श्रेणी : सूचना सञ्चार
सूचित रहनुहोस्, प्रेरित रहनुहोस्। हाम्रो समाचार पृष्ठमा स्वागत छ।
जुगकाटेमयूको १९ औँ बैठक सम्पन्न
नेपाल ट्रेड युनियन महासंघ जिफन्ट अध्यक्ष बिनोद श्रेष्ठले श्रम संसारमा अएको परिवर्तनसँगै ट्रेड यूनियन अन्दोलनले पनि समय र परिस्थिति अनुरूप कामलाई अगाडी बढाउनु पर्नेमा जोड दिनुभएको छ ।
अध्यक्ष श्रेष्ठले सो कुरा जेठ २१ गते जिफन्ट सभाहलमा सम्पन्न जुट, गार्मेन्ट, कार्पेट, टेक्सटाइल मजदुर युनियन नेपाल (जुगकाटेमयू) को १९ औँ बैठकलाई सम्बोधन गर्नुहुँदै बताउनु भएको हो ।
जुगकाटेमयू अध्यक्ष अर्जुन अधिकारीको अध्यक्षतामा सम्पन्न सो बैठकमा जिफन्ट महासचिव लक्ष्मण शर्माले जिफन्टको महाधिवेशनले पारित गरेका नीति तथा कार्यक्रमहरूलाई यूनियनको कामसँग जोडेर लानु पर्ने भन्नु हुँदै श्रम आन्दोलनमा देखापरेका चुनौतीलाई सामना गर्न योजना बनाउनु पर्नेमा जोड दिनुभएको जुगकाटेमयूका महासचिव हरिभक्त अर्यालले जानकारी दिनु भएको हो ।
नाबुन जितपुरसिमारा उपमहानगर अध्यक्षमा ओमकुमारी शर्मा
राष्ट्रिय सौन्दर्यकर्मी युनियन नेपाल (नाबुन) मधेश प्रदेश र जितपुरसिमारा उपमहानगर कमिटीको जेठ २० गते सिमरामा सम्पन्न अधिवेशनले ओमकुमारी शर्माको अध्यक्षतामा ७ सदस्य मधेश प्रदेश कमिटी र ११ सदस्य जितपुरसिमरा उपमहानगर कमिटी चयन गरेको छ ।
नेपाल ट्रेड युनियन महासंघ (जिफन्ट) राष्ट्रिय कमिटी सदस्य तथा नाबुन केन्द्रीय संयोजक पम्फा देवकोटा पहारीको प्रमुख आतिथ्यतामा सम्पन्न अधिवेशनमा जिफन्ट मधेश प्रदेश अध्यक्ष कमलेश झा, सचिव मुक्ती चौधरी, नाबुन केन्द्रीय सचिव सुजना जोशी लगायतका नेताहरूले अधिवेशन सफलताको शुभकामना दिनु भएको थियो ।
नाबुन मधेश प्रदेश अध्यक्ष सुमित्रा सापकोटाको अध्यक्षतामा सम्पन्न अधिवेशनका प्रमुख अतिथि नाबुन संयोजक पहारीले नाबुनको इतिहास, महत्वको बारेमा बोल्नु हुँदै नवनिर्वाचित दुबै कमिटीलाई शपथ ग्रहण गराउनुभयो।
जिफन्ट मधेश प्रदेश अध्यक्ष कमलेश झाले जिफन्टको संरचना र योगदानमा अधारित सामाजिक सुरक्षाबारे प्रकाश पार्नुभएको सो अधिवेशनमा नाबुन केन्द्रीय सचिव सुजना जोशीले नाबुनको संरचना, सदस्यको काम कर्तब्य र अधिकार बारेमा प्रकाश पार्नु भएको थियो ।
क्युपेक–नेपालले १५ हजार नया सदस्य थप गर्ने
नेपाल बिजुली, पेण्टर, प्लम्बर तथा निर्माण मजदुर यूनियन (क्युपेक नेपाल) को चौथो राष्ट्रिय अधिवेशन प्रतिनिधि परिषद बैठक जेठ १९ गते बुटवलमा सम्पन्न भयो ।
क्यूपेक प्रतिनिधि परिषद प्रमुख नरनाथ लुइटेलको अध्यक्षतामा, उपप्रमुख स्मृति लामाले संचालन गर्नुभएको सम्पन्न सो बैठकले १५ बुँदे आगामी कार्यक्रम र ७ बुँदे घोषणा-पत्र जारी गरेको छ ।
बैठकले अगामी वर्ष थप १५ हजार नयाँ सदस्य र ६० प्रतिशत नविकरण र ३१५ वटा पालिकामा संगठन विस्तार पुर्याउने निर्णय गरेको छ ।
त्यसै गरी सदस्यता डिजिटल्ली बनाउन जिफन्ट एप्सलाई प्रयोगका लागि सदस्यहरूलाई प्रेरित गर्ने, ठुला परीयोजनाहरूमा मुख्य प्राथमिकताका साथ संगठन विस्तार तथा परिचालन अभियान संचालन गर्ने, महिला तथा युवा केन्द्रीत कार्यक्रम लगायतका कामहरू यस वर्ष प्राथमिकताका साथ गर्ने बैठकले निर्णय गरेको क्यूपेक केन्द्रीय कार्यालयले जनाएको छ ।
गत जेठ १८ गते नेपाल ट्रेड युनियन महासंघ (जिफन्ट) अध्यक्ष बिनोद श्रेष्ठले उद्घाटन गर्नु भएको सो चौथो राष्ट्रिय अधिवेशन प्रतिनिधि परिषद बैठकमा गत वर्ष सदस्य विस्तार अभियानमा उत्कृष्ट रहेका जिल्लाहरू मकवानपुर, ललितपुर, नवलपरासी र म्याग्दी जिल्लालाई प्रमुख अतिथि श्रेष्ठले सम्मान-पत्र प्रदान गरेको थियो ।
श्रमिक हीतकालागि योगदानमा आधारित सामाजिक सुरक्षा विकल्प रहीत योजना
नेपाल ट्रेड युनियन महासंघ (जिफन्ट) अध्यक्ष बिनोद श्रेष्ठले श्रमिकहरूको हीतका लागि योगदानमा आधारित सामाजिक सुरक्षा विकल्प रहीत योजना भएकाले यससको नाममा यो वा त्यो विकल्प नसोच्न सरोकारवालाहरूलाई आग्रह गर्नुभएको छ ।
अन्तर्राष्ट्रिय ट्रेड यूनियन महासंघ– नेपाल आवद्ध परिषद (आईटियुसी एनएसी) द्वारा आयोजित "योगदानमा आधारित सामाजिक सुरक्षा प्रणालीमा भएका समस्याहरुको विश्लेषण" कार्यक्रममा अध्यक्ष श्रेष्ठले सो धारणा राख्नुभएको हो ।
जेठ १९ र २० गते काठमाडौंमा आयोजित उक्त कार्यक्रम जिफन्ट, एनटियुसी र अन्टुफका अध्यक्षहरुको अतिरिक्त प्रमुख नेताहरुको छलफलद्वारा सामाजिक सुरक्षाको विषयमा ७ वर्षका लागि मध्यकालीन कार्ययोजना तय गरेको छ ।
नाबुन लेखनाथको नवौ बार्षिक साधारण सभा सम्पन्न
राष्ट्रिय सौन्दर्यकर्मी युनियन नेपाल (नाबुन) लेखनाथ ईकाइ कमिटिको नवौ बार्षिक साधारण सभा जेठ १९ गते सम्पन्न भयो ।
इकाई कमिटि अध्यक्ष लता गुरूङको अध्यक्षतामा कास्की जिल्लाको लेखनाथमा सम्पन्न उक्त साधारण सभामा प्रमुख अतिथि तथा नेपाल ट्रेड युनियन महासंघ जिफन्ट संसदीय तथा स्थानीय तह संयोजन परिषद प्रमुख मिना गुरुङ, नाबुन प्रतिनिधि परिषद प्रमुख सुमन गुरुङ, जिफण्ट गण्डकी प्रदेश उप सचिव तथा महिला कमिटी अध्यक्ष सगिता पाण्डे, नाबुन गण्डकी प्रदेश अध्यक्ष शुष्मा शाह र नाबुन लेखनाथ कमिटीका संस्थापक अध्यक्ष जिना मगर लगायतले सम्बोधन गर्नुभएको थियो ।
आर्थिक सामाजिक सम्पदा र मर्यादा जिफन्टको एउटा मात्र अभिष्टः अध्यक्ष विनोद श्रेष्ठ
नेपाल ट्रेड युनियन महासंघ (जिफन्ट) अध्यक्ष विनोद श्रेष्ठले श्रमिकहरुको आर्थिक सामाजिक सम्पदा र मर्यादा जिफन्टको एउटा मात्र अभिष्ट भएको बताउनु भएको छ।
अध्यक्ष श्रेष्ठले सो कुरा जिफन्ट आवध्द निर्माण श्रमिकहरुको युनियन नेपाल बिजुली, पेण्टर प्लम्बर तथा निर्माण मजदुर यूनियन क्युपेक नेपालको २८औं स्थापना दिवसको उपलक्ष्यमा जेठ १८ गते बुटवलमा आयोजित राष्ट्रिय महाधिवेशन प्रतिनिधि परिषदको बैठकमा बताउनु भएको हो।
क्यूपेक अध्यक्ष शान्ता बस्नेतको अध्यक्षतामा भएको उद्घाटन समारोहमा अध्यक्ष श्रेष्ठले बदलिँदो श्रम बजारमा आएका परिवर्तनहरुलाई आत्मसात गर्दै युनियनका नीति तथा रणनीतिहरु पनि बदलेर हरदम सशक्त र प्रभावकारी रहन परिषद सदस्यहरूलाइ निर्देशन गर्नुहुदै अबको नेपाली श्रम आन्दोलनले विगतमा श्रमिकहरुको बलिदानीपूर्ण योगदानहरुले प्राप्त राजनीतिक परिवर्तन, संविधानमा मौलिक हकको रुपमा व्यवस्थित गरिएका श्रमिकका अधिकारहरु तथा श्रम कानुनहरुको पालना गर्ने गराउने दिशामा अघि बढ्नु जरुरी रहेको बताउनु भयो ।
अध्यक्ष श्रेष्ठले सम्पूर्ण श्रमिकहरुले भेदभाव बिना पाउनुपर्ने योगदानमा आधारित सामाजिक सुरक्षामा आफ्नो योगदान गर्दै र रोजगारदाता तथा सरकारको सहयोगदानको लागि डटेर अघि बढ्ने अभियानमा सबै कृयाशिल रहन आव्हान गर्नुभयो।
समारोहमा जिफन्ट महासचिब लक्ष्मण शर्मा लगाएतका अतिथीहरूले श्रम अन्दोलनका बारेमा प्रकाश पार्नु भएको थियो ।
करीव १५० जना परिषद सदस्य सहभागी रहेको परिषद बैठक जेठ १८ र १९ गते दुर्इ दिन संचालन भएको थियो ।
