बारा जिल्लाको जितपुर-सिमरा उपमहानगर पालिका वडा न. ५ (जितपुर) स्थित हिमाद्री फुडस प्रा. लि.मा आधिकारिक ट्रेड युनियन समग्र उद्योग ट्रेड युनियन नेपालले ३ दिनदेखि गर्दै आएको हड्ताल अन्त्य भएको जानकारी दिएको छ । 

त्यहाँको व्यवस्थापनसँग श्रमिकको माग पुरागर्ने सन्दर्भमा भएको सम्झौता पछि विभिन्न आन्दोलनका कार्यक्रम फीर्ता भएको व्हिनको तर्फबाट सामुहिक सौदावाजी समितिको संयोजक गोबिन्द चौधरीले जानकारी दिनुभयो । 

मागको सुनुवाइ नभएको भन्दै त्यहाँका श्रमिकहरू हड्तालमा उत्रेका हुन् । 

सम्झौता अनुसार हिमाद्री फुडस व्यवस्थापनले श्रमिकहरूलाई मासिक २ हजार तलब वृद्धि, वार्षिक २ महिना बराबर बोनस, रेनकोट, ज्याकेट, पिकनिक खर्चमा वृद्धि गर्न तयार भएको हो । 

व्हिनले गत २०८० पुष महिनाको १८ गते कम्पनी समक्ष  पेश गरेको ३ सुत्रीय माग पुरा गराउन शान्तिपूर्ण दबाब दिँदे आइरहेको थियो ।

समग्र उधोग ट्रेड युनियन नेपाल (व्हिन) केन्द्रीय महिला कमिटीको अयोजनामा असार २२ गते जिफन्ट नियमित ट्रेड युनियन स्कुलमा "योगमाया स्मृती दिवस" को सन्दर्भमा महिला कमिटी प्रमुख गीता भण्डारीको अध्यक्षतामा बिचार गोष्ठी अयोजना गरेको छ ।
कार्यक्रमका प्रमुख अतिथी नेकपा एमाले स्थाई कमिटी सदस्य बिन्दा पाण्डेले समाज परीवर्तनमा योगमायाको योगदानका बारेमा प्रकाश पार्नु भएको थियो । 

रमा चौलागाईंले संचालन गर्नु भएको सो कार्यक्रममा नेकपा एमाले केन्द्रीय सदस्य बिना श्रेष्ठ, जिफन्ट उपमहासचिव कमला तामाङ, व्हिन अध्यक्ष आनन्द थामी लगाएतका नेताहरू सहभागी उक्त कार्यक्रमको स्वागत अर्जुन चौलागाईंले गर्नु भएको थियो ।
 

समग्र उद्योग ट्रेड युनियन नेपाल व्हिन, मकवानपुर जिल्ला समन्वय कमिटीको आयोजनामा साउन १९ गते हेटैडा स्थित जिफन्टको सभाहलमा अन्तर्कृया कार्यक्रम सप्पन्न भएको छ ।

अन्तरक्रिया कार्यक्रमका प्रमुख अतिथी नेपाल ट्रेड युनियन महासंघ जिफन्ट अध्यक्ष बिनोद श्रेष्ठले अन्तरक्रियमा सहभागीहरूले राख्नु भएको जिज्ञासालाइ समेट्दै बर्तमान श्रम क्षेत्रमा  रहेको समस्या र समाधान सहित जिफन्ट र सम्बन्धीत यूनियनले अपनाउनु पर्ने बाटोको बारेमा प्रकाश पार्नु भएको थियो । 

अध्यक्ष श्रेष्ठले श्रमिक कटौती, सम्झौता कार्यवन्यनको जटिलता, श्रम कानुनको कार्यान्वय, योगदानमा अधारीत सामाजिक सुरक्षाको प्रभावकारी कार्यान्वयन अहिलेको श्रम बजारमा रहेका हाम्रा चुनौतीहरु हुन, यि चुनोतीहरलाइ समाधान गर्न नयाँ ढंगले आन्दोलन गर्न आवाश्यक रहेको बताउनु भयो ।

व्हीन मकवानपुर जिल्ला समन्वय कमिटी अध्यक्ष केशव अधिकारीको अध्यक्षतामा विस्वनाथ संजेलले संचालन गर्नु भएको उक्त भेलामा, व्हिन केन्द्रीय अध्यक्ष आनन्द थामी, सचिव गीता भण्डारी, जिफन्ट वाग्मती प्रदेश अध्यक्ष रामहरी नेपाल व्हिन केन्द्रीय सदस्य बिनोद लामिछाने लगाएतका नेताहरूको सहभागिता रहेको थियो । 

समग्र उद्योग ट्रेड युनियन नेपाल व्हीन पोलिमर्श प्रा ली को साउन १९ गते सम्पन्न दोस्रो अधिवेशनले कृष्ण राउतको नेतृत्वमा ७ सदस्य कार्यसमिति चयन गरेको छ ।

व्हीन केन्द्रिय अध्यक्ष आनन्द थामीको प्रमुख आतिथ्यमा सम्पन्न उक्त अधिवेशनमा केन्द्रीय सचिव गीता भण्डारी, केन्द्रीय सदस्य मनोज चौधरी लगाएतका अतिथीहरूले शुभकामना मतब्य राख्नु भएको थियो भने नव निर्वाचित कार्यसमितिलाई मनोज चौधरीले सफथ ग्रहण गराउनु भएको ज्हीन केन्द्रिय सचिब गिता भण्डारीले जानकारी दिनु भएको हो !

समग्र उद्योग ट्रड युनियन नेपाल ब्हीन, लक्ष्मी टेक्नोप्लास्ट प्रा. लि. इकाइ कमिटीको भाद्र ९ गते हेटौंडामा सम्पन्न भेलाले महानन्द चौधरीको अध्यक्षतामा ९ सदस्यीय इकाइ कमिटी गठन गरेको छ । 

ब्हीन केन्द्रिय सदस्य बिनोद लामिछानेको प्रमुख अतिथ्यमा सम्पन्न सो भेलामा जिफन्ट मकवानपुर जिल्ला समन्वय कमिटी अध्यक्ष बिक्रम लामा, जिफन्ट जिल्ला सचीव मनोज सुवेदी, पालिका अध्यक्ष शम्भु लामा लगायतका नेताहरूको उपस्थीती रहेको थियो ।
 

समग्र उद्योग ट्रेड युनियन व्हिन सिजि फुड्सको नवौँ अधिवेशनले दामोदर पाण्डेको अध्यक्षतामा १५ सदस्य कार्यसमिति निर्वाचित गरेको छ ।

व्हिन अध्यक्ष आनन्द थामीको प्रमुख आतिथ्यमा भाद्र २९ गते गण्डकी प्रदेशको नवलपुरमा सम्पन्न सो अधिवेशनमा व्हिन उप महासचिव अर्जुन चौलागाईं, सचिव गीता भण्डारी सदस्य निराजन सिङ ठकुरी, नेकपा एमाले नगर कमिटी अध्यक्ष लगायतका अतिथिहरूले अधिवेशन सफलताको शुभकामना मन्तब्य राख्नु भएको थियो !

नव निर्वाचित कमिटीलाई व्हिन उपमहासचिव अर्जुन चौलागाईंले सपथ ग्रहण गराउनु भएको अधिवेशनको अध्यक्षता व्हिन सिजि फुड्सका अध्यक्ष दामोदर पाण्डेले गर्नु भएको थियो भने कार्यक्रम संचालन  कुलचन्द्र सापकोटाले गर्नु भएको थियो ।