अन्तर्राष्ट्रिय युवा दिवस २०८१को अवसरमा नेपाल ट्रेड युनियन महासंघ (जिफन्ट)ले साउन २८ गते समृद्ध नेपाल सुखी नेपालीका लागि युवा सशक्तीकरण नाराका साथ देशभर विभिन्न कार्यक्रमको आयोजना गरी युवा दिवस मनाएको छ ।

जिफन्ट केन्द्रीय युवा कमिटीको आयोजनामा काठमाण्डौमा आयोजना गरेको युवा भेलामा जिफन्ट अध्यक्ष बिनोद श्रेष्ठले अन्तर्राष्ट्रिय युवा दिवसको सन्दर्भमा सबैमा शुभकामना दिनु हुँदै  संसारका हरेक परिवर्तनहरू युवाहरूको शक्तिबाट नै हुने गरेको भन्नु हुँदै नेपालको श्रम बजारमा देखिएका चुनोतीहरूलाइ पनि सामना गर्न युवा श्रमिकहरू नै लाग्नु पर्ने बताउनु भयो ।

कार्यक्रममा सहभागी १० जना युवाहरूले नेपालको श्रम बजारमा देखा परेका चुनैतिकाबारेमा जिज्ञासा राख्नु भएको सो कार्यक्रममा जिफन्ट महासचिव लक्ष्मण शर्माले अन्तर्राष्ट्रिय युवा दिवसको इतिहास र जिफन्टको युवा नितीकाबारेमा प्रकाश पार्नु भएको थियो ।

यूवा कमिटी अध्यक्ष बिके श्रेष्ठको अध्यक्षतामा भएको सो युवा भेलाको सञ्चालन बिकेश खड्काले गर्नु भएको थियो भने स्वागत निरज घिमिरेले गर्नु भएको थियो ।

त्यसैगरी जिफण्ट युवा कमिटी मकवानपुरद्वारा युवा दिवसको सन्दर्भमा हेटौँडा स्थित श्रमिक वाटिका बालुवाटार शान्तिनगरमा बृक्षारोपण कार्यक्रम सम्पन्न गरेको छ ।

अन्तर्राष्ट्रिय युवा दिवस २०८१ को सन्दर्भमा जिफन्ट कोशी प्रदेश युवा कमिटीको आयोजनामा रोजगार र दुर्व्यसन सम्बन्धी अन्तर्क्रिया कार्यक्रम बिराटनगरमा सम्पन्न गरेको छ ।

जिफन्ट कोशी युवा कमिटी अध्यक्ष भली सुब्बाको अध्यक्षतामा, जिफन्ट कोशी प्रदेश अध्यक्ष किशोर धमलाको प्रमुख अतिथ्यमा सम्पन्न सो अन्तरक्रिया कार्यक्रममा निजी तथा सरकारी स्कुलका १२० जना युवा विद्यार्थीहरू सहभागी रहेको थियो ।

जिफन्ट कोशी प्रदेश उपसचिव हरी अधिकारीले सञ्चालन गर्नु भएको सो कार्यक्रममा प्रहरी निरीक्षक तोरण परियार, लागु औषध विरुद्धका अभियन्ता संजिप चापागाईँ, युवा अभियन्ता वसन्त अधिकारी, उद्योग संगठन मोरङका प्रतिनिधि चूडामणि भट्टराई, युवा स्वरोजगार विक्रमकुमार शाह, रवि गुप्ता रहनु भएको थियो।

त्यसैगरी मदेश प्रदेशको सिमरामा नवराज कार्कीको अध्यक्षतामा सम्पन्न युवा भेलाको प्रमुख अतिथि जिफन्ट उपाध्यक्ष मञ्जु थापा मगर, प्रदेश अध्यक्ष कमलेश झा लगायतका नेताहरूले युवा श्रमिकहरूको बारेमा चर्चा गर्नु भएको थियो ।

अन्तर्राष्ट्रिय युवा दिवसको  सन्दर्भमा जिफन्ट लुम्बिनी प्रदेश युवा कमिटी सचिव सृष्टि भट्टराई को अध्यक्षता बुटवलमा युवा भेला सम्पन्न भएको छ ।

जिफन्ट शिक्षा विभाग सचिव हरि बहादुर कार्कीको प्रमुख अतिथ्यमा सम्पन्न सो भेलामा जिफन्ट लुम्बिनी प्रदेश अध्यक्ष हुमाकान्त काफ्ले, राष्ट्रिय कमिटी सदस्य रन्जु भट्टराई लगायतका नेताहरूले सम्बोधन गर्नु भएको थियो ।

नेपाल ट्रेड युनियन महासंघ जिफन्ट कर्णाली प्रदेश युवा कमिटीले तीनै तहका सरकारलाई युवा शक्ति सञ्चित र उत्पादनमा ध्यान आग्रह गरेको छ।

सुर्खेतको वीरेन्द्रनगरमा अन्तर्राष्ट्रिय युवा दिवसको अवसरमा युवा श्रमिकहरूबिच आयोजित छलफल कार्यक्रममा जिफन्ट प्रदेश अध्यक्ष तेज प्रकाश जिसीले सो कुरा बताउनु भएको हो ।

छलफलमा स्वास्थ्यकर्मी सीता शाही युवा उद्यमी ऋषि वलीले धारणा राख्नु भएको उक्त कार्यक्रम युवा कमिटी सदस्य मीना गौतमले सञ्चालन गरेकी थिइन् भने प्रदेश युवा कमिटी कार्यवाहक अध्यक्ष सविता धामीको अध्यक्षतामा सम्पन्न भएको थियो।

त्यसैगरी जिफन्ट सुदूरपश्चिम प्रदेश युवा कमिटीले अन्तर्राष्ट्रिय युवा दिवस २०८१को  सन्दर्भमा साउन २८ गते आयोजित युवा भेलाका प्रमुख अतिथि जिफन्ट सुदूरपश्चिम अध्यक्ष जित मल्लले जिफन्टको युवा नीति तथा कार्यक्रमको बारेका प्रकाश पार्नु भएको सो कार्यक्रमको अध्यक्षता अम्मर बिष्टले र सञ्चालन दान बहादुर बिष्टले गर्नु भएको थियो । 
 

फोटोकोलागी https://www.facebook.com/media/set/?set=a.122109724202435116&type=3

नेपाल बिजुली, पेन्टर, प्लम्बर तथा निर्माण मजदुर युनियन (क्युपेक) नेपालको अगुवाइमा उक्त सरसफाइ पश्चात फोहोर राख्नका लागि डस्टबिन समेत राखिएको छ । 

मजदुरहरूले आफ्नो कामबाट छुट्टी लिएरै पर्यटकीय स्थल लभ्ली हिलको सरसफाइ गरिएको क्युपेक नेपालकी केन्द्रीय सचिव बलादेवी राईले जानकारी दिनु भयो । 

सरसफाई र डस्टविन राख्नका लागि  ज्यालाबाट आएको रकम छुट्टाएर सामाजिक क्षेत्रमा समेत लगानी गर्ने गरेको समेत सचिव राईले जानकारी दिनुभयो । 

 

अन्तर्राष्ट्रिय युवा दिवसको अवसरमा, नेपाल बिजुली, पेन्टर, प्लम्बर तथा निर्माण मजदुर युनियन क्यूपेक-नेपाल चन्द्रागिरि नगर कमिटीले साउन २७ गते सतुङगल स्थित नगर स्तरीय भेला तथा प्रशिक्षण कार्यक्रम सम्पन्न गरेको छ । 

क्युपेक केन्द्रीय अध्यक्ष शान्ता बस्नेतको प्रमुख आतिथ्यमा सम्पन्न सो भेला तथा प्रशिक्षण कार्यक्रममा क्यूपेक उपाध्यक्ष योगेन्द्र शर्मा ले योगदानमा आधारीत सामाजिक सुरक्षा बारेमा महासचिव राजेन्द्र बिष्टले ट्रेड युनियनका आधारभूत ज्ञानका बारेमा प्रशिक्षण दिनु भएको थियो । 

क्यपेक चन्द्रागिरि नगर कमिटी अध्यक्ष आर्इतमाया साम्बाको अध्यक्षतामा सन्तोष राइले सञ्चालन गर्नु भएको सो कार्यक्रममा अभिभावक गुमाएकी कक्षा ६ मा अध्ययनरत दिपिका माझीलाई कापी र नगद प्रमुख अतिथि अध्यक्ष बस्नेतले हस्तान्तरण गर्नु भएको थियो
 

जिफन्ट आबद्ध समग्र उद्योग ट्रेड युनियन नेपाल (ह्वीन), जुट, गार्मेन्ट, कार्पेट, टेक्सटायल मजदुर युनियन (जुगकाटेमयु) नेपाल अटो ट्रेड युनियन (नाटु) आबद्ध रहेको अन्तर्राष्ट्रिय युनियन Industriall Nepal  को आयोजनामा श्रम अडिट सुदृढीकरण कार्यक्रम साउन २६ गते काठमाडौमा सम्पन्न भयो ।   

जुगकाटेमयु अध्यक्ष अर्जुन अधिकारीको अध्यक्षतामा सम्पन्न उक्त कार्यक्रमका प्रमुख अतिथि जिफन्ट महासचिव लक्ष्मण शर्माले श्रम अडिट कार्यान्वयन जिफन्टको एक प्रमुख मुद्दा भएको बताउनु भयो । सहभागीहरूलाई श्रम अडिटका विषयमा अधिवक्ता भक्तिराम घिमिरेले स्पष्ट पार्नु थियो । 

त्यसैगरी इन्डष्ट्रीअल परियोजना अन्तर्गत स्थानीय कार्यक्रम सम्बन्धी श्रम अडिट अभिमुखीकरण कार्यक्रम यहि साउन २६ गते, सिमरा, मधेस प्रदेशमा सम्पन्न भएको छ ! 

उक्त कार्यक्रममा श्रम अडिट सम्बन्धी व्हिनका अध्यक्ष आनन्द थामी, NFWU का अध्यक्ष अमृतलाल जोशी, अन्टुफका डिवी थापा र व्हिनका सचिव गीता भण्डारीले समसामयिक श्रम आन्दोलनको बोल्नु भएको थियो भने कार्यक्रमको सहजीकरण लक्ष्मी त्रिपाठीले गर्नु भएको थियो !

 इन्डष्ट्रीअल नेपाल परिषदमा १२ वटा ट्रेड युनियन संघहरु आबद्ध रहेका छन् ।
 

नेपाल टेड युनियन महासंघ जिफन्टले आयोजनामा काठमाण्डो महानगर तथा बुढानिलकण्ठ नगरपालिकामा कार्यरत सरसफाइ तथा सरसफाइ वगिर्करण क्षेत्रका सरसफाइ श्रमिकहरूका लागि आयोजित एक दिने नेतृत्व विकास तथा सांगठानिक सिप तालिमको आयोजना गर्‍यो । 

साउन २६ गते छुटा छुटै आयोजित तालिम कार्यक्रमको सहजिकरण जिफन्टका उपाध्यक्ष विदुर कार्की र घरेलु श्रमिक संघ (हुन) का महासचिव ज्ञानु केसीले गर्नु भएको  तालिमका व्यवस्थापक तथा जिफन्ट परियोजना संयोजक शंकर घिमिरेले जानकारी दिनुभयो । 

नेपाल ट्रेड युनियन महासंघ (जिफन्ट) अध्यक्ष बिनोद श्रेष्ठले श्रम क्षेत्रमा युवाहरूको सक्रियताले ट्रेड युनियन आन्दोलनलाई थप उपलब्धी भएको धारणा व्यक्त गर्नुभएको छ । 

अन्तर्राष्ट्रिय युवा दिवसको अवसरमा जिफन्ट गण्डकी युवा कमिटीद्वारा साउन २६ गते पोखरामा आयोजित  युवा भेलामा सो धारणा राख्नु भएको हो । 

युवा कमिटीका अध्यक्ष अनिलकुमार सिंहको अध्यक्षतामा आयोजित उक्त भेलामा सबै युनियनको तर्फबाट विष्णु खत्रीले शुभकामना सन्देश राख्नु भएको थियो । 

कार्यक्रममा राष्ट्रिय कमिटी सदस्य पम्फा पहरी, प्रदेश अध्यक्ष रूद्रबहादुर खत्री, नेत्र बहादुर मगर, प्रदेश युवा इन्चार्ज तीर्थराज मगर लगायतको उपस्थिति रहेको थियो । 

सोही भेलाबाट सुमन कार्कीको अध्यक्षतामा प्रदेश युवा कमिटी र संजय थापाको अध्यक्षतामा पोखरा महानगर युवा कमिटी पनि गठन भएको छ ।