नवलपुर जिल्लाको देवचुली नगर पालिकाद्वारा ट्रेड युनियन र सरोकारवालाहरू सँग चैत्र १७ गते श्रम सम्वाद कार्यक्रम सम्पन्न गरेको छ ।

सम्वाद कार्यक्रममा श्रम कानुनी, श्रम डेक्स स्थापना, श्रमिक सुचिकरण तथा योगदानमा आधारित सामाजिक सुरक्षा विषयमा सामाजिक सुरक्षा कोष पोखराका प्रमुख रमेश बिक्रम ढुङ्गेले सहजिकरण गर्नु भएको थियो । 

कार्यक्रममा नेपाल ट्रेड युनियन महासंघ (जिफन्ट) देवचुली पालिका कमिटी अध्यक्ष बलराम पौडेलले जिफन्टले तयार गरेको श्रम डेक्स सम्बन्धी नमुना कार्यविधि नगर पालिकाका प्रमुख हरि प्रसाद न्यौपानेलाइ हस्तान्तरण गर्नु भएको थियो । 
 

नेपाल स्वतन्त्र होटल, क्यासिनो तथा रेष्टुरेण्ट मजदुर युनियन (नेस्वहोमयु) र अखिल नेपाल होटल, क्यासिनो तथा रेष्टुरेण्ट संघ, गोकर्ण फरेष्ट रिसोर्टले बिगतमा ब्यवस्थापकसंग भएका सहमतीहरू तुरून्त कार्यान्वयनकालागी चैत्र १७ गते रिसोर्ट ब्यवस्थापक समक्ष ज्ञापन पत्र बुझाएको छ ।

गोकर्ण फरेष्ट रिसोर्टमा कार्यरत श्रमिकहरूको हस्ताक्षर सहित बुझाएको सो ज्ञापन पत्र नेपाल ट्रेड युनियन महासंघ (जिफन्ट), एनटियुसी, अन्टुफ र श्रम कार्यालयलाइ बोधार्थ दिएको हो ।
 

नेपाल ट्रेड युनियन महासंघ (जिफण्ट) आबद्ध स्पोर्टस् युनियन, नेपाल (सन)को पाँचौ स्थापना दिवसको सन्दर्भमा जिफन्ट अध्यक्ष बिनोद श्रेष्ठले शुभकामना दिनु भएको छ ।

अध्यक्ष श्रेष्ठले चैत्र १६ गते भिडियो सन्देश मार्फत यो संगठनको स्थापना दिवस मनाइरहँदा समग्र खेल क्षेत्रका खेलकर्मी खेलाडीलाई एउटै छातामुनि एकताबद्ध गर्न सफल भएको यस संगठनले योगदानमा आधारित सामाजिक सुरक्षा र मर्यादित कामलाइ सम्पूर्ण खेल क्षेत्रमा लागू गर्न गराउन र खेल क्षेत्र समृद्ध बनाउने महाअभियानमा लाग्नेछ भन्ने बिश्वास सहित स्थापना दिवसले थप प्रेरणा प्रदान गर्ने बिश्वास व्यक्त गर्नु भएको छ ।

स्थापना दिवसको सन्दर्भमा सन केन्द्रीय कमिटीद्धारा काठमाडौंको पुरानो बानेश्वरमा जिफन्ट उपाध्यक्ष विदुर कार्किको प्रमुख आतिथ्यता र  अध्यक्ष सीता लामाको अध्यक्षतामा कार्यक्रम सम्पन्न भएको छ ।
 

जिफण्ट आवद्ध नेपाल गृह श्रमिक ट्रेड युनियन (हुन)ले चैत्र ९ गते, काठमाडौँ महानगरपालिका मैतिदेवी ईकाई भेला सम्पन्न गरेको छ । भेलाले लक्ष्मी निरौलाको अध्यक्षतामा ९ सदस्यीय कमिटी गठन गरेको छ ।

भेलामा काठमाडौं महानगरपालिका मैतिदेवीमा बसोवास गर्ने हुन सदस्यहरूलाइ सरफ बनाउने तालिम समेत प्रदान गरेको थियो ।

त्यसैगरी चैत्र १४ गते हुन केन्द्रीय अध्यक्ष चन्द्र सागर लामाको उपस्थितिमा चन्द्रागिरी नगरपालिकामा सम्पन्न भेलाले ललिता अधिकारीको अध्यक्षतामा ७ सदस्यीय पालिका कमिटी गठन गरेको छ ।
 

नेपाल ट्रेड युनियन महासंघ (जिफण्ट) द्वारा चैत्र १५ गते काभ्रे जिल्लाको बनेपा नगर भेला सम्पन्न गरेको छ । 

भेलाले श्याम सापकोटाको अध्यक्षतामा ७ सदस्यीय पालीका कमिटी गठन चयन गरेको छ ।

त्यसैगरी सोही दिन नमोबुद्ध नगर स्तरीय भेला जिफन्ट बागमती अध्यक्ष रामहरि नेपालको प्रमुख आतिथ्यतामा सम्पन्न भएको छ । 

भेलामा स्थानीय तहमा श्रमिक पंजिकरण, योगदानमा आधारित सामाजिक सुरक्षा कोषमा सूचीकृत लगायतका बिषयहरूमा छलफल भएको थियो ।
 

नेपाल ट्रेड युनियन महासंघ (जिफण्ट) आवद्ध स्पोर्टस् युनियन, नेपाल (सन)ले पाँचौ स्थापना दिवसको सन्दर्भमा अजरबैजानको बाकुमा र गोवामा चौथौं एसियन कपमा बिभिन्न खेल प्रतियोगितामा भाग लिएर विजेता हुनुभएका खेलाडी र प्रशिक्षकहरुलाई चैत्र १६ गते सम्मानित गरेको छ ।

कार्यक्रममा जिफन्ट उपाध्यक्ष विदुर कार्किले स्थापना दिवसको शुभकामना दिनु हुंदै खेल क्षेत्रमा कृयाशील खेलकर्मीहरूलाइ आफ्नो अधिकार र मर्यादित जिवन यापनकालागि संगठीत हुनुको बिकल्प नरहेको बताउनु भएको छ । 

सन अध्यक्ष सीता लामाको अध्यक्षतामा भएको सो कार्यक्रममा जिफन्ट आवद्ध युनियनहरूको तर्फबाट नेष्ट अध्यक्ष माया गुरूङ, बिधालय खेलकुद महासंघ (SSF) का महासचिव राजकुमार कार्कीले स्थापना दिवसको शुभकामना मन्तब्य राख्नु भएको थियो ।

थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?set=a.122146415852435116&type=3