राष्ट्रिय सौन्दर्यकर्मी युनियन नेपाल (नाबुन) धरान उपमहानगर कमिटीको जेठ २४ गते सम्पन्न अधिवेशनले नर माया तामाङको अध्यक्षतामा ९ सदस्यीय धरान उपमहानगर कमिटी गठन गरेको छ । 

नाबुन केन्द्रिय संयोजक पम्फा देबकोटा पहारीको प्रमुख आतिथ्यता सम्पन्न सो अधिवेशनमा नाबुन केन्द्रिय सचिब सुजना जोशी, जिफन्ट धरान उपमहानगर कमिटी अध्यक्ष समशेर बर्देवा लगाएतका अतिथीहरूले नवनिर्वाचित कमिटीलाइ बधाइ तथा शुभकामना मन्तब्य राख्नु भएको थियो । 

त्यसैगरी राष्ट्रिय सौन्दर्यकर्मी युनियन नेपाल नाबुन इटहरी उपमहानगर कमिटीको आयोजनामा निःशुल्क पाँच दिने सेल्फ मेकअप तालिम इटहरीमा सुरू गरेको छ ।

नाबुन केन्द्रिय संयोजक पम्फा देबकोटा पहारीको प्रमुख आतिथ्यता जेठ २४ गते एक कार्यक्रमको अयोजना गरी तालिमको शुभारम्भ गरेको हो ।

नाबुन इटहरी उपमहानगर कमिटीका अध्यक्ष सृजना बस्नेतको अध्यक्षता सम्पन्न सो तालिम शुभारम्भ कार्यक्रममा नाबुन केन्द्रीय सचिव सुजना जोशी, केन्द्रीय सचिवालय सदस्य ममता प्रधान, केन्द्रीय सदस्य गंगा तामाङले शुभकामना दिनु भएको थियो ।

४० जना प्रशिक्षार्थी सहभागी उक्त तालिम क्लासिक ब्युटी एकेडेमी, इटहरी मेकअप स्टुडियो, डिजिएन मेकअप स्टुडियो, कलर नेल्स ब्यूटी पार्लर, श्रेयाश्री ब्यूटी पार्लर  र प्रीति मेक अप एन्ड नेल स्टुडियोमा कक्षा सन्चालन गर्ने तालिम कार्यक्रम संयोजक पूजा भट्टराई जानकारी दिनु भएको छ । 

नेपाल स्वास्थ्य स्वयसेवि संघ नेभाले जेठ २४ गते कर्णाली प्रदेश सामाजिक बिकास मन्त्री माननिय बिर बहादुर शाही समक्ष जिफन्ट कर्णाली  प्रदेश सचिब श्रीपाल सारूको नेतृत्वमा नेभा केन्द्रीय सदस्य भिमु रोकाय रिजाल लगाएतका नेताहरूको सहभागीतामा स्वास्थ्य स्वयसेविहरूको माग पत्र पेश गरेको छ । 

माननिय मन्त्री बिर बहादुर शाहीले स्वास्थ्य स्वयमसेवीहरूले भोग्दै आइरहेका समस्याहरूलाइ प्रदेश सरकारले सम्बोधन गर्ने प्रतिवध्दता जनाउनु भयो । 

त्यसैगरी सुर्खेत जिल्लाको गुर्भाकोट नगर पालीका प्रमुख हस्त पुन स्वास्थ्य प्रमुख पुर्ण घर्तिलाई स्वास्थ्य स्वयमसेवि मनकुमारि गुरुङको नेतृत्वमा मागपत्र बुझाएको छ 

राष्ट्रिय सौन्दर्यकर्मी युनियन नेपाल (नाबुन) कोशी प्रदेशको तेस्रो अधिवेशन जेठ २३ गते झापाको बिर्तामोडमा नाबुन प्रदेश अध्यक्ष आषा लिम्बुको अध्यक्षता सम्पन्न भयो ।

तेश्रो अधिबेसनबाट कला डांगीको अध्यक्षतामा ९ जनाको नाबुन कोशी प्रदेश कमिटी चयन गरेको छ ।

नाबुन केन्द्रिय संयोजक पम्फा देबकोटा पहारीको प्रमुख आतिथ्यता सम्पन्न सो अधिवेशनमा नाबुन पर्व अध्यक्ष तथा जिफन्ट स्थानिय तथा संसदिय बिभाग प्रमुख मिना गुरूङ, राष्ट्रिय कमिटी सदस्य सुमन गुरुङ लगाएतका नेतहरूलाइ सम्मान समेत गरेको थियो । 

अधिबेशनमा जिफन्ट कोशी प्रदेश सहसचिब हरी अधिकारी, नेपाल स्वतन्त्र चिया कफि मजदुर यूनियन अध्यक्ष सन्त कुमार राइ, नाबुन केन्द्रिय सचिब सुजना जोशी लगाएत नेताहरूले नव निर्वाचित कमिटिलाइ बधाइ तथा कार्य सफलताको शुभकामना दिनु भएको थियो । 

अधिवेशनमा नाबुन केन्द्रिय सचिबालय सदस्य ममता प्रधान, धनु कन्दङ्वा लगाएतका नेताहरूको सहभागिता रहेको थियो । 

राष्ट्रिय सौन्दर्यकर्मी युनियन, नेपाल (नाबुन) ले जेठ २१ गते जनकपुर उपमहानगरपालिकामा सोन्दर्यकर्मीहरूको भेलाले  सरिता कुमारी साहको अध्यक्षतामा ७ सदस्यीय उपमहानगर कमिटी गठन गरेको छ । 

नेपाल ट्रेड युनियन महासंघ जिफन्ट धनुषा जिल्ला समन्वय कमिटी अध्यक्ष रामचन्द्र मण्डलको अध्यक्षतामा जिफन्ट राष्ट्रिय कमिटी सदस्य तथा नाबुन संयोजक पम्फा देवकोटा पहारीको प्रमुख आतिथ्यमा सम्पन्न सो भेलामा जिफन्ट मधेश प्रदेश अध्यक्ष कमलेश झा, नाबुन केन्द्रीय सचिव सुजना जोशी लगायतले निर्वाचित कमिटीहरूलाई शुभकामना तथा बधाई  ज्ञापन गर्नुभयो । 

कार्यक्रममा नाबुन केन्द्रीय सदस्य तथा मधेश इन्चार्ज सुमित्रा सापकोटा, जिफन्ट पूर्व राष्ट्रिय कमिटी सदस्य राम नरेश सिंह, शिला झा, बिन्दु श्रीवास्तब लगायत नेताहरूको सहभागिता रहेको थियो । 

नेपाल ट्रेड युनियन महासंघ जिफन्ट सहयोग समुह मलेशिया र नेशनल युनियन NATIONAL UNION OF TRANSPORT EQUIPMENT AND ALLIED INDUSTRIES WORKERS 

NUTEAI को संयुक्त अयोजनामा जुन ३ तारीक युनियनको सभाकक्षमा ट्रेड युनियन अधिकार, श्रम कानुन र सामुहिक सोध्दावाजीको फाइदा बारेमा प्रशिक्षण सम्पन्न भयो । 

प्रशिक्षण कार्यक्रमका प्रशिक्षक नेशनल युनियनका महासचिव श्री गोपाल किस्नामले प्रवासी श्रमिक र स्थानिय श्रमिकहरूले पाउने सुबिधा तथा अधिकारका बारेमा प्रशिक्षण दिनु भएको थियो । 

त्यसैगरी मुद्दामामिला तथा श्रम कानुनका बारेमा सुब्रा मनियम कानुन सहयोगि इस्कान्दरले प्रशिक्षण दिनु भएको सो कार्यक्रममा  जिफन्ट मलेशिया संयोजक श्री वेदकुमार खतिवडाले समग्र ट्रेड यूनियन अन्दोलनको बारेमा प्रशिक्षण दिनु भएको थियो । 

राष्ट्रिय सौन्दर्यकर्मी युनियन, नेपाल नाबुनको जेठ २२ गते उदयपर जिल्लाको त्रियुगा नगरपालिकामा सम्पन्न नगर भेलाले रेजिला राईको अध्यक्षतामा ११ सदस्यिय त्रियुगा नगर कमिटी गठन गरेको छ । 

भेलाका प्रमुख अतिथि त्रियुगा नगरपालिका उपप्रमुख महेश्वरी राईले संगठनको आबश्यकता र महत्वको बारेमा बोल्नुहुदै, आत्मनिर्भरताले महिलाको जिबनस्तर परिवर्तन हुने हुंदा पेशागत क्षमता अभिबृदी संगसंगै श्रमिक अधिकारको बारेमा सचेत हुन अवश्यक रहेको बताउनु भयो । 

नेपाल ट्रेड युनियन महासंघ जिफन्ट राष्ट्रिय कमिटी सदस्य तथा नाबुन केन्द्रिय संयोजक पम्फा देबकोटा पहारीले नवगठीत कमिटीलाइ बधाइ तथा शुभकामना दिनु हुदै नाबुनको स्थापनाको ईतिहास र भुमिकाको बारेमा प्रकाश पार्नु भयो । 

त्यसैगरी जिफण्ट राष्ट्रिय कमिटी सदस्य माया भण्डारीले सौन्दर्य क्षेत्रमा कार्यरत श्रमिकहरूको अधिकार प्राप्तीकालागी संगठित हुनुको बिकल्प नरहेको भन्नु हुदै यस क्षेत्रमा कार्यरत सबैलाइ नाबुन संगठीत गर्ने अभियानमा लाग्नु पर्नेमा जोड दिनुभयो ।

केन्द्रीय सचिव सुजना जोशीले युनियनको उदेश्य, ब्यवसायजन्य स्वास्थ्य सुरक्षा र सिप प्रमाणीकरणको महत्व बारेमा प्रकाश पार्नु भएको सो भेलामा जिफन्ट कोशी प्रदेश उपाध्यक्ष शशी कुमार राई, लगायतका अतिथीहरूको सहभागिता रहेको थियो ।