नेपाल ट्रेड युनियन महासंघ (जिफन्ट) द्वारा भदौ ५ गते  काठमाण्डो महानगर पालीकामा र भाद्र ८ गते किर्तिपुर नगर पालिकामा सफाई क्षेत्रमा कार्यरत श्रमिकहरूका लागि कार्यस्थलमा लैङ्गीक हिंसा र समानता बिषयमा प्रशिक्षण सम्पन्न गरेको छ । 

कार्यक्रममा जिफन्ट सचिब स्मृती लामा, नेपाल सफाई कर्मचारी युनियन अध्यक्ष मोहन नेपाली र कार्यक्रम संयोजक शंकर घिमिरेले सहजिकरण गर्नु भएको थियो । 

नेपाल ट्रेड युनियन महासंघ (जिफन्ट) आबद्ध नेपाल अटो मेकानिक्स ट्रेड युनियन (नाटु) बुढानिलकण्ठ नगर पालिकाको भाद्र ७ गते सम्पन्न पाँचौं अधिवेशनले अनिल थापा मगरको अध्यक्षतामा १९ सदस्य नगर कमिटी चयन गरेको छ ।

अधिवेशनका प्रमुख अतिथि जिफन्ट अध्यक्ष विनोद श्रेष्ठले श्रमिकहरूको शक्ती भनेको संगठन हो, संगठनमा जती धेरै सदस्य बृद्धी हुन्छ संगठन त्यती नै बलियो हुने र बलियो संगठनले मात्र श्रमिहरूको माग पुरा गराउन सक्ने बताउनु भयो ।

अध्यक्ष श्रेष्ठले प्रबिधीमा भएको बिकास संगै यस क्षेत्रमा कार्यरत श्रमिकहरूको दक्षतालाइ पनि तिब्र बिकास गर्नु पर्ने आजको आवश्यकता रहेको बताउनु भयो ।

अधिवेशनमा बुढानिलकण्ठ नगरपालिका मेयर मिठाराम अधिकारी, जिफन्ट बागमती प्रदेश अध्यक्ष रामहरी नेपाल, नाटु केन्द्रीय अध्यक्ष प्रदिप घिमिरे,  सदस्य विनोद फुयाल, भीमसेन खतिवडा लगायतका अतिथीहरूले अधिवेशन सफलताको शुभकामना मन्तब्य राख्नु भएको थियो ।

नेपाल ट्रेड युनियन महासंघ (जिफन्ट) आबद्ध नेपाल गृह श्रमिक ट्रेड युनियन (हुन) द्वारा भाद्र ६ गते हरितालिका तीजको सन्दर्भमा आयोजित कार्यक्रममा बागमती प्रदेशका नवनियुक्त मन्त्री बिन्दु श्रेष्ठलाई बधार्इ र शुभकामना कार्यक्रम सम्पन्न गरेको छ । 

कार्यक्रममा जिफन्ट अध्यक्ष बिनोद श्रेष्ठले तीज पर्वलाई जिफन्टले सधै वर्गिय आन्दोलनमा केन्द्रीत भएर मनाउदै आएको भन्नु हुंदै तीज पर्वको शुभकामना ब्यक्त गर्नु भयो ।

अध्यक्ष श्रेष्ठले संगठनमा निरन्तरता, प्रतिवद्धता र आत्माबिश्वास भएमा उपलब्धी हांसिल गर्न सकिने भन्नु हुदै हाम्रो अथक प्रयासले नेपालको ट्रेड युनियन आन्दोलनले क्रमस उपलब्धि  हासिल गरीरहेको बताउनु भयो ।

हुन संस्थापक अध्यक्ष तथा जिफन्ट संसदीय तथा स्थानीय समन्वय परीषद सदस्य बिन्दु श्रेष्ठ बागमती प्रदेश उद्योग, बाणिज्य, भुमि तथा प्रशासन मन्त्री हुनु भएकोमा हुन केन्द्रिय कमिटीले गरेको बधाई तथा सम्मान ग्रहण गर्नु हुंदै माननीय मन्त्रीले यो उपलब्धी ब्यक्तीको नभइ नेपालको ट्रेड युनियन आन्दोलनको एउटा सानो उपलब्धी रहेको बताउनु भयो ।

माननीय मन्त्री श्रेष्ठले उद्योग बाणिज्य क्षेत्रलाई श्रम मैत्री बनाउन ट्रेड युनियन आन्दोलनको महत्वपुर्ण योगदान रहने भन्नु हुदै यस्कालागि जिफन्टको सहयोग आवश्यक रहेको बताउनु भएको छ । 
केन्द्रीय अध्यक्ष चन्द्र सागर लामाको अध्यक्षतामा भएको कार्यक्रमको संचालन महासचिब ज्ञानु माया केसीले गर्नु भएको थियो । 

कार्यक्रमको थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122165793878435116&type=3

अन्तरर्राष्ट्रिय ट्रेड युनियन केन्द्र (आईटीयुसी) एसिया प्रसान्तको आयोजनामा जलवायु परिवर्तन र न्यायीक रुपान्तरण बिषयमा ३ दिने प्रशिक्षण सम्पन्न भएको छ ।

आईटीयुसी नेपाल आवद्ध समिती संयोजक तथा एनटीयुसी अध्यक्ष योगेन्द्र कुवरको अध्यक्षतामा भाद्र ५ गते शुभारम्भ भएको प्रशिक्षण कार्यक्रममा नेपाल ट्रेड युनियन महासङ्घ (जिफन्ट) अध्यक्ष बिनोद श्रेष्ठ लगायतका अतिथिहरूको उपस्थीती रहेको थियो । 

उपाध्यक्ष बिदुर कार्कीले पर्यावरणीय परिवर्तनको अभियान र आगामी कार्ययोजना बारेमा, महासचिव लक्ष्मण शर्माले  न्यायीक रुपान्तरणमा श्रमिक अधिकार बिषयमा सहजीकरण गर्नुभएको थियो ।

त्यसैगरी प्रशिक्षण कार्यक्रममा हरित रुपान्तरण र सिद्धान्त, मुद्दा र चुनौती र जलवायु परिवर्तन र न्यायीक रुपान्तरणमा नेपाल सरकारको नीतिका बारेमा सतोशी तमै, लोट्टे यलिगार्ड, जोन पावल र वन तथा वातावरणका उप- सचिब नरेश शर्माले सहजिकरण गर्नु भएको थियो ।

नेपाल ट्रेड युनियन महासङ्घ (जिफन्ट)  आवद्ध समग्र उधोग ट्रेड युनियन, नेपाल (ह्वीन)ले भाद्र ४ गते  एस आर ड्रग्समा कार्यरत श्रमिक भेला सम्पन्न गरेको छ । 

ह्विन एस आर ड्रग्स अध्यक्ष बिक्रम महर्जनको अध्यक्षतामा, जिफन्ट बागमती प्रदेश अध्यक्ष रामहरी नेपालको प्रमुख अतिथ्यतामा भएको भेलाले नयाँ आर्थिक वर्षबाट बढेको न्यूनतम वेतनको कार्यान्वयन, सामाजिक सुरक्षा कोषमा आवद्द भएपछि बिगतको उपदान, संचयकोस र बोनसका विषयमा छलफल भएको थियो ।

ह्विन केन्द्रीय उप महासचिव अर्जुन चौलागाई र जिफन्ट चन्द्रागिरी पालिका अध्यक्ष राजभाई श्रेष्ठको सहभागितामा भएको भेलाले सामूहिक सौदाबाजी समिति गठन गरी ब्यवस्थापक समक्ष मागपत्र पेश गर्ने निर्णय समेत गरेको छ ।

श्रम संसारमा देखीएका चुनोती र त्यस्को समाधान बिषयमा भदो ४ गते देखी थ्रि एफ डेनमार्कको आयोजनामा काठमाण्डौमा एसिया प्रसान्त स्तरीय कार्यक्रम सुरू भएको छ ।

नेपाल ट्रेड युनियन महासंघ (जिफन्ट) संरक्षक बिष्णु रिमालले श्रम संसारमा शोषण जारी छ तर विगतको भन्दा फेरिएको भन्नु हुंदै ईण्टरनेट र एआई प्रविधिको प्रयोग गरेर संसारभरको श्रमिकहरुलाई शोषण गरिए रहेको बताउनु भएको छ।

यो बदलिएको परिस्थितिसंग जुधेर न्यायिक समाज निर्माण गर्न ट्रेड युनियनहरुले नीति, विधि र साधनहरु बदल्नु पर्दछ भन्नुहुंदै संरक्षक रिमाले ट्रेड युनियनहरुको प्रभावकारिताले श्रमिक वर्ग र सिंगो समाजलाई रुपान्तरणमा सहयोग गर्ने बिश्वास पनि ब्यक्त गर्नु भयो ।
जिफन्ट अध्यक्ष बिनोद श्रेष्ठले कार्यक्रममा सहभागिहरूलाइ स्वागत गर्नु हुंदै बर्तमान श्रम आन्दोलनको अवस्था र ट्रेड युनियन आन्दोलनको जिम्मेवारीका बारेमा भनाइ राख्नु भएको थियो ।

बिडब्लुआइ एसिया प्रसान्तका कोअडिनेटर एपोलिनो टोलिनटिनो (डोङग) इण्डष्ट्रीअलका प्रतिनिधी आसुतोस दक्षिण एसियाका बरिष्ठ युनियन कर्मि शुलतान लगायतका प्रतिनिधिहरूले मन्तब्य राख्नु भएको कार्यक्रमको सहजीकरण थ्रि एफ एसियाका कोअडिनेटर बुद्धी अचार्यले गर्नु भएको थियो ।

३ दिन सम्म संचालन हुने कार्यक्रमको पहिलो दिन जिफन्टको तर्फबाट महासचिव लक्ष्मण शर्माले बदलिदो श्रम सॅसारको सन्दर्भमा श्रमिकका अधिकार र हित संरक्षणकोलागि जिफन्टले गरेका नयॅा गतिविधिहरुको बारेमा कार्यपत्र प्रस्तुतिकरण गर्नुभएको थियो ।

कार्यक्रमको थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122165383022435116&type=3