नेपाल ट्रेड युनियन महासंघ (जिफन्ट) आवद्ध नेपाल यातायात स्वतन्त्र मजदुर संगठन बागमती प्रदेश कमिटीले असोज ६ गते गत साउन २७ गते सडक दुर्घटनामा ज्यान गुमाएका सहचालक सुनिल कार्कीकी छोरी सुवास्ना कार्कीलाई अध्ययन खर्च बापत १५ हजार ५ सय ५५ नगद सहयोग गरेको छ । 

१३ वर्षीया कार्की कोभ्रे जिल्लाको नाला स्थीत उग्रचण्डी बोर्डिङ स्कुलको कक्षा ७ मा अध्धयनरत रहेको छ ।
 

नेपाल उद्योग वाणिज्य महासङ्घ (FNCCI) अध्यक्ष चन्द्रप्रसाद ढकालको नेतृत्वको प्रतिनिधि मण्डलले असोज ५ गते प्रधानमन्त्री सुशीला कार्कीसंग भेट गरी जेन–जी आन्दोलनका कारण झन्डै ८० अर्ब रुपैयाँ बराबरको निजी क्षेत्रमा क्षति भएको प्रारम्भिक आँकलन रहेको जानकारी गराएका छन् ।

प्रधानमन्त्रीसँगको भेटमा अर्थतन्त्र पुनर्स्थापना र सुशासन कायम गर्न निजी क्षेत्र र सरकारबीच निरन्तर संवाद संयन्त्र निर्माण गर्न, व्यवसायीलाई आत्मविश्वासका साथ खुला रूपमा व्यवसाय गर्न सक्ने वातावरणको सुनिश्चितता कायम गर्न आग्रह समेत गरेको छ । 
 

भदौ २४ गतेको भएको आगजनी, तोडफोड र लुटपाटका कारण पूर्ण क्षति भएका भाटभटेनीको १२ वटा सुपरस्टोरमा कार्यरत कुनै पनि कर्मचारीले जागिर तथा सेवा-सुविधा गुमाउन नपर्ने भाटभटेनी सुपरस्टोर ब्यवस्थापकले जनाएको छ।

केन्द्रीय कार्यालयसहित भाटभटेनीका २८ मध्ये १२ वटा सुपरस्टोरमा चोरी डकैतीपछि आगजनी गरी पूर्ण क्षति पुर्‍याइएको र हाललाई बन्द रहेका १२ वटा सुपरस्टोरका कर्मचारीलाई अहिले सञ्चालन भइरहेका अन्य सुपरस्टोरमा काम लगाइएको भाटभटेनी सुपरस्टोरका प्रमुख सञ्चालन अधिकृत पानु पौडेलले जानकारी दिनु भएको छ ।
 

नेपाल ट्रेड युनियन महासंघ (जिफन्ट) आवद्ध राइडर्स युनियन नेपाल (रन) चितवन जिल्ला कमिटी उपाध्यक्ष आलोक कुमार श्रेष्ठको नेतृत्वमा अलपत्र परेका यात्रु तथा यातायात मजदुरहरूलाइ पानी र बिस्कुट वितरण गरेको युनियनका केन्द्रीय अध्यक्ष माधव पाण्डेले जानकारी दिनु भएको छ । 
 

नेपाल ट्रेड युनियन महासंघ (जिफन्ट) आवद्ध नेपाल यातायात स्वतन्त्र मजदुर संगठनले मुग्लिङ–नारायणगढ सडकखण्डको तुइन खोला पुल नजिक असोज ३ गते खसेको पहिरोको कारण अलपत्र यात्रु तथा सवारी मजदुरहरूको उद्धार तथा सहयोगका लागि संगठनका महासचिव केशव थापाको नेतृत्वमा विशेष टिम परिचालन गरेको छ ।
 

खानी, ऊर्जा र उत्पादन क्षेत्रमा कार्यरत १३० राष्ट्रका ५५० ट्रेड युनियनमा आवद्ध ५ करोडभन्दा बढी श्रमिकहरूको अन्तररार्ष्ट्रिय संगठन इन्डस्ट्रिअल ग्लोबल युनियनका महासचिब एट्ले होइले असोज ३ गते एक बिज्ञप्ती जारी गत भाद्र २३ र २४ गते विभिन्न आधोगिक  प्रतिष्ठानहरूमा भएका हिंसात्मक आक्रमणका कारण आफ्नो जागिर र जीविकोपार्जन गुमाएका हजारौं कामदारहरूप्रती ऐक्यबद्धता व्यक्त गरेको छ ।

बक्तब्यमा इन्डस्ट्रिअल, नेपालको श्रम आन्दोलनले उठाएका श्रमिक अधिकार, मर्यादित काम र सामाजिक न्यायको पक्षमा रहेको भन्दै ऐक्यबद्धता जनाएको छ ।