जिफन्ट समाचार

थप हेर्नुहोस्
जिफन्टद्वारा ओएनएफको नवनिर्वाचित अन्तर्राष्ट्रिय कमिटीलाई बधाई तथा सम्मान

नेपाल ट्रेड युनियन महासंघ (जिफन्ट) ले प्रवासी नेपाली मञ्च (ओएनएफ) अन्तर्राष्ट्रिय कमिटीको नवनिर्वाचित नेतृत्वलाई बधाई तथा सम्मान गरेको छ।

कार्तिक २८ गते आयोजित कार्यक्रममा गत कात्तिक १८ र १९ गते काठमाडौंमा सम्पन्न ओएनएफको दोस्रो अन्तर्राष्ट्रिय महाधिवेशनबाट निर्वाचित अध्यक्ष प्रभुराम थापा, सचिव रामशरण सिम्खडा र उपसचिव ज्योति शर्मालाई सम्मानपत्र प्रदान गरिएको हो।

जिफन्ट संरक्षक विष्णु रिमालले नवनिर्वाचित पदाधिकारीहरूलाई सम्मानपत्र प्रदान गर्दै ओएनएफको भूमिका र गतिविधिबारे प्रकाश पार्नुभयो।

कार्यक्रममा जिफन्ट अध्यक्ष विनोद श्रेष्ठले नवनिर्वाचित कमिटीलाई बधाई तथा सफल कार्यकालको शुभकामना व्यक्त गर्नुभयो। त्यस अवसरमा ओएनएफका नवनिर्वाचित अध्यक्ष प्रभुराम थापाले सम्मानका लागि जिफन्टलाई धन्यवाद व्यक्त गर्नुभयो।

 थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122211697106435116&type=3

जलवायु न्यायको माग गर्दै काठमाडौंमा प्रदर्शन

जलवायु सङ्कटले श्रमिक वर्गको जीवन, रोजगारी र जीविकोपार्जनमा पारिरहेको प्रभावप्रति ध्यानाकर्षण गराउँदै कार्तिक २८ गते काठमाडौंमा नेपाल ट्रेड युनियन महासंघ (जिफन्ट) लगायत एलडीसी वाच, ग्रामीण पुनर्निर्माण नेपाल (आरआरएन) र दक्षिण एसियाली गरिबी उन्मूलन गठबन्धन (सापे) को आयोजनामा प्रदर्शन गरिएको छ ।

प्रदर्शनकारीमा जलवायु क्षतिपूर्ति, पर्याप्त सार्वजनिक जलवायु वित्त तथा श्रमिक र समुदायको जीवन तथा जीविकोपार्जनलाई केन्द्रमा राखेर न्यायपूर्ण रूपान्तरण सुनिश्चित गर्न माग गरेका छन्।

टर्कीमा जारी संयुक्त राष्ट्रसंघीय जलवायु परिवर्तनसम्बन्धी ३१औँ सम्मेलन (कोप–३१) लाई लक्षित गर्दै उनीहरूले जलवायु परिवर्तनसम्बन्धी छलफल, घोषणापत्र र स्वैच्छिक प्रतिबद्धतामा मात्र सीमित नभई ठोस कार्यान्वयनमा जोड दिएका प्रदर्शनमा ऐतिहासिक जिम्मेवारी, समानता तथा साझा तर फरकफरक जिम्मेवारी र आ–आफ्नो क्षमताको सिद्धान्तअनुसार जलवायु सङ्कटको समाधान खोजिनुपर्ने समेत माग गरेको छ।

त्यसैगरी प्रदर्शनमार्फत जलवायु सङ्कट सिर्जना गर्न सबैभन्दा बढी जिम्मेवार पक्षले नै त्यसको क्षतिको मूल्य चुकाउनुपर्ने र जलवायु न्याय सुनिश्चित गर्नुपर्ने र जलवायु सङ्कटबाट प्रभावित श्रमिक तथा समुदायको अधिकार र आवश्यकतालाई केन्द्रमा राख्दै समतामूलक र दिगो भविष्य निर्माणका लागि न्यायपूर्ण रूपान्तरण अघि बढाउनुपर्नेमा जोड दिइएको छ।

थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122211698870435116&type=3

जिफन्टद्वारा बाढी उद्धार, राहत तथा पुनर्स्थापनामा योगदान गर्ने स्वयंसेवक सम्मानित

रसुवाको भोटेकोशी नदीमा गत भदौ १० गते आएको विनाशकारी बाढीबाट प्रभावित श्रमिक तथा सर्वसाधारणको उद्धार, राहत र पुनर्स्थापनामा योगदान गर्ने स्वयंसेवकहरूलाई नेपाल ट्रेड युनियन महासंघ (जिफन्ट) ले सम्मान गरेको छ।

कार्तिक २८ गते आयोजित कार्यक्रममा अभियानमा योगदान गर्ने स्वयंसेवकहरूलाई बधाई ज्ञापनसहित प्रशंसापत्र प्रदान गरिएको हो।

जिफन्ट संरक्षक विष्णु रिमालले स्वयंसेवकहरूलाई प्रशंसापत्र प्रदान गर्दै जनता पीडामा पर्दा जिफन्टले सधैँ साथ दिँदै आएको बताउनुभयो। उहाँले मानवीय सेवामा जुट्ने जिफन्टको अभियानको प्रशंसा गर्दै स्वयंसेवकहरूलाई बधाई दिनुभयो।

जिफन्ट अध्यक्ष विनोद श्रेष्ठले उद्धार, राहत तथा पुनर्स्थापनाको अभियानमा स्वयंसेवकका रूपमा योगदान गर्ने सबैलाई धन्यवाद दिनुभयो। कार्यक्रमको सञ्चालन महासचिव लक्ष्मण शर्माले गर्नुभएको थियो।

कार्यक्रममा नवीन कार्की, फूलमाया लामा, रामबहादुर श्रेष्ठ, उदाश श्रेष्ठ, ललिता विक, वंशी भट्टराई, राजेन्द्र विष्ट र मंगलकुमार ब्लोनले उद्धार, राहत तथा पुनर्स्थापनाका क्रममा आफूले गरेका अनुभव सुनाउनुभएको थियो।

 थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122211693812435116&type=3

 

नेपालीहरूको दोस्रो महान चाड तिहार, तथा नेपाल सम्बत ११४७ को तपाईं सबैलाई शुभकामना!

नेपालीहरूको दोस्रो महान चाड तिहार, तथा नेपाल सम्बत ११४७ को तपाईं सबैलाई शुभकामना!

GEFONT कार्यालय ८ देखी १२ नोवम्भर सम्म तिहारको लागि बन्द रहनेछ।

आपतकालीन अवस्थामा, कृपया महासचिव लक्ष्मण शर्मालाई +९७७-९८५१०-८०८६० र बिदेश बिभाग सचिब स्मृती लामालाइ +९७७-९८५१२४८६७७  मा सम्पर्क गर्नुहोस्।

युनियन गतिविधी

थप हेर्नुहोस्
नेपाल चिया कफि श्रमिक युनियनद्वारा भेला सम्पन्न

नेपाल ट्रेड युनियन महासंघ (जिफन्ट) आवद्ध नेपाल चिया कफि श्रमिक युनियनद्वारा झापा जिल्लाको  १ नं. निर्वाचन क्षेत्रको भेला भाद्र १३ गते सम्पन्न गरेको छ । 

युनियनको क्षेत्रिय इन्चार्ज दिनेश गिरीकोअध्यक्षता भएको भेलाको प्रमुख अतिथी केन्द्रीय अध्यक्ष शन्तकुमार राईले चिया श्रमिकहरुले पाउनु रकम, योगदानमा आधारित सामाजिक सुरक्षाकोषमा सूचीकरण, बिगतको सम्झौताहरु कार्यन्वयन र मौसमी श्रमिकलाई  रोजगार सम्झौता लगायतका बिषयहरूका बारेमा  प्रकाश पार्नु भएको थियो । 

भेलामा केन्द्रीय उपाध्यक्ष सहिकुमार राई लगायतका नेताहरूको उपस्थिती रहेको थियो । 

नेपाल यातायात स्वतन्त्र मजदुर संगठन गण्डकी प्रदेश महिला कमिटी अध्यक्षमा मनिषा सुबेदी

नेपाल ट्रेड युनियन महासंघ (जिफन्ट) आवद्ध नेपाल यातायात स्वतन्त्र मजदुर संगठन गण्डकी प्रदेश महिला कमिटीको भाद्र १३ गते सम्पन्न भेलाले मनिषा सुबेदीको अध्यक्षता ७ सदस्य प्रदेश महिला कमिटि निर्बाचित गरेको छ ।

जिफन्ट गण्डकी प्रदेश महिला कमिटी अध्यक्ष संगिता पाण्डेको प्रमुख अतिथ्यतामा सम्पन्न भेलामा संगठन प्रतिनिधि परिषद उपप्रमुख कर्ण सि गुरुङ, प्रदेश इन्चार्ज बिष्णु बहादुर पराजुली, प्रदेश अध्यक्ष बेनिराज थिङ,र ललिता लामिछाने लगायतका अतिथिहरूको उपस्थीती रहेको थियो । 

भेला सिता सापकोटाको अध्यक्षतामा भएको थियो । 

सम्पर्कविहीन यातायात श्रमिकको खोजी गर्न माग

तिब्बत क्षेत्रबाट आएको बाढीका कारण रसुवाको टिमुरे, स्याफ्रुबेंसी, मैलुङ, पहिरेबेँसी, खाल्टे तथा नुवाकोटका विभिन्न बस्तीमा ठूलो क्षति भएको छ।

नेपाल यातायात स्वतन्त्र मजदुर संगठनले बाढी प्रभावित यातायात श्रमिकको तत्काल खोजी, उद्धार र अवस्था सार्वजनिक गर्न सरकारसँग माग गरेको छ।

संगठनका अध्यक्ष भीमज्वाला राई र महासचिव केशवबहादुर थापा ‘निरु’ले प्रभावित यातायात श्रमिकको जीवनरक्षा, उद्धार र राहतका लागि आवश्यक सहयोग तथा समन्वय गर्न संगठन तयार रहेको जनाइएको छ।

बाढीका कारण टिमुरे तथा आसपासका क्षेत्रमा जनजीवन प्रभावित हुनुका साथै ठूलो जनधनको क्षति भएकोप्रति संगठनले दुःख व्यक्त गरेको छ।

चीनको केरुङ नाकाबाट सामान ढुवानी गर्ने ट्रक तथा कन्टेनरका चालक, सहचालकसहित ठूलो संख्यामा यातायात श्रमिकले टिमुरे भन्सार आसपासका क्षेत्रलाई बसोबास तथा विश्रामस्थलका रूपमा प्रयोग गर्दै आएका छन्।

त्यसैले बाढीबाट स्थानीयसँगै सयौँ यातायात श्रमिकसमेत प्रभावित भएको संगठनको भनाइ छ। बाढीबाट भएको मानवीय तथा भौतिक क्षतिको यकिन विवरण आउन बाँकी रहे पनि टिमुरेमा रहेका संगठनको अरनिको रुट ट्रक इकाईका केही सदस्य सम्पर्कविहीन भएको संगठनले जनाएको छ।

सदस्यहरू सम्पर्कविहीन भएपछि संगठन थप गम्भीर र चिन्तित बनेको विज्ञप्तिमा उल्लेख छ। संगठनले सम्पर्कविहीन यातायात श्रमिकको तत्काल खोजी, उद्धार तथा सुरक्षित स्थानान्तरणका लागि सरकार, गृह प्रशासन, सुरक्षा निकाय, स्थानीय तह तथा सम्बन्धित सबै निकायसँग जोडदार माग गरेको छ।

त्यसैगरी, टिमुरे तथा अन्य प्रभावित क्षेत्रमा तत्काल खोज तथा उद्धार टोली परिचालन गर्न, सम्पर्कविहीन श्रमिकको पहिचान गरी उनीहरूको अवस्था सार्वजनिक गर्न र प्रभावित चालक, सहचालक तथा अन्य यातायात श्रमिकलाई सुरक्षित स्थानमा स्थानान्तरण गरी आवश्यक राहत उपलब्ध गराउन संगठनले आग्रह गरेको छ।

बाढीबाट भएको मानवीय तथा भौतिक क्षतिको यथाशीघ्र यकिन विवरण सार्वजनिक गर्न तथा प्रभावित क्षेत्रमा खाद्यान्न, खानेपानी, स्वास्थ्य सेवा र अस्थायी बसोबासको तत्काल व्यवस्था गर्न पनि संगठनले माग गरेको छ।

संगठनले सम्पर्कविहीन श्रमिकका परिवारलाई धैर्यधारण र संयमता अपनाउन आग्रह गर्दै विपद्को समयमा उनीहरूको साथमा रहने प्रतिबद्धता व्यक्त गरेको छ।

‘उद्धारमा ढिलाइ नगरौँ, सम्पर्कविहीन श्रमिकको अवस्था तत्काल सार्वजनिक गरौँ,’ संगठनले सरकारसँग अपिल गरेको छ।

बाढी प्रभावित क्षेत्रमा रहेका यातायात मजदुर, चालक, सहचालक तथा व्यवसायीको जीवनरक्षालाई उच्च प्राथमिकतामा राखी तत्काल उद्धार अभियान तीव्र बनाउनसमेत संगठनले सरकारसँग आग्रह गरेको छ।

क्युपेक अध्यक्षमा राजेन्द्र बिष्ट निर्वाचित

नेपाल ट्रेड युनियन महासंघ (जिफन्ट) आवद्ध नेपाल बिजुली, पेण्टर, प्लम्बर तथा निर्माण मजदुर युनियन (क्यूपेक–नेपाल) को आठौँ राष्ट्रिय महाधिवेशनले राजेन्द्र बिष्टको अध्यक्षतामा ४१ सदस्यीय केन्द्रीय कमिटी निर्वाचित गरेको छ ।

जिफन्ट अध्यक्ष बिनोद श्रेष्ठले भाद्र ५ गते महाधिवेशनको उद्धघाटन गर्नु हुंदै महाधिबेशन सफलताको शुभकामना ब्यक्त गर्नु भयो ।

सामाजिक सुरक्षा श्रमिक आन्दोलनको महत्वपूर्ण उपलब्धि भए पनि अनौपचारिक क्षेत्रमा कार्यान्वयनको समस्या रहेको र श्रमिकको सीपलाई औपचारिक रूपमा प्रमाणीकरण गर्ने विषय अझै चुनौतीका रूपमा रहेको बताउनु भयो ।

बदलिँदो श्रम बजार र प्रविधिको युगअनुसार संगठनलाई नयाँ ढंगले परिमार्जन गर्दै निरन्तर सक्रिय बनाउनुपर्नेमा जोड दिंनुहुंदै श्रेष्ठले नयाँ पुस्तालाई ट्रेड युनियन आन्दोलनको नेतृत्व हस्तान्तरण गर्न लोकतान्त्रिक अभ्यासमा हुर्किएको र जिम्मेवारी बहन गर्न सक्षम नया पुस्ताको नेतृत्व तयार गर्नुपर्ने बताउनुभएको थियो । 

उद्धघाटन समारोहमा जिफन्ट उपाध्यक्ष सीता लामा, बिडब्लुअइ BWI एसिया प्रशान्त क्षेत्रीय संयोजक एपोलिनार टोलेनटीनो, काउन अध्यक्ष प्रदिप अचार्य, अंकु अध्यक्ष अमित लामा र जिफन्ट अवद्ध युनियनको तैफबाट नेष्ट अध्यक्ष माया गुरूङले महाधिवेशन सफलताको शुभकामना मन्तब्य राख्नु भएको थियो । 

महाधिवेशनको फोटोहेर्न तलको लिंकमा क्लिक गर्नुहोेस् ।

https://www.facebook.com/media/set/?set=a.122203404932435116&type=3

https://www.facebook.com/media/set/?set=a.122203420820435116&type=3

जिफन्ट भिडियोहरू

थप हेर्नुहोस्