जिफन्ट आवद्ध नेपाल यातायात स्वतन्त्र मजदुर संगठन उदयपुर जिल्ला कमिटीको फागुण १७ गते सम्पन्न ११ औं अधिवेशनले बोधराज एस. के. को अध्यक्षतामा ७ सदस्यीय जिल्ला कमिटी निर्वाचित गरेको छ । 

जिफन्ट राष्ट्रिय कमिटी सचिव हरि कार्की प्रमुख अतिथी रहनु भएको सो अधिवेशनमा संगठनका केन्द्रिय अध्यक्ष भिम ज्वाला राई, प्रदेश अध्यक्ष गौरी लामा, जिफन्ट राष्ट्रिय कमिटी सदस्य माया भण्डारी, जिफन्ट कोशी प्रदेश उपाध्यक्ष शशी कुमार राई, लगायतका अतिथीहरूले अधिवेशन सफलताको शुभकामना मन्तब्य राख्नु भएको थियो ।

नेपाल ट्रेड युनियन महासंघ (जिफन्ट) आवद्ध यूनियन नेपाल बिजुली, पेण्टर, प्लम्बर तथा निर्माण मजदुर यूनियन (क्यूपेक–नेपाल) कास्की जिल्ला कमिटीले खेल खेलौ स्वस्थ बनौ, श्रमजिवी बर्ग बिच भाईचाराको सम्बन्ध बिस्तार गरौ भन्ने मुलनाराका साथ फागुन १५ गते देखी फुटवल प्रतियोगिता आयोजना गरेको छ ।

कास्की कप २०८१ तेस्रो सेभेन ए साईट नाममा संचालन हुने सो फुटवल प्रतियोगिताको जिफन्ट गण्डकी प्रदेश अध्यक्ष रुद्र खत्रीले शुभारम्भ गर्नु भएको छ । 

पोखराको मालेपाटन खेल मैदानमा संचालन  हुने उक्त प्रतियोगितामा ६ टिम सहभागी रहेको छ । 

क्यूपेक जिल्ला अध्यक्ष तिर्थ मगरको अध्यक्षतामा भएको उद्धघाटन समारोहको सञ्चालक बिशाल चौधरीले र स्वागत जिवन लामाले गर्नु भएको थियो ।
 

रोजगार अनुमति प्रणालि अन्तर्गत कोरियामा प्रवासि श्रमिकले स्व इच्छाले कार्यस्थल परिबर्तन गर्न नपाउने  र कम्पनि मालिकले अनुमति दिएर कम्पनि परिबर्तन गरे ३ महिना भित्र अर्को कम्पनिमा काममा लाग्नु पर्न नलागे भिषा गुम्ने र स्वदेश फर्कनु पर्ने जस्ता समस्यालाइ लिएर कोरियाको ट्रेड युनियन केसिटियु र प्रवाशी श्रमिक यूनियन एमटियुले निरन्तर बिविध कार्यक्रमहरू गर्दै आइ रहेको छ । 

यसै सन्दर्भमा फागुण १४ गते कोरियाको श्रम मन्त्रालय प्रवासि श्रमिक बिभागको अधिकारी संग भेट गरी भिषा गुमाउने प्रवासि श्रमिक रोक्न, काम खोज्ने समय अवधि हटाउन, नेपालबाट भाषा उतिर्ण गरी बसेको सबैलाई लानु पर्ने ,सबै प्रकृया पुरा गरि उडान नभएर रद्द भएको सबैलाई रोस्टरमा चाडो राख्नु पर्ने ,पानीजाहाजमा उतिर्ण हुनेलाई सधारण उत्पादनमा परिबर्तन दिनु पर्ने लगायतको माग पेश गरेको छ ।

नेपाल ट्रेड युनियन महासंघ (जिफन्ट) ले वैदेशिक रोजगारीको सिलसिलामा मलेसियामा कार्यरत लालबन्दी नगरपालिका -३ निवासी ३३ वर्षिय स्वर्गीय जितेन्द्र पासवानको शव फागुण १३ गते नेपाल ल्याएको छ ।

बिगत २ वर्ष देखी मलेशियाको पाहाङ् स्थित एल् सीएस मार्केटिङ एसडीएन बीएचडी कम्पनीमा कार्यरत स्वर्गीय पासवान गत फेब्रअरी ७ का दिन कम्पनीको आवास गृहमा झुन्डिएर मृत्यु भएको थिए । 

पासवानको मृत्युको खवर पछी परिवारले जिफन्ट प्रवाशी डेक्समा शव नेपाल ल्याइदिन भनी दिनु भएको निवेदनको आधारमा जिफन्ट प्रवाशी डेक्सको पहलमा शब नेपाल ल्याइ फागुण १३ गते नै शबलाइ आफन्तलाई हस्तान्तरण गरिएको छ ।

नेपाल ट्रेड युनियन महासंघ (जिफन्ट)  आबद्ध नेपाल स्वास्थ्यकर्मी तथा कर्मचारी यूनियन, हिमालय आँखा अस्पतालमा फागुण १३ गते विस्तारित भेला सम्पन्न भएको छ । 

युनियनका अध्यक्ष गोविन्द नाथ योगीको अध्यक्षतामा, संचालन सचिव अनिल कुमार सिंहले गर्नु भएको सो भेलामा केन्द्रीय सदस्य शशिकमला लामिछाने लगायतका अतिथिहरूको सहभागिता रहेको थियो ।

भेलाले सदस्यता नवीकरण, सामूहिक सौदाबाजी, अन्तर्राष्ट्रिय श्रमिक महिला दिवस, वेतन वृद्धि लगायतका विषयमा छलफल भएको पोखराबाट अनिल कुमार सिंहले जानकारी दिनु भएको हो । 
 

नेपाल ट्रेड युनियन महासंघ (जिफन्ट) आवद्ध राइडर्स युनियन नेपाल (रन) द्वारा फागुण १२ गते चितवन जिल्लाको हाकीम चोकमा राइडर्सहरुको भेला सम्पन्न गरेको छ ।

रन केन्द्रीय अध्यक्ष माधब प्रसाद पाण्डेले राइडर्सहरुले भोग्नुपरेका समस्या र समाधानकालागि राइडर्स युनियनको योजना तथा कार्यक्रमको बारेमा चर्चा गर्नु भएको सो भेलामा स्वतन्त्र ढङ्गबाट गठित चितवन राइडर्स युनियन बिधिवत रूपमा रनमा आवद्ध भएको छ । 
भेलाले पुनानन्द चौधरीको अध्यक्षतामा ११ सदस्य रन चितवन जिल्ला कमिटी गठन गरेको छ । 

नवगठित कमिटीलाई नेपाल यातायात स्वतन्त्र मजदुर संगठन केन्द्रीय महासचिव केशब थापा निरूले शुभकामना दिनु भएको थियो ।