहिकलको मर्मत तथा मेकानिकल एड्भान्स प्राविधिक तालिम संचालन गर्न "देउसी भैलो कार्यक्रम आयोजना गरेको नाटु बुटवलले जानकारी दिएको हो । 
 

साउदी सरकारले आप्रवासी घरेलु श्रमिकको हकमा केही लचकता देखाउँदै विदेशी महिला घरेलु श्रमिकलाई काम चित्त नबुझे दुई महिनाभित्र स्वदेश फर्किन वा रोजगारदाता (स्पोन्सर) परिवर्तन गर्न सकिने नयाँ सुविधा दिन लागिएको साउदी अरबस्थित नेपाली दूतावासले जानकारी दिएको छ ।

साउदी अरबको कडा नीतिले साउदी अरबमा घरेलु श्रमिकका रूपमा पठाउँदै आएका देशले घरेलु श्रममा नपठाउने नीति अवलम्बन गर्न थालेपछि साउदी सरकारले आफ्नो नीति सुधार्न बाध्य भएको हो । 

नेपाली घरेलु श्रमिकलाई सुरक्षित वातावरणको प्रत्याभूति नभएकाले नेपालले पनि २०७२ सालदेखि नै घरेलु श्रमिक साउदी पठाउन प्रतिबन्ध लगाएको छ । श्रम वार्तामा नेपालले घरेलु श्रमिकका लागि सुरक्षा र अधिकार सुनिश्चित गर्न विभिन्न सर्त राख्दै आएको छ ।   
 

नेपाल ट्रेड युनियन महासंघ जिफन्टले ब्यवसायजन्य सुरक्षा र स्वास्थ्य सम्बन्धमा नेपाल ट्रेड युनियन महासंघ जिफन्टले तयार पारेको धारणा पत्रमा छलफल गर्न कार्तिक २७ गते काठमाण्डौमा कार्यशाला आयोजना गरेको छ । 

जिफन्ट अध्यक्ष बिनोद श्रेष्ठले ब्यवसायजन्य सुरक्षा र स्वास्थ्य श्रमिकहरूको नैसर्गिक अधिकार भएको भन्दै यो बिषय कुनै लेनदेनको बिषय नभएको बताउनु भयो ।

अध्यक्ष श्रेष्ठले ब्यवसायजन्य सुरक्षा र स्वास्थ्य सुरक्षा श्रमिकहरूको महत्वपुर्ण बिषय भएकै कारण जिफन्टले यसको छुट्टै विभाग गठन गरी कामलाइ अगाडी बढाइ रहेको बताउनु  हुँदै जिफन्टले ब्यवसायजन्य सुरक्षा र स्वास्थ्य सम्बन्धी छुट्टै नीति नै बनाउन लागिरहेको बताउनु भयो ।

कार्यशालामा उपाध्यक्ष बिदुर कार्कीले प्रस्तुत धारणा पत्रमा ब्यवसायजन्य सुरक्षा र स्वास्थ्य बिज्ञ युवराज भट्टले एन कानुन वा अवधारणा पत्र मा जति राम्रो उल्लेख गरे पनि ब्यवसायजन्य सुरक्षा र स्वास्थ्य श्रमिक पक्षीय बनाउन प्रवर्द्धनात्मक, नियमानात्मक तथा व्यवस्थापकीय भूमिका महत्वपुर्ण हुने बताउनु भयो ।

उहाँले ब्यवसायजन्य सुरक्षा र स्वास्थ्यको सम्बन्धमा जिफन्टले श्रमिकहरूलाई सचेत बनाउने कामहरू गर्दै आइरहेको भन्दै यस्लाइ प्रभावकारी बनाउन निरन्तरता दिनु पर्ने बताउनु भयो ।

कार्यशालामा जिफन्ट उपाध्यक्ष जितेन्द्र श्रेष्ठ, कमल गौतम, जनक चौधरी र सीता लामा,  महासचिब लक्ष्मण शर्मा, महासचिव नरनाथ लुइँटेल, सचिव बेलीमैया धले, कृष्ण केसी, तारानिधी पन्तले धारणा पत्रको सन्दर्भमा आ–आफ्नो भनाइ राख्नु भएको थियो ।

त्यसैगरी जिफन्ट गण्डकी प्रदेश अध्यक्ष रूद्र खत्री, नेपाल चिया मजदुर युनियन अध्यक्ष सन्त कुमार राई, कानुन बिज्ञ भक्ती घिमिरे धारणा पत्रको सन्दर्भमा सुझाब राख्नु भएको थियो ।