बंगलादेशको राजधानी ढाकाको मिरपुर क्षेत्रमा रहेको गार्मेन्ट उद्योगमा असोज २८ गते भीषण आगलागीमा कम्तीमा १६ जना श्रमिकको मृत्यु भएको छ भने मृतकको सङ्ख्या अझै बढ्न सक्ने बताइएको छ।  

चार तले भवनमा लागेको आगो नियन्त्रणमा लिन अग्नि नियन्त्रकहरूलाई तीन घण्टाभन्दा बढी समय लागेको थियो भने अग्नि नियन्त्रण विभागले अहिलेसम्म भेटिएका १६ वटा शवको पहिचान गर्न गाह्रो भएको बताएको छ। 

"नेपालमा जलवायु परिवर्तनले महिलामा पार्ने प्रभाव, न्यायोचित रुपान्तरण र लैङ्गिक सवालहरू" विषयक जेटियुसीसी महिला सेमिनार असोज २८ गते सम्पन्न भएको छ । 

नेपालमा जलवायु परिवर्तनले महिलामा पार्ने प्रभाव न्यायोचित न्युनिकरण र लैगिक सवालको बारेमा डा. रोजनाथ पाण्डेले प्रकाश पार्नु भएको थियो  । 

उक्त कार्यक्रममा जिफन्ट अध्यक्ष बिनोद  श्रेष्ठ लगायत जेटियुसीसी अध्यक्ष जगत बहादुर  सिम्खडा लगायतका अतिथिहरूले मन्तव्य राख्नु भएको थियो । 

कार्यक्रमको अध्यक्षता जिफन्ट उपाध्यक्ष तथा जेटियुसिसि महिला समिति अध्यक्ष सिता लामाले गर्नु भएको थियो  ।

नेपाल सरकारले ट्रेड युनियन गतिविधि सङ्कुचित पार्ने दिशामा अग्रसर भएको भन्दै इण्डष्ट्रीअल, हेड क्वाटर जेनेभाको तर्फबाट प्रधानमन्त्री सुशीला कार्कीलाई असोज २८ गते पत्रचार गरी नेपालमा श्रमिक अधिकारको रक्षा गर्न र ट्रेड युनियनहरूसँग रचनात्मक सामाजिक संवादमा संलग्न हुन अपिल गरेको छ ।

सरकारले निर्धारण गरेको न्यूनतम ज्याला पनि कार्यान्वयन नभइरहेको अवस्थामा जेन-जी अन्दोलनको नाममा अराजक समूहले ट्रेड युनियन कार्यालयहरूमा आक्रमण गरी तोडफोड तथा महत्त्वपूर्ण सामाग्रीहरूको लुटपाट गरिएको छ ।

पत्रमा श्रमिक र ट्रेड युनियन अधिकारको सम्मान, सामाजिक संवाद र सामूहिक सौदाबाजी - निष्पक्ष र लोकतान्त्रिक समाजको आधारशिला हुन् भन्ने इण्डष्ट्रीअल विश्वास गर्दछ, तसर्थ नेपाल सरकारलाई सहमति भएको न्यूनतम ज्याला ढिलाई नगरी कार्यान्वयन गर्न, ट्रेड युनियन अधिकार र संघको स्वतन्त्रताको पूर्ण सम्मान सुनिश्चित गर्न, ट्रेड युनियन कार्यालय र प्रतिनिधिहरूको सुरक्षाको ग्यारेन्टी गर्न, र नेपालको भविष्यको लागि समावेशी, निष्पक्ष र दिगो नीतिहरू विकास गर्न इण्डष्ट्रीअल सबै ट्रेड युनियनहरूसँग राम्रो विश्वासका साथ संलग्न हुन आह्वान गरेको छ ।

इन्डस्ट्रियल ग्लोबल युनियनमा नेपाल सहित १३० देशहरूमा ५५० आबद्ध संस्थाहरू छन्, जसले खानी, ऊर्जा र उत्पादन क्षेत्रका ५ करोडभन्दा बढी कामदारहरूको प्रतिनिधित्व गर्दछ। 

नेपाल ट्रेड युनियन महासंघ (जिफन्ट) आवद्ध नेपाल सफाइ कर्मचारी युनियनद्वारा असोज २८ गते भक्तपुर जिल्लाको सुर्यबिनायक नगर पालीकामा र असोज २९ गते ललितपुर जिल्लाको माहालक्ष्मी नगरपालिकामा ब्यवसायजन्य सुरक्षा र स्वास्थ्य सम्वन्धमा १ दिने तालिम संचालन गरेको छ । 

सुर्यबिनायक र महालक्षमी नगर पालिकामा कार्यरत सरसफाइ क्षेत्रका श्रमिकहरूको सहभागिता रहेको तालिम कार्यक्रममा नेपाल सफाइ कर्मचारी युनियन अध्यक्ष मोहन नेपाली, जिफन्ट कार्यक्रम संयोजक शंकर घिमिरे र जुनु मिश्रले तालिम दिनु भएको  थियो ।
 

स्थानिय तहमा योगदानमा आधारित सामाजिक सुरक्षा प्रभावकारी कार्यान्वय गर्ने सन्दर्भमा असोज २८ गते नेपाल ट्रेड युनियन महासंघ (जिफन्ट) नेतृत्व र बासगढी नगरपालिकाका मेयर बिच जिफन्ट कार्यालयमा छलफल भएको छ । 

छलफलमा जिफन्ट अध्यक्ष बिनोद श्रेष्ठ, उपाध्यक्ष कमल गौतम, बासगढी नगरपालिकाका मेयर खडग बहादुर खडका लगायत जिफन्ट अवद्ध युनियनका नेताहरूको उपस्थीती रहेको थियो ।

नेपाल ट्रेड युनियन महासंघ (जिफन्ट) बागमती प्रदेश कमिटीको आयोजनामा असोज २७ गते जिफन्ट सभाहलमा अगुवा कार्यकर्ताहरूको भेला सम्पन्न गरेको छ । 

भेलालाइ सम्बोधन गर्नु हुंदै जिफन्ट अध्यक्ष बिनोद  श्रेष्ठले गत भाद्र २३ र २४ गतेको जेन्जी आन्दोलन र त्यसबाट उत्पन्न परिस्थितिको सन्दर्भमा वास्तविकता र भ्रमबीचको भिन्नता स्पष्ट पार्दै, राजनीतिक सचेतनाका साथ ट्रेड युनियन आन्दोलनलाई व्यवस्थित रूपमा अघि बढाउनुपर्नेमा जोड दिनु भयो । 

सहभागीहरूले उठाएका जिज्ञासाहरूको जवाफ दिँदै अध्यक्ष श्रेष्ठले सत्य–तथ्यका आधारमा धारणा बनाउन, कसैको धाक, धम्की र त्रासमा नपरी उत्साहपूर्वक मातहत कमिटीहरूलाई परिचालन गर्न निर्देशन दिनुहुंदै अध्यक्ष श्रेष्ठले नेकपा (एमाले) का अध्यक्षको भ्रष्टाचार विरुद्धको स्पष्ट अडान, सत्यसँग नलड्ने र शक्ति–प्रभावसँग नझुक्ने अटल प्रतिबद्धताकै कारण पार्टी नेतृत्वमाथि प्रतिक्रियावादी अदृश्य शक्ति र फरक विचार राख्ने केही दलका नेताहरूको निशाना परेको उल्लेख गर्दै, संकटको घडीमा नेतृत्वको प्रतिरक्षा गर्दै पार्टीलाई एकताबद्ध बनाएर अघि बढ्नुपर्नेमा जोड दिनुभयो। 

भेलामा जिफन्ट भवनमाथि भएको तोडफोड घटनाको निन्दा गर्दै, श्रमिकहरूको पसिनाले निर्मित भवनलाई श्रमिकहरूकै सहयोगमा मर्मत गर्न जिफन्ट सदस्यहरूलाइ कम्तीमा १  दिनको पारीश्रमिक सहयोगको लागी जिफन्टले अनुरोध गरेको समेत अध्यक्ष श्रेष्ठले बताउनु भयो ।

बागमती प्रदेश अध्यक्ष रामहरी नेपालको अध्यक्षतामा, उप–सचिव गोपाल कार्कीले संचालन गर्नु भएको भेलाले तिहारअघि सबै पालिका कमिटीहरूको बैठक सम्पन्न गर्ने निर्णय समेत गरेको छ।