General Federation of Nepalese Trade Unions (GEFONT)

भारतको मेघालय स्थीत कोइला खानीमा कार्यरत ४ नेपाली श्रमिकहरुको हत्या प्रती जिफन्टले खेद ब्यक्त

भारतको मेघालय स्थीत कोइला खानीमा कार्यरत ४ नेपाली श्रमिकहरुको हत्या भएको धटना प्रती जिफन्टले खेद ब्यक्त गर्दै हत्याराहरुलाई कानुनी कार्वाही गर्न माग गरेको छ ।

जिफन्टले असार २२ गते प्रश बिज्ञप्ती प्रकाशित गर्दै भारतको मेघालयमा कोइला खानीमा कार्यरत ४ नेपाली श्रमिकहरुको हत्याको समाचारले जिफन्ट स्तव्ध भएको बिज्ञप्तीमा जनाएको छ ।

परिचय नखुलेका ती चार नेपाली श्रमिकहरुको मृत शरीर पूर्वी जैन्तीया हिल्स स्थित उप्लिङ बजारमा फेला परेको भारतीय सञ्चार माध्यमहरुले जनाएका भन्दै जिफन्ट मृतक श्रमिकहरु प्रति भावपूर्ण श्रद्धाञ्जली प्रकट गर्दै शोक सन्तप्त परिवारहरु प्रति हार्दिक समवेदना प्रकट गरेको छ

साथै, मृतकहरुको पहिचान खुलाई हत्याको कारण पत्ता लगाई जे जुनसुकै कारणले घटना घटेको भए पनि हत्याराहरुलाई कानुनी कार्वाही गर्न, मृतकका परिवारहरुलाई क्षतिपूर्ती प्रदान गर्न समेत नेपाल सरकार मार्फत सम्बन्धित निकायहरुसंग जिफन्टले अनुरोध गरेको छ ।