नेपाल ट्रेड युनियन महासंघ (जिफन्ट) सम्बध्द श्रमिक महिला तथा युवाहरुले जलवायु न्यायको पक्षमा कार्तिक २९ गते काठमाडौं जिल्लाको अनामनगरमा प्रदर्शन गरेका छन्।

विश्वव्यापी रुपमा संसारका महत्वपूर्ण शहरहरुमा लाखौं स्थानीय श्रमिक र समुदायका नागरिकहरुले प्रणालीगत असमानता, वातावरणीय नस्लवाद, र कर्पोरेट दण्डहीनताको निन्दा गरिरहेको प्रदर्शनहरुप्रति जिफन्टले ऐक्यवध्दता जाहेर गरेको हो ।

कार्यक्रममा जिफन्ट महासचिब लक्ष्मण शर्माले जलवायु सङकटबाट श्रमिक जनतालाई जोगाउनै पर्छ भन्ने कुरामा जोड दिदै, "न्यायपूर्ण संक्रमण भनेको पूरानो प्रविधिलाई नवीकरणीय ऊर्जामा सार्ने मात्र होइन - यसको अर्थ सुरक्षित जीविकोपार्जन, उचित तालिम र बलियो सामाजिक सुरक्षा हो ताकि श्रमिकहरूले सुरक्षित प्रविधिमा हुने संक्रमणमा थप बेरोजगार र शोषणको शिकार हुनु बाध्य नहुनु हो भन्नु हुंदै यो बहसहरुमा हाम्रो सहभागिता अनिवार्य रहेको बताउनु भएको छ ।

एसियामा फिलिपिन्स, भारत, बंगलादेश, पाकिस्तान र नेपालका ४० भन्दा बढी सहर र प्रान्तमा करिब १० हजार मानिसहरु आन्दोलनमा सामेल भएका छन् । 
 

नेपालमा कार्यस्थलमा तापको तनाव अवस्था र चुनौती बिषयक राष्ट्रिय कार्यशाला कार्तिक २८ गते सम्पन्न भएको छ ।

कार्यशालामा जिफन्ट अध्यक्ष बिनोद श्रेष्ठले जलवायु परीवर्तनको कारणले बढेको तापमानले श्रमिकहरूको जिवनमा गम्भीर असर परीरहेको र जलवायु परीवर्तनको कारण श्रमिकहरू नभएता पनी यस्को नियती श्रमिकहरूले भोग्नु पर्ने बिदम्बना रहेको भन्नु हुंदै यसकालागी कार्यस्थलको सुधार अवश्यक रहेको बताउनु भएको छ ।

कार्यशालामा एनटियुसी अध्यक्ष योगेन्द्र कुंवर जिफन्ट उपमहासचिब कमला तामाङ लगायतले बिचार राख्नु भएको थियो ।
 

बागमती प्रदेस श्रम, रोजगार तथा यातायात मन्त्रालयले कार्तिक २८ गते अनौपचारिक क्षेत्रका श्रमिकलाइ योगदानमा आधारीत सामाजिक सुरक्षा कोसमा सुचिकरण गर्ने सन्दर्भमा स्थानिय तहका जनप्रतिनिधिहरु सग छलफल गरेकोछ ।

कार्यक्रममा श्रम, रोजगार तथा यातायात मन्त्री जयराम थापाले अनौपचारिक क्षेत्रका श्रमिकको सामाजिक सुरक्षाका लागि मन्त्रालय मार्फत एक तिहाई बजेट सहयोग उपलब्ध गराउने प्रतिबद्धता गर्नु हुंदै वागमति प्रदेशका सबै पालिकामा श्रम डेस्क संचालन कार्यबिधि जारि गरी श्रमिक पंजिकरण सहित सामाजिक सुरक्षा कोसमा सुचिकरण गर्न निर्देशन समेत दिनु भएको थियो ।

बागमती प्रदेस पुर्व मन्त्री एकलाल श्रेष्ठले मन्तब्य राख्नु भएको कार्यक्रममा भिमफेदी गाउँपालिका अध्यक्ष हिदम लामाले अनौपचारिक क्षेत्रका श्रमिकहरूलाइ कोषमा सूचिकरण गरेका बिषयमा प्रकाश पार्नु भएको कार्यक्रममा बागमती प्रदेश श्रम सल्लाहकार परिषद्का विज्ञ सदस्य तथा जिफन्ट बागमती प्रदेश अध्यक्ष रामहरी नेपालले सहजीकरण गर्नु भएको थियो । 

कार्यक्रममा पालिका प्रमुख, उपप्रमुख र सरोकारवालाहरूले आफ्ना सुझाव र जिज्ञासा राखेका थिए ।
 

श्रमिकको रोजगारी संकटमा परेको विषयमा भएको विरोध कार्यक्रमलाई संबोधन गर्दागर्दै हृदयघातबाट निधन हुनु भएका  जिफन्टका तत्कालिन उपाध्यक्ष कमल गौतमको १३ औं पुन्यतिथिमा जिफन्ट लुम्बिनी प्रदेश अन्तर्गत नेपालगंजको औद्योगिक क्षेत्रमा कार्यरत श्रमिकहरु बिच कार्तिक २६ गते  जिफन्ट राष्ट्रिय कमिटि सदस्य पुर्ण केसिको नेतृत्व शोकसभा गरेको छ ।

त्यसैगरी सोही दिन  जिफन्ट बागमती प्रदेश कार्यालयकाठमाण्डैमा र  मकवानपुर जिल्ला समन्वय कमिटीले हेटौंडामा शोकसभा अयोजना गरेको छ ।

जेन्जी आन्दोलनमा भएको तोडफोडपछि बन्द रहेको हयात रिजेन्सी होटल मर्मतका नाममा होटलमा कार्यरत सम्पूर्ण श्रमिकलाई एकैपटक रोजगारी अन्त गर्ने हयात व्यवस्थापनको कदम प्रति नेपाल ट्रेड युनियन महासंघ जिफन्टद्वारा खेद ब्यक्त गरेको छ ।

हायत होटल व्यवस्थापनले वार्ताको प्रक्रियालाई बेवास्ता गर्दै १३३ स्थायी र करिब ३५० करार श्रमिकलाई निस्कासन गर्ने अमानवीय निर्णय श्रम ऐनको उल्लङ्घन, औद्योगिक शान्तिमाथिको प्रहार र श्रमिक अधिकारमाथिको निर्दयी आक्रमण भएको जिफन्टको ठहर छ ।
 

नेपाल ट्रेड युनियन महासंघ (जिफन्ट) अध्यक्ष बिनोद श्रेष्ठले स्वास्थ्य स्वयंसेविकाहरूलाइ प्रदेश र स्थानीय सरकारले नीति र कार्यविधिहरु बनाएर योगदानमा आधारित सामाजिक सुरक्षा कोषमा आवद्ध गराउनु पर्ने र तीनिहरूको काम मर्यादित हुनु पर्ने बताउनु भएको छ ।

अध्यक्ष श्रेष्ठले कार्तिक २६ गते पब्लिक सर्भिस इन्टरनेशनल पिएसआइ नेपाल कमिटीको आयोजनामा सरोकारवालाहरु र स्वास्थ्य स्वयंसेविकाहरुसंग भएको सम्बाद कार्यक्रम सो कुरा बताउनु भएको हो ।

एनटियुसी अध्यक्ष योगेन्द्र कुंवर, सार्टुक महासचिब लक्ष्मण बस्नेत, जिफन्ट आवद्ध नेभा अध्यक्ष गिता थिङ लगायतले मन्तब्य राख्नु भएको कार्यक्रममा जनप्रतिनिधीहरूको सहभागिता रहेको थियो ।