नेपाल यातायात स्वतन्त्र मजदुर संगठन एयरपोर्ट मिटर ट्याक्सी ईकाइ कमिटीले कमिटीका सल्लाहकार धनेश्वर पण्डित र सदस्य अर्जुन थापालाई असोज १ गते सवारी दुर्घटना राहत सहयोग प्रदान गरेको छ ।

कमिटिका अध्यक्ष दिलबहादुर शाक्य को अध्यक्षतामा संगठन केन्द्रिय अध्यक्ष भिमज्वाला रार्इले बा २ ज ५४६० का चालक पण्डित र बा २ ज ४१९६ का चालक थापालाई विश्वकर्मा पुजाको अवसर पारेर जनहि ५० हजार दुर्घटना राहत सहयोग हस्तान्तरण गरेको हो ।

त्यसैगरी इमाडोलबाट रत्नपार्क चल्ने सफा टेम्पु तथा ग्यास टेम्पुका चालक तथा स्वरोजगार श्रमिकहरूको भेला सोज १ गते सम्पन्न भयको छ।

प्रमुख अतिथि संगठनका उपाध्यक्ष तथा बागमती प्रदेश इन्चार्ज नबराज घिमिरेले रुट ब्यवस्थापन, २० वर्ष पूरा भएको सवारीहरूको बारेमा र सडक दुर्घटना न्यूनीकरण सम्बन्धी प्रकाश पार्नु भएको भेलामा ललितपुर जिल्ला कमिटी कोषाध्यक्ष राधेश्याम श्रेष्ठ लगायतका अतिथिहरूको उपस्थित रहेको थियो।

त्यसैगरी नेपाल यातायात स्वतन्त्र मजदुर संगठन दाङ जिल्ला कमिटीले विश्वकर्मा पुजाको अवसरमा असोज १ गते कार्यालय परिसरमा रहेको विश्वकर्मा मन्दिरमा पूजाआजा गर्नुका साथै मन्दिरमा नयाँ घण्टी र पाला चढाएको जिल्ला सचिव खिम बहादुर डाँगीले जानकारी दिनुभएको छ । 
 

नेपाल ट्रेड यूनियन महासंघ (जिफन्ट) द्वारा काठमाडौँ महानगर पालिका र तारकेश्वर नगरपालिकामा सफाई तथा सफाई वर्गीकरण क्षेत्रमा कार्यरत श्रमिकहरुकोलागी व्यवसायजन्य सुरक्षा र स्वास्थ्य सम्बन्धी तालिम सम्पन्न गरेको छ । 

काठमाडौँ महानगर पालिकाको बसुन्धरामा असोज १ गते आयोजित तालिममा जिफन्ट उपाध्यक्ष बिदुर कार्कीले श्रमिकहरूकालागी व्यवसायजन्य सुरक्षा र स्वास्थ्यको महत्व र कार्यक्रमको उद्देश्यका बारेमा प्रष्ट पार्नु भएको तालिम कार्यक्रममा ILO प्रतिनिधि छिरिङ शेर्पा, नेपाल सफाई कर्मचारी युनियनका अध्यक्ष मोहन नेपालीको उपस्थित रहेको थियो ।

काठमाडौँ महानगर पालिका र तारकेश्वर नगरपालिकामा सम्पन्न दुवै तालिमको व्यवस्थापन जिफन्ट परियोजना संयोजक शंकर घिमिरेले र सहजिकरण जुनु मिश्र र सोबिता थापाले गर्नु भएको थियो 
 

नेपाल ट्रेड युनियन महासंघ (जिफन्ट) अध्यक्ष विनोद श्रेष्ठले २०३६ सालदेखिको मजदुर आन्दोलनले पाएको उपलब्धिको स्मरण गर्दै अधिकार र सफलताको लागि निरन्तरता र सशक्तीकरण जरुरी भएको बताउनु भएको छ । 

नेपाल ट्रेड युनियन महासंघ (जिफन्ट) आबद्ध नेपाल गृह श्रमिक ट्रेड युनियन (हुन) को स्थापना दिवसको सन्दर्भमा भाद्र ३१ गते पुतलीसडक स्थित, मनमोहन मजदुर भवन जिफन्ट सभाहलमा हुन केन्द्रिय कमिटीद्वारा आयोजित कार्यक्रममा बताउनु भएको हो । 

अध्यक्ष श्रेष्ठले घरेलु श्रमिकहरूको हक-हित र अधिकार संरक्षणको लागि जिफन्टले नियमित सङ्घर्ष गर्दै आइरहेको बताउनु हुँदै सुन, चाँदी, मूर्ति कुट्ने, थान्का, घरमा काम गर्ने ४ वटा यूनियनलाइ एकीकरण गरी नेपाल गृह श्रमिक ट्रेड युनियन (हुन) को २०६३ मा स्थापना गरेको स्मरण गर्नु हुँदै नेपालमा अधिकतम श्रमशक्ती अनौपचारीक क्षेत्रमा रहेको  र त्यसमा पनि घर आधारित क्षेत्रमा ठुलो श्रमिकहरूको संलग्नता  रहेको  यस क्षेत्रका श्रमिकहरूले न्यूनतम श्रमिक अधिकार पनि नपार्इ रहेको अवस्थामा संगठीत रूपमा आफ्नो अधिकारकोलागि आफै अग्रसर हुनु पर्नेमा जोड दिनु हुँदै यस्कालागि जिफन्टको साथ सहयोग निरन्तर रही रहने बताउनु भयो ।

कुनै पनि श्रमिकको उचित आम्दानी, कामको निरन्तरता र भबिष्यकालागि बचतको सुनिश्चितता जिफन्टको मान्यता रहेको भन्नु हुँदै अध्यक्ष श्रेष्ठले स्थानीय तहमा श्रमिक पंजिकरण सहित योगदानमा आधारित सामाजिक सुरक्षाको सबै श्रमिकहरूलार्इ प्रत्याभूति गराउने जिफन्टको अभियान हामी सबैको सहकार्यले सफल हुने विश्वास व्यक्त गर्नु हुँदै युनियनको स्थापना दिवसको शुभकामना दिनु भएको थियो । 

कार्यक्रममा हुन सदस्यहरू पूर्ण कुमारी कार्की क्यान्सर रोग र रेवन्त बस्नेत मुटु रोगको कारण निधन हुनु भएकोले तीनका परिवारलाई प्रमुख अतिथि श्रेष्ठले आर्थिक सहयोग हस्तान्तरण गरेको थियो । 

त्यसैगरी हुन सदस्य अनिता तुलाधर, मिकी कुमारी श्रेष्ठ, एलिशा खत्री, रजनी राज भण्डारी, धन कुमारी के.सी लार्इ पनि उपचार सहयोग अध्यक्षद्वारा प्रदान गर्नु भएको थियो ।

हुन केन्द्रीय अध्यक्ष चन्द्र सागर लामाको अध्यक्षतामा महासचिब ज्ञानु केसीले संचालन, लक्ष्मी खडकाले स्वागत र जिफन्ट सम्बद्ध युनियनहरूको तर्फबाट युनिट्राभ अध्यक्ष सुमन पुराजुलीले शुभकामना दिनुभएको उक्त कार्यक्रममा जिफन्ट उपाध्यक्ष विदुर कार्की, महासचिब लक्ष्मण शर्मा, उपमहासचिव नरनाथ लुइँटेल, कमला तामाङ लगायतका नेताहरूको उपस्थित रहेको थियो । 

त्यसैगरी नेपाल गृह श्रमिक ट्रेड युनियन (हुन) को स्थापना दिवसको अवसरमा भाद्र २९ गते स्याङ्जाको पुतली बजारमा शुभकामना कार्यक्रम सम्पन्न भयो। 

हुन सचिव सुवास खातीको आतिथ्यमा भएको सो कार्यक्रममा जिफन्ट ऐक्यबद्धता कोष अन्तर्गत क्यान्सर रोग पीडितहरू हेम बहादुर सुनार र महेन्द्र (सुदन) बि.कलाई आर्थिक सहयोग हस्तान्तरण गरिएको थियो। त्यसैगरी भाद्र २९ गते नै ललितपुरमा घरेलु श्रमिकहरूको भेला स्थापना दिवस मनाएको छ । 

हुन अध्यक्ष चन्द्र सागर लामाको प्रमुख आतिथ्यमा सम्पन्न उक्त भेलामा, महासचिव ज्ञानुमाया क्षत्री, केन्द्रीय सदस्य पद्मिनी बज्राचार्य उपस्थित रहेको थियो। 
 

कार्यक्रमको फोटोकोलागी लिंकमा क्लिक गर्नु होला 

https://www.facebook.com/media/set/?set=a.122118284918435116&type=3

राष्ट्रिय सौन्दर्यकर्मी युनियन नेपाल (नाबुन) इटहरी उपमहानगर कमिटीको आयोजनामा “नेतृत्व तथा विकास तालिम भदौ ३१ गते सुन्दरहरैचामा सम्पन्न गरेको छ । 

उपमहानगर कमिटी अध्यक्ष सृजना बस्नेतको अध्यक्षतामा सम्पन्न सो कार्यक्रममा नेतृत्व विकास र ट्रेड युनियनको आधारभूत ज्ञान सम्बन्धी प्रशिक्षण जिफन्ट कोशी प्रदेश कमिटी अध्यक्ष किशोर धमलाले दिनु भएको थियो भने प्रदेश कमिटी उपसचिव हरी अधिकारी सामाजिक सञ्जालको प्रयोग र संगठनले गरेका कामहरूको समाचार सम्प्रेशनका बारेमा प्रशिक्षण दिनु भएको थियो ।

कार्यक्रममा जिफन्ट कोशी प्रदेश महिला कमिटी अध्यक्ष डोमा राई, जिफन्ट सुनसरी जिल्ला संयोजक हरी राई, राष्ट्रिय सौन्दर्यकर्मी युनियन केन्द्रिय सदस्य गंगा तामाङ लगायतका नेताहरू अतिथि रहनु भएको थियो ।
 

नेपाल स्वास्थ्य स्वयंसेवी संघ कीर्तिपुर नगर कमिटी सदस्य शोभा बस्नेत र क्युपेक नेपाल बुढानीलकण्ठ १३ वडा सदस्य प्रेम श्रेष्ठलाई जिफन्ट ऐक्यबद्धता कोषबाट उपचार सहयोग प्रदान गरेको छ ।

नेपाल ट्रेड युनियन महासंघ जिफन्ट बागमती प्रदेश अध्यक्ष  रामहरि नेपालले मुटु रोगबाट पीडित शोभा बस्नेतलाई भदौ ३० गते नगद रू २५ हजार हस्तान्तरण गर्नु भएको हो ।

त्यसैगरी निर्माण काम गर्ने क्रममा लडेर प्यारालाइसिस हुनु भएका प्रेम श्रेष्ठलाई भदौ ३१ गते जिफन्ट उपमहासचिव नरनाथ लुइँटेलले नगद रू २५ हजार हस्तान्तरण गर्नु भएको हो ।

नेपाल यातायात स्वतन्त्र मजदुर सगठन मोरङ जिल्ला संस्थापक अध्यक्ष कमल बुढाथोकीलार्इ जिफन्ट ऐक्यबद्धता कोषबाट उपचार सहयोग हस्तान्तरण गरेको छ ।

क्यान्सर रोगबाट पीडित बुढाथोकीलार्इ असोज १ गते विराटनगरको बसपार्कमा एक कार्यक्रमको आयोजनागरी जिफन्ट कोशी प्रदेश कमिटी अध्यक्ष किशोर धमलाले नगद २५ हजार हस्तान्तरण गरेको हो । 

त्यसैगरी क्यान्सर रोग लागेर मृत्यु भएकी नेपाल स्वास्थ्य स्वयंसेवी संघ (नेभा) की सदस्य बुढानीलकण्ठ वडा नं ४  बस्ने रमा धितालको परिवार लाई जिफन्ट ऐक्यबद्धता कोषको तर्फबाट नेपाल ट्रेड युनियन महासंघ (जिफन्ट) बागमती प्रदेश अध्यक्ष रामहरि नेपालले २५ हजार नगद हस्तान्तरण गरेको छ ।
 

नेपाल ट्रेड युनियन महासघ (जिफन्ट) आबद्ध नेपाल स्वास्थ्य स्वयंसेवी संघ (नेभा)ले कर्णाली प्रदेश अन्तरगत भेरी गंगा  नगरपालिका वडा न १३ मा विष्णु बुढाको अध्यक्षतामा १३ सदस्य कमिटी गठन गरेको छ  ।

कार्यक्रममा जिफन्ट कर्णाली प्रदेश सचिव श्रीपाल सारु मगरले योगदानमा आधारित सामाजिक सुरक्षामा सबै श्रमिकहरूलाई सूचीकृत गर्नु पर्ने भन्नु  हुँदै, जिफन्टले यस विषयमा संचालन गर्दै आर्इरहेको अभियानका बारेमा प्रकाश पार्नु भएको थियो । 

कार्यक्रममा नेभा केन्द्रिय सदस्य भिमु रोकाय रिजालले नेभाको नीति तथा कार्यक्रमका बारेमा र सगठनको महत्त्व बारे जानकारी गराउनु भएको थियो ।