नेपाल ट्रेड युनियन महासंघ (जिफन्ट) आवद्ध नेपाल गृह श्रमिक ट्रेड युनियन (हुन)द्वारा आफ्ना सदस्यहरूको शिप अभिबृद्धीकालागी गत बैसाख २८ गते देखी संचालन गरेको झोल साबुन, डल्लो साबुन र हर्पिक बनाउने सीपमूलक तालिमको समापन जेठ ६ गते एक कार्यक्रमको आयोजना गरी समापन गरेको छ ।

हुन केन्द्रीय सदस्य शान्ती श्रेष्ठले तालिम दिनु भएको सीपमूलक तालिममा कागेश्वरी मनोहरा नगरपालिका–वडा नं १ मा बसोवास गर्नु हुने हुनका सदस्यहरूको सहभागी रहेको थियो ।

त्यसैगरी सोहि दिन सरस्वती सुनुवारको अध्यक्षतामा ९ सदस्यीय हुन इलाका गठन गरिएको छ। 

नेपाल ट्रेड युनियन महासंघ (जिफन्ट) आबद नेपाल गृह श्रमिक ट्रेड युनियन (हुन) द्वारा जेठ ६ गते रातोपुल कमिटी अन्तर्गत घरेलु श्रमिक तथा कालीगढ श्रमिकहरूसँग व्यवसायजन्य सुरक्षा तथा स्वास्थ्य सम्बन्धी अन्तर्क्रिया कार्यक्रम सम्पन्न गरेको छ ।

अन्तर्क्रिया कार्यक्रममा श्रमिकहरूको कार्यस्थल सुरक्षा, स्वास्थ्य सचेतना, श्रमिक अधिकार तथा संगठनको आवश्यकता सम्बन्धी छलफल गर्नुका साथै जिफन्ट र हुनको सदयता बितरण तथा नविकरण अभियान समेत सन्चालन गरेको थियो ।
 

नेपाल ट्रेड युनियन महासंघ (जिफन्ट)ले कतारमा कार्यरत नेपाली प्रवाशी श्रमिकहरूको हक हितकालागी स्थापना गरेको नेपाली प्रवासी श्रमिक संघ जिफन्ट सहयोग समुह कतार गठन गरेको १५ वर्ष पुरा भइ १६ वर्षमा प्रवेश गरेको छ ।

जिफन्ट सहयोग समुह कतारले जेठ ६ गते १६ औ स्थापना दिवसको सन्दर्भमा शुभकामना आदान प्रदान कार्यक्रमको आयोजना गरेको छ । 

संगठनको प्रमुख सल्लाहकार शेषराज तिमिल्सिनाको प्रमुख आतिथ्यतामा सम्पन्न शुभकामना आदान प्रदान कार्यक्रममा छबिलाल बुढाथोकी जिफन्ट सहयोग समुह कतारका सल्लाहकार भीम तरामु मगरले  संगठनको स्थापनाको उद्धेश्य र अहिलेसम्म संगठनले गरेको कामहरु बारेमा जानकारी गराउदै स्थापना दिवसको शुभकामना दिनु भएको थियो ।

जिफन्ट सहयोग समुह कतारका अध्यक्ष समुन्द्र खड्काको अध्यक्षतामा भएको शुभकामना आदान प्रदान कार्यक्रमको संचालन महासचिव लोक थापाले र उपाध्यक्ष नवराज शाहीले स्वागत मन्तव्य राख्नु भएको थियो ।

नेपाल ट्रेड युनियन महासंघ (जिफन्ट) आवद्ध नेपाल गृह श्रमिक ट्रेड युनियन (हुन ) स्याङ्जा जिल्लाको पुतलीबजार नगर कमिटीले जेठ ६ गते श्रमिक अधिकार, सामाजिक सुरक्षा सम्बन्धी अन्तरक्रिया कार्यक्रम सम्पन्न भएको छ ।

हुन केन्द्रीय उपाध्यक्ष सुभाष खातीको नेतृत्वमा सम्पन्न अन्तरक्रिया कार्यक्रममा जिफन्ट र हुनको सदस्यता बितरण तथा नविकरण अभियान पनि संचालन गरेको हुन केनद्रीय अध्यक्ष ज्ञानुमाया केसी ले जानकारी दिनु भएको हो । 
 

नेपाल ट्रेड युनियन महासंघ (जिफन्ट)को पहलमा शंखरापुर नगरपालिपकामा स्थापना गरेको श्रम डेक्सले जेठ ६ गते देखी घर आधारीत श्रमिकहरूलाइ पञ्जीकरण गरी परिचयपत्र वितरण सुरु गरेको छ। 

नेपाल गृह श्रमिक ट्रेड युनियन (हुन)ले घरेलु तथा अनौपचारिक क्षेत्रमा कार्यरत श्रमिकहरूको पहिचान, अधिकार र योगदानमा आधारीत सामाजिक सुरक्षामा पहुँच पुर्‍याउन नगरपालिकाले थालेको श्रमिक पञ्जीकरणले  थप मद्धत मिलेको भन्दै सम्बन्धीत सबैलाइ धन्यवाद दिएको छ ।
 

नेपाल ट्रेड युनियन महासंघ (जिफन्ट) आवद्ध नेपाल यातायात स्वतन्त्र मजदुर संगठन तरकारी फलफुल ढुवानी मजदुर युनियन चितवनले जेठ ५ गते संगठन सदस्य बिजय चेपाङलाइ बुवाको स्वास्थ्य उपचारकालागी आर्थिक सहयोग प्रदान गरेको छ । 

लामो समय देखि क्यान्सर रोगबाट पिडत बिजय चेपाङको  बुवा ललित चेपाङलाइ स्वास्थ्यलाभको कामना सहित संगठनले नगद रु.१७,०००/- आर्थिक सहयोग गरेको हो ।