नेपाल ट्रेड युनियन महासंघ (जिफन्ट) आवद्ध नेपाल स्वरोजगार ब्यापार श्रमिक संघ (नेष्ट) को भाद्र ४ गते सम्पन्न बागमती प्रदेश दोस्रो अधिवेशनले नानीमाया बस्नेतको अध्यक्षतामा १३ सदस्यीय कमिटी निर्वाचित गरेको छ ।

जिफन्ट अध्यक्ष विनोद श्रेष्ठले अधिवेशन उद्धधाटन गर्नुहुंदै संगठन हाम्रो साझा घर भएको र हामीले गर्ने प्रत्येक काम श्रमिकहरूको उज्वल भबिष्यकोलागी भएको बताउनु हुंदै पुर्वजहरूले गरेको आन्दोलनका कारण आज हामीले संगठन स्वतन्त्रता, सामाजिक सुरक्षामा श्रमिक जोडिने देखी बिभिन्न अधिकार प्रयोग गर्न पाएको बताउनु भयो ।

अध्यक्ष श्रेष्ठले श्रमिक आन्दोलनबाट अनेकौँ नेता तयार भएका छन् र नीति–निर्माण तहमा उनीहरूले योगदान दिइरहेको भन्दै श्रमिक अधिकारको क्षेत्रमा थप उपलब्धि हासिल गर्न बलियो संगठन, अनुशासीत र निरन्तर लागी रहने कार्यकर्ता मार्फत मात्र सकिने विश्वास व्यक्त गर्नुभयो।

अधिवेशनमा नेस्टकी केन्द्रीय अध्यक्ष माया गुरुङ, जिफन्ट बागमती प्रदेश अध्यक्ष रामहरि नेपाल, नेस्ट महासचिव राजकुमार श्रेष्ठ, नेकपा एमाले मजदुर विशेष जिल्ला कमिटी अध्यक्ष तुलसी शिवाकोटी लगायतका नेताहरूले शुभकामना मन्तव्य राख्नुभएको थियो। 

कार्यक्रमको थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122165376602435116&type=3

नेपाल ट्रेड युनियन महासंघ (जिफन्ट)  पनौती पालिका कमिटीद्वारा भाद्र ३ गते आयोजित तीज कार्यक्रममा जिफन्ट बागमती प्रदेश अध्यक्ष रामहरि नेपालले श्रमिक महिलाको अधिकार सुनिश्चित गर्न पालिका स्तरमा श्रम डेस्क स्थापना, श्रमिक पञ्जीकरण र योगदानमा आधारित सामाजिक सुरक्षा कोषमा आबद्ध गराउन दवाब सिर्जना गर्नुपर्ने बताउनु भएको छ । 

कार्यक्रममा नेकपा एमाले पनौती नगर कमिटी अध्यक्ष सुरेश हुमागाईंले तीजलाई स्वतन्त्रताको अनुभूति गर्ने र श्रमिक अधिकारप्रति सचेत रहने पर्वका रूपमा मनाउनुपर्नेमा जोड दिनु भएको छ । 

कल्पना थापाको अध्यक्षतामा, रिता तामाङले संचालन गर्नु भएको कार्यक्रममा जिफन्ट प्रदेश महिला कमिटी अध्यक्ष शान्ती कार्की र जिल्ला सचिव श्याम सापकोटाले शुभकामना मन्तव्य राख्नु भएको थियो ।

नेपाल ट्रेड युनियन महासंघ (जिफन्ट) द्वारा भदौ १ गते सफाई क्षेत्रमा कार्यरत श्रमिकहरूकालागि कार्यस्थलमा लैङ्गीक हिंसा र समानता बिषयमा प्रशिक्षण सम्पन्न गरेको छ । 

ललितपुर जिल्लाको महालक्ष्मी नगरपालिकामा दिइएको प्रशिक्षण कार्यक्रममा नेपाल सफाई कर्मचारी युनियन अध्यक्ष मोहन नेपाली र जिफन्ट कार्यक्रम संयोजक शंकर घिमिरेले सहजिकरण गर्नु भएको थियो । 

नेपाल ट्रेड युनियन महासंघ (जिफन्ट) बागमती प्रदेश अध्यक्ष रामहरि नेपालले श्रम बजारमा देखिएका समस्या र समाधानका बारे सुझाव दिँदै प्रदेशको तर्फबाट बधाई तथा शुभकामना दिनु भएको छ । 

बागमती प्रदेश सरकारका श्रम, रोजगार तथा यातायात मन्त्री माननीय जयराम थापालाई भाद्र ३ गते संयुक्त ट्रेड युनियन समन्वय केन्द्र (JTUCC) बागमती प्रदेश समन्वय कमिटी र श्रम सल्लाहकार परिषद् सदस्यहरूले नव नियुक्त मन्त्री थापालाइ कार्यकाल सफलताको शुभकामना सहित बधाई ज्ञापन गरेको हो ।

जिफन्ट आवद्ध नेपाल स्वास्थ्य स्वयम् सेबि सङ्घ (नेभा)द्वारा कर्णाली प्रदेश मुख्य मन्त्री माननीय यामलाल कडेल समक्ष भाद्र ३ गते स्वास्थ्य स्वयम्सेबिलाइ योगदानमा आधारित सामाजीक सुरक्षा कोषमा आबद्ध गर्ने लगायतका बिषयमा नेभा  केन्द्रीय सदस्य भिमु रिजालको नेतृत्वमा बिरेन्द्र नगर पालिका अध्यक्ष मेनका आचार्य लगायतका नेताहरूको सहभागितामा ध्यानाआकर्षण पत्र बुझाएको छ ।

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन, नेपाल (नाबुन) बिराटनगर महानगर कमिटिको आयोजनामा भदौ १ गते तीजको शुभकामना आदान-प्रदान कार्यक्रम सम्पन्न गरेको छ । 

जिफन्ट कोशी प्रदेश अध्यक्ष किशोर धमला प्रमुख अतिथ्यतामा नाबुन सचिवालय सदस्य ममता प्रधान, केन्द्रीय सदस्य गङ्गा तामाङ, प्रदेश अध्यक्ष कला डांगी, जिफन्ट प्रदेश महिला सचिव सायदा तबसुम र जिफन्ट युवा अध्यक्ष भलि सुब्बा लगायतको सहभागिता रहेको थियो ।