नेपाल ट्रेड युनियन महासंघ (जिफन्ट) आवद्ध युनियन नेपाल स्वरोजगार व्यापार श्रमिक संघ (नेष्ट) को पुस १७ गते सम्पन्न पथरी शनिश्चरे नगर कमिटीको छैठौं अधिबेशनले शिव चरण ताजपुरियाको अध्यक्षतामा ११ सदस्यीय नगर कमिटी चयन गरेको छ । 

नेष्टका केन्द्रीय सदस्य सावित्रा खड्काको प्रमूख आतिथ्यतामा सम्पन्न सो अधिवेशनमा केन्द्रीय सल्लाहकार कमिटीको उप- प्रमूख कृष्णप्रसाद घिमिरे र जिफण्ट कोशी प्रदेश कमिटी सदस्य नयेन्द्र बहादुर विष्ट को उपस्थित रहेको थियो ।
 

नेपाल ट्रेड यूनियन महासंघ (जिफन्ट)ले अमेरिकामा रहेको जिफन्ट सहयोग समुहको कमिटीलाइ पुर्णता दिएको छ ।

जिफन्ट सहयोग समुह अमेरीकाको पुस १७ गते भएको भेलाले दिपक सापकोटाको अध्यक्षतामा ७ सदस्यीय कमिटी गठन गरेको हो । 

नेपाल ट्रेड युनियन महासंघ जिफन्टका पूर्व नेताहरू प्रभुराम थापा, शान्ती जिरेल र मन्जु थापामगर सल्हाकार रहनु भएको सो कमिटीको सचिबमा सोनु दनुवार चौधरी, कोषाध्यक्षमा केशव सुवेदी रहनु भएको छ भने सदस्यहरूमा इन्द्र सिह लामा, सुमि राई, कृष्ण ढकाल र दिपक लामिछाने रहनु भएको अमेरीकाबाट दिपक सापकोटाले जानकारी  दिनु भएको हो ।
 

नेपाल ट्रेड युनियन महासंघ जिफन्ट आबद्ध युनियन नेपाल स्वास्थ्य स्वयमसेवि संघ (नेभा)ले दैलेख जिल्लाको गुराँस गाउँ पालिकामा कार्यरत स्वस्थ्य स्वयमसेवीहरूको भेला पुस १६ गते सम्पन्न गरेको छ ।

जिफन्ट कर्णाली प्रदेश सचीव श्रीपाल सारु मगरले श्रमिकहरूकालागि योगदानमा आधारीत सामाजिक सुरक्षाको महत्वको बारेमा प्रकाश पार्नु भएको सो भेलाले पम्फा केसीको अध्यक्षतामा ११ सदस्यीय पालिका कमिटी गठन गरेको छ ।

त्यसैगरी नेभा केन्द्रीय सदस्य भिमु रिजाल सहित प्रतिनि मण्डलले गुराँस गाउँ पालिका उप प्रमुख तथा स्थानिय स्वास्थ्य प्रमुख समक्ष स्वास्थ्य स्वयम सेविहरुको माग पत्र पश गरेको छ ।
 

देशैभरि सेवा प्रवाह गरिरहेको नेरुडे मिरमिरे लघुबित्तिय संस्था लिमिटेडमा कार्यरत श्रमिकहरूको संगठन नेपाल ट्रेड युनियन महासंघ (जिफन्ट) आबद्ध बैंक, वित्तिय तथा सहकारी कर्मचारी यूनियन (बाफ्स्यु) मा आबद्द भएको छ ।

जिफन्ट कोशी प्रदेश कार्यलाय बिराटनगरमा पुस १६ गते अयोजित एक कार्यक्रममा नेरुडे मिरमिरे लघुबित्तिय संस्था संङठनका महासचिव मुकेश यादबले देसैभरिका ४४४ जना मध्ये ३४० जनाको सदस्य सहित आबद्दता भएको धोषणा गर्नु हुदै दोस्रो चरणको कार्यक्रममा सबैलाइ अवद्ध हुने बताउनु भयो ।

कार्यक्रममा जिफन्ट कोशी प्रदेश अध्यक्ष किशोर धमलाले जिफन्ट र बैंक, वित्तिय तथा सहकारी कर्मचारी यूनियन (बाफ्स्यु) को सदस्यता प्रदान गर्नु भएको थियो ।
 

हेटौंडा सिमेन्ट बन्द  भएपछि त्यहाँ कामगर्ने श्रमिकहरूले आर्थिक जटिलताहरू खेप्दै आइरहेकोमा नेपाल ट्रेड युनियन महासंघ जिफन्टले चिन्ता व्यक्त गरेको छ । 

उपकरण बिग्रिएको भन्दै  गत असोज १५ गतेदेखि सिमेन्ट फ्याक्ट्रीले उत्पादन बन्द गरेको हो ।

उद्योग व्यवस्थापन समितिका अध्यक्ष नरेन्द्र भण्डारीले भने उत्पादन ठप्प भए पनि प्रशासनिक खर्च, कर्मचारीको तलबभत्ताको व्यवस्थापन भइरहेको दावी गर्नुभएको छ । 

जिफन्ट अध्यक्ष विनोद श्रेष्ठले हेटौंडा सिमेन्ट उद्योगले उत्पादन गर्न नसक्दा श्रमिक र आश्रित परिवार, निर्माण क्षेत्र र अर्थतन्त्रमा एकसाथ पर्न गएको असरका बारेमा सरोकारवालाहरू गम्भीर हुन आवश्यक रहेको बताउनु भएको छ ।  
 

संयुक्त ट्रेड युनियन समन्वय केन्द्र (जेटियुसिसि) को छैटौँ श्रम संसदको पुस १६ गते सम्माननीय राष्ट्रपति रामचन्द्र पौडेलले उद्घाटन गर्नु हुँदै श्रमको सम्मान गर्दै श्रम र श्रमिक केही हुन् भन्ने मान्यतालाई विशेष जोड दिएर मुलुकले चाहेको विकासको गति अघि बढाउनु अहिलेको आवश्यकता रहेको बताउनु भएको छ ।

कार्यक्रममा नेपाल ट्रेड युनियन महासघ (जिफन्ट)का अध्यक्ष विनोद श्रेष्ठले योगदानमा आधारित सामाजिक सुरक्षा प्रभावकारी कार्यान्वयन नहुनु दुखदायी रहेको बताउनु भएको छ । 

दिनहुँ नेपाली युवाहरू बिदेसिएकोमा सबैले चिन्ता व्यक्त गरेता पनि किन विदेश गएका हुन् भन्ने बारेमा चासो नदिएको भन्नु हुँदै अध्यक्ष श्रेष्ठले नेपालमा मर्यादित रोजगारी र जिउन पुग्ने ज्याला लागु गर्न सके नेपाली युवाहरू नेपाल मै बसेर काम गर्ने बताउनु हुँदै युवाहरू रोजगारीका लागि होइन, रहरले मात्र विदेश जाने बताउनु भयो ।

नेपाल ट्रेड युनियन महासंघ लगायत नेपालका ठुला ट्रेड युनियनहरूले समय सापेक्ष श्रम ऐन २०७४ संशोधन गर्नु पर्ने माग गर्दै आइ रहेको भन्नु हुँदै ट्रेड युनियन आन्दोलन मर्यादित रोजगारी र जिउन पुग्ने ज्यालाको पक्षमा रहेको र यो वर्ष ज्याला पुनरावलोकनको वर्ष पनि भएको हुनाले  अब न्युनतम ज्याला हैन जिउन पुग्ने ज्यालाको लागि सरकारको ध्यानाकर्षण हुनु पर्नेमा अध्यक्ष श्रेष्ठले जोड दिनु भयो ।

अध्यक्ष श्रेष्ठले श्रमिकको नाममा गैर ट्रेड युनियनका प्रतिनिधीहरूलाई सरकारले प्रशय दिँदै आएकोमा दुख व्यक्त गर्दै यस्ता गलत निर्णयलाई सरकारले बैलैमा सच्याउन आग्रह पनि गर्नुभयो ।

संयुक्त ट्रेड युनियन समन्वय केन्द्र (जेटियुसिसि) को हरेक वर्ष नेतृत्व हस्तान्तरण गर्ने परम्परा अन्तरगत आगामी एक वर्षकालागि छैटौँ श्रम संसदले जगत सिम्खडालाई अध्यक्ष पद हस्तान्तरण गरेको छ ।