नेपाल ट्रेड युनियन महासंघ जिफन्टद्धारा स्याहार क्षेत्रका श्रमिकको रोजगारी, ज्याला, संवाद र सामाजिक सुरक्षाको सुनिश्चितता नाराका साथ ११५ औँ अन्तर्राष्ट्रिय श्रमिक महिला दिवस फागुण २४ गते देशभर मनाएको छ । 

जिफन्ट राष्ट्रिय महिला कमिटीले काठमाण्डौमा समानकामको समान ज्याला, योगदानमा आधारीत सामाजिक सुरक्षा, श्रमिक पञ्जिकरण कार्यान्वयन, जिउन पुग्ने ज्याला लागु गर आदी नारा लेखिएका प्ले कार्ड, ब्यानर सहित भृकुटी मण्डपबाट सुरु भएको प्रभात फेरी, भद्रकाली, सुन्धारा, रत्नपार्क, पुरानो बसपार्क हुँदै जिफन्ट प्लाजामा कोणसभामा परिणत भएको थियो । 

जिफन्ट राष्ट्रिय महिला कमिटी सचिव विजया खड्काले सञ्चालन गर्नु भएको कोणसभालाइ सम्बोधन गर्नु हुदै जिफन्ट राष्ट्रिय महिला कमिटी अध्यक्ष तथा जिफन्ट उपाध्यक्ष सीता लामाले सहभागी सबैलाई धन्यवाद दिनु हुदै अन्तर्राष्ट्रिय श्रमिक दिवसको बारेमा चर्चा गर्नु भएको थियो । 

त्यसैगरी जिफन्ट कोसी प्रदेश अन्तरगत प्रदेश महिला कमिटी अध्यक्ष डोमा गिरीको अध्यक्षतामा प्रदेश कमिटी अध्यक्ष किशोर धमलाको प्रमुख आतिथ्यतामा बिराटनगरमा, जिफन्ट उदयपुर जिल्ला समन्वय कमिटीले जिफन्ट उपाध्यक्ष बिदुर कार्कीको प्रमुख अतिथ्यतामा ११५ औँ अन्तरर्राष्ट्रिय श्रमिक महिला दिवस मनाएको छ ।

जिफन्ट मधेश प्रदेश महिला कमिटीले जिफन्ट उपाध्यक्ष मन्जुसारू मगरको प्रमुख आतिथ्यतामा सिमरामा र धनुषा जिल्लाको जनकपुरमा श्रमिक र्याली तथा सभाको आयोजना अन्तर्राष्ट्रिय श्रमिक महिला दिवस मनाएको छ । 

बागमती प्रदेश अन्तरगत मकवानपुर जिल्ला समन्वय कमिटीको आयोजनामा हेटौडामा जिफन्ट अध्यक्ष बिनोद श्रेष्ठको प्रमुख आतिथ्यतामा श्रमिक महिला दिवस आयोजना गरेको छ भने, गण्डकी प्रदेश अन्तरगत प्रदेश महिला कमिटीले पोखरामा गण्डकी अध्यक्ष रुद्र खत्रीको प्रमुख आतिथ्यतामा र म्याग्दी, पर्वत जिल्ला समन्वय कमिटीले बेनी, कुस्मा र नवलपुर जिल्ला समन्वय कमिटीले सि जी फुड्स र गोर्खा ब्रुअरीमा  ११५ओैं अन्तर्राष्ट्रिय श्रमिक महिला दिवस विविध कार्यक्रम सहित सम्पन्न गरेको छ ।

जिफन्ट लुम्बिनी प्रदेश अन्तरगत प्रदेश महिला कमिटीले रुपन्देही, कपिलवस्तु, बाँके, बर्दियामा, कर्णाली प्रदेश महिला कमिटीले सुर्खेतमा र सुदूरपश्चिम प्रदेश महिला नेपाल कम्युनिस्ट पार्टी एमाले पोलिटब्युरो सदस्य लीला भण्डारीको प्रमुख आतिथ्यतामा धनगढीमा स्याहार क्षेत्रका श्रमिकको रोजगारी, ज्याला, संवाद र सामाजिक सुरक्षाको सुनिश्चितता नाराका साथ अन्तर्राष्ट्रिय श्रमिक महिला दिवस २०८१ मनाएको हो । 

 थप पोटोकोलागी तलको लिंकमा क्लिक गर्नुहोस्।

https://www.facebook.com/media/set/?set=a.122143344560435116&type=3

अन्तर्राष्ट्रिय श्रमिक दिवस २०२५ को सन्दर्भमा नेपालमा स्याहारको काम महिला श्रमिकको अवस्था विषयमा नीतिगत छलफल कार्यक्रम फागुण २३ गते जिफन्ट सभाहल, पुतलीसडकमा सम्पन्न भयो ।

नेपाल ट्रेड युनियन महासंघ जिफन्ट राष्ट्रिय महिला कमिटीद्धारा आयोजित सो कार्यक्रममा जिफन्ट अध्यक्ष बिनोद श्रेष्ठले स्याहार क्षेत्रमा काम गर्ने श्रमिकको समस्या केवल महिलाको मात्र नभएर सिंगो ट्रेड युनियन आन्दोलनको मुद्धा रहेको बताउनु भएको छ ।

कार्यक्रममा जिफन्ट राष्ट्रिय महिला कमिटी अध्यक्ष तथा जिफन्ट उपाध्यक्ष सीता लामाले कार्यक्रमको औचित्य र स्याहारको क्षेत्रमा काम गर्ने श्रमिकहरूको वर्तमान अवस्था र चुनौतीका बारेमा प्रकाश पार्नु भएको थियो । 

त्यसैगरी स्याहार सुसार क्षेत्रको कामको बारेमा नेपाल सरकारको अवधारणा, नीति, कार्यक्रम र योजनाका बारेमा श्रम, रोजगार तथा सामाजिक सुरक्षा मन्त्रालय, राष्ट्रिय कार्यक्रम निर्देशक तथा सहसचिव एवम प्रवक्ता डण्डुराज घिमिरेले, स्याहार सुसार क्षेत्रको कामको बारेमा अन्तर्राष्ट्रिय श्रम सङ्गठन नेपाल (ILO) को अवधारणा, नीति र योजनाका बारेमा ILO का कार्यक्रम अधिकृत बिना कुँवरले र नेपालमा स्याहार सुसार क्षेत्रको कामको बारेमा सामाजिक संस्थाहरुको दृष्टिकोण, पहलकदमीहरू र सुझावहरूका बारेमा सोलिडारिटी सेन्टर नेपालका राष्ट्रिय लुना रञ्जितले प्रकाश पार्नु भएको थियो । 

त्यसैगरी जिफन्ट कर्णाली प्रदेश महिला कमिटीको आयोजनामा नेपालमा स्याहारको काम महिला श्रमिकको अवस्था विषयमा छलफल कार्यक्रम गरेको छ ।

जिफन्ट राष्ट्रिय कमिटी सदस्य चन्द्रा कुमारी धामीको प्रमुख आतिथ्यतामा, कर्णाली प्रदेश महिला कमिटी अध्यक्ष धर्मा सुवेदीको अध्यक्षतामा सम्पन्न भएको हो । 
 

थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122143225730435116&type=3

नेपाल बिजुली, पेण्टर, प्लम्बर तथा निर्माण मजदुर युनियन (क्यूपेक नेपाल) टोखा नगर कमिटीको फागुण २४ गते सम्पन्न चौथो अधिवेशनले रामसरण पराजुलीको अध्यक्षतामा १३ सदस्य कमिटी चयन गरेको छ । 

त्यसैगरी सोही दिन क्यूपेक नेपाल मकवानपुर जिल्ला भेलाले निरु आले मगरको अध्यक्षतामा ७ सदस्य जिल्ला महिला कमिटी गठन भएको छ । 
 

त्यसैगरी क्यूपेक-नेपाल बुढानीलकण्ठ नगर कमिटीको फागुण २५ गते सम्पन्न अधिवेशनले जगत रसाइलीको अध्यक्षतामा ११ सदस्य कमिटी निर्वाचित भएको छ । 

नेपाल बिजुली, पेण्टर, प्लम्बर तथा निर्माण मजदुर युनियन (क्यूपेक नेपाल) टोखा नगर कमिटीको फागुण २४ गते सम्पन्न चौथो अधिवेशनले रामसरण पराजुलीको अध्यक्षतामा १३ सदस्य कमिटी चयन गरेको छ । 

त्यसैगरी सोही दिन क्यूपेक नेपाल मकवानपुर जिल्ला भेलाले निरु आले मगरको अध्यक्षतामा ७ सदस्य जिल्ला महिला कमिटी गठन भएको छ । 

त्यसैगरी क्यूपेक-नेपाल बुढानीलकण्ठ नगर कमिटीको फागुण २५ गते सम्पन्न अधिवेशनले जगत रसाइलीको अध्यक्षतामा ११ सदस्य कमिटी निर्वाचित भएको छ । 
 

नेपाल_यातायात_स्वतन्त्र_मजदुर_सङ्गठन चितवन जिल्लाको तरकारी तथा फलफूल ढुवानी ईकाई कमिटीको फागुण २२ गते सम्पन्न प्रथम अधिवेशनले आईत सिंह घलानको अध्यक्षता मा ९ सदस्यीय कमिटी निर्वाचित गरेको छ ।

सङ्गठनका महासचिव केशव थापा  निरूले अधिवेशन शुभारम्भ गर्नु हुँदै सङ्गठनको योजना , जिफन्ट को कायाकल्प अभियानको सन्दर्भका बारेमा प्रकाश पार्नु भएको थियो ।

त्यसै गरी पोखरा तरकारी फलफूल ढुवानी इकार्ई कमिटीको फागुण २३ गते सम्पन्न १४औ अधिवेशनले पित्म बहादुर पौडेलको अध्यक्षतामा ७ सदस्य कमिटी निर्वाचित गरेको छ ।
 

नेपालगन्जको लर्ड बुद्ध एजुकेशनल एकेडेमी नेपालगन्ज मेडिकल कलेज शिक्षण अस्पताललाई श्रम तथा व्यवसायजन्य सुरक्षा विभागले फागुण २० गते निर्णय जारी गर्दै कुनै पनि कर्मचारीको सरुवा नगर्नु र केही कर्मचारीलाई गरेको सरुवा कार्यान्वयन नगर्न नगराउन मेडिकल कलेज व्यवस्थापकलाई पत्राचार गरेको छ । 

श्रम, रोजगार तथा सामाजिक सुरक्षा मन्त्रालयमा मध्यस्थता गठन भई समस्या समाधानको लागि प्रक्रिया सुरु भएको अवस्थामा कर्मचारीमाथि दुःख दिने काम भइरहेकोले लर्ड बुद्धका कुनै पनि कर्मचारीमाथि अनुचित श्रम अभ्यास नगर्न लर्ड बुद्धलाई कडा निर्देशन दिएको हो । 

श्रम तथा व्यवसायजन्य सुरक्षा विभागले ‘मध्यस्थताको निर्णय नभएसम्मका लागि सुमन गिरी, कृष्ण बहादुर बुढा, विन्दु शर्मा, श्रृष्टी श्रेष्ठ र सुविना खरेलको सरुवा कार्यान्वयन नगर्नु, नगराउनु’ भनी उल्लेख गरेको पत्रमा ‘अन्य श्रमिकहरूको हकमा समेत श्रम ऐन २०७४ को दफा ९२ उपदफा (२) अनुसार जानी जानी दुःख हैरानी नदिन र अनुचित श्रम अभ्यास नगर्न हुन श्रम ऐन २०७४ को दफा १६३ (१) को (च) आदेश विभागको मिति २०८१।११।२० को निर्णय बमोजिम जारी भएको ब्यहोरा समेत जानकारीको लागि अनुरोध गरिएको छ ।

लर्ड बुद्धले कहिले लर्ड बुद्धको बोर्ड हटाएर संजीवनीको बोर्ड टास्ने, त्यहाँ कार्यरत ४ सय कर्मचारीहरूलाई विभिन्न मानसिक यातना दिने, धम्की दिने, आन्दोलन गर्ने कर्मचारीलाई रिस पोख्ने सरुवा गर्ने जस्ता कार्य व्यवस्थापकले  गर्दै आइरहेको छ ।