नेपाल ट्रेड युनियन महासंघ (जिफन्ट) को राष्ट्रिय प्रतिनिधि परिषद बैठक हिँजो असार ५ गते काठमाडौंमा शुभारम्भ भयो ।  नेकपा (एमाले) का उपमहासचिव तथा जिफन्ट संरक्षक विष्णु रिमालको अध्यक्षतामा दुइ दिनसम्म जारी रहने उक्त बैठकमा देशैभरीका परिषद सदस्यहरूले भाग लिइहेका छन् ।

परिषद बैठकको उद्घाटन सत्रमा समावेशी आयोगका सदस्य हरिदत्त जोशी, नेकपा (एमाले) जनसंगठन संयन्त्र प्रमुख भानुभक्त ढकाल,  एफईएस नेपाल प्रतिनिधि चन्द्रदेव भट्टको समेत उपस्थिति रहेको थियो । उक्त अवसरमा  हालै प्रधानमन्त्री केपी शर्मा वलीको प्रमुख सल्लाहकार नियुक्त हुनुभएका जिफन्ट संरक्षक विष्णु रिमाललाई जिफन्ट अध्यक्ष बिनोद श्रेष्ठले बधाई एवम् शुभकामना प्रदान गर्नुभयो ।

परिषद बैठको पहिलो दिन जिफन्ट ऐक्यवद्धता कोषको राष्ट्रिय भेलाको समेत आयोजना गरिएको थियो । कोषलाई थप व्यवस्थित र प्रभावकारी बनाउन कोष सञ्चालन-परिचालन नियमावली-२०७३ लाई शंसोधन गर्ने सम्बन्धी जिफन्ट महासचिव लक्ष्मण शर्माद्वारा प्रस्तुत प्रस्ताव माथी भेलाका प्रतिनिधिहरूले सुझाव राखेका थिए ।  

उक्त अवसरमा जिफन्टले गत वर्षको असार २४ देखि शुरू गरेको दैनिक डिजिटल बुलेटिन 'श्रमिक खबर' को पहिलो वार्षिकोत्सवको अवसरमा बुलेटिन उत्पादन समूहमा संलग्न समाचार सम्पादक, प्राविधिक र समाचार वाचकहरू अमर ध्वज लामा, बिक्रम श्रेष्ठ, सबिता बस्नेत, जेनिश श्रेष्ठ रबिन गोपाली, सुप्रिया राइ, बिष्णु खनाललाई जिफन्ट अध्यक्ष विनोद श्रेष्ठले सम्मानित गर्नुभयो । सोही क्रममा श्रमिक खबर नियम हेर्ने, सुन्ने र सामाजिक सञ्जालमा सवैभन्दा बढी सेयर गर्ने दुइजना गण्डकी प्रदेशकी सङ्गीता पाण्डे र  सुदुर पश्चिम प्रदेशका दानसिंह विष्टलाई सम्मानित गरिएको थियो ।

परिषद बैठकको पहिलो सत्रमा महासचिव लक्ष्मण शर्माले राष्ट्रिय कमिटिको प्रतिवेदन, बाबुराम कोइरालाले आर्थिक प्रतिवेदन र अध्यक्ष बिनोद श्रेष्ठले आगामी कार्यक्रमहरूको प्रस्ताव प्रस्तुत गर्नुभयो । बैठकको कार्यसूचि अनुसार पहिलो दिन प्रस्तुत प्रतिवेदन र प्रस्तावहरू आज साउन ६ गते छलफल गरि पारित गरिने छ । 

थप फोटोकोलागी ………..

https://www.facebook.com/media/set/?set=a.122097910820435116&type=3

प्रधानमन्त्री केपी शर्मा ओलीका प्रमुख सल्लाहकार तथा नेपाल ट्रेड युनियन महासंघ (जिफन्ट) संरक्षक विष्णु रिमालले पद, प्रतीष्ठाको लोभ नगरी श्रमजीवीवर्गको मुक्ति आन्दोलनको निष्ठा कायम गर्न जिफन्ट सफल रहेको बताउनु भयो । नेपाल ट्रेड युनियन महासंघ (जिफन्ट) को राष्ट्रिय प्रतिनिधि परिषद बैठकको अध्यक्षता गर्नुभएका रिमालले सम्बोधनका क्रममा उक्त विचार व्यक्त गर्नुभएको हो । 

नेकपा (एमाले) का उपमहासचिव समेत रहनु भएका रिमालले जिफन्टलाई अतिरञ्जित गराई श्रमिकहरूको विश्वास गुम्न नदिन समेत परिषद सदस्यहरू सचेत हुनुपर्नेमा जोड दिनुभयो । 

वर्तमान सरकार निराशा चिर्दै अर्थतन्त्रको सुधार गर्नेतर्फ उन्मुख रहेकाले स्थानीय तहसम्मका श्रमिकहरूलाई सामाजिक सुरक्षा कार्यक्रममा जोडाउँदै जिफन्टले सरकारलाई सघाउन समेत नेता रिमालले आग्रह गर्नुभयो ।

परिषद बैठकलाई सम्बोधन गर्दै नेकपा (एमाले) जनसंगठन संयन्त्र प्रमुख भानुभक्त ढकालले पार्टीका २३ जनसंगठन मध्ये पार्टीलाई सघाउन सबैभन्दा अग्रपङ्तिमा रहँदै आएकोमा जिफन्टको प्रशंसा गर्नुभयो । 'जिफन्टलाई अराउनु पर्दैन, बोलेको पुरा गर्छ' उहाँले भन्नुभयो । 

देशैभरी सञ्जाल रहेको जिफन्टले अव स्थानीयस्तरमा रहेको पार्टी कमिटिहरूमा प्रभाव सिर्जना गर्ने गरी काम गर्न समेत जनसंगठन संयन्त्र प्रमुख भानुभक्त ढकालले परिषद सदस्यहरूलाई सुझाव दिनुभयो । 
 

नेपाल ट्रेड युनियन महासंघ जिफन्ट अवध्द यूनियन नेपाल अटो मेकानिक्स ट्रेड युनियन (नाटु) को २७ औं स्थापना दिवस साउन ४ गते देरभर बिभिन्न कार्यक्रमको अयोजना गरी मनाइएको छ ।

नाटु अध्यक्ष प्रदिप घिमिरेको अध्यक्षतामा काठमाण्डौंमा सम्पन्न कार्यक्रमको प्रमुख अतिथि जिफन्ट अध्यक्ष बिनोद श्रेष्ठ हुनु हुन्थो  ।

त्यसैगरी लुम्बीनी प्रदेशको बुटवलमा रक्तदान र दिपप्रज्वलन गरी स्थापना दिवस मनाएएको छ भने सुदुर पश्चिम  प्रदेशको कन्चनपुरमा रक्तदान तथा बृक्षारोपण कार्यक्रमको अयोजना गरी संगठनको २७ औं स्थापना दिवस मनाइएको खवर प्राप्त भएको छ । 

काठमाडौं महानगरभित्र रहेका सार्वजनिक यातायातको टिकट बुकिङ काउन्टरहरूलाई यही साउन २० गतेभित्र व्यवस्थित गर्ने विषयमा सम्झौता भएको छ । काठमाडौं महानगरपालिकाका प्रतिनिधिसँग नेपाल राष्ट्रिय यातायात व्यवसायी महासंघका पदाधिकारीहरू र नेपाल यातायात स्वतन्त्र मजदुर सङ्गठन लगायत यातायात क्षेत्रका ३ वटै महासंघहरूबीच साउन १ गते सम्पन्न छलफलबाट उक्त विषयमा सम्झौता भएको हो ।

काठमाडौं महानगरपालिकाले साउन १ गतेदेखि किटक बुकिङ काउन्टर हटाउने भन्दै गत असार २७ मा सार्वजनिक सूचना प्रकाशित गरेपछि सरोकारवालाहरूले असार ३१ गते विज्ञाप्ति जारी गर्दै महानगरको निर्णयको विरोध गरेका थिए । 

नेकपा एमालेका पोलिटब्यूरो सदस्य तथा नेपाल ट्रेड युनियन महासंघ (जिफन्ट) अध्यक्ष बिनोद श्रेष्ठले प्रतिकृयावादीहरूले नेपाली श्रमिक आन्दोलन कमजोर भएको भ्रम छर्ने गरेको बताउनु भएको छ । 

नेपाल कम्युनिष्ट पार्टीका संस्थापक महासचिव स्वर्गीय पुष्पलालको १०० औं वर्षगाठ तथा ४६ औं स्मृति दिवसको उपलक्ष्यमा नेकपा (एमाले) रामेछाप काठमाडौं सम्पर्क मन्चद्वारा आयोजित 'श्रमिक भेला तथा अन्तरक्रिया कार्यक्रमका प्रमुख अतिथि श्रेष्ठले भेलालाई सम्बोधन गर्ने क्रममा उक्त आग्रह गर्नु भएको हो ।

प्रमुख अतिथि श्रेष्टले ट्रेड युनियन आन्दोलने थुप्रै उपलब्धी हासिल गरेको तर केही उपलब्धी नभएको भाष्य निर्माण गर्नखोज्नेहरूप्रति चनाखो रहन आग्रह गर्नुभयो । 

नेपाल ट्रेड युनियन महासंघ (जिफन्ट) उपाध्यक्ष रमेश बडाल महान्यायधिवक्ता नियुक्त हुनुभएको छ । प्रधानमन्त्री केपी शर्मा वलीको सिफारिसमा राष्ट्रपति रामचन्द्र पौडेलले बरिष्ठ अधिवक्ता बडाललाई साउन २ गते उक्त पदमा नियुक्त गर्नुभएको हो । महान्यायधिवक्ता नियुक्त हुनुभएकोमा जिफन्ट अध्यक्ष विनोद श्रेष्ठले उपाध्यक्ष बडाललाई समस्त श्रमिकहरूको तर्फबाट बधाई ज्ञापन गर्दै कार्यकालको सफलताको कामना गर्नुभएको छ । 

उहाँ यस अघि पनि प्रधानमन्त्री केपी शर्मा ओलीको अघिल्लो कार्यकालमा २०७७ चैतदेखि २०७८ असारसम्म करिब चार महिना, महान्यायाधिवक्ताको जिम्मेवारीमा रहनु भएको थियो ।